رواية تحدي حبك الفصل الخامس عشر 15 بقلم مريم علي

رواية تحدي حبك الفصل الخامس عشر 15 بقلم مريم علي

البارت الخامس عشر

الحلقة 15 ❤ ❤ ❤

كانت فريدة تجلس فى حجرتها تضع كتبها امامها لتدرس ولكن عقلها وقلبها كانا مع عمرو ………
فريدة وهى تحدث نفسها بصوت واطى :ياترى هو مجاش الشركة النهاردة ليه
ولاممكن يكون جه وروح بدرى لا داانا روحت الشركة بدرى ودايمااا فى الميعاد دااا بلاقيه فى الشركة
ثم شهقت بشدة :ليكون حصل له حاجة وخيال خافت تقولى
…….بس خيال كانت طبيعية اوووى وكل اللى فى الشركة كمان
ثم وهى تضع يديها على قلبها :بس انا قلبى بيوجعنى اوووى ومقبوض كمان وحاسة ان فى حاجة حصلت له
ماانا كده مش هعرف انام طول ماانا قلقانة عليه …….
ثم رفعت نظرها للسما :يارب ريح باله يااااااارب وابعد عنه كل شر
ثم وهى تتنهد :واجعلنا من نصيب بعض فى الحلال ياااااااااااارب ………
دق هاتف فريدة برقم صديقتها فردت عليهاااوهى حزينة للغاية ………
___________________________________

فى الاتجاه الاخر بعد ان غادر عمرو كانت هايدى تجلس وهى تغلى بشدة من اعترافه لها بحبه لفتاة اخرى وجاءت ندى فى نفس الوقت وانضمت اليهاااا………..

ندى وهى تلقى بهاتفها على الطاولة بعنف وتنظر لهايدى التى تهز رجليها بشدة من اثر الغيظ والتوتر :مالك ايه اللى حصل مبوزة كده ليه
هايدى بصيااااااح وزعيق :
عمرو بيه طلع بيحب بنت تانية لا بيحبها ايه دا بيقول انه بيعشقها وكمان هيتجوزهااا قريب اووووى ….. وبيقولى انا مش هتجيبى سكة معايااا ……….
ندى :ششششششش وطى صوتك هتلمى الناس علينا
وبعدين ايه الجديد يعنى
هايدى بدهشة :نعم !!!!
يعنى انتى كنتى عارفة
ندى :لا طبعاااااا مااعرفش بس انا عارفة انه مش سهل انك توقعيه كدااااا
هايدى وهى فى قمة غضبها :
نفسى اعرف مين السنيورة اللى هو بيحبها دى وقع عليها فيييين
ندى بشك :اكييييييد حد نعرفه
ثم اردفت قائلة :سيبك منه دلوقتى شوفى اللى انا فيه بقى
هايدى بلامبالاة :فى ايه انتى كمان
قصت عليها ندى كل مادار بينها وبين على وخيال منذ ان قابلتهم فى الشركة …………….
ندى بغيظ: شوفتى بيقولى عقبال ماتتجوزى حد بتحبيه وبتموتى فيه
حبها امتى دى مابقالهاش كام شهر فى الشركة واحنا فى وش بعض بقالنا سنين………. بس على مين دا ليا انا …انا وبس لما نشوف مين الكسبان فى الاخر ……..
هايدى :وناوية تعملى ايه بقى ياكسبانة هانم
ندى بخبث وهى تضع رجل على رجل :
هتعرفى ماتستعجليش على رزقك
___________________________________
فى الليل كانت خيال تشعر بالم شديييد فى بطنها
دخلت الحمام ثم خرجت تتافف :وده وقته يعنى
ارتدت ملابس خروج وخرجت من غرفتها …..
قابلت على فى الصالون مازال يشاهد المباراة ومندمج بشدة
انتبها لها على فقال باستغراب :ايه دا انتى رايحة فين
خيال بخجل وتلعثم فى الكلام وهى تظبط حجابها :
انا…..انا رايحة اشترى حاجة وجاية
على :لا والله حاجة ايه اللى هتشتريها دلوقتى انتى مش عارفة الساعة كاااام ولا ايه
خيال وهى تدير وجهها عنه :حاجة لازم اشتريها دلوقتى ومش هتاخر
على :ايوة يعنى حاجة ايه وانا اجيبها انتى مش هينفع تنزلى دلوقتى
خيال بسرعة :لا لا لا انت مش هينفع تجيبها
ثم نظرت ارضااا وهى مكسوفة :اصلها حاجة بناتى لازم انا اجبهاااا
على وقد فهم ولكنه كان مستمتع بكسوفها :
لا مش هينفع تنزلى من غير ماتقوليلى هتجيبى ايه
اتجهت خيال بعصبية تجاه الباب فامسكها على وهو يضحك :
ادخلى انتى وانا هروح اجيب لك اللى انتى عاوزاه
نزل على امام نظرات خيال المستغربة :
هو راح فين دااا هو عارف انا عاوزة ايه
دخلت خيال غرفتها ابدلت ملابسها
بعد وقت قصير حضر على ومعه شنطة اعطاها اياها وخرج من الغرفة
فتحتها خيال وانصدمت بشدة واحمرت وجنتيها خجلا ………
خيال بصدمة وخجل :يانهار ابيض ايه الواد الجرى دااااا
فتح على الباب فى نفس الوقت ونظر لخيال وهو يضحك بشدة على منظرهاااا
خيال وهى تعطيه ظهرها :انت …. انت عرفت الحاجات دى منيييين
على وهو يقترب منها ومازال يضحك على منظرها :
عادى ياحبيبتى التليفزيون الله يبارك له عرفنا كل حاجة وبعدين انا صايع اوووى بس يبان ان انا مؤدب ……
______________________________________
فى صباح اليوم التالى ذهب الاثنان الى الشركة معا اتجهت خيال الى مكتبها بينما اتجه على الى مكتب عمرو………
على وهو يفتح مكتب عمرو :يعنى انت …..لم يكمل كلامه حيث انه لم يجد عمرو فى مكتبه كالعادة
على بدهشة :ايه داااا هو الواد داا راح فييين
اغلق على المكتب واتجه الى احد الموظفات التى قامت من مكانها فور رؤيته
على :هو عمرو مجاش النهاردة
الموظفة :لا يافندم ولا حتى اتصل
اخرج على هاتفه من جيبه وحاول الاتصال به عدة مرات ولكن فى كل مرة كان يجد هاتفه مغلقاااااا……..
______________________________________
فى الجانب الاخر كان عمرو مازال نائم فى غرفته حتى تدخل عليه والدته
رجاء بدهشة :انا بجد مش مصدقة انك نايم لحد دلوقتى يابنى انت مش وراك شغل فى الشركة
عمرو وهو يشد الغطاء عليه :مش رايح ياماما انا نايم امبارح متاخر مش قادر اشتغل النهاردة
رجاء :اه صحيح امبارح نور اوصتك كان شغال للصبح ايه اللى كان مسهرك للصبح كداااااا
عمرو بزهق :ياماما بطلى اسالة وخدى الباب فى ايديك
رجاء :ماشى ياعمرو اما نشوف اخرتها معاك وسر التغير المفاجى داااا
خرجت رجاء من غرفة عمرو واغلقت الباب ورائها
وهى لاتعرف قمة العذاب الذى يعانى منه ابنها والذى جعله غير قادر على النوم ……
_____________________________________
ظل عمرو على هذا الحال عدة ايام لاياتى الى الشركة
ولم يياس على من الاتصال به يوميا ولكن طوال الوقت كان يجد هاتفه مغلقا وحاول الاتصال به فى البيت ولكن والدته تخبره دائماااا انه غير موجود……

ظلت فريدة تتردد على الشركة يوميا ولكنها كانت لاتجده فى الشركة مما جعلها خائفة بشدة ان يكون اصابه شى وهى لاتعرف حتى كيف تطمئن عليه ……
فى احد الايام جاءت فريدة الى الشركة ودخلت مكتب خيال قبل ان تدخل لوالدها كالعادة لتلقى التحية عليه………
دخلت فريدة مكتب خيال وهى تتنهد بعنف …..
خيال باستغراب :ايه دااا فى ايه يابنتى مالك
فريدة بصوت عالى :مجاش الشركة النهااارة كمان
خيال :اااااه قصدك على عمرو بصراحة هو بقاله كتير مابيجيش الشركة فعلا
فريدة والدموع تترقرق فى عيونهااااا:
انا خايفة اووى يافريدة ليكن جراله حاجة وانتى مخبية عليا
خيال وقد رق قلبها لحال فريدة :
والله ياحبيبتى انا مااعرف عنه حاجة وبعدين ماتقوليش كدااا ان شاء الله خير
فريدة وقد اوشكت على البكاء :
امال مابيجيش الشركة ليه دا عمره ماكان بيتاخر على شغله
وبعدين انا قلبى علطول واجعنى وحاسة انه تعبان ومخنوق
ياخيال انا بحس بيه حتى وانا مش شيفاه ……
قامت خيال من مكانها وجلست بجانب فريدة :
تفائلؤا بالخير تجدوه يافوفة وبعدين تلاقيه عنده ظرووف هى اللى بتخليه مايجيش
فريدة وهى تنهض من مكانها :
وانا مش هستنى انا لازم اعرف هو مابيجيش ليه
خرجت فريدة من مكتب خيال تحت نظرات خيال المستغربة
وذهبت الى احدى الموظفات
فريدة :لو سمحت انا عاوزة تليفون بيت الاستاذ عمرو
الموظفة :والله ياانسة فريدة على بيه لسه طالب منى ان اتصل بيه على البيت بس مش موجود كالعادة
فريدة بزعيق :انا ماليش دعوة بحد لو سمحتى هاتى رقم التليفون
الموظفة بخضة من طريقة فريدة :اتفضلى يافندم
اخذت فريدة رقم التليقون وذهبت مرة اخرى لمكتب خيال ……..
خيال :انتى روحتى فين
لم تجد اى رد من فريدة …..
قامت فريدة بالاتصال بتليفون بيت عمرو من مكتب خيال ………
فريدة :ايوة لوسمحت يافندم الاستاذ عمرو موجود
رجاء : انتو بتتصلو من الشركة صح
فريدة :ايوة يافندم
رجاء :معلش ياحبيبتى هو مش موجود
فريدة بنبرة حنونة :يعنى هو بخير مفيهوش حاجة
رجاء بابتسامة استغراب :لا ياحبيبتى مفيهوش حاجة هو كويس

ماان اغلقت رجاء الهاتف مع فريدة حتى دخل عمرو من باب المنزل ……
والقى بكل جسده على اقرب اريكة امامه …….
رجاء :حمد الله على السلامة ياعمرو
عمرو وهو مخنوق :الله يسلمك ياماما
رجاء:الشركة اتصلت النهاردة كتييييير اوى وكل مرة اقولهم انك مش موجود وعلى بيقولك افتح تليفونك
ثم باابتسامة خبث :وفى موظفة كلمتنى برقة اوووى وبتقولى يعنى هو كويس مفيهوش حاجة
ابتسم عمرو على طريقة والدته …………
رجاء بفرحة :ايوة كده ياحبيبى وحشتنى ابتسامتك وضحكتك
…………بس لو تحكيلى مالك ومابتروحش الشركة ليه
عمرو وهو يتنهد بحزن :مفيش ياماما ماتقلقيش عليا انا بس مخنوق شوية من ضغط الشغل
رجاء :يابنى قولت لك قبل كداااا مابتعرفش تكذب عليا بيبان عليك
عمرو وهو يقبل ايد والدته :
ادعيلى ياماما انا محتاج دعاكى
رجاء وهى تتنهد بحزن على حال ابنها :
ربنا يريح قلبك ياحبيبى وينولك اللى فى بالك
عمرو :الله ….. هو دااا الدعاء اللى انا محتاجه
_____________________________
فى الجانب الاخر ذهب على الى الموظفة مرة اخرى ……
على :هااااا ياانسة لسه تليفونه مقفول
الموظفة :ايوة يافندم وكل مرة والدته بتقولى انه مش موجود
ثم بتذكير :ااااه والانسة فريدة طلبت منى رقم تليفون بيته ممكن تكون عرفت توصل له يافندم
على بشك :الانسة فريدة خدت منك رقم التليفون متاكدة
الموظفة :ايوة يافندم
على :وهى راحت فين
الموظفة :فى مكتب مدام خيال يافندم
_____________________________
فى مكتب خيال ……..
خيال بتريقة :يعنى هو بخير مفيهوش حاجة
ايه دا يابنتى فى موظفة تسال على مدير لها فى الشغل تقول لمامته كداااا
فريدة بضحك :اعمل ايه يعنى ماانا همووووت من القلق عليه
خيال :هاااا واطمنتى ياختى
فريدة بقلق :طنط رجاء بتقولى مش فى البيت هيكون رااح فين يعنى
خيال :يابنتى هو عيل صغير بندور عليه بكرا يجى الشركة ونعرف كان فين
فريدة وهى تتنهد بشدة :وحشنى اوووووى ياخيال
جاءهم صوت من ورائهم :
هو مين دااا ياانسة فريدة
نظرت كل من فريدة وخيال الى مصدر الصوت بصدمة بانت اثارها على وجوههم ………

• لقراءة باقي فصول الرواية أضغط على (رواية تحدي حبك)