رواية تحدي حبك الفصل الثالث عشر 13 بقلم مريم علي

رواية تحدي حبك الفصل الثالث عشر 13 بقلم مريم علي

البارت الثالث عشر

خيال بفرحة داخلية :هو انت مش هتسهر مع صحابك زى كل يووم
على وهو ينظر لها نظرة اربكتها :
بقيت بكره السهر وبموووت فى قاعدة البيت اصل البيت طلع حلو وزى القمر
خيال وهو تتهرب من نظراته:ثوانى بس هغير هدومى واطلع اعمل حاجة نشربهاااااا
على :طيب بسرعة
كان واقف مسنداا على الباب بكل جسمه …..
خيال :طيب يللا
على :يللا ايه
خيال :عاوزة اغير هدومى
على بخبث :هو انا ماسكك
خيال بابتسامة :ماانت ساند على الباب
على بخبث :بجد طيب انا ماشى مش عاوزة حاجة قبل ماامشى
خيال بضحة رقيقة :لا شكرااا
اتجه على الصالة تاركا خيال قلبها ينبض بشدة من تصرفاته فقد تغير معها تماما واصبح يعاملها برقة
خيال وهى تحدث نفسها بهمس :هو هيفضل يعاكسنى كده كتير انا كدااا هموت منه امال لو عرف انى بمووت فيه بقى انا لازم اجمد شوية بس اجمد ازاى دا ضحكته لوحدها طيرت عقلى
__________________________________________
اتنهدت بشدة واتجهت بفرحة الى دولابها لتغير ملابسها
اخرجت فستان طويل مجسم باللون الوردى وفردت شعرها على ظهرهاا
ووضعت القليل من مساحيق التجميل التى زادت من جمالها ورقتها
خرجت خيال من غرفتها وهى فى غاية الجمال وقلبها ينبض بشدة
عتدما وقعت عينى على عليها تسمر فى مكانه وقال فى نفسه (يالهووووووووووى على القمر البت دى ناوية تجننى انا كدااا والله ماهقدر امسك نفسى )
خيال وهى خجلانة من نظراته التى جعلتها تشعر بالسعادة الداخلية فنظراته ومغازلته لها وهو حبيبها وحلالها اكتر مايسعدهاااا….
خيال برقة مقصودة :هااا هنتفرج على ايه بقى
وجدته لايتفوه بحرف ومازال ينظر لها بشدة فخجلت من نظراته وحاولت ان تغير الجو حتى تزيل الخجل والتوتر المسيطر عليها :
ايه مالك سرحت فى ايه
على بعد مافاق :هااا بقولك ايه ممكن تقعدى من غير ماتتكلمى معايا ولا تبصيلى
خيال بحزن :هو انا عملت حاجة او زعلتك فى حاجة
سكت على قليلا ثم قال :تعرفى انا كنت بحسب البنات اللى زيك فى لبسها كدا برا وبتبقى عادية اوى فكرتها بتلبس كدااا بردو جوا بيتهاا
خيال باابتسامة جذابة :لا ازاى احنا برا بنعمل اللى ربنا ورسوله امرنا بيه نغطى نفسنا من العيون اللى ممكن تخدش حيائنا بنظراتها او كلامها
ثم وهى تخفض نظرها ارضا :لكن مش كل الناس بنلبس قدامهم كداااا
على وقد شعر بالفرحة الشديدة من كلامها وايضا بالحب تجاهها وبدا يقارن بينها وبين الاتى كانوا يسهرون معه ……
وفجاااة انقطع النور خافت خيال بشدة فهى لاتحب قطع النور
خيال بخوف :ايه دا هو النور انقطع ولا ايه انا خايفة
على وهو يقترب منها :ماتخافيش طول ماانا جنبك
احاطها بذراعيه فسرت قشعريرة فى جسدها اثر لمسته وبدا قلبها ينبض بعنف ظلوا صامتين حتى اتى النور ..
نهضت خيال من مكانها واتجهت الى غرفتها عندما اتى النور والابتسامة على شفتيها لاتفارقها ..
على الجانب الاخر استرخى على مكانه ووضع يده خلف راسه وظل ينظر للسقف والابتسامة لم تفارق شفتيه
ثم قام فجاة ودق باب غرفة خياااال ولكنها لم ترد عليه
على من خلف الباب :انتى قافلة الباب عليكى ليه ياخيال
نهضت خيال من على سريرها عندما سمعت صوته ووقفت خلف الباب ولم تنطق بحرف فقد كانت خجلانة من لمسته ليها …..
على وهو يبتسم لانه فهم انها خجلانة منه :
خيال افتحى الباب هقولك كلمتين بس ومش هاجى جنبك صدقينى اوعدك
فتحت خيال جزء من الباب ووقفت خلفه وقالت وهى تنظر ارضا بصوت مبحوح :نعم …
فتح على الباب وجدها تمسك الباب وتنظر ارضا ووجنتيها محمرتين بشدة
على :انا بحبك ياخيااال
ثم تركها وخرج ……
رفعت خيال عينيها ونظرت له بصدمة حتى اختفى من امامها …..
ظلت متسمرة فى مكانها ثم فاقت وقفلت الباب وظلت تقفز على سريرها من الفرحة حتى تعبت وغاست فى نوم عميق …….
_____________________
فى صباح اليوم التالى فى الشركة دخل عمرو مكتب على وجده سرحان ومبتسم ويضع رجليه على المكتب ومسترخى على الاخر
عمرو :على بيه موجود فى مكتبه بدرى كده انا مش مصدق نفسى
لم ينطق على بكلمة وظل على سرحاااااانه
عمرو بصوت عالى :على ياعلى ….انت ياابنى مالك فى ايه …..
على بانتباه لوجود عمرو :فى ايه يابنى انت فصلتنى
عمرو وهويغمز بعيونه :ايووووووووووا بقا هو الجواز حلو كداااا
على وهو يتنهد :قصدك هو الحب حلووو كداااا
عمرو :يابنى مش قولت لك هتحبها عشان بس تصدقنى
ثم تنهد هو الاخر :والله ياعلى الحب دا احلى حاجة فى الحيااااة
على وهو ينظر لعمرو بقوة :
ياحنين …….ودا من امتى بقى ياعم الحبيب ماحكتليش يعنى
عمرو :والله ياعلى نفسى احكيلك خصوصااا
لما الشخص دا نفسك يكون حلاااااااالك
على بانتباه :ايه دا … دا الموضوع جد بقى احكيلى ….
عمرو :بنت بحبها من زمان قوى ونفسى ربنا يجمعنااا فى الحلال
على :طب ماتتقدم يابنى
عمرو بتوجس :وتفتكر اهلها هيوافقوا عليااااا
على :ليه مالك داانت الف بنت تتمناك دا كفاية البنات اللى بشوفها بتتمنى بس كلمة منك
عمرو بخوف من ردة فعل على :
حتى لو اللى بتمناها تكون حلالى هى اختك فريدة
انصدم على من كلام عمرو وظل ينظر له ولم يتكلم…..
حزن عمرو بشدة من ردة فعل على وخرج من مكتبه بل من الشركة بالكامل وهو فى قمة حزنه …….
__________________________
دخلت فريدة الشركة واتجهت الى مكتب والدها سلمت عليه ثم اتجهت لمكتب خياااال
كانت خيال تجلس فى مكتبها امامها ورق كثير تتفحصه بيديها فقط ولكنها كانت تبتسم بين الحين والاخر
كلما تتذكر ماحدث بالامس واعتراف على بحبه لها فكانت فرحتهاا لاتوصف…..
فريدة وهى تنظر لخيال التى تبدو انها فى عالم تاانى :خيال
لم تسمع اى رد ……فريدة بصوت عالى :خياااااااااال انتى يابنتى
خيال بعدمافاقت من سرحانها وبانتباه لوجود فريدة ردت عليها بهيااام :نعم يافوفة
جلست فريدة امامها ووضعت خدها على يديها وقالت بنفس طريقة خيااال :
سرحانة فى ايه ياقمر
خيال بنفس الهيااام :سرحانة فى حبيبى
فريدة :يابخته والله
داانتى اللى يشوفك دلوقتى هيحسدكوا ببعض
خيال :عقبالك يافريدة لما اشوفك عروسة فى بيت اللى فى بااااالى
فريدة بحزن :بعد الكلام اللى حكتهولك واللى هو قالهولى يوم الفرح يبقى بردو بيحبنى
خيال :والله انا حاسة ان البنت اللى بيقولك عليها دى تبقى انتى يافريدة قلبى بيقولى كداااااااا
فريدة بحزن :انا مش قادرة اتخيل حتى انه يكون لاى بنت غيرى ياخيال
داانا ممكن اقتله واقتلها واقتل نفسى
خيال بضحك :ايه يابنتى التشاؤم دا ادعى ربنا وهو ان شاء الله يكون من نصيبك يافريدة….
فريدة :ياااااااارب ياخيال يارب
خيال :هاااا بقى ايه اللى جابك مش قولتى عندك محاضرات كتيير
فريدة :زهقانة قولت اجى اقعد معاكى شوية
ثم بتردد: هو عمرو مجاش الشركة النهاردة ياخيال
خيال وهو تتفحص الورق امامها :بتسالى ليه
فريدة :اصلى عديت على مكتبه بس ماكنش جوااا
خيال بضحك :لا وااااااضح انك جاية عشانى
فريدة :لابجد بقى هو مش فى الشركة
خيال :لا انا شوفته النهاردة فى الشركة مش عارفة هو راااح فين الصراحة
__________________________
على الجانب الاخر كانت ندى خارجة من الشركة هى الاخرى فقابلت هايدى
ندى باستغراب: ايه دا انتى بتعملى ايه هنا ياهايدى
هايدى وهى تزفر بقوة: كنت جاية لعمرو بس للاسف مش فى مكتبه
ندى :وانتى جاية له هنا ليييه
هايدى :ماانا قولت طالما مابيجيش يسهر معانا زى الاول اجيله انا
ندى وهى تغمز بعيونها :
وجاية له ليه كدا ياست هايدى ….كانت تشير بيديها على ملابس هايدى
(كانت هايدى ترتدى فستان اسود قصير فوق الركبة ضيق للغاية مفتوح بعض الشى وكعب عالى وتفرد شعرها على ظهرها وتضع الكثير من مساحيق التجميل كانت تبدو مثير للغاية لفتت انتباه كل من بالشركة )
هايدى بخبث :اصله واحشنى اووووى بصراحة
ندى بضحكة جريئة :كان غيرك اشطر دا هو وصاحبه زى بعض تقااال اوووى ياحبيبتى مش سهل كدااا انك توقعيه
هايدى بثقة :بكرااااا تشوفى….. دا فى الاخر رااااجل ياحبيبتى
ثم اردفت قائلة :انا كنت مروحة بس طالما شوفتك يللا نخرج نسهر بقى
________________________
فى احد الكافيهات الشهيرة التى كثيرا مايتردد عليها عمرو وعلى وايضا ندى وهايدى والكثير من اصدقائهم …….
كان على يجلس فى مكان بعيد عن الناس بعض الشى حزين ومهموم وعيونه تدمع من يراه يظن انه سيبكى ………
وصلت كل من هايدى وندى الى مكان وجود عمرو ..
هايدى بدهشة :ايه دا مش معقول عمرو
ندى :هو فيييين
هايدى :اهو هناك …..هو قاعد بعيد كده لييييه
ندى :مش عارفة ماله دا انا حتى ماشوفتوش فى الشركة النهاردة
هايدى وهى تعدل ملابسها وشعرها :طب باى باى بقى ياندى
ندى بضحك :ماشى ياستى اما نشوف بس خدى بالك شكله على اخره
هايدى :ماتقلقيش

• لقراءة باقي فصول الرواية أضغط على (رواية تحدي حبك)