رواية تحدي حبك الفصل العاشر 10 بقلم مريم علي

رواية تحدي حبك الفصل العاشر 10 بقلم مريم علي

البارت العاشر

الحلقة العـــــــــــــــــــــــــــــاشرة ……..

فريدة وهى تنظر لخيال :
بصى ياخيااال كنت حاسة وواثقة ان بابا هو اللى طلب منك تتجوزى على
بس اسمعينى كويس ياخيال
على دا عمرك ماهتقابلى زيه وكل اللى هو فيه دااا بيحاول يدارى بيه جرح قديم انا مش هحكيلك عليه عاوزاه هو اللى يقولك بنفسه
ابداى حيياة جديدة معاه انا عارفة ان الموضوع هيبقى صعب فى الاول
بس انا زى بابا بالظبط شايفين انك انتى اللى هتخليه يعرف معنى الحب
ثم غمزت لها :وبعدين يعنى شكلك معجبة بيه انتى مش بتشوفى نفسك اول ماتقابليه فى الشركة وانا معاااكى بتبقى مبتسمة وخدودك بيحمروا ازاى
وبتفضلى تعدلى فى حجابك عشان ماتبصلوش
خيااال ووجهها يحمر خجلا :مين قالك كداااا انتى غلطانة على فكرة
فريدة :زى ماانتى بتاخدى بالك منى انا كمان باخد بالى منك
ارادت خيال ان تغير مجرى الحديث فقالت :وبعدين ليه كلكوا شايفين ان انا اللى هغير له حياته هغيرهااا ازاى وهو مابيحبنيش اصلا
فريدة وهى تنظر لخيال بقوة :بس انتى بتحبيه ياخيال ودا اللى هيغير حياته وحياتك
خيال بتلعثم فى الكلام :قولت لك انك فاهمة غلط
فريدة :لا ياخيال مش فاهمة غلط انتى بس كرامتك وجعاكى عشان مش هو اللى طلبك من نفسه
خيال وانفجرت فى البكاء :ايووة بحبه ارتحتى

خيال وهى تبكى بحرقة :بحبه من اول يوم شوفته فيه فى الشركة
مابيغبش عن بالى ثانية بفكر فيه اكتر مابشوفه حتى وانا نايمة بحلم بيه .. اول حب فى حياتى يافريدة
نهضت فريدة من مكانها وجلست بجانب خيال وأخذت تمسح دموعها برفق :
طيب ببتعيطى ليه دلوقتى
خيال باستهزاء :اصله حب من طرف واحد يافريدة
فريدة :مين قالك كدااا
نظرت خيال لفريدة بسخرية ولم ترد..
فريدة :طب وليه مخبية عليا مش حكيتى ليه قبل كدا
خيال :احكيلك ايه يافريدة !!
احكيلك ان انا مش فى دماغه اصلا انا عندى كرامة يافريدة ومش هسمح لحد انه يهين كرامتى حتى لو اخوكى
فريدة :لا ياخيال انتى البنت اللى على بيدور عليها من زمان اللى المفروض حياته تكمل معاها
خيال بحزن يغلب على صوتها: ماانا قدامه يافريدة ورغم كدا لسه بيدور
فريدة :القريب دايما بعيد ياخيال وافقى ياحبيبتى والله ماهتندمى
انتو محتاجين بعض ياخيال ومش حاسين
صمتت خيال تحاول ان تفكر فى كلام فريدة ..
________________________________

#ميما_تحكى

بعد اسبوع ردت خيال على مراد بالموافقة بعدما اخبرت عمتها وعائلتها ان على هو الذى تقدم لخطبتها لاعجابه الشديد بها ..
استقبل مراد الخبر بفرح شديد كأن جبلا انزاح من على صدره
وحدد مع خيال وعائلتها ان تتم الخطبة فى نفس الاسبوع
يوم الخطوبة……
كانت حفلة صغيرة بها الاهل والاقارب فقط كانت فى منزل عمة خيال
فريدة :قمرررررررر ياخوخة
ثم غمزت بعيونها :الواد هيقول جواز علطول مش خطوبة
خيال وقلبها يخفق بشدة :بس بقى يافريدة انا مكسوفة اوووى وبعدين انتى مش شيفاه قاعد مبوز ازاى
فريدة :ماتقلقيش اخويا وانا عارفاه نكدى طول عمره دلوقتى يفك لما يشوف القمر .. بقولك ايه مش هنطلع بقى ..
خيااال :لاااااااااااااا لما عمتو تيجى تقولى اطلعى
فريدة :اشمعنة
كادت خيال ان ترد الا ان عمتها دخلت الغرفة ..
ناهد :يلا ياخوخة اطلعى .. بسم الله ماشاء الله زى القمر ياحبيبتى ربنا يحميكى يارب ويتمملك على خير …
(كانت خيال ترتدى فستانا بسيطا للغاية من اللون الازرق الهادى وفى الوسط شريط من اللون الابيض وترتدى حجاب من اللونين وكانت تضع القليل من مساحيق التجميل التى كانت تزيدها جمالا على جمالها )
خرجت خيال مع فريدة وعمتها وقلبها يخفق بشدة ويديها باردتين كالثلج .. ماان خرجوا لمكان العريس حتى بدات الزغاريط تعم فى اركان المنزل
كانت خيال تنظر ارضا فلم ترى نظرة الاعجاب التى حاول على جاهدااا اخفائها ولكنه لم يستطع ..
عمرو :ايه ياعم سرحت فى ايه
على ونظره مثبت على خيال :هاااا ولا حاجة
عمرو بخبث :ايه عجبتك بصراحة البت زى القمر
على بحدة :ماتلم نفسك ياعم الحلو ايه زى القمر دى .. عاوز تتهزأ !
عمرو بضحك:وانت مالك هى مش جوازة وخلاص
على بصوت واطى وهو يجز على اسنانه :عمرو انا عارف انت عاوز توصل لايه وانا لولا ان احنا فى بيوت الناس كان زمانى قاطع لك لسانك دا لم نفسك بقى
كان عمرو يستمع لعلى ولكنه سرح فجاة اثناء خروج فريدة بعد خيال من الغرفة وظل ينظر لها وهو هيمان كالعادة مما جعلها خجلة للغاية ولا تستطيع الحركة تحت نظراته
قدم على الشبكة وكاد ان يلبسها اياها الا ان خيال طلبت من والدته هى من تساعدها فى ذلك بدلا من على .. وافق على على ذلك بأبتسامة واسعة فهو اراد على الا يعطى للموضوع اى اهمية ..
كانت خيال لاتتطلع بعلى مطلقاااااا بسبب نظراته التى اخجلتها ولم يتفوه اى منهما بكلمة للاخر حتى انتهت الخطوبة ومشى على مع عائلته ولم ينتظر حتى ان يجلس معها بعض الوقت ليتعرفا على بعضهم …
تمت الخطبة وعلى وخيال ليسا كأى اثنين مخطوبين لايخرجا لاى مكان برفقة اى احد ولا ياتى لزيارتها ويتجاهلها عمدا فى الشركة مما ادى الى حزن خيال وقلق واستغراب عمتها وعائلتها .. ولكن عمتها ارادت الا تتدخل فى حيااتها والا تزعجها..
ظل على كما هو بعد الخطوبة يسهر ولا يهتم بالشركة ولا يعتبر لوجود خيال اى اهمية فى حياته حاول ان يثبت لوالده ان اعتقاده بانه سيتغير بعد ارتباطه بخياال كان خاطئااااااااا…
بعد الخطوبة بوقت قصير تم تحديد موعد كتب الكتاب وبعده بااسبوع الفرح
يوم كتب الكتاب ……
فى احد المساجد فى القاهرة اثناء عقد القران كان على يشعر بفرحة كبيرة بداخله ولا يعرف سر هذه الفرحة رغم انه حاول ان ينكرها ولكن ظلت مسيطرة عليه ..
وعلى الجانب الاخر كانت خيال تشعر بالسعادة لانها ستصبح زوجة على والحزن الشديد لانه لايحبها .. كانت تجلس مع عمتها وفريدة ووالدة على ومع عائلتها واصدقائها الذين اتوا من الاسكندرية لحضور عقد القران والفرح .
ماان انتهت مراسم عقد القران حتى قامت النساء بالزغاريد والتهنئة لكل من على وخيال..
مشى الجميع بعد عقد القران ولم يتبقى الا على وخيال بمفردهم تركهم الجميع ليخرجا للاحتفال بزواجهم .. تقدم على الى سيارته وفتح لها باب السيارة بجواره ركبت خيال على استحياء فهى اول مرة تركب بجانب شاب ولكن هذه المرة مختلفة فهذا الشاب اصبح زوجها ..
على :هاااااا تحبى اوديكى فين
خيال بخجل :اى مكان
على :خلاص طالما مفيش مكان محدد عاوزة تروحيه نلف بالعربية وبعدين اروحك
صدمت خيال من رد على حتى انها كانت على وشك البكاء ..
ظل على يلف بسيارته فى كل شوارع القاهرة ولم يتفوه بكلمة واحدة كانها غير موجودة مما جعل خيال تصيح به فجاة ..
خيال والدموع تترقرق فى عيونها :لو سمحت ان عاوزة اروح
لم تسمع اى رد من على ولكنه اتجه بسيارتة الى بيت عمة خيال
وعندما وصلا نزلت من السيارة مسرعة وصعدت الى بيت عمتها
ادار على محرك سيارته وانطلق بها حتى قبل ان يطمئن ان كانت صعدت للمنزل ام لا
ناهد باستغراب :خيال .. ايه اللى جابك بدرى مش خارجة مع جوزك
خيال وانقبض قلبها عند ذكر عمتها لكلمة زوجها وتذكرت ما فعله على :
اصل على عنده شغل فى الشركة ياعمتى
ناهد :نعم ! شغل ايه يابنتى النهاردة دا انتو ايام الخطوبة كنتوا ولا كانكو مخطوبين والنهاردة كتب كتابكوا المفروض تكونوا بتحتفلوا ان ربنا جمعكوا بالحلال
….. ثم نظرت لخيال بقوة :مش عارفة ليه حاسة ان فيه حاجة وانتى مدرياها عليا يابنت اخويا
خيال بتوتر وتلعثم فى الكلام :حاجة .. حاجة ايه ياعمتى بس .. كل الموضوع ان خلاص فرحنا كمان اسبوع وهنخرج وهنتفسح لغاية مانزهق من بعض
ناهد :بردو مش مصدقاكى ؛ على العموم ياحبيبتى الف مبرووووك وربنا يتمملك على خير
خيال وهى تحتضن عمتها والدموع تترقرق بعيونها :الله يبارك فيكى ياعمتو
__________________________________________

#مريم_على

بعد اسبوع تم الفرح وكان فى قاعة كبيرة وشيك للغاية
ذهب كل من على وعمرو بسيارتهم وبعض من اصدقائهم الى الكوافير وسبقهم عائلتا خيال ومراد وزوجته الى القاعة
اثناء حديثهم وضحكهم امام الكوافير التفت على فجاة واتصنم مكانه
عندما خرجت كل من خيال وفريدة من الكوافير كالاميرات …..
كانت خيال فى قمة الرقة والجمال بالفستان والحجاب اللذان زادها جمالا على جمالها مما جعلها تبهر الناظرين لها .. انبهر على بها وحاول ان لا يظهر ذلك ولكن خيال شعرت بذلك مما اشعرها بالانتصار
كما هى الاخرى انبهرت بوسامته وشياكته فكان يبدو جذاب للغاية فى بدلته ..
____على الجانب الاخر العاشق عمرو الذى كان يقف كالتمثال منذ ان خرجت فريدة برفقة خيال فقد سحرته بفستانها ورقتها وجمالها
وايضا فريدة شعرت بنظراته المصوبة عليها فخجلت بشدة كما انه كان يبدو وسيما هو الاخر ..
ركبت خيال بجانب على سيارته وانطلقا بالسيارة وحدهما مما اضطر فريدة ان تركب مع عمرو فى سيارته
طوااااااال الطريق كان على ينظر لخيال بتفحص مما اربكها وجعلها تشغر بالخجل الشديد فكانت تعتقد انه لن ينظر اليها مما جعلها مطمئنة ولكن حدث العكس لم يستطع ان يخفض نظره من عليها ولم يخفى نظرات الاعجاب التى تخرج من عينيه تجاهها..

• لقراءة باقي فصول الرواية أضغط على (رواية تحدي حبك)