رواية خفقات قلب يأبي النسيان الفصل الثامن والعشرون 28 بقلم سما سعيد

رواية خفقات قلب يأبي النسيان الفصل الثامن والعشرون 28 بقلم سما سعيد

البارت الثامن والعشرون

فــــى كــــل زاويــــة خيانــــة او الــــم مــــا
لا تــــدع العشــــاق يقفــــون عنــــد تلكـ الزاويــــة
اجعلــــهم يمضــــون بخــــطواتــــهم
يمرحــــون ويتنــــاســــون الاحــــزان
بعد ايام داخل شقة اسر ومها
::::::::::::::::::::::
آآآآآآآة ,, ألحقنى يآآآآآآسر””
نهض اسر بفزع من هول الصرخة التى اطلقتها مها
نظر الى الفراش فلم يجدها نائمة بجانبة
غادر اسر الفراش مسرعاً حتى انة كاد ان يسقط اكثر من مرة
اتجة اسر الى مصدر استغاثاتها
فوجدها تجلس بأرضية الحمام (اعزكم الله)
والمياة تتدفق من اسفلها
لقد اندفعت كمية غزيرة من الماء دفعة واحدة
عندما عاودت الصراخ من جديد
جلس اسر بجانبها وقال……يالهوى اية دة كلة
مها بهتاف……الحقنى يااسر انا بولد
اسر بفزع….اية ياانهارك ابيض ولادة اية دى داانتى لسة فـ نص السابع
مها بهتاف وهى تسر على اسنانها………آآآآآآآآة,,انت لسة هترغى
بقولك بولد الحقنى بسرعة آآآآآآآة
نهض اسر وتوجة حيث الهاتف الارضى ومن ثم هاتف الطبيب
الذى يتابع زوجتة وسرد اسر لة كل ما حدث مع زوجتة
فـ طمأنة الطبيب وقال انة سوف يبعث لة بسيارة
اسعاف على الفور لتنقل زوجتة الى المشفى
……………….
داخل فيلا رجل الاعمال \فارس ذيدان
:::::::::::::::::::::::::::::::::::::::
جلست بجانبة على الفراش وهزت جسدة برفق
لكى توقظة بهدوء من نومة
فتح فارس عينية الناعسة وقال ………اية ياحبيبتى فية اية
يارا بصوت متهدج……قوم بسرعة يافارس لازم نروح ع المستشفى
انتفض فارس بذعر ومن ثم جلس مقابلها وقال بلهفة……
يارا مالك حاسة بحاجة اوعى تكونى هتولدى داانتى لسة فـ السابع
يارا بخفوت وهى تربت على يدة…..متخفش ياحبيبى انا كويسة
فارس بدهشة…….اومال بتصحينى لية ومستشفى اية اللى هنروحها
متخبيش عنى حاجة قوليلى حاسة بأية
يارا بحزن……..والله انا بخير ,, بس اصل اسيل اتصلت بية من شوية
وهى بتعيط وقالتلى ان مها تعبانة جدا واسر نقلها للمستشفى
فارس بقلق……مستشفى لية ياساتر يارب
دا لسة ميعاد ولادتها مجاش
يارا بخفوت……..الدكتور قال احتمال يولدها بس
فارس بلهفة…..بس اية ؟
يارا بصوت متألم ………الاجنة لسة مكملوش وهيبقى فية مشاكل صحية
ربت فارس على كتفها مطمأناً وقال…….متقلقيش ياحبيبتى ان شاء الله خير
يلا قومى البسى عقبال مااغسل وشى والبس ونروحلهم ع المستشفى
نهضت يارا عن الفراش وتوجهت نحو الخزانة لتبدل ملابسها
شاهدها فارس وهى تترنح بوقفتها فنهض على الفور واسندها الية
شاهد دموعها الرقراقة المنسابة على وجنتيها فقال……..
ياحبيبتى بلاش القلق دة مش كويس عليكى
يارا بنبرة اسى……….انا خايفة اوى يافارس
ضمها فارس الى احضانة وقال…….متخفيش ياحبيبتى ربنا معاها
ومعانا احنا كمان ان شاء الله
……………………..
داخل المشفى المتواجد بها مها
:::::::::::::::::::::::::::::
كان اسر يجلس مهموم حزين وتجلس بجانبة شقيقتة اسيل
اقبل اليهم كل من فارس ويارا ,, فـ انتفضت اسيل وهرولت بأحضان صديقتها
وقالت من بين دموعها…..مها تعبانة اووى يااسيل انا خايفة عليها هى والبيبيهات
يارا بخفوت…….متخافيش يا اسيل ربنا معاها
اقبل فارس حيث يجلس اسر وجلس بجانبة وقال……..
اجمد يابطل ان شاء الله خير
فنظر الية اسر بعيون حزينة قلقة ولم يعلق
يارا متساءلة ……..هو الدكتور قالكم اية؟
بدأت اسيل تقص عليهم ما قالة الطبيب
فبعد فحص الطبيب لـ مها وعمل عدة فحوصات
ايقن انها ولادة مبكرة اثر انقباضات عنيفة بالرحم
ادت الى اتساع عنق الرحم
فبسبب هذة الانقباضات انفجر كيس السائل الامينوسي المحيط بالأجنة
فلابد من الولادة المبكرة فـ فقدان قدر كبير من هذا السائل
يمثل خطورة شديدة على الأجنة
والطبيب الان بغرفة العمليات يقوم بعمل محاولات لتتم الولادة بشكل طبيعى
دون الحاجة الى جراحة قيصرية
وبعد ما يقارب الساعة غادر الطبيب غرفة العمليات وبوجة بشوش قال……
الف مبرووك ياجماعة جالكم توأم زى القمر ولد وبنت
ابتسم اسر وقال…….الحمد لله ومن ثم اردف بلهفة…..
مها يادكتور اخبارها اية ارجوك طمنى
الطبيب وهو يربت على كتفة……..اطمن هتبقى كويسة ,,
لاسف هى تعبت مننا كتير لاننا حاولنا نولدها طبيعى
والحمد لله الولادة تمت طبيعى ومضطرناش للقيصرية
واللى ساعدنا اكتر ان وضع الاجنة كان طبيعى وعنق الرحم كان متسع
بفعل الانقباضات المبكرة
اسيل بلهفة….طب والبيبيهات يادكتور اخبارهم اية ؟
الطبيب ……..التوأم طبعا نازلين نموهم غير مكتمل وتحديداً الرئتين
فـ مضطرين ندخلهم الحضانة لايام
لاتاحة الفرصة انهم يستمرو فى النموه واكتمال الرئة
وان شاء الله بيطلعوا بعد ما تكتمل الرئتين ويكتسبوا الوزن المناسب
يارا بتساءل…….احجامهم يادكتور كويسة ولا نازلين ضعاف
الطبيب وهو ينظر اليها …… اوزانهم الاتنين 3 كيلو
بمعدل الواحد وزنة كيلو ونص بس الوزن مش مشكله كبيرة اهم شي
اكتمال الاعضاء الداخليه والرأتين تعمل بشكل صحيح
واردف مبتسماً….اطمنوا ,, كتير بيحصل الكلام دة
وان شاء الله ايام قليلة وصحتهم تبقى تمام
اسر بلهفة……من فضلك يادكتور عايز اشوفهم
الطبيب …….هم حالياً مع طبيب الاطفال بيفحصهم وبيهيأهم لدخول الحضانة
بعد شوية تقدروا تشوفوهم ,,ومدام مها هيتم نقلها حالا الى غرفة عادية,,
بعد اذنكوا دلوقت نتقابل ان شاء الله بعد خروج مدام مها من غرفة العمليات
وبعد ان طمأنهم الطبيب غادر وتركهم ولكن اسر لم يطمأن قلبة
فقد كان يشعر بالقلق بعض الشئ
احتضن فارس أسر وقال مبتسماً……..بقيت بابا اسر ابسط ياعم
انتم السابقون ونحن اللاحقون
…………………..
داخل غرفة مها بالمشفى
::::::::::::::::::::::::::::
افاقت من التخدير بعد ما يقارب النصف ساعة من مغادرتها غرفة العمليات
تحدثت بوهن وقالت……..ولادى عايزة اشوف ولادى
قبل اسر جبينها وقال……..حمد الله ع السلامة ياقمر
متقلقيش الولاد زى الفل
جلست اسيل عند قدميها وقالت…….الف مبروك يامها
بقيتى ام وخلتينى عمتوا اخيرا
تحدثت مها بصوت وهن وهى تنظر الى احشائها…….
اية دة انا لسة مولدتش ,, انتوا بتضحكوا علية
ضحكت يارا وقالت………هنضحك عليكى لية ياحبيبتى انتى ولدتى بالسلامة
وجبتى ولد وبنوتة زى القمر شبهك تمام
مها بصوت خافت…..اومال بطنى لسة كبيرة لية
ضحك اسر وقال……..انتى عايزاها تصغر على طول ,,متقلقيش
انا سألت الممرضة وقالت ان البطن هترجع لشكلها الطبيعى شوية شوية
مها بخفوت………فين اسر انا عايزة اسر
اسر بلهفة…..يانهار الوان اومال مين اللى قاعد جمبك
وبيرغى من الصبح دة ,, انتى ولدتى ولا فقدتى الذاكرة
ضحك الجميع بمرح وقال فارس…….براحة عليها
اكيد البنج لسة مأثر على تركيزها
تحدثت مها بخفوت وقالت……..عايزة اشوفهم واسمع صوتهم
هم فين مش بيعيطوا لية
اسر وهو يربت على يدها الموصول بها خراطيم المغذيات……….
متقلقيش ياحبيبتى هم بالحضانة دلوقت
احنا كلنا رحنا وشفناهم واطمنا عليهم
مها بوهن……هم صغننين اوى للدرجة دى
يارا بسعادة….كتاكيت خالص يامها بس ماشاء الله زى السكر
تأوهت مها وقالت…….اة دماغى هتنفجر
دلف اليهم بوجههة البشوش وقال……..الرغايين دول صدعوكى ميعرفوش ان
الكلام الكتير مع البنج بيصدع
ابتسمت اسيل الية وقالت…..بيبرس ,,انت اتأخرت كدا لية
بيبرس مبتسماً……..اولاً حمد الله ع السلامة يامها
والف مبرووووك يااسر
ثانياً قبل مااجى على هنا رحت شفت الولاد
والحمد لله زى الفل ومش هيبقوا فـ الحضانة كتير
اسر بسعادة……بجد يابيبرس انت فحصتهم
بيبرس مؤكدا…..اطمن يااسر انا فحصتهم كويس وصحتهم تمام
والحضانة هتكمل الرئتين مع الايام يعنى اكنهم لسة ببطن مامتهم
اسيل بقلق……..يعنى هيكملوا للشهر التاسع فـ الحضانة
بيبرس مبتسماً…….لاء ياستى اية اللى يقعدهم شهر ونص
هما 10 ايام او اسبوعين بالكتير اووى ويخرجوا بالسلامة
وانا هباشرهم بنفسى متقلقوش
………………….
بعد مرور شهراً كاملا داخل شقة مها واسر بعد خروج الصغار الى منزلهم
::::::::::::::::::::::::::
كانت تجلس بحجرة اطفالها تحرك فراشهم الهزاز برفق وهى شبة نائمة
دلف اليها فوجدها لا تستطع ان تقاوم رغبتها في النوم
اقبل الى فراش صغارة وقبلهم برقة ومن ثم اقترب منها
وجلس بجانبها وقال…….حبيبتى اهدى خلاص چودى ومازن ناموا
قالت لة بصوت يغلب علية النعاس…….اتأخرت لية الولاد تعبونى خالص
اسر بخفوت لكى لا يوقظ الصغار……..حبيبتى معلش كان عندى شغل كتير بالبزار
ويادوب خلصت وجيت جرى اهو
ارتمت مها بين احضانة وقالت…….عايزة انااااااام
اسر بأمتعاض……لاء تنامى اية فوقيلى بقى شوية
حرام عليكى كفايا بقى شهرين وانتى بعيدة عنى
ومش سائلة فية خالص ,,,, لاحظ سكونها بين اخضانة
فرفع وجهها فوجدها قد نامت بالفعل
تحدث بأستياء قائلا……..اة ياربى الخلفة دى جت على دماغى
ومن ثم نهض وحملها الى حجرتهم ووضعها برفق على فراشهما
انحنى وقبل شفتيها برقة ومن ثم قال بمرح……….
مفيش حاجة مفرحانى غير انى بقيت اقدر اشيلك زى زمان
دثرها بالغطاء ومن ثم نهض وبدل ملابسة وخلد بجانبها الى النوم
ولكن بعد قليل سمع صوت بكاء احد الصغار يأتى من جهاز الاسلكى
المتواجد بجانبة واخر متواجد بغرفة الصغار
ليتمكنوا من سماعهم بسهولة عند بكائهم ليلا
نظر اليها فوجدها غارقة فـ النوم فيبدوا انها ارهقت طوال اليوم
نهض عن فراشة وغادر حجرتة وتوجة الى حيث حجرة نوم اطفالة
دلف اليهم فوجد مازن لا يزال نائما اما هذا الازعاج الليلى
ينتج من الصغيرة چودى
حملها برفق بين ذراعية وحاول تهدأتها فلم يفلح بذلك
فتأفف وقال…….وبعدين معاكى يابنتى خليكى حلوة كدا
وحبيبة بابا واهدى شوية امك شكلها تعبان اكيد قمتوا بالواجب معاها طول النهار
وانا مهدود حيلى بالشغل اسكتى بقى ونامى وخليكى شاطرة زى اخوكى
ايضا لم يفلح بذلك فقال…..جتنى فكرة انا هعمل زى الافلام الاجنبية واشغلك
موسيقى هادية يمكن تهدى شوية وتنامى واروح انا انام وارتاح
وبعد دقائق قليلة اوقف الموسيقى وتبين ايضاً انة
لم يفلح بذلك فقال لها بأمتعاض………
ايوة ليكى حق موسيقى هادية اية دا الجيل بتاعكوا ما يعلم بية
الا ربنا داانتى عايزة زفة بلدى علشان تسكتك
ولا اقولك انا اشغلك النشاز دة اللى بيسموة مهرجانات
لعل وعسى ترحمينى شوية من عياطك دة
وهنا دلفت الى الحجرة بعينيها الناعسة وقالت…….
اية ياحبيبى چودى مالها
اسر وهو يعطيها اياها…..البنت مش عايزة تفصل
اخوها محترم ونايم وهى عملة نفسها واحدة
ضحكت مها وقالت……..هات يااسر بنتى حبيبتى بنوتة وست البنات
وضعتها مها على الفراش وقامت بفحص الحفاض ومن ثم قالت……..
البنت عاملة بيبى يااسر حرام عليك ظلمتها
تثائب اسر ومن ثم قال…….وانا اش عرفنى فـ المسائل دى
مها بمكر….مش كنت تغيرلها البامبيرز كانت هتسكت وتنام على طول
اتسعت اعين اسر وقال………اية يااختى اهو دا اللى ناقص
انا اعمل كدا ,,لالالاء لحد كدا وستوب انا رايح انام
ومن ثم غادر حجرة اطفالة وهو يقول ……..ال اغير البامبرز ال
ان شالله عنها ما غيرت
ومن ثم ذهب الى حجرتهم ودلف الى فراشة وخلد الى النوم
……………….
داخل فيلا رجل الاعمال \ فارس ذيدان
::::::::::::::::::::::::::::::::
كان يقف امام المرآة يمشط شعرة البنى الانسيابى
تململت فى فراشها فاستدار اليها وقال…….اخيرا الجميل صحى
تثائبت يارا ومن ثم قالت……….صباح الخير ياحبيبى
اقترب اليها بعد ان انهى تمشيط شعرة طبع قبلة رقيقة على شفتيها وقال……
صباح النور ياقلبى يلا قومى علشان تفطرى معايا قبل ما اروح الشركة
ارتمت يارا بين احضانة وقالت ……تعرف انى بزعل اوى لما بتسيبنى لوحدى
ضمها فارس بقوة وقال…….حبيبتى غصب عنى انتى عارفة
انى اهملت الشركة شهور طويلة والشغل متلخبط ع الاخر لازم
افوق بقى وارجع اباشر اعمالى اللى اتوقفت وسببتلى خسارة كبيرة
نظرت الية بحزن وقالت……..انا السبب خليتك اهملت شغلك وخسرت فلوسك
فارس بحب…….اوعى تقولى كدا فداكى عمرى كلة مش فلوسى وشغلى
اهم شئ انك رجعتيلى من تانى ,,الفلوس بتتعوض لكن انتى مش ممكن اعوضك ابدا
ومن ثم انحنى وطبع قبلة عميقة على فمها يحمل بها
كل حبة وعشقة الى هذة المرأة التى احتلت كيانة وقلبة
ابتعد عنها وداعب وجنتيها الوردية الناعمة بأناملة وقال……..
حبيبتى انا هستناكى تحت غيرى هدومك وتعالى نفطر سوا متتأخريش
وبعد ان انتهت يارا من تبديل ملابسها غادرت غرفتها
وتوجهت الى اسفل حيث حجرة الطعام
واثناء تناولها طعام الافطار بصحبتة استأذنت من فارس
لكى تذهب بصحبة اسيل الى حيث النادى بعد ظهر اليوم
لتسير بالتراك مثل ما قال لها طبيبها فهى الان باول الشعر التاسع
ويجب عليها السير كثيراً لكى تساعد بعملية الولادة
فأذن لها فارس وقال لها انة سوف يأتى ليصطحبها من النادى
وانة سوف ينهى عملة مبكراً اليوم لكى لا يتأخر عليها
………………..
بعد ظهر اليوم
::::::::::::::
اتتها اسيل وظلت منتظرة بسيارتها امام باب الفيلا الخارجى
الى ان تأتى صديقتها ليذهباً سوياً الى النادى
وبعد دخول يارا سيارة اسيل واحتلت المقعد الامامى بجوارها
دلف شخص ما ملثم من الباب الخلفى وهو يشهر مسدساً امامهما
شهقت كل من اسيل ويارا بذعر
ضحك هذا الشخص بتهكم ومن ثم طلب منهم قيادة السيارة الى مكان ما
وقام بتهديدهم ان تلفظاً بحرفاً واحدا سوف يفرغ خزنة هذا المسدس برؤسهم
فأذعنت اسيل الى رغبتة وقادت سيارتها وقلبها يطرق كالطبل خوفاً وفزعاً
اما عن يارا فأحتبست انفاسها ذعراً ولم تستطع التحدث بكلمة واحدة
فقد احتضنت احشاءها واغمضت عينها ولذمت الصمت
كان يوجد سيارة سوداء تقف على بعد خطوات منهم وشاهدت الموقف
ومن ثم تتبعتهم عن بعد الى المكان الذى يتوجهون الية

• لقراءة باقي فصول الرواية اضغط على (رواية خفقات قلب يأبي النسيان)