رواية خفقات قلب يأبي النسيان الفصل السادس 6 بقلم سما سعيد

رواية خفقات قلب يأبي النسيان الفصل السادس 6 بقلم سما سعيد

البارت السادس

داخل غرفة يارا
:::::::::::::::::::::::::::
سمعت صوت طرق على باب غرفتها فقالت بصوت وهن….
اتفضلى يادادة
فتح باب الغرفة ,,,,اطل برأسة بأبتسامتة الجذابة ومن ثم قال…….
انا مش دادة انا فارس ممكن ادخل
توترت بشدة ,,,,,ازدردت لعابها ومن ثم قالت………
اها اتفضل يافارس
واردفت متسائلة…….انت مرحتش الشغل لحاد دلوقت لية؟؟
النهاردة اجازة ….قالها مبتسما وهو يدلف الى غرفتها
فوجدتة يحمل صينية متوسطة الحجم
ومن ثم وضعها امامها على فراشها
يارا بأندهاش……….اية دة يافارس
فارس بأبتسامة حنونة……..دا الفطار ,,
محبتش اتعبك وانزلك تحت
قلت لدادة تحضرة وجبتة علشان نفطر هناسوا ,,,
وابتسم بخفوت وهو يقول ……مش كدا احسن
واردف وهو ينظر الى عينيها …..وكمان كنتى عايزانى اسيبك
وانتي ف الحالة دى واروح الشغل
دق قلبها بشدة ,,,,,,اتسعت ابتسامتها رغما عنها
واخفضت بصرها خجلا
جلس مقابلها على الفراش,,
اعطاها فارس كوب يحتوى من عصير البرتقال الطازج
تناولتة منة بسعادة ورمقتة بنظرة لو شاهدها هذا الرجل
لعلم ما بداخل قلب هذة المرآة
بدأ بتناول طعام الافطار فى صمت
كانت تنظر الية من حينٍ الى اخر
مندهشة لافعالة ولكنها سعيدة بها
قطع صمتهما صوت طرقات على باب الغرفة
اذن هو للطارق بالدخول ومن ثم قال ……
اية يا فتحية خير فية اية
فتحية……فارس بية انسة اسمها دعاء هنا وطالبة تشوف حضرتك
نظرات متسائلة كانت تصوبها بأتجاهة
من تلك ايضا …..ايميلى…دعاء..وما خفى
تمام قوللها نازل حالا ومن ثم استأذن من يارا
وتركها وتسائلاتها تأكل رأسها اكل
هبط الدرج ورأها تجلس ببهو الفيلا ترتشف من كوب الماء المثلج
وعندما رأتة تركت الكوب ووضعتة فوق الطاولة
ونهضت مبتسمة وقالت….اسفة جدا يافندم على الازعاج
اقترب وجلس على الاريكة واذن لها بالجلوس
فارس …..خير يادعاء فية حاجة
دعاء ………بعض الاوراق محتاجة امضاء حضرتك
اشار لها بأن تعطية الملف ,,فمدت يدها الية واعطتة اياة……
ومن ثم قال لها …طب مبعتيهمش مع الفراش لية
دعاء ……….دا فايل مهم يافندم وخفت ابعتة مع اى حد
فــ جبتة لحضرتك بنفسى
فارس وهو منهمك بمطالعة الاوراق المتواجدة بالملف….
اوك ,,,,وبدأ بوضع توقيعة على الاوراق
شكرتة دعاء وتأسفت لازعاج وغادرت الفيلا
………………….
صعد الى غرفتها مباشرتاً استأذن بالدخول
فوجدها على وضعها جالسة على فراشها
وبجانبها صينية الافطار لاحظ انها لم تأكل شيئا
فقط ارتشفت القليل من عصير البرتقال
فارس وهو يجلس مقابلهاعلى الفراش….اسف جدا اتأخرت عليكى
مين دعاء دى كمان….قالتها يارا بحدة فلاحظ فارس غضبها
نظر اليها بتمعن ومن ثم قال….اية مالك يا يارا فية اية ؟؟
يارا وهى تشيح بوجهها بعيدا……..مفيش بس بقولك مين دعاء دى
ابتسم لها ومن ثم قال بهدوء…..دى السكرتيرة بتاعتى ,,,
وكان معاها ملف فية اوراق مهمة كان لازم امضيها بنفسى
والاوراق دى مكنتش تستنى او تبعتها مع حد تانى
ولا كان لازم تيجى بنفسها
قالتها بنفس النبرة مما ادهشة كثيرا
صمت ,,, لم يعلق ,,ظل يناظرها وعينيه
تتأملانها بغموض ,,,,تعجب لتصرفاتها ونبرتها الغاضبة
شعرت هى انها ذادت من ردة فعلها ,,
اخذت نفساً عميقا واخرجتة من صدرها
ومن ثم نظرت الية مضطربة وبشبح ابتسامة قالت……..
انا اسفة يافارس معلش اعصابى تعبانة من امبارح
اومأ برأسة ايجابا ومن ثم قال……….ولا يهمك ,,
بس بلاش العصبية دى علشان متتعبيش تانى
يارا بشبح ابتسامة ….اوك ماشى
ابتسم برضا ومن ثم قال…يلا بقى نكمل فطارنا
انتى مأكلتيش حاجة
يارا …مليش نفس …..انا عايزة مج النسكافية بتاعى
واردفت بهدوء قائلة……..من فضلك خللى دادة كوثر تحضرهولى
فارس وهو يحرك رأسة نفياً ……..لالاء مفيش نسكافية
فية فطار الاول …….انتى لازم تغيرى العادة دى من دلوقت….
لازم تاكلى كويس ,,انتى عندك نقص فيتامينات وحديد
لازم تهتمى وتاخدى بالك من صحتك
وحينما وجدها مازالت على عِندها رافضة تناول طعامها
تناول قطعة من الخبز وقام بفرد بعضا من العسل الاسود فوقها
ومن ثم مد يدة بأتجاة يارا وقال……….طب بصى كلى دى بس
وبعد كدا هطلب من دادة كوثر تعملك النسكافية
نظرت الية وقالت….بليز يافارس مش عايزة اكل
عشـــــــــان خاطرى…….قالها بمنتهى الرقة
فـــ نظرت الية لترتطم نظرات عيناها الحائرة
بنظرات عينية المتوسلة وشعرت بقبضة بقلبها
عندما رأتة يقترب منها ويقوم بتوجية احدى اطراف الخبز قرب فمها
فارس بحنان……افتحى بوئك بقى وكلى
وما كان منها الا انها استجابت لة وفتحت فمها وقضمت قطعة من الخبز
ابتسم لها وربت على شعرها بحنان ومن ثم قال………
ايوة كدا شطوورة
وعندما كانت تنظر الية تملكتها مشاعر مرهفة,,,,
مشاعر لم تقوى على استيعابها بعد
ظلت ترمقة….شعرت بقشعريرة تخترق ببطء جسدها النحيل
وتسللت هذة الافكار بداخلها
لماذا يفعل ذلك معها لما كل هذا الاهتمام
اهو ندماً,,,,,,,ام عطفاً,,,,,,,,,
ام ولاءاً لوالدها,,,,,,,ام تحمل مسؤلية……ام حبـــــــــــــاً
اغمضت عينيها ترفض هذة الاخيرة
هذا جنون بل قمة الجنون والهذيان
توقفت يارا عن تناول المذيد واكتفت بنصف قطعة الخبز
احترم فارس رغبتها وقال لها انة سيهبط الى اسفل داخل حجرة مكتبة
ليتابع بعض الاعمال ,,,,,
وايضا لكى يتركها لـ تأخذ قسطا من الراحة بحرية
استأذنتة ان يستدعى مربيتها لتأتى اليها وتعد
لها حمامها (اعزكم الله) ومن ثم تساعدهاعلى تبديل ملابسها
اومأ راسة بالايجاب ومن ثم خرج من غرفتها وهبط الدرج
واستدعى المربية وقال لها بأن تصعد الى غرفة يارا
اتجة فارس الى حجرة مكتبة وظل بداخلها لساعات
وبالفعل اسرعت المربية الى غرفتها
فطلبت منها يارا ان تساعدها لانها تشعر بالاعياء
فأسرعت المربية وملآت لها حوض الاستحمام بالمياة المنعشة
وسائل الاستحمام ذو الرائحة الذكية
غمرت جسدها بالماء فشعرت بالاسترخاء التام
……………………….
جاء د\خالد والد يارا الى الفيلا بعد ظهر اليوم
لكى يطمأن على ابنتة الوحيدة
دق جرس الباب فأسرعت المربية بفتحة
اهلاً خالد بية اتفضل
وبصوت اجش قال……..اذيك ياكوثر
دادة كوثر………بخير الحمد لله الله يسلم حضرتك
دلف واتجة حيث الاريكة المتواجدة ببهو الفيلا,,جلس عليها ومن ثم قال………
اومال فين الولاد لسة نايمين ولا اية؟؟
وفى تلك اللحظة خرج فارس من حجرة مكتبة
واقبل نحو عمة وانحنى ولثم كف يدة وقال مبتسما……
اهلا وسهلا عمى نورت
فغادرت المربية على الفور واتجهت نحو المطبخ
لتعد لــ د\خالد كوب القهوة الذى يحبة
فارس مبتسماً………اتفضل ياعمى ف اوضة الصالون
اتجها الاثنان الى حجرة الصالون وجلسا سويا على الاريكة
د\خالد وهو يربت على كتفة………..اذيك يافارس اخباركم اية ؟؟
ابتسم فارس ومن ثم قال……..احنا تمام الحمد لله ياعمى
د\خالد…اومال قافلين موبايلاتكوا لية قلقتونى عليكوا
فارس بأرتباك……ابدا ياعمى انا موبايلى فصل شحن
ويمكن يارا نسيت تشحن موبايلها
هى كمان ومأخدتش بالها انة يكون فصل
اومأ برأسة ومن ثم قال……….هممممممم واخبار شركتك اية؟؟
فارس مبتسماً …..تمام ياعمى الشركة ابتدأت تاخد مكانها بسوق التصدير والاستيراد
د\خالد وهو يربت على فخذ فارس……برافو عليك اهو كدا
اشتغل ف بلدك احسن من الغربة
ازدرد فارس لعابة فى جزع ولم يعلق
اردف د\خالد حديثة قائلا……بكرة الشركة تكبر وتاخد وضعها فــ السوق
وتنافس الشركات الكبيرة كمان
فارس بشبح ابتسامة…….ان شاء الله ياعمى
د\خالد متسائلاً………اومال مرحتش الشركة النهاردة لية ؟؟
فارس …..ابدا ياعمى مفيش حاجة مهمة بالشركة
فـــ قلت اقضى اليوم ف البيت مع يارا
د\خالد متسائلا……..ويارا فين دلوقت هى مش هنا ولا اية؟؟
فارس ……لا ازاى موجودة بس بترتاح ف اوضتها
اعتدل د\خالد وقال بلهفة وهو ينظر الية………..اية هى يارا تعبانة ولا اية؟؟
اسرع فارس بالنفى وقال ….لالاء ابدا ياعمى
انا كنت بتابع شوية اوراق ف مكتبى وهى قالت انها هتطلع اوضتها ترتاح شوية
,,,,بعد اذنك ياعمى انا هروح اندهلها
د\خالد……..اتفضل ياابنى
نهض فارس وصعد الدرج ,,وتوجة الى غرفتها ,,
طرق على بابها فأذنت لة بالدخول
وجدها تتحدث عبر هاتفها المحمول
فأنتظرها حتى تنهى المكالمة وهو يزفر الهواء الساخن
فأسئلة عمة وترتة وارهقتة بشدة
…………………………….
وفى مكان اخر وتحديدا داخل كافيتريا النادى
:::::::::::::::::::::::::::::::::::::::::::::::::: :::::::::
صوت انثوى ناعم يقول……….اةةة بجد اية الحر دة
صوت رجولى يجيبها……..مش انتى اللى مش عايزة تسيبى الاسطبل
قالت بأمتعاض……..وبعدين معاك بقى يأسر ماانت عارف انى بحب الخيل
أسر مبتسماً……..البركة فيا يامها ادعيلى انا اللى حببتك فيهم
مها بدلع………..هدعيلك اكتر ياحبيبى لو طلبتلى شوب ليمون كبيـــــــــر
اصلى هموووووووت من العطش
أسر بحب……….بعد الشر ياحياتى …..
عيونى انت تؤمر … واشار للمتر واملاة اسر طلباتهم
ومن ثم قال………اومال فين اسيل مش باينة ياعنى
مها……اكيد بتتمشى ف التراك مش معقول تكون بتلعب اسكواش
اسر بأبتسامة واسعة………..ايوة مبتلعبش غير مع يارا وبس
مها…بس يااسر يارا اكيد مشغولة ببيتها وجوزها طول الوقت
اسر وهو يغمز لها بطرف عينية………عقبال ما تنشغلى بية
وانت ف بيتى ياقلبى
احمرت وجنتاها خجلا ولم تعلق
مد يدة وامسك بيدها الموضوعة على الطاولة
لثمهم برقة ,,,,,,,فجذبتهم بخجل وأشاحت بوجهها بعيدا عن نظراتة
وبعد انتهائهما من احتساء عصير الليمون
وجدوا اسيل تقترب منهم وعلى وجهها ابتسامة مشرقة
كويس انك جيتى ياسولى …..قالتها مها وهى تنظر الى اسيل
نظر اسر الى شقيقتة وقال لها ……خير يااسيل شكلك مبسوطة يعنى
ملامحك اتغيرت وباين على وشك الفرحة
اسيل بمرح……اصلى لسة مكلمة يارا واستأذنتها اننا نروح نزورها بكرة
اسر وهو يضيق عينية……..اممممممم بقى هو دة السبب اللى غير مودك كدا
اسيل مبتسمة…….هو فية سبب اهم من انى اطمنت على صحبتى
مها ……..بجد طيب كويس وانا بالليل هتصل بأحمد اخويا
واستأذنة علشان اروح معاكوا
واردفت وهى تنهض عن مقعدها………
يلا بسرعة وصلونى للكلية عايزة الحق محاضراتى
نهض كل من اسر واسيل وغادرا النادى واوصلوا مها
الى جامعتها فهى لا تريد ان تتغيب عن محاضراتها
فلقد اقترب موعد اختباراتها وخاصتا لانها بالسنة الاخيرة
………………………………………..
داخل فيلا رجل الاعمال \ فارس سعد انور ذيدان
:::::::::::::::::::::::::::::::::::::::::::::::::: ::::::
وبعد ان انهت يارا المكالمة التليفونية
حتى التفتت الية وقالت لة مبتسمة……….اسيل ومها واسر جايين عندنا بكرة
اقبل اليها وقال بقلق……….مش مهم دة دلوقت اسمعينى عـــمـــــــــ
قاطعتة يارا ومن ثم قالت بحزن………اية انت اتضايقت لانى سمحتلهم ييجوا
فارس وهو يزفر الهواء…….لاء يا يارا طبعا اصحابك يشرفوا ف اى وقت
بس عمى هنا من بدرى
قالت بدهشة……….بابى ,,عندنا,,هنا ف الفيلا
فارس مؤكدا…….ايوة ,,قلق جداااااا
علشان تلفونك كان مقفول فــ جة يطمن عليكى
يارة ….ايوة صح انا لقيتة واقع ورا الكومود ومفصول
ولما فتحتة لقيت كمية رسائل من بابى واسيل ومها
ولما جيت اتصل علية لقيت اسيل بتتصل بية
تطمن علية لانى بقالى كام يوم مرحتش النادى
لاحظت توترة وقلقة فقالت لة……….اية مالك قلقان كدا لية؟؟
فارس وهو يمسح بكف يدة على وجهة………
بصراحة خفت يطلعلك هنا ويلاحظ
اننا بنام منفصلين كل واحد ف اوضة
يارا ……..اكيد كان استنتج كل حاجة دا بابى وانا عارفاة كويس
ميفوتوش الهوا واردفت بلهفة ………طب يلا ,,يلا ننزلة بسرعة يلا
فارس …….على فكرة هو ميعرفش اللى حصلك امبارح
انا مقلتلوش انك تعبتى وكمان نبهب على دادة كوثر
انها متتكلمش قدامة بخصوص الموضوع دة
واردف قائلا…….انا مش عايزة يقلق عليكى,,ولا يشك ف حاجة
تنهدت يارا ومن ثم قالت……..اوك يافارس زى مانت عايز يلا بينا
واثناء هبوطهم الدرج همس لها……هاتى ايدك
يارا متصنعة الابتسامة…..ضرورى
فارس وهو يبادلها الابتسام……..اكيد ……ولا انتى شايفة اية؟؟
تشابكت اناملها بأناملة ,,,,,
شعرت بنبضاتها تتسارع بصوره جنونيه اثر لمستة
تشعر برياح قوية تعزف على اوتار قلبها
لا تعلم إلى اين سيأخذها هذا الشعور

• لقراءة باقي فصول الرواية اضغط على (رواية خفقات قلب يأبي النسيان)