رواية زمن اخر الفصل الأول 1 بقلم شهد

رواية زمن اخر الفصل الأول 1 بقلم شهد

 

البارت الأول

 

سمر: الهانم مش هتقوم انهارده ولا هتفضلى نايمه كتير
ليليا بنوم: عاوزه اى بس ياسمر على الصبح
سمر: قومى ياختى مش عندك شغل
ليليا: اوف قومت خلاص مبسوطه كده
سمر بسخريه: وانا مالى اكون مبسوطه ولا لا ده شغلك انتى هو احنا بنخد منك حاجه يعنى
ليليا: ده اللي ناقص انك تخدى منى فلوس كمان فوق ما انا بجيب كل حاجه ل نفسي اديك فلوس صح
سمر: هو احنا كمان نصرف عليكي عشان يعجبك انتى بتجيبى حاجاتك انتى ياختى محدش بيخد حاجه منك ده اكلك و شربك انتى
ليليا: و ده بيت ابويا اللي انتي و جوزك قاعدين معايا و على نفسي فيه
سمر: و بيت اخوكى بردو ياحبيبتي زاى ما هو بيتك
ليليا: سمر ياروحي
سمر: نعم
ليليا: اطلعى بره
سمر بصدمه: نعم
ليليا بهدوء: اطلعى.. بره سمعتى كده ولا اقولك تانى
سمر بعصبيه: الحق عليا اني بصحيك انا غلطانه كنت سبتك نايمه و تطردى من شغلك و تشوفى هتصرفى منين ياختى
خرجت سمر وهى لسه بتزعق بس عادي اى الجديد كل يوم تدخل تصحينى و تفضل تسمعنى كلمتين زاى كل يوم و اقولها اطلعى بره ف تعمل كده مش عارفه بتضايق ليه بس مع ان مفيش حاجه جديده بس اشطا دى سمر عادي اه صح نسيت اعرفكم بيا انا ليليا بابا حبيبي اللي اختار اسمى ربنا يرحمه يارب انا عندي 24 سنه خلصت كليه تجارة الحمدلله بشتغل فى شركه صغيره على قد حالها بس كويسه نوعا ما يعني المهم مفضلش قاعده مع سمر كتير اللي هى مرات اخويا اللي المفروض هو سندى بعد بابا و كده بس للاسف هو مش كده خالص هو بيحب مراته جدا و بيسمع كلامها و مش بيحب يدخل فى المشاكل بتاعتنا هو قالى بعد لما بابا وماما ماتوا ان اشتغل و اعتمد على نفسي هو مش عايز منى حاجه بس فى نفس الوقت مش هيدينى جنيه و بابا مكنتش عنده حاجه غير الشقه اللي هى حقى انا وهو ف هو اختار نقعد مع بعض بس كل حاجه مع نفسه مفيش غير سمر اللي بتحب تتخانق معايا كل شويه وانا خلاص اتعودت عليها عشان بقالنا تلات سنين مع بعض ف خلاص بقا المهم اسيبكم انا عشان هتاخر على الشغل
ليليا: سمر انا ماشيه
سمر: امشى ياختى اعملك اى يعني
ليليا: تصدقى انا غلطانه انى بعرفك بس المره الجايه مش هقولك تاني
سمر: هو انتي مش بتعرفى تسكتى ابدا
ليليا: لا يامرات اخويا مش بعرف اتعودى بقا ده انا اتعودت عليكي
سبتها و نزلت من غير ما اسمع رد منها عشان كنت متاخره جدا ف ركبت بسرعه و مشيت و الحمدلله وصلت فى معادى و طبعا طول اليوم بتخانق مع العملاء و الناس اللي فى الشغل و حاجه اخر ملل مش فاهمه ليه الانسان بيحب يتناقش كتير كده زايهم و الحمدلله خلصت شغل اخيرا الساعه 6 المغرب بس قرارت اتمشى شويه مش قادره ارجع اتخانق مع سمر فى البيت دلوقتي ف روحت قعدت على الكونيش شويه و سرحت فى البحر فى قد اى هو هادى بس مره واحده بيغدر زاى الناس بظبط يبانوا من بعيد ملاك بس لما تقرب تشوف شيطان قدامك الدنيا دي غريبه اوى كل يوم بحال شكل لحد لما وصلت ل مرحله انك مش عارف اى الاحسن ليك ولا تختار اى انا مبقتش عارفه اختار اى حاجه فى حياتى مش عارفه اختار شريك حياتي حتى فضلت قاعده ساعتين مش بعمل حاجه غير اني ببص ل البحر و بس لحد لما تلفوني رن و كان اخويا بيشوفنى فين و قولتله انى هرجع البيت دلوقتي و فعلا قومت عشان امشى بس البيت كان قريب ف قولت امشى لحد البيت عادي بس وانا ماشيه شوفت بنت صغيره واقفه بتعيط
ليليا: مالك ياروحي بتعيطي ليه كده
البنت: مش عارفه ارجع البيت
ليليا: طب متعرفيش اسم بابا او ماما او رقم التلفون او اى حاجه او انتى هنا مع مين
البنت بدموع: كنت بلعب قدام البيت بس شوفت قطه ف كنت بلعب معاها بس هى ميشيت وانا مش عارفه ارجع البيت تانى
ليليا: طب تعالى نمشى قدام و نحاول نرجع البيت تانى اتفقنا
البنت: اتفقنا
ليليا: طب انتى اسمك اى
البنت: اسمى فاطمه
ليليا: و اجمل فاطمه كمان انا اسمى ليليا
فاطمه: اسمك حلو ياطنط
ليليا: انت اللي حلوه ياروحي يلا تعالي
و فضلت ماشيه مع فاطمه مش عارفه اوصل ل بيتها لحد لما لقيت شارع صغير جدا بس كان ضايق شويه بس دخلت منوا عشان فاطمه قالت انها خرجت من هنا ف حاولت اخرج انا وهى منوا بسرعه و فعلا خرجت بس لما خرجت حسيت البيوت شكلها بقا غريب شويه او شبه البيوت القديمه بس قولت عادي بتحصل مع انى اول مره اشوف المكان ده بس فضلت ماشيه بس كان فى حاجه غريبه الناس بتبص عليا بستغرب اكن فيا حاجه غلط وانا مش فاهمه حاجه
ليليا: فاطمه هو انا فيا حاجه غلط عشان الناس تبص عليا كده
فاطمه: ممكن عشان لبسك ياطنط
ليليا: ماله لبسى ده طقم عادي اهو
فاطمه: مش عارفه بس اول مره اشوف حد بيلبس كده
ليليا بستغرب: اول مره ازاي بس
فضلت ماشيه مش فاهمه حاجه اى اللي بيحصل انا هدومى فى شبها كتير جدا و بنات كتيره بتلبس كده بس ليه فاطمه بتقولي اول مره تشوف حد بيلبس كده بس وانا ماشيه شوفت حاجات غريبه فعلا حاجات قديمه جدا
ليليا بستغرب اكتر: فاطمه هو احنا كام فى الشهر
فاطمه: 6
ليليا: ايوا سنه كام
فاطمه: 1980
ليليا بصدمه: نعم

 

 

• لقراءة باقي فصول الرواية أضغط على (رواية زمن اخر)