رواية خيوط مظلمه الفصل الثاني 2 بقلم مينو

رواية خيوط مظلمه الفصل الثاني 2 بقلم مينو

البارت الثاني

أول ما شافوا المنظر اتسمروا في مكانهم، وآدم اتخض على أخته وزعق بصوت جامح أبرز عروقه في وشه:
_ إنتي عملتي إيه في أختي؟!! إنتي ضيعتيهاااااااا !!!!!
صوته اتكـ.سر من الخوف وهو بيكرر:
_ أختي يا ناس… أختي!!
خديجة صوتت بصوت عالي اخترق الجدران واهتزت وهي شايفة بنتها غايبة عن الوعي:
_ بنتيييي!!! يا ناس دي بنتي يلهويييي!!! إزاي قلبك يا عفاف رضى يعمل كده؟!
خديجة قربت منها وهي بترتعش، مسكت هدومها وهزتها:

 

_ دي طفلة… طفلة لسه بريئة! إزاي عملتي فيها كده؟!
صوتها اتقـ.طع بالعياط وهي بتصرخ:
_ هتجاوبي ربنا إزاي؟!
عفاف وقفت قدامها ببرود، ملامحها متحجرة:
_ جر يمة؟ لأ… ده ستر وعفة. كل البنات بيتعمل فيهم كده. إنتي اللي عايزة تكـ.سري تقاليد البلد وتفضحي نفسك.
خديجة اتجننت، دموعها مغرقاها:
_ إنتي دمرتيها يا عفاف… هتعيشي إزاي بعد ما شلتي البسمة من وشها؟!
آدم وهو بيحاول يسحب أمه:
_ كفاية يا ماما… هدي نفسك!
وفجأة الباب اتفتح بعـ.نف، ودخل محمود، عينه وقعت على براءة وهي مرمية على السرير، وشها شاحب وروحها كأنها اتسحبت.
محمود اتجمد مكانه، وبعدين صرخ بصوت هز البيت كله:
_ أمييي!!! إنتي عملتي إيه؟؟ إنتي إزاي قدرتي تعملي كده؟؟
عفاف وقفت له وقالت بحدة:
_ اسكت يا محمود! أنا عملت اللي الصح… أنقذتها من شر ممكن ييجي بعدين.
محمود انفجر فيها:

 

_ شر إيه اللي بتتكلمي عنه؟! ده اسمه ظلم… ده اسمه كـ.سر لقلبي!
صوته اتخنق وهو بيكلمها:
_ إنتي وجعتيني… وجعتيني وأنا لسه راجع من السفر ألاقي بنتي بالشكل ده!
خديجة وقعت على الأرض فجأة، ماسكة قلبها:
_ يا رب خُد عمري وسيبها… مش قادرة أعيش من غيرها!
آدم اتخض ورمى نفسه جنبها:
_ ماما فوقي بالله عليكي!
في المستشفى
خديجة نايمة على السرير، جنبها آدم بعيط. صحيت بتعب وبصت حواليها بتوهان:
_ براءة… بنتي فين؟ حصلها إيه؟
آدم مسك إيدها بحنية:
_ متقلقيش… هي كويسة يا ماما. ارتاحي بس.
خديجة انفجرت وهي بتنهج:
_ كداب! أنا عايزة أشوفها دلوقتي… مش مصدقة كلمة من اللي بتقوله!
وبعدين خديجه قامت وطلعت برا الاوضه وادم وراها ..
وفجأة الدكتور خرج، وشه متجهم وصوته غاضب:
_ إنتوا مش طبيعيين؟! إزاي تعملوا كده في طفلة صغيرة؟! حالتها كانت على شعرة تضيع!
محمود اندفع ناحيته والدموع محبوسة في عينه:
_ بالله عليك يا دكتور… أنقذها. دي روحي.
الدكتور حرك راسه وهو بيقول بحزم:
_ محتاجة نقل دم وعناية مشددة. اللي حصل ده هيفضل مأثر عليها طول عمرها.
شهقت خديجه علي بنتها وهي ماسكه قلبها بالعافيه وبتقول بصوت واطي بنتي..
آدم بص له بعزيمة، صوته بيرتعش:
_ أنا نفس الفصيلة… خدوا مني وبعدين ادم راح معاه وتبرع لأخته ..
بعد ساعات طويلة خرج الدكتور وهو متعرق:
_ الحمد لله… عدّت من الخـ.طر المبدئي. محتاجة راحة ومتابعة.

 

خديجة انهارت وهي بتعيط:
_ طب ممكن أشوفها؟
الدكتور بهدوء:
_ مش دلوقتي… لازم تستريح الأول.
خديجه قعدت علي جنب وهي بتدعي أن بنتها ترجعلها سليمه ..
بعد أيام
براءة رجعت البيت وحالتها اتحسنت، وخديجة ما كانتش سايبة إيدها لحظة. بس قلبها كان مو.لع من جواها، عينيها مليانة غضب على اللي عملته عفاف.
في نص الليل ولكل نايم، وهي شايلة جرح بنتها في قلبها، دخلت المطبخ، مسكت حاجة في إيدها وعينيها حمرا من كتر العياط.
مشيت بخطوات تقيلة لحد أوضة عفاف ودخلت وقربت منها… وقفت فوق راسها وهي نايمة، قلبها بيدق بسرعة، دـ.مها بيغلي، وقالت بصوت واطي مليان قهر:
_ عشان ترتاحي يا براءة… لازم آخدلك حقك يا بنتي.
وفجأة…
صوت عالي كـ سر الصمت:
_ مامااا!! إنتي بتعملي إيه؟!
خديجة شهقت بخضة… ووووو يتبع 🖤

 

 

• لقراءة باقي فصول الرواية أضغط على (رواية خيوط مظلمه)