رواية فهد وليلى – هي من سرقت قلبي الفصل الرابع 4 بقلم هالة محمد

رواية فهد وليلى – هي من سرقت قلبي الفصل الرابع 4 بقلم هالة محمد

البارت الرابع

#هي_من_سرقت_قلبي

#هاله_محمد

#البارت_الرابع

فهد : انتي اسمك ايه ……
ليلي بتفكير :ل…..سنيه اسمي سنيه….
فهد بعدم اهتمام : طب يلا شوفي انتي شغلك…..

مشيت ليلي علي المطبخ
ليلي لنفسها : انا هخرج ازاي طاه والبواب الزفت ده هيجيب حد يصلح الباب، انا هقوله اني هروح اشتري طلبات وكده هعرف اهرب….

ليلي راحت لفهد
ليلي بهدوء : يا بيه …..
فهد بضيق : هاه عايزه ايه…..
ليلي بكذب : انا كنت عايزه أخرج اجيب شويه طلابات للمطبخ…..
فهد وهو يتابع حاسوبه : قولي اللي انتي عايزاه لمسعود وهو يجبهم معاه….
ليلي في سرها : يالهوااااااي…….
ليلي باصرار : لا يابيه انا عايزه اروح انا في حاجات لازم أجبها بنفسي……
فهد : انتي بتقولي انك متعرفيش حاجه هنا وغريبه يبقي هتعرفي تروحي ازاي …..
ليلي : خلاص هروح مع البواب …..
فهد ببرود : لا هو هيروح وانتي شوفي اي حاجه في التلاجه اعمليها ….
ليلي بخنقه : حاضر يا بيه…..
ليلي داخله المطبخ وبتكلم نفسها : ياريت كان لساني انقطع ومكنتش قولتله اني غريبه عن هنا اهو هيتعامل معايا علي اني بنت أخته هوفففف…..

فات يومين عند علا و اشرف

علا بدموع : ماليش دعوه يا اشرف انا عايزه ليلي……
اشرف بحزن : مش عارف اعمل ايه انا دورت عليها في كل مكان……
علا : روح بلغ الشرطه اتصرف….
اشرف : انتي مجنونه يا علا انتي ناسيه انكوا هربنين من ميتم…….
علا ازدادت في البكاء : يعني ايه ليلى كده خلاص مش هشفها تاني يا حببتي ياليلي…….
اشرف صعبت عليه علا قام حضنها بحنان وطبطب عليها: خلاص يا حببتي انا هروح ادور تاني وان شاء الله هلقيها……

عند ليلي وفهد

ليلي حزينه لأنها مش عارفه تخرج
فهد : يا سنيه …..
ليلي وهي مخبيه وشها بالطرحه مش باين غير عنيها : نعم يا فهد بيه …..
فهد : انا هخرج ومتعمليش حسابي علي الغدا….
ليلي بفرحه : ماشي يا بيه ترجع بالسلامه…….

خرج فهد وليلي فرحانه انها هتبقي لوحدها وهتحاول تخرج

ليلي راحت تفتح الباب : ايه ده ده قافل الباب بالمفتاح هشوف الباب الازاز
ليلي بتجز علي سننها بغيظ : حتي ده كمان قفله انا شكلي وقعت نفسي في مصيبه، امري لله هروح اتفرج علي التلفزيون وكمان علي الاقل هقلع الجلابيه والطرحه دول .

خلص اليوم وليلي دخلت نامت وفهد جه من بره متأخر

تاني يوم

ليلي صحيت من نومها وهي متديقه : هو انا هشتغل هنا بجد لا لا دانا اموت لازم أخرج باي شكل….

عند فهد بره

فهد : سنيه ..يا سنيه……
ليلي بزهق : نعم يا بيه ….
فهد بغضب : انتي مش بتردي علي طول ليه ….
ليلي ببرود : لمؤاخذه اصلي ماسمعتش…..
فهد بعصبيه : بقولك ايه لمه انده عليكي تيجي بسرعه سامعه ولا لاءه….
ليلي في سرها : انا لومكنتش محبوسه هنا كنت عرفتك شغلك….
فهد بزعيق : ما تنطقي….
ليلي : حاضر يابيه هوففف….
نظر لها فهد وضيق عينيه : ايه ..قولتي هوف….؟
ليلي ببرائه مصطنعه : هاا لا انا مقولتش حاجه…..
فهد : روحي اعملي فطار وهاتي القهوه….
ليلي : فهد بيه ….
فهد باصص في الفون : عايزه ايه….
ليلي : هو…..هو….
فهد : اخلصي…….
ليلي : هو حضرتك مش بتشتغل……
فهد ساب الفون : نعم…..وانتي بتسالي ليه….؟

قد يعجبك أيضاً
اسيرة الغابة بقلم Riamhossein20
اسيرة الغابة
157K
2.8K
تحذير:: تحتوي الرواية على الفاظ غير لائقه⭕ بريئه من ذنوبكم جميعاً
🥀الروايه الاول🥀 (قـٕلـب امراه صعيديه)🥀من سلسله الصعيد،🥀 بقلم Ahmed8xx8Ahmed
🥀الروايه الاول🥀 (قـٕلـب امراه صعيديه)🥀من…
32.1K
699
جيت بحكايه جديده كلام حلو عن الصعيد تعرف أن الصعيد مشهورين ف العالم كلو ادخل علامنا واتعلم
راية العشق بقلم Hebahassan77
راية العشق
293K
5.9K
"" أجبره والدة علي طردهم من المنزل ، مما سبب فجوة بين الاب والابن لطرد ه لحب حياته ،ولكن هل من تلاقي مرة اخرى تحت رايه العشق حيث لا سلطه لجبروت بشر …."
مجنونه حياتي بقلم al5yal
مجنونه حياتي
1.2M
42.1K
هي مجنونه جدا…وطيبه جدا .كل اللي يعرفها بيحبها..جدا .محجبه ..مع انها طيبه بس فكر تغلط فيها..هتقلب ولسانها اكول من بلد .. أما هو عصبي جدا يحاول أن يكبت أعصابه ولكن في أ…
” كنت اداوي الناس .. وقلبي احتاجك انتي تدواينه ” بقلم arwah2012-YT
” كنت اداوي الناس .. وقلبي احتاجك انتي تدواي…
27.9K
1.5K
الكاتبه : اروى ✍🏻❤️
غسان الصعيدي بقلم SohailaAshor22
غسان الصعيدي
1.8M
38.1K
روايه بتحكي عن شاب صعيدي اسمه غسان كانت عايش حياه سعيده مع ابنه ومراته لحد ما مراته ماتت وبعدها امه ضغطت عليه يتجوز بنت عمه بالغصب وبعدها التار هخليه يتجوز للمره التالته…
عشق صعيدي بقلم RahmaaMoohamed
عشق صعيدي
1.1M
17.3K
انا صعيدي لا تهزني امراه…وانا انثي تميزتُ بالكبرياء فمن أنت ياهذا لتظن اني سوف اخضع لگ 💜
ليلي في سرها : عايزه أخرج الله يخربيتك….

ليلي : لا ابدا اصل ما شفتكشي خرجت لشغل بقالك 3 ايام غير امبارح بس …..
فهد : بشتغل بس جاي هنا ارتاح شويه وباين عليه مش هرتاح خالص منك ومن رغيك….
ليلي : طب طلامه انا مزهقاك ما انا ممكن امشي وخلاص……
فهد بشك بصلها وضيق عينه : بقولك ايه يا سنيه انا مش مرتحلك من ساعه ماجيتي وانتي عايزه تمشي انتي في حاجه مخبياها…..
ليلي توتر : لا لا يا بيه مفيش حاجه اصل مش بحب ابقي تقيله علي حد…..
فهد بعدم اقتناع : اممممم ماشي لو عايزه تمشي هاتي رقم أهلك وانا اكلمهم يجوا ويخدوكي من هنا……
ليلي بشبه ابتسامه : لا لا وعلي ايه اصلهم هيزعلوا لو عرفوا اني عايزه اسيب الشغل …..
فهد ببرود : خلاص اشتغلي وانتي ساكته…..
ليلي بقله حيله : حاضر…..

رن الجرس وليلي راحه فتحت

ليلي في سرها : مين دي كمان
ليلي : نعم اي خدمه…..
سميه بتكبر : هو ايه اللي نعم انتي مين وبتعملي ايه هنا…..؟
فهد من جوه : مين يا سنيه…..
سميه وهي داخله عند فهد : انا يابيبي مين دي….
فهد بخنقه : دي الشغاله…..
سميه بتبص لليلي من فوق لتحت : هي مخبيه وشها كده ليه وبعدين مش تنقي الاشكال اللي بتشتغل عندك…….

ليلي في سرها : اه يا بنت الجزمه متبصي لنفسك في المرايه يابت دانا احلا منك يا معفنه كتك داهيه
( ليلي لسنها متبري منها بس سميه تستاهل 😂😂😂)
1

فهد : مالكيش دعوه بيها يا سميه روحي يا سنيه جيبي عصير ولا اقولك حضري الفطار، يلا يا سميه عشان نفطر…
سميه وهي تنظر الي باستحقار : يلا يابيبي…..

ليلي دخلت تحضر الفطار وبتكلم نفسها وبتقلد سميه : يلا يابيبي،لازم تبقي كده ماهو قريبها زيها ……

سميه : ايه يابيبي انت من يوم الحفله وانا مش بشوفك ولا بترد علي الفون ليه….
فهد : اصل كان عندي شغل ، ….كمل بسخريه…… وبعدين انتي فضيالي كفايه عليكي الحفلات وصحباتك……
سميه بدلع : انت بتغير يابيبي، طب هتحدد الفرح أمته ياروحي…….
ليلي حطت الفطار علي السفره ودخلت علي المطبخ
فهد بتنهيده : اصبري شويه يا سميه احنا لسه مبقاش سنه مخطوبين ….
سميه بضيق : وانت هتستنا ايه تاني…..
فهد : لمه اظبط اموري ….
سميه بعصبيه : لا بقي يا فهد انت بتتهرب مني…..

ليلي واقفه وسمعتهم ( دي خطبته وايه البجاحه دي هي اللي بتقوله اتجوزني وهو بيقولها اصبري واحده ماعندهاش كرامه والله )

فهد بنظره غضب : سميه بلاش الكلام ده وانا هتهرب منك ليه…..
سميه : انت متغير من يوم الحفله يافهد، علي العموم انا ماشيه سلام……..
فهد بضيق : برحتك بقي هوف….

مشيت سميه ودخل فهد علي اوضته

دق دق
فهد : ادخل…..
سميه : فهد بيه …..
فهد بعصبيه: عايزه ايه انتي كمان ……
ليلي : ممكن اقولك علي حاجه…..
فهد : قولي اصل انا نقصك انتي كمان…..

ليلي في سرها : ده انت ايه ده ياباي عليك

ليلي : يعني لمه انت مش بتحبها طب ماتسبها احسن…..
وهنا فهد اتعصب جدا علي ليلي
فهد قام من مكانه بعصبيه : وانتي مالك انتي خليكي في حالك وما تدخليش في حاجات ملكيش فيها ( فهد قرب من ليلي جدا ) وبعدين انتي بتتصنتي عليه….
ليلي اتوترت من قرب فهد : لا والله انتم كان صوتكم عالي …..
فهد حس بحاجه غريبه بعد عن ليلي وبص الناحيه التانيه : خلاص روحي وخليكي في حالك……..

ليلي خرجت وهي زعلانه عليه ومنه

فهد استغرب نفسه وشد علي شعر بعصبيه ونفخ بضيق

باليل

رن الجرس
عامر : انتي مين وفهد فين….؟
ليلي : انا سنيه الشغاله وفهد بيه جوه في الاوضه بتعته من الصبح …..
عامر بقلق علي صحبه : من الصبح ليه حصل حاجه….
ليلي بزعل : ماعرفشي ……
عامر : ومالك بتقوليها بزعل ليه وبعدين مخبيه وشك كده ليه…..
ليلي : مفيش يا بيه هي عوايدنا كده ،اتفضل ادخل لفهد بيه….

دخل عامر عند فهد

عامر دخل قعد علي كرسي : ايه يا بني مالك حصل ايه……
فهد قاعد علي الكرسي وبيشرب سيجاره : ما حصلشي حاجه….
عامر : اومال مالك،سميه كلمتك ……
فهد : لا كانت هنا…..
عامر : كانت هنا واكيد اتخنقتوا مع بعض…….
فهد : هي اللي مستعجله علي الجواز اعملها ايه يعني…
عامر : فهد قولتلك قبل كده انك مش بتحبها وانت اللي مصمم وبعدين انت من يوم الحفله وانت متغير ومش طايق سميه هو حصل ايه يوم الحفله…….
فهد قام وقف عند الشباك واخد نفس طويل : مش عارف يا عامر انا شفت واحده ومش عارف ان كان حقيقي ولا خيال….
عامر باستغراب : واحده …..واحده مين وشفتها فين….؟
فهد : يوم الحفله شفت بنت جميله اوي اول ما شفتها اتشديت ليها بس….بس…..
عامر بانتباه : بس ايه …..
فهد وهو بيطفي السيجاره : كانت بتسرق….
عامر بصدمه : ايه بتسرق ازاي يعني….
فهد : بس هي ملحقتشي تسرق لمه شفتها هي كمان شافتني وماعرفتش تاخد حاجه ،( فهد بهيام ) بس هي سرقت قلبي حاسس انها مش حقيقه كأنها خيال وخايف فعلا تكون خيال……
عامر : طب ملحقتهاش ليه…..
فهد : خرجت ادور عليها بس ملحقتهاش اختفت ….
عامر : وازاي اتشديت لبنت حرميه وكمان انت شفتها وهي بتسرق يعني هتبقي في بالك كده علي طول…….
فهد : انا دايما بتخيلها بس عمرها ماجت في بالي وهي بتسرق وكمان مش مهم المهم اشفها تاني هي مسرقتشي حاجه غير قلبي وقلبي مش مبطل يفكر فيها….
عامر فرحان أن صاحبه حب تاني بجد قام وقف وحط أيده علي كتف فهد : خلاص يا فهد انت لازم تسيب سميه….
فهد : مش عارف يا عامر خايف اعيش نفسي في وهم…..
عامر :……
+

#هاله_محمد

• لقراءة باقي فصول الرواية أضغط على (رواية فهد وليلى – هي من سرقت قلبي)