رواية جوازة مش مقصودة الفصل الأول 1 بقلم هيام مبروك

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت الأول

#جوازه_مش _مقصوده
#part_1
_طب وربنا ما هتجوزه انا بقولكوا أهو
(ده كان صوت بطلتنا اللي واقفه فوق السفره ورافعه إديها للمروحه)
سهير مامتها وهي واقفالها تحت وماسكه الشبشب
سهير: انزلي يابنت الجزمه يا بايره
ريما: انا بايره؟! ده أنا حلوه ومدملكه وألف مين يهواني
سهير: امال مش موافقه بالعريس ليه يا أنجلينا يا جولي
ريما بفخر: بقا انتي عايزة الدكتورة ريما تتجوز عوض صبي الفرن
سهير: ليه يا عين امك وانتي كنتي بنت وزير وأنا معرفش ده انتي واخداها من علوم صحيه يا فاشله محصلتيش حتى دكتوره وابوكي زارع بالربع عند الناس و عوض عيبه ايه عيل كسيب بيشتغل الفجر في فرن العيش وأخر النهار شغال ع التوكتوك
ريما: اسمعي يا مرات أبويا ااااه ما انتي مش معقول تكوني أمي بس انا هجيبهالك من أبو أخر أنا مش هتجوز دلوقتي
سهير: امال هتتجوزي امتى يا غندورة ياللي كسرتي ال22سنه
ريما: وهي بتصوت مش هتجووووووووووووووز
سهير بإرهاق وهي بتقعد ع الكرسي وماسكه قلبها: اه يابنتي حرام عليكي ريحي قلبي بقا وحرام عليكي أبوكي اللي متبهدل في أراضي الناس ده ولسه أخواتك البنات عايزين نتلفت ليهم
ريما وهي بتنزل من ع السفره وتقعد عند رجليها: يا ماما يا حبيبتي افهميني أنا مش عايزة اتجوز بالطريقه دي ولو ع المصاريف أنا خلاص هشتغل في المستشفى اللي جنبنا وهساعد بابا
سهير وهي بتسحبها من شعرها على غفله: يعني برضو يابنت الجزمه مش هتوافقي على عوض
ربما: أه شعري أنا عارفه انك نتغدري بس هعمل ايه ما هي طيبة قلبي دي اللي مشندله حالي
-إيه منك ليها صوتكوا جايب أخر الشارع ليه(ده كان صوت إبراهيم والد ريما)
سهير: تعالى احضرنا يا إبراهيم ياخويا بنتك مش موافقه ب عوض ابن نعمه
(ريما استغلت انشغال مامتها مع أبوها في الكلام واتسحبت ودخلت أوضتها)
إبراهيم: سيبيها على راحتها يا أم ريما متغصبيش عليها
سهير بغضب: والله ما حد خاربها غير دلعك المايص ده
إبراهيم: المهم بس انا جيت عشان اخد الفاس ورايح الأرض تاني وانتي جهزي غدا عشان عندنا عمال هتشتغل في الأرض
سهير: حاضر يخويا من عنيا
________________________

_عبدالسلام قوم يا حبيبي
عبدالسلام بنعاس: نعم يا ماما
إيمان: قوم يا حبيبي باباك بيقولك روح لعمك إبراهيم الأرض عشان جاي عمال يحصدوا الرز عشان هو عنده مشوار
عبدالسلام: يا ماما حرام عليكي انا مش قادر أقوم أنا جاي من الموقع متأخر
إيمان: معلش يا حبيبي ما هو باباك مش موجود ومصطفى أخوك في الكليه ولازم حد فيكوا يكون موجود مع عمك إبراهيم عشان الحصاد
عبدالسلام: حاضر يا ماما قايم أهو
__________________________
هاجر: يوووووه يا ماما خلي ريما تسكت بقا مش عارفين نذاكر
هاله: يا مااامااااا ريما بتشد في شعري
(هاجر وهاله أخوات ريما التوأم وهما حاليا في 3ثانوي عام)
دخلت عليهم سهير وهي ماسكه المغرفه
سهير: يابنتي هو انا مربيه قرده مالك ومال اخواتك ما تسيبيهم يذاكروا
ريما وهي ماسكه خياره بتاكل فيها: الله هو أنا جيت جنبهم
سهير: اطلعيلي يابت هنا تعالي يالله عشان تروحي تودي أكل العمال لأبوكي في الأرض
ريما: وهتديني 20جنيه أجيب إندومي و15اجيب تويست
سهير: إنتي مش لسه طافحه يابت وبعدين المخروب الاندومي ده بيجيب سرطان وايه التوست ده يختي
هاله: اسمه تويست يا ماما ده مشروب طاقه
سهير وهي بتخبط إديها على صدرها نهارك أسود إنتي بتشربي خمره يابت
هاجر بضحك: لا ياماما دي مش خمره
سهير: تعالي يا مقصوفة الرقبه إتأخرتي على أبوكي
سهير إمسكي الصينيه كويس يا ريما أياكي الصينيه تقع من على راسك
ريما: عيب عليكي يا ست الكل
بعد وقت:
ريما وهي شايله الصينيه على راسها وماشيه مش متوازنه: يا حاج إبراهيم يابويا إلحقني
إبراهيم: إلحقها يا عبدالسلام يابني والنبي لاحسن توقع الأكل ع الأرض وهنأكل العمال إيه
عبدالسلام وهو بياخد الصينيه من على راس ريما قبل ما تتكفي على وشها: إيه يا أنسه مش عارفه تشيلي صينية الأكل
ريما: وانت مالك انت يا عبسلام يا بتاع الكلام
عبدالسلام بصدمه: عب ايه يا جاهله اسمي المهندس عبدالسلام
ريما: بس يا عبسلام أقعد في حنب بس كده
عبدالسلام: إنتي رايحه فين يابت
ريما: رايحه اساعد أبويا والعمال
عبدالسلام: تساعدي مين يا مجنونه انتي الارض كلها رجاله غوري على بيتكوا يابت
ريما: اسمع يلا يا3متر انت مش عشان انت طول برج خليفه وصوتك عالي ف أنا هكش وأخاف منك
في البيت:
ريما: وبس يا ماما عشان أنا أنسه مؤدبه وما ينفعش أفضل وسط الرجاله وصلت الأكل للحاج صاحب البيت وجيت على طول.

لقراءة باقي فصول الرواية أضغط على (رواية جوازة مش مقصودة)

لو عاوز تقرأ الفصول الجديدة من الرواية دي بشكل حصري قبل صدورها

أنضم لقناتنا على تليجرام (من هنا)

البارت الأول

اترك تعليقاً إلغاء الرد