رواية حب صغيرتي الفصل السادس والعشرون 26 بقلم آية عيد

رواية حب صغيرتي الفصل السادس والعشرون 26 بقلم آية عيد

البارت السادس والعشرون

#حب_صغيرتي
البارت 26
حسين مسك التلفون وقرأ الرسالة واتصدم
حسين بغضب :تفييييدة
تفيدة اتخضت ولفت وبصتله بصدمة
حسين وهو موجه التلفون ليها بغضب :ايه دا؟!
تفيدة وهي باصة للرسالة بخوف :ا د دا
حسين بغضب :دا ايه! ما تنطقي، انتي بجد ال عملتي كدا ف اخويا
تفيدة بتوتر وتمثيل :د دا كدب يا حسين، ا انا مش عارفة بس مين ال بيبتلي عليا بالطريجة دي
حسين بغضب : وليه حد يبعتلك حاجة زي دي
تفيدة بتوتر : ي يمكن ناس غيرا*نة مني ولا حاجة
حسين رجع بص للرسالة تاني وبعدين بص لتفيدة بغضب :تمام، تلفونك هيبقي معايا لحد ما اتأكد من الكلام دا
واتجه للباب وفي ايده التلفون
تفيدة بصت علي التلفون ال في ايده، وخافت ليروح يقول ليونس
حسين خرج وتفيدة قعدت علي اعصابها، وبعدين قامت نزلت تحت
@@@@@@@@@@@@@@@@@@@@@@
تحت في القصر
يونس وبيان دخلو
والكل رحب بيهم واتطمنو علي بيان
نسمة بسعادة :وحشتيني يا حبيبتي، كنتي فين كل دا
يونس بهدوء :بعدين
رانيا : كنت قلقانة عليكي اوي يابيان
يونس بص لريان وحرك رأسه بمعني استني برا
ريان فهم وخرج
يونس بص لبيان بهدوء : اطلعي انتي فوق دلوقتي وارتاحي
بيان بعفوية : طب مش هتقولهم اني ح….
يونس قاطعها بحدة : مش دلوقتي، اطلعي فوق يلا
بيان استغربت، بس طلعت
نسمة باستغراب :في ايه يايونس؟!
يونس وعينه علي بيان : هقولك بعدين
وبعدين بص لتفيدة نظرة غريبة ، ولف وخرج من القصر
@@@@@@@@@@@@@@@@@@@@@
خارج القصر
خرج يونس ووقف جمب ريان
ريان بصله :في ايه؟!
يونس اتنهد وحكاله ال حصل
ريان بصدمة : كل دا حصل ومتقوليش
يونس بهدوء : محبتش ادخلك في مشاكلي
ريان :دا انت اخويا الكبير يايونس
يونس حط ايده علي كتفه بهدوء :تسلم، بس المهم دلوقتي انا عايزك في مهمة
ريان :قول
يونس : كارم هرب دلوقتي ، عايزك تجيبه من تحت الارض
ريان بابتسامة :دا انا اجبهولك حتي لو بين انياب الاسد
وبعدين مسك تلفونه واتصل برجالته واتجه لعربيته وانطلق
ويونس دخل جوا واتجه لاوضته
@@@@@@@@@@@@@@@@@@@@@@
في مكان مجهول
دخل كارم با*لم وقعد علي الكرسي…. جه مساعده
مساعده : هتعمل ايه دلوقتي ياباشا
كارم بغضب : كله بسبب حملها، لو ماكانتش حامل مكنتش قدرت تعرب مني…. وكانت هتفضل تحت ايدي
مساعده :اهو ال حصل بقي، انت دلوقتي هتعمل خطة جديدة ولا ايه؟!
كارم بغضب :بلا خطط بلا ز”فت، كفاية لحد كدا…. طالما مش هتكون ليا يبقي مش هتبقي لحد
مساعده باستغراب :يعني هتعمل ايه؟!
كارم بعيون مليئة بالش*ر : هخلص عليها قدام يونس
مساعده بصدمة :انت مش بتقول بحبها
كارم بجنون :ما انا هخلص عليها، وهخلص علي نفسي وارتااااح بقي من العيشة دي
مساعده بصله بقلق من حالته ال وصلها
كارم قام ومسك سلا*حه وابتسم بش*ر : انا جاي ياحبيبتي
وخرج من المكان
@@@@@@@@@@@@@@@@@@@@@@
في اوضة يونس وبيان
دخل يونس ولقي بيان واقفة في البلكونة
اتجه لعندها وحضنها من ضهرها ودفن وشه في رقب*تها
بيان حست بيه وابتسمت بخجل
بيان بكسوف :يونس
يونس بصوته الهاديء :قلبه
بيان قلبها بقي ينبض من قربه وصوته
بيان :هو انت ليه مقولتش للعيلة عن الحمل
يونس ابعد رأسه شوية وبهدوء : بعدين
بيان لفت وبصتله باستغراب : ليه؟! دول هيفرحوا اوي
يونس حا*صرها عند سور البلكونة وبصلها بتنهيدة :انتي مبتسمعيش الكلام ليه؟! انا محدش ناقشني قدك قبل كدا
بيان بضحك خفيفة : يمكن عشان اتعودت عليك
يونس برفعة حاجب :انا ال يتعود عليا لازم يخاف اصلا
بيان : بس انا حسيت معاك بالامان
يونس بابتسامة :مش كنتي بتقولي مجلو*رة علي الجوازة
بيان بزعل طفولي : يوه بقي، ما خلاص
يونس قرب منها ببطيء وبيان غمضت عينها…. ويونس لسة هيبو*سها، بس عينه وقعت علي حد بعيد وسط الزرع بيبص عليهم ولابس اسود في اسود
يونس بعد عن بيان وبص كويس علي ال واقف،وبيان استغربت…. يونس ركز اكتر بس الشخص هرب بسرعة
يونس مسك تلفونه واتصل بالغفير وقاله ياخد الرجالة ويدورا هناك
@@@@@@@@@@@@@@@@@@@@@@
تحت في القصر
دخل كريم وهو ماسك ايد راية
الكل استغرب وبص عليه
نسمة باستغراب : ايه دا يا كريم، ماسك ايدها كدة ليه
كريم ببرود : راية بقت مراتي خلاص
الكل اتصدم
نسمة بصدمة :وليه يابني تتجوزها من ورانا، انا مش قولتلك موافقة عليها
تفيدة بعو*ج : هه مبقاش نا*قص غير ال يتجوز خدامة
كريم بحدة :الزمي حدودك هي بقت مراتي دلوقتي ومكتوبة علي اسمي
عايدة : طب اتجوزتها من ورانا ليه يابني
كريم :انا متجوزتهاش من وراكم، كانت هتضيع مني لو ملحقتش واتجوزتها
رانيا باستغراب :ليه ايه ال حصل؟!
كريم كان هيتكلم بس راية مسكت في تيشرته وبصتله بدموع وشاورت برأسها بمعني لا
كريم بص ليها وبعدين بص لوالدته : دي حكاية طويلة، هقولها بعدين
تفيدة بسخرية : هتقول ايه بس، ما تلاقيها لعبت عليك…. وانت وقعت وعملتوها في الحرا*م
يونس بحدة وهو نازل علي السلم : لمي لسانك، واتكلمي معاه عدل
تفيدة بعدت انظارها عنه بغ*ل
وبيان نزلت بعد يونس
يونس قرب من كريم وحط ايده علي كتفه بهدوء :لو انت شايف ان ال عملته صح…. يبقي اعرف ان اخوك واقف في ضهرك
كريم ابتسم وحضنه :تسلم ياخويا
نسمة بضيق :نادي الخدم يا رانيا، خليهم يوضبوا اوضة كريم كويس
يونس بابتسامة :ليك عندي احسن فرح النهاردة بليل
كريم بصدمة :وهنلحق
يونس :سيب كل حاجة عليا، ومتشغلش بالك
كريم ابتسم واخد راية وطلعوا علي اوضته
يونس مسك تلفونه وخرج
نسمة :يلا يابنات، عندنا فرح الليلة دي، يارب نلحق نجهز
بيان كانت حاسة بتعب بس متكلمتش لان يونس قالها متقولش لحد انها حامل
@@@@@@@@@@@@@@@@@@@@@@
في مكان ما
حسن واقف ومستني صاحب الرقم ال كلم تفيدة
قربت منه ست في الاربعينيات
فوزية : ازيك يا حسين بيه
حسين حس انه شافها قبل كدا وباستغراب :انتي مين؟!
فوزية :انا فوزية يابيه، ال كنت بشتغل عندكم من 15 سنة
حسين افتكرها :ايوا صح انتي…. قوليلي بقي ايه الرسالة ال بعتيها دي لتفيدة
فوزية : ايوا يا بيه انا ال بعتها، وانا ال اعرف الحقيقة ال محدش يعرفها غيري
حسين باستغراب :حقيقة ايه؟!
فوزية :حقيقة ان يعقوب بيه الله يرحمه، مما*تش كدا…. دا ما*ت مقت*ول
حسين بصدمة: ايه، و ومين ال عمل كدا
فوزية : تفيدة يابيه
حسين بعصبية : وكنتي فين كل دا، ليه جاية تقولي دلوقتي
فوزية بحزن :هددتني يا بيه لما شوفتها بتحط حاجة في العصير، كانت هتخلص علي عيالي…. وهربت من القصر بس الذ*نب فضل ورايا ومبقتش عارفة طعم النوم، انا عيالي كبروا دلوقتي ومبقتش خايفة عليهم فا قولت لازم الحقيقة تبان بقي
حسين بعدم استيعاب وصدمة : ت تفيدة، ا اقول ليونس ايه! اقوله الست ال عارضت اخويا عشانها وسبت مراتي وحرمتها من عيالها برضوا عشانها هي السبب في مو*ت ابوه
فوزية بدموع : الحج يعقوب كان ليه فضل كبير عليا، كل شوية يجيلي في المنام ويبصلي وهو حزين ويمشي…. مبقتش عارفة اعيش والسر دا محفور جوايا
حسين بدموع وبسرعة :ا انا لازم اقول ليونس
مسك تلفونه واتصل بيونس، بس يونس مردش والاشارة كانت سيءة
حسين جري واخد عربيته وانطلق علي القصر
وهو ماشي علي الطريق بعت رسالة ليونس بكل ال حصل
وكان بيحاول يتصل عليه بس مش بيرد
فجاة وبدوم مقدمات جات شاحنة كبيرة وصد*مت حسين بقوة لدرجة ان العربية بقت اجزاء صغيرة
@@@@@@@@@@@@@@@@@@@@@
في القصر
تفيدة راحت وقفت بعيد عن العيلة والدوشة ومسكت تلفونها التاني
تفيدة :ها عملت ايه؟!
الراجل :كل حاجة تمت يا ست الكل، العربية بقت شاورما
تفيدة بابتسامة خبيثة :تمام، فلوسك هتوصلك بليل
الراجل :تمام
تفيدة قفىت معاه وضحكت بش*ر :يلا مش مهم، انت كدا كدا كنت عاملي ازعا*ج
وبعدين اتجهت لمجموعة الستات وقعدت تضحك وتهزر ولا كأن حاجة حصلت
@@@@@@@@@@@@@@@@@@@@@@
في اوضة كريم وراية
راية كانت قاعدة تعيط وفستان الفرح في ايدها
قرب منها كريم :طب انت بتعيطي لي؟!
راية بدموع :ا انا اسفة اني ور*طتك معايا
كريم باستغراب :ور*طيني في ايه مش فاهم
راية :انت اتجوزتي مجبو*ر
كريم قعد جمبها ومسك ايدها :انا اتجوزتك برضايا، انا قعدت ادور عليكي امبارح وملقتكيش كنت هتجنن، ازاي تسبيني بالطريقة دي
راية بدموع :ا انا وانت مختلفين اوي، ا انا مجرد خدامة ه….
قاطعها كريم بحدة : اوعي اسمعك بتقولي كدا تاني، فاهمة!
راية بصتله بدموع : ب بس
كريم اخدها في حضنه وطبطب عليها : مفيش بس، انتي دلوقتي بقيتي مراتي يعني بقينا واحد ومحدش يختلف عن التاني في حاجة
راية شدت في حضنه اكتر بدموع : ا انا عيلتي يعتبر باعو*ني ليكي
كريم بصلها وحاوط وشها باديه : انسيهم، انا عيلتك من النهاردة وامي امك واختي اختك واخويا اخوكي
راية بدات تهدا، وكريم ضمها تاني لحضنه وبعدين حب يطلعها من الجو ال هي فيه
كريم بابتسامة خبيثة : طب مفيش تصبيرة كدا لحد بليل….
راية ابتسمت ونغ*زته في كتفه، وبعدين ارتاحت في حضنه وحست بالامان واخدت نفس عميق، وقررت انا وتتقبل الواقع
@@@@@@@@@@@@@@@@@@@@@@
في المساء
دخل يونس والقصر كان مليان ستات ورجالة وخارج القصر كمان
وكان لابس جلابية صعيدي مبينة هيبته وعضلاته
بيان كانت لابسة دريس واسع وعاملة تساعدهم
يونس قرب منها ومسك دراعها بحدة : انتي بتعملي ايه هنا
بيان بتوتر :في ايه يا يونس، ب بساعدهم
يونس بحدة :وانتي ناسية انك حامل، ومينفعش تشيلي حاجة زي دي
بيان :طب ما انت ال معرفتهومش بكدا
يونس بحدة : ولو تقدري ترتاحي من ماتقوليلهم حاجة
جت نسمة باستغراب : في ايه يايونس؟!
يونس بعد عن بيان وهو باصص ليها بحدة :مفيش يامي، بيان تعبانة شوية وبقولها تطلع ترتاح فوق
نسمة بصت ل بيان : انتي تعبانة ومقولتليش؟!
بيان هي باصة علي يونس بضيق : ما كانو شوية تعب بسيط
نسمة : خلاص يا بنتي ما فيه ستات هنا كتير، اطلعي ارتاحي شوية
بيان قعدت علي الكرسي بعند :لا هرتاح هنا احسن
يونس بصلها شوية وبعدين خرج
@@@@@@@@@@@@@@@@@@@@@
في اوضة ريان ورانيا
رانيا كانت واقفة جمبه وبتظبط ليه الجلابيه الصعيدي بحب
رانيا :اهو خلصت ايه رايك
ريان بابتسامة :ايه رايك فيا الاول
رانيا قربت منه بدلع : بصراحة، مش عايزة اخليك تنزل… خايفة حد يح*سدك
ريان حاوط ايدها علي خصر*ها بخبث : انا معنديش مانع نعمل فرح لينا هنا وبعدين…..
رانيا بكسوف : بس بقي ياريان، يلا اطلع اكيد يونس عايزك
ريان قرب وطبع قب*لة علي خدها وخرج
رانيا حطت ايدها علي خدها بابتسامة، بس حست بنغ*زة في قلبها
@@@@@@@@@@@@@@@@@@@@@
خارج القصر
اهل البلد كلهم متجمعين وفرحانين، كارم كان وسطيهم قدر يدخل جوا القصر وهو لابس حاجة علي رأسه
دخل وشاف بيان قاعدة علي الكرسي وماسكة تلفونها
في هذا الوقت اتصالات من المستشفي بتيجي لمصطفي لكن تلفونه كان مع تفيدة وكل شوية تقفل الخط
كارم فضل واقف باصص ل بيان وبيتأملها قبل ما يعمل ال هيعمله
يونس دخل القصر هو وريان ويوسف واستغرب من وجوده لانه كان لابس اسود في اسود ومغطي نفسه كويس
يونس قرب منه وحط ايده علي كتفه برفعة حاجب :انت مين؟!
كارم اتصدم اول ما سمع صوت يونس من وراه جري بسرعة وووقف قدام بيان وازال الشال عنه
بيان اتصدمت ووقفت وهي خايفة
يونس بغضب :ابعد عنهاااااا
كارم اخرج سلا*حه وبجنون: انا هحر*مك منها وهخليك تندم انك اخدتها مني
وجه سلا*حه ناحية بيان والكل بقي مصدوم، ويونس لسة هيجري علي بيان
بس للاسف كارم اخرج رصا*”صته واتجهت ناحية بيان
يونس اتصدم وقلبه وقف، وبيان غمضت عينها….. الكل انفاسه وقفت من الصدمة
فجاة بيان فتحت عينها ببطء وبصت علي بطنها ببطيء لقت د*م علي هدومها، دموعها نزلت وهي مش فقادرة تاخد نفسها
حطت ايدها علي بطنها…. فجاة ملقتش حاجة مفيش جر*ح
ريان بصدمة :رانياااااااااا
بيان سمعت صوته وبصتله، وبعدين بصت قدامها، اتصدمت لقت رانيا قدامها وبتنز*ف، افدتها بحياتها واخدت الرصا*ضة مكانها
رانيا وقعت علي الارض وبتاخد انفاسها بصعوبة ودموع
ريان جري عليها بصدمة ودموع وحضنها بقوة
ريان بخزف عليها :لااااا متسبنييييش….. متسبنيش انا بحبك ولله مش هقدر اعيش من غيرك، انا مليش غييييرك متسبنيش
كارم كان هيهر*ب لكن يونس لحقه، وضر*به بمسد*سه في نصف قلبه
كل الستات بدات تصر*خ
يونس بغضب لرجالته : خدوا الوا*طي دا من هنا
رجالته اخدت ج*ثة كارم وخرجوا بسرعة
وريان شال رانيا وجري علي العربية ويوسف وعايدة جريوا وراه
يونس قرب من بيان ال بترتعش وبتعيط
يونس حاوط ايده علي وشها بقلق :انتي كويسة؟!
بيان بصتله بدموع :ر رانيا، ا ان
يونس اخدها في حضنه بقوة ومسح علي ضهرها
وبعدين اخدها هي وامه واتجه للمستشفي
ومصطفي وتفيدة راحوا وراهم، وكريم وراية لما عرفوا راحوا كمان بسرعة
@@@@@@@@@@@@@@@@@@@@@
في المستشفي
ريان شال رانيا لجوا بسرعة ورانيا غمضت عينها خالص
الممرضين جم واخدوا رانيا علي غرفة العمليات
وريان قعد علي الكرسي وحط ايده علي رأسه وهو بياخد نفسه بضيق
ريان في سره بدموع : يارب، متحرمنيش منها انا مبقتش بحس بالوحدة معاها دي هي ال ملت عليا حياتي، والنبي يارب مش هقدر اكمل من غيرها، انا مش عايز حاجة غير انها ترجعلي بس
يونس قرب منه وحط ايده علي كتفه : هتبقي كويسة ان شاء الله
ريان قام وقف وحضنه بقوة ودموع : ولله بحبها يا يونس، مش هقدر اكمل من غيرها ولله
يونس طبطب عليه وهو حزين علي صاحب عمره
عايدة كانت قاعدة علي الكرسي بتعيط وبتدعي لبنتها
وبيان واقفة علي جمب بتعيط بصمت
وغنوة واقفة جمب يوسف بتوا”سيه، بس يوسف مقدرش يستحمل وخرج من المستشفي
وتفيدة ومصطفي وصلوا
جت واحدة من الممرضات:مش حضراتكم برضوا تبقوا عيلة الجبالي
كريم باستغراب :اه، في حاجة ولا ايه؟!
الممرضة :في واحد من عيلتكم عمل حاد*ثة وهو دلوقتي في العناية المشددة ومحتاج نقل د*م اسمه حسين
الكل اتصدم، وخصوصا تفيدة ال خافت واترعبت
عايدة بصدمة :دا ازاي دا، احنا فعلا مشوفناهوش من الصبح
يونس بسرعة : اجري يامصطفى اتبرع لابوك بالد*م يلاااا
تفيدة بسرعة وخوف :ا ايه؟! و وليه مصطفي…. م ما يوسف يتبرع
يونس بغضب : وهو دا وقتك؟! يوسف خرج ومش هنقعد لسة ندور عليه، ورانيا زي ما انتي شايفة اهو
تفيدة خافت اكتر ومش عارفة تقول ايه
مصطفي مشي مع الممرضة ودخل عشان يتبرع لابوه
…………. بعد وقت
بس الوقت عدا علي تفيدة كأنه سنين
جت الممرضة تاني :يا جماعة مفيش تطابق في عينات الد*م
يونس باستغراب :قصدك ايه؟! دا ابنه
الممرضة :زي ما بقولك كدا، عينات الد*م مش متطابقة خالص
تفيدة اترعبت وخلاص سرها هيبان
العيلة كلها اتصدمت
نسمة بصدمة وعفوية : معقول ميكونش ابن حسين
يونس بص لتفيدة بغضب وووووووووو
@@@@@@@@@@@@@@@@@@@@@@
استوووووووب، مش هتأخر ان شاء الله
وياجماعة استعدوا لان خلاص رواية حب صغيرتي قربت تخلص
وبليل او بكرا ان شاء الله هنزل اول بارت من الرواية الجديدة وان شاء الله تعجبكم….. بس قولولي عايزينها صعيدية ولا لا

• لقراءة باقي فصول الرواية أضغط على (رواية حب صغيرتي)