رواية عانيت لأحبك الفصل التاسع 9 بقلم فاطمة محمود

رواية عانيت لأحبك الفصل التاسع 9 بقلم فاطمة محمود

 

البارت التاسع

 

” روايه عانيت لأحُبك ”
” البارت التاسع ”
” فاطمه محمود ”
شهد كانت نايمه ودخلت مامتها الاوضه
نجلاء : شهد يا شهد
شهد بنوم : اممم
نجلاء : يابت قومي يلا
شهد بنوم : سبيني شويه يا نوجا
نجلاء رمت عليها المخده
نجلاء : قومي اخلصي مش هقول تاني
شهد : هو في حد يصحي حد كدا يوليه انتي
نجلاء رمت عليها مخده تاني: قله ادب كمان
شهد : خلاص خلاص
وبعدين قامت وقفت علي السرير
شهد : امتي بقا تيجي يا قره عيني وتاخدني من هنا
نجلاء : أمه داعيه عليه اصلا
شهد بابتسامه : اه والله يا نوجا هياخدو حلاوه
وشياكه ودلع ورقه
نجلاء : بتوصفي حد تاني انتي صح اصلا الحاجات مش عندك
شهد : الله بقا يا نوجا احنا مبنطلعش الحاجات دي غير لما يجي حبيب القلب
نجلاء : قلبك يقف يا بعيده اخلصي يلا
شهد بضحك : حاضر
وبعدين شهد اخدت شاور ولبست هدومها وخرجت من الاوضه وراحت علي السفره كان موجود احمد و مراد ونجلاء
شهد : صباحو ورد
الكل : صباح الخير
شهد : بقولك يا حماده
احمد : ايه يا حبيبتي
شهد : البنات هيروحو الساحل
مراد : طيب والكليه بتاعتك
شهد : ما هما تلت ايام و آيه و سلمي و فارس رايحين
نجلاء : ونتو رايحين ليه
شهد : عيد ميلاد نور وهيغيرو جو قالتلنا انا والبنات وفارس
مراد : يعني هتباتي برا البيت
شهد : يا مراد يعني انا هبات في الشارع اكيد لا وبعدين
مش كل حاجه هتقول لا
مراد : انا كل الحكايه خايف عليكي
شهد بحب : حبيبي يا مارو عارفه والله بس متقلقش عليا
مراد :طيب يبقا تاخدي بالك من نفسك
شهد : حاضر يا حبيبي .. ها يا بابا مقولتش حاجه
احمد بإبتسامة : مراد قال رأي خلاص
شهد : ربنا يخليكم ليا
نجلاء : وامتي هتروحو
شهد : مش عارفه لسه هشوف البنات انهارده
نجلاء : طيب افطري يلا
شهد : حاضر
مراد : يلا عشان اوصلك
شهد : اوك
بعدين شهد و مراد مشيو
………………………….
عند آيه دخلت اوضه سلمي لقيتها ماسكه الفون ومبلمه
آيه باستغراب : مالك مبلمه كدا ليه
سلمي وهي ماسكه الفون : مكنتش اتوقع
آيه : يابنتي في ايه سيبتي اعصابي
سلمي اديت فونها لـ آيه
آيه بصت في الفون لقيت يوسف باعتت ادد لسلمي
وبعدين رجعت بصت لسلمي
آيه بضحك : معقوله بالسرعه دي
سلمي بضحك : انا اتفاجت اصلا
آيه : طيب ايه هتردي
سلمي بتردد : مش عارفه بصراحه
آيه : امم استني اتقلي شويه عشان ميقولش اول
ما بعتلها قبلت
سلمي : انتي رايك كدا
آيه : امشي ورايا ونتي تكسبي
سلمي بضحك : ياخوفي في الاخر
آيه بضحك : متقلقش ويلا عشان زوزا جهزت الفطار
سلمي : ماشي
وبعدين طلعت هي و آيه
آيه و سلمي : صباح الفل
الكل : صباح الورد
زينب : ايه يا بنات كل دا
سلمي : معلش يا زوزا كنت بلبس
زينب : طيب يلا عشان متتاخروش
واكلو سلمي و آيه وبعدين مشيو مع فارس
…………………………………..
في عربيه يوسف كان بيسوق وجمبه مالك ونور
وسيف ورا كانو بيعملوا تيك توك
سيف ماسك نور من هدومها
سيف : ايه دا ايه دا
نور وهي بتبعد ايده
نور : ابعد ايدك الشاكت لو سمحت
سيف : شاكت ايه وقرف ايه
مالك بضحك : ايه دا انتو اتقابلتو
نور : انت تعرفه يا سعيد
مالك : دي مرفت يا مصري
سيف : مش عاوزه افتكرها
مالك بضحك : اقفل الترند علي كدا
يوسف بضحك هو بيقلد نور : الشاكت يا خساره التعليم
نور بضحك : يابني دي لغات انت مدرستهاش هتعرفها ازاي بس
مالك بضحك : دي دراسات عليا للانجلش يا يوسف معدتش عليك يا حبيبي
سيف بضحك : درسناها انا ونور سوا
نور بضحك : محدش قدانا يا سيفو
وفضلو يضحكو
يوسف : انت لقيت شغل هنا يعني يا مالك
مالك : ايوا و كمان وافقوا
نور : هما يلاقو دكتور ذيك بس ويقولو لا دا انت شهرين تلاته وتبقا مدير المستشفي
مالك بضحك : واثقه فيا اوي كدا
نور بضحك : قدها اكيد
سيف بضحك : اوعي تخيب امالنا كله فيك كبير
مالك بضحك : متقلقش عيب عليك احنا معلمين
يوسف وقف العربيه
يوسف : طيب يلا كفايه هزار انزلي يا نور
نور نزلت و وقفت
يوسف : خدي بالك من نفسك
نور : حاضر
مالك : سلام يا اوزعه
نور بضحك : سلام يا كوكو
سيف بضحك : خدي بالك من الشاكت
نور بضحك : في ايد امينه
نور دخلت الكليه والشباب مشيو
نور دخلت الكليه ولقيت شهد ماشيه قدامها
نور : شهد
شهد وقفت وبصيت وراها ولقيت نور وسلمت عليها
شهد : عامله ايه يا نوري
نور : بخير يا حبيبتي انتي عامله ايه
شهد : الحمدلله يا قلبي لسه جايه ولا ايه
نور : ايوا من شويه
شهد : البنات وصلو اهم
نور بصيت لقيت آيه و سلمي
سلمي و آيه : صباح الورد
شهد و نور : صباح الفل
آيه : واقفين هنا ليه
شهد : لسه واصلين واتقابلنا
سلمي : كلنا متاخرين انهارده ولا اي
نور : شكلها كدا بس محدش دخل محاضرات كله موجود
سلمي : طيب تعالو نقعد شويه
البنات راحو الكافيه وقعدو سوا
شهد : نشرب ايس كوفي بقا
البنات : اشطاا
شهد : هجيب واجي
سلمي : متتاخريش
و آيه فتحت فونها ولقيت رساله من سيف
آيه في سرها : معقول هو
بعدين دخلت ع الرساله ولقيته سيف وباعت رساله
اذيك يا قمر ابتسمت و رديت
آيه : مين
في نفس اللحظه دي كان سيف ماسك الفون
وصلته الرساله
سيف ابتسم رد عليها في الشات
سيف : مين اعملي فيها المستهبله بقا
آيه : هو انا اعرفك عشان استهبل معاك مثلا
سيف : دا بجد دا ولا بتهزي
آيه : لا بجد وجد الجد كمان
سيف بابتسامه : طيب احب اعرفك بنفسي معاكي
المهندس عمرو
آيه بضحك : لا وكداب كمان
سيف بضحك : ليه انتي تعرفيني يعني
آيه بضحك : لا مش عارفه ولا حابه اتعرف
سيف : خدي يابت هنا يعني انتي مش عارفاني بجد
آيه : بت في عينك وقولتلك اني معرفكش
سيف : طيب معاكي سيف
آيه : سيف مين
سيف : طيب الظابط سيف
آيه : يعني كدا عرفتك انا
سيف : لا انتي كدا بتستهبلي بقا
آيه بضحك : طيب انا ورايا محاضره دلوقتي
وبعدين يبقا نعرف انت مين
سيف : ماشي يا قمر
يوسف كان قاعد قدامه وشافه مبتسم
يوسف : سيف
سيف : عاوز ايه
يوسف : ايه شغلك في الفون ومخليك مبتسم
سيف : شوفت البوست الي نزلته نور
يوسف : امم ماله
سيف : كانت عامله منشن للبنات
يوسف : مش فاهم برضو
سيف : بصراحه دخلت ع اكونت آيه وبعتلها
فا رديت عليا دي كل الحكايه
يوسف : طيب ونت داخل تكلمها ليه
سيف : يابني البت عجباني
يوسف : يعني كل الفكره عاجبك مش اكتر
سيف : لا طبعا مش كدا بس مش هجيلها الموضوع
خبط لزق يعني
يوسف : ربنا يفرح قلبك
سيف : يارب يا حبيبي
………………………………..
شهد كانت جابت الايس كوفي
شهد : اتفضلو
سلمي : المحاضره بدأت يا بنات نشرب مره تانيه يلا
شهد : يعني انا بعد دا كله اروح واجي ومشربش
نور : خلاص خليكي عشان الدكتور يطردك
شهد : هاخده معايا
آيه : طيب خدي ويلا روحو
البنات راحو المحاضره
……………………………
عند فارس في الشركه كان قاعد في مكتبه وباب
المكتب خبط وكانت ندا السكرتيره
ندا : كل حاجه تمام يا فندم تقدر تمشي ولو في حاجه
جديده هبلغك
فارس : تمام يا ندا
ندا خرجت وبعدها فارس خرج من مكتبه
فارس : لو محمد بيه سال عني قوليله راح فيلا
مدام هاله
ندا : تمام يا فندم
وبعدها فارس مشي وطلع من الشركه وركب عربيته
واتوجه لطريق الفيلا
………………………………………
عند مالك كان دخل المستشفى وسأل علي مكتب مدير المستشفي وراح عنده
مالك خبط علي الباب ودخل
مالك : اذيك يا دكتور طارق
طارق : اهلا بيك يا دكتور مالك نورت مصر
مالك بابتسامه : تسلملي
طارق : شوفت في الأوراق بتاعتك انك درست في
امريكا وعملت ماجيستير واشتغلت كمان
مالك : دا حقيقي
طارق : طيب وسبت الشغل ونزلت ليه
مالك : حبيت انزل وابدا شغل هنا
عصام : يعني هتستقر هنا
مالك بابتسامه : لو الشغل حلو أن شاء الله بس بتسال
ليه مش حابب تشغلني هنا ولا اي
طارق بإبتسامة: يخبر دا شرف لينا دكتور زيك يبقا معانا هنا
مالك : تسلم علي ذوقك
طارق : اخدني الكلام ونسيت اقولك تحب تشرب ايه
مالك : لا مالوش لزوم انا حابب ابدا شغل
طارق : الي تحبه حضرتك
طارق مسك الفون وكلم حد وبعد شويه وصل شاب
طارق: دا دكتور مالك ودا دكتور عمر
عمر بابتسامه : تشرفت بحضرتك
مالك بابتسامه : الشرف ليا يا دكتور
عمر : طيب اتفضل معايا
مالك قام مع عمر وخرجوا من المكتب
عمر بابتسامه : اول شغل تستلمه هنا
مالك : انا درست وعملت ماجيستير واشتغلت في امريكا
عمر بابتسامه : لا دا انا كدا قدامي شخصيه مهمه بقا
مالك بضحك : يعني مش لدرجاتي
عمر : شكلنا هنبقا صحاب أن شاء الله
مالك بابتسامه : دا اكيد يا صاحبي
عمر : طيب يلا نجهز عشان معانا عمليه
مالك : عمليه اي
عمر : قلب مفتوح لطفله عندها عشره سنين تقدر
تقرا التقرير تبع الحاله
مالك : خلاص اقرا وبعدين اجهز هي العمليه عليها
وقت قد ايه
عمر : كمان ساعه
مالك : طيب كويس فين التقرير
عمر : اتفضل
…………………………………..
شهد كانت في المحاضره ونور وسلمي وكانت
بتسرب الايس كوفي
الدكتور : انتي يا انسه
شهد فضلت تسرب الايس كوفي ومش واخده بالها
الدكتور : يا انسه
شهد وقفت : بتكلمني انا يا دكتور
الدكتور : اه انتي
شهد :اتفضل يا دكتور
الدكتور : انتي قاعده في ايه
شهد : في المحاضره
الدكتور : لما انتي عارفه محاضره بتشربي ايه
شهد : ايس كوفي
الدكتور : امال انا بشرح لمين
شهد : ما انا مركزه مع حضرتك
الدكتور : طيب انا كنت بقول ايه
شهد : ايه
الدكتور : لا انا بسالك
شهد :ما انا بسالك
الدكتور بزعيق : لا انتي بتهزري بقا
شهد بضحك : لا ابدا يا دكتور
الشباب والبنات ضحكو
الدكتور : بس ضحك ونتي لو اتكرر الي عملتي انهارده
دا مش هيحصل كويس اتفضلي
شهد قعدت : داهيه تاخدك ونت عامل زي الراديو
الي مش بيبطل
سلمي و نور ضحكو
الدكتور : في حاجه
شهد : لا يا دكتور كمل
وفضل يكمل وهو باصص علي شهد الي ماسكه
نفسها من الضحك
………………………………………
فارس وصل قدام الفيلا ونزل من العربيه ورن
الجرس وفتحت لي الخدامه
فارس : مساء الخير
الخدامه : مساء النور
فارس : مدام هاله موجوده
الخدامه : ايوا اقولها مين
فارس : بشمهندس فارس
الخدامه : طيب اتفضل حضرتك
فارس دخل وقعد في الريسبشن
وبعد شويه دخل شاب عليه
علي : اذيك يا بشمهندس فارس
فارس : الحمدلله بخير
علي : اكيد بتسال مين عشان اول مره تشوفني
انا علي جوز مدام هاله
فارس : اهلا بحضرتك
علي : اهلا بيك اتفضل نشرب ايه
فارس : متشكر حضرتك
علي : ميصحش دا انت اول مره تزورنا
فارس : طيب قهوه
علي : حالا سعاد يا سعاد
الخدامه : تأمر بحاجه حضرتك
علي : اتنين قهوه يا سعاد
الخدامه : حاضر يا بيه
علي : اتفضل افرجك علي الفيلا
فارس قام يتفرج علي الفيلا مع علي
……………………………………….
يوسف و سيف نزلو من العربيه ومشيو و وقفو قدام
سوبر ماركت ودخلوا ولقيو راجل تقريبا في الخمسينات
يوسف السلام عليكم
نصر : وعليكم السلام
سيف : حضرتك ممكن نشوف الكاميرات الي هنا
نصر : اكيد طبعا يا باشا اتفضلو
يوسف و سيف فضلو يشوفو الكاميرات وبعد
وقت شكرو الراجل ومشيو
سيف : هنرجع نكمل شغل
يوسف : لا هنجيب نور ونروح
وبعدين ركبو ومشيو
……………………………………..
مالك وعمر كانو خارجين من العمليات
عمر : اكيد تعبت يا دكتور بقالك تلت ساعات واقف
مالك : اهم حاجه العمليه نجحت
عمر : دا بفضلك يا دكتور
مالك : ونت علي فكره شاطر كمان ياعمر
عمر : تسلملي يا دكتور
مالك : ما بلاش القاب يا عمر
عمر بابتسامه : اوك يا مالك تحب اجبلك قهوه تفوقك
مالك : ياريت يا عمر
عمر : حاضر
بعدين سمعو صوت زعيق عالي
مالك : ايه الصوت دا
عمر : مش عارف هشوف واجبلك قهوه ونت روح مكتبه
مالك كان هيدخل المكتب بس الصوت بقا اعلي فقرر
يروح يشوف في ايه مشي وراح مكتب الدكتور طارق
الي الصوت جاي من مكتبه ولقي الباب مفتوح
مالك : في حاجه يا جماعه
مصطفي : ونت مالك انت كمان
طارق : مينفعش تكلم دكتور مالك كدا يا مصطفى
مصطفي : اه يعني انت دكتور مالك
مالك : ايوا انا في حاجه
مصطفي : في انك تاخد شغل مش شغلك
مالك : مش فاهم
مصطفي : افهمك احنا ورانا ايه حضرتك عملت العمليه الي المفروض اعملها انا
مالك : اه يعني انت جاي تحسبني علي تاخيرك ولا ايه
مصطفي : متغيرش الموضوع
مالك : لا انا مش بغير انا برد عليك عاوز تفهم مش
عاوز مش مشكلتي
مصطفي اتعصب ولسه هيقرب من مالك بعده عمر
طارق : مصطفي اهدي ونت يا عمر خد دكتور مالك من هنا
عمر اخد مالك ومشي وراحو المكتب ودخلو قعدو
عمر : هو علي طول كدا بمشاكله
مالك : هو باين عليه
عمر : طيب اتفضل قهوتك
مالك اخد القهوة شرب شويه منها
مالك : بقالك كتير بتشتغل هنا
عمر : يعني اربع سنين كدا
مالك : تعال نكمل شغل
عمر : يلا
مالك وعمر مرو علي كل الحالات الي في المستشفى
وخلصوا بعد وقت كبير
مالك : هو في عمليات تاني انهارده
عمر : في عمليه كمان ساعتين كدا
مالك : نسيبها لدكتور مصطفي لايتعصب اكتر من كدا
عمر بضحك : اه والله
مالك : انت مروح دلوقتي
عمر : ايوا
مالك : طيب اوصلك
عمر : معايا عربيتي يا مالك
مالك : طيب سلام يا عمر
عمر : سلام يا مالك
مالك خرج من المكتب وشاف مصطفي الي كان
باصصله بس مالك تجاهله ومشي
………………………………………
سلمي بضحك : ايه يا بنتي الي عملتيه جوا دا
شهد : وانا عملت حاجه اصلا
نور : معملتيش ازاي ونتي واقفه تهزاري قدام الدكتور
شهد : اهو كنت بحاول افرفشه بدل وشه دا الي جايبلنا الاكتئاب
سلمي بضحك : في دي عندك حق
آيه جات عليهم : بتضحكو علي ايه
نور : شهد
آيه : مالها
سلمي حكتلها علي الي قالته شهد
آيه بضحك : يخرب بيتك مخوفتيش يطردك برا المحاضره
شهد : يطرد مين يابنتي
آيه : الثقه دي جايبها منين انتي
شهد بضحك : من عند البقال
نور بضحك : لا وخفه دم كمان
شهد بضحك : امال انتي فاكره ايه يا بنتي دا احنا استذات في خفه الدم
نور : طيب يلا بينا نروح عشان كل وحده تحضر شنطتها
شهد : علي الساعه كام
نور : مش عارفه لسه هعرف الدنيا وهبعتلكم علي الجروب
سلمي : اوك
آيه : يلا بينا طيب
بعدين البنات خرجوا من الكليه لقيو يوسف و سيف
بالعربيه والبنات راحو ليهم
سيف : اذيكم يا هندسه
البنات : الحمدلله
نور : هو فارس مش جاي ياخدكم ولا ايه يا بنات
سلمي : لا معا شغل بس السواق هيوصلنا
نور : طيب يلا سلام علي تواصل
البنات : سلام يا نور
ونوره ركبت ومشيو والبنات ركبو مع السواق ومشيو
……………………………………….
يوسف وصل قدام العماره ونزلو وطلعو الشقه
وفتحت ليهم هناء ولقيو مالك موجود
يوسف : مساء الخير
هناء : مساء النور
يوسف : انت هنا
مالك بضحك : لا هناك
نور بضحك : دا انت رايق بقا
مالك بضحك : حاجه زي كدا
سيف : رفعت راسنا ولا خبت طمنا
مالك : انت تعرفني عني كدا
سيف بضحك : لا
يوسف : وايه اخبار الشغل
مالك : كويس شوفت النظام وعملت عمليه قلب مفتوح
سيف : طيب ونجحت
مالك : الحمدلله
نور : طيب جهز نفسك عشان بكره هنروح الساحل
مالك : انتو متفقين بقا
يوسف : اتفقنا في اليوم الي جيت في
مالك : طيب مش عارف ممكن مقدرش اروح معاكو
نور : لا لا مفيش الكلام دا هتروح يعني هتروح
يوسف : اطلب منهم اجازه يومين بس احنا مش هنقعد كتير
مالك : انا لسه بدأت انهارده هطلب منهم اجازه يومين ازاي
سيف بضحك : قولهم عندي حاله وفاه
مالك بضحك : هتهزر
سيف : عندك حل تاني
مالك : مش عارف
نور : انت مش قولت عملت عمليه ونجحت واكيد
بقيت اشطر دكتور قولهم اخد اجازه يومين
مالك بضحك : لا والله
نور بضحك : جرب بس
يوسف : طيب جرب قوله
مالك : هتروحو الساعه كام
يوسف : هنمشي 10 الصبح
نور : طيب انا هقول للبنات ونت يا مالك شوفه ممكن يوافق
مالك : طيب ماشي انا همشي تصحبو علي خير
الكل : ونت من أهل الخير
سيف : خدني معاك يا مالك تصبحو علي خير يا جماعه
الكل : ونت من اهل الخير
سيف و مالك مشيو وكل واحد راح علي شقته
نور : دخلت اوضتها وبعتت للبنات علي الجروب انهم هيروحو الساعه 10
يوسف دخل اوضته ومسك فونه ولقي نور قبلت الادد
يوسف : ايه دا هو انا بعت امتي
بعدين دخل يكلمها ع الخاص
انا اسف بعت بالغلط
ساب الفون ودخل ياخد شاور وبعدين خرج كان
بينشف شعره لقي رساله وكانت سلمي باعتها
محتوي الرساله كان
ولا يهمك لو مش حابب ممكن الغي الاددد
يوسف ابتسم ورد
لا ابدا بالعكس أنا مبسوط جدا
وبعدين رن علي فارس الي رد عليه
يوسف : عامل ايه يا حبيبي
فارس : بخير يا جو انت عامل ايه
يوسف : طيب بكره الساعه 10 تبقا جاهز
فارس : خلاص ماشي
يوسف : ايه صوت العربيات دا انت لسه برا
فارس : اه في الطريق مروح
يوسف : ماشي يا فارس يلا سلام
فارس : سلام يا يوسف
…………………………………….
عند سلمي كانت ماسكه الفون وشافت
الرساله وفرحت اوي
سلمي بابتسامه : توتا
آيه : ايه
سلمي : يوسف قالي بالعكس أنه مبسوط جدا
آيه بضحك : العب ياعم
سلمي ضحكت : نور باعت علي الجروب الساعه 10
تكونو جاهزين
آيه : اه يبقا نقول لفارس
آيه ماسكه الفون ولقيت رساله من سيف
سيف : نتعرف دلوقتي
آيه بضحك : لا
سيف : مش مهم احنا كدا كدا عارفين بعض
آيه :انت مصمم بقا
سيف بضحك : اه
آيه بضحك : هو في حاجه بتوجعك
سيف بضحك : قلبي
آيه بضحك : تاك وجع في قلبي
سيف بضحك : اهون عليك يا جميل
آيه : طيب لم الدور
سيف بضحك : الم ازاي وانا وقعت من الدور العاشر
آيه : ولما انت وقعت من الدور العاشر عايش ازاي
سيف : ما انا عايش علي حبك
آيه : ازاي مش فاهمه
سيف : انا بصراحه بحبك
آيه شافت الرساله وسكتت ومعرفتش ترد فا قفلت
سيف استني منها رساله بس مبعتتش فبعت رساله
لاقها قفلت
سيف : هو انا عكيت الدنيا ولا ايه
بعدين قفل فونه ونام
…………………………………….
فارس وصل قدام العماره ونزل من العربيه وطلع
وفتحتله زينب
فارس : مساء الخير
زينب : مساء النور
زينب : حمدالله على سلامتك يا حبيبي احضرلك تاكل
فارس : لا يماما اكلت
زينب : شكلك مرهق روح نام يا حبيبي
فارس : تصبحو علي خير
فارس دخل اوضته واخد شاور وغير هدومه
ولسه هينام الباب خبط
فارس : ادخل
آيه و سلمي دخلو
آيه : كويس انك لسه منمتش
فارس : ليه في حاجه
سلمي : بكره مسافرين الساحل
فارس : يوسف اتصل عليا وقلي يلا يا بت انتي
وهي عشان عاوز انام
سلمي و آيه: تصبح على خير يا فارسه
فارس : ونتو من أهله يا قلب فاروسه
……………………………………

 

 

• لقراءة باقي فصول الرواية أضغط على (رواية عانيت لأحبك)