رواية تركته فعاد عاشقا الفصل الثاني 2 بقلم اسراء ابراهيم

رواية تركته فعاد عاشقا الفصل الثاني 2 بقلم اسراء ابراهيم

البارت الثاني

نعمة علي بسمة بحنان ومشيو سوا وبسمة من جواها مقررة تنسي حبها لجاسر واتمنتله السعادة من قلبها حتس لو مع غيرها
………………………………………
في الخطوبة كانت بسمة عينيها علي جاسر اللي نازل من العربية ومعاه جميلة ووقتها قلبها وجعها اوي وهي شايفاه مع غيرها بس حاولت متبينش وبقت تبتسم وخصوصا اما شافت معاذ اخوها ونظرته لمنة اخت جاسر واللي واضح انها هي كمان بتحبه من خجلها كانت واقفة بسمة جمب معاذ ونعمة امها لحد ما اتكلم معاذ بفرحة جاسر انا قبل كدة طلبت منك ايد منه وانت قولتلي انك هترد عليا وانا عاوز اعرف دلوقتي ردها
ابتسم جاسر وبص لمنة اللي ابتسمت فرد بتلقاىية الجواب باين من عنوانه يا سي معاذ وانا مش هلاقي احسن منك لاختي علي بركة الله
زغرطت نعمة وكانت بتسقف بسمة بفرحة لاخوها وهي عينيها علي جاسر والدموع ملياها بس متعرفش ان عنيه هتتقابل مع عنيها ويشوف الدموع اللي محبوسة فيهم ووقتها بسمة اتوترت ومشيت بسرعة وهربت بعيد تحت نظرات جاسر اللي كلها استفهام وقفت بسمة في البلكونة وهي حاطة ايديها علي قلبها اللي كانت دقاته عالية اوي لانها متخيلتش ان ممكن جاسر ياخد باله منها ومن دموعها وعشان كدة لازم تحاول تداري اللي حصل وتبان طبيعية جدا فقررت تدخل تاني وتتعامل عادي جدا دخلت تاني شقة جاسر اللي قررو يعملو فيها الخطوبة عشان اوسع من شقة جميلة واول ما دخلت بسمة شافت معاذ بيرقص سلو مع منة وجاسر مع جميلة ابتسمت بحزن وراحت قعدت مع امها وفضلت متابعاهم وهي راسمة علي وشها ابتسامه مقررة بيها تنسي كل حاجة
………………………………….
معلش يا معاذ انا مش هقدر اخرج معاكم
قالتها بسمة بتهرب وهي واقفة بتعكل الشاي في المطبخ وكان واقف معاذ وراها ورد عليها بضيق يا سلام طب هتخرجي يا بسمة وغصب عنك وبعدين دي خروجة يا عبيطة حد يقول للخروجة لا ما تقوليلها يا ماما
ردت بسمة بتلقائية وهي بتبص لمعاذ بحب يا حبيبي انتو كل واحد خارج مع خطيبته انا بقي لازمتي ايه انا عارفة يا معاذ انك بتعمل كدة عشان تخرجني من اللي انا فيه بس انا والله كويسة جدا ومفيش اي حاجة عشان تعمل كدة ؤوح انت يا حبيبي اخرج واتبسط ولما ترجع هتحكيلي كل حاجة هه
نفخ معاذ بضيق وبعدين فكر في حاجة فاتكلم بخبث طب يا بسمة انا هكلم منة واقولها ان خلاص مش هنخرج وبراحتك بقي ذنبي في رقابتك بقي
جريت بسمة بسرعة ورا معاذ عشان تلحقه وقالتله بلهفة يا معاذ ايه شغل العيال ده بس طبعا متعملش كدة خلاص هروح وامري لله
ابتسم معاذ ورد بتلقائية وهو بيبصلها بانتصار ايوة كدة ناس مش بتيجي غير بالعين الحمرا يلا البسي بسرعة علي ما البس
بسمة بقلة حيلة وهي بتحرك راسها بيأس ماشي يا سيدي بس لو اتقال عليا بعمل حما هيبقي بسببك ماشي
ضحك معاذ ورد بتلقائية وهو بيطبطب علي بسمة بحنان عاوز اقولك ان منة اللي صممت انك تيجي معانا وقالتلي لو انتي مجتيش مش هتروح في حتة
ردت بسمة بحب وهي بتبص لمعاذ منة دي بنت حلال وتستاهل كل خير خد بالك منها يا معاذ واوعاك تزعلها عشان انا اللي هزعلك ماشي
علم وينفذ يا اختي القمر
قالها معاذ بجدية مصطنعة وهو بيرفع ايده باستسلام وبعدين ضحكو هما الاتنين بصوت عالي
………………………………………
كانت بتسلم جميلة علي منة وبسمة بطريقة غريبة خلتهم يبصو لبعض هما الاتنين باستغراب وبعدين قطع نظراتهم جاسر اللي قالت بابتسامة ها تحبو تروحو فين يا بنات
ردت بسمة بابتسامة وهي بتشاور علي جميلة ومنة بود لا ده يومهم هما هما اللي يقررو يروحو فين يلا يا منة انتي وجميلة اختارو بسرعة
ردت جميلة برود وهي بتربع ايديها وبتبص بغرور لبسمة كويس انك عارفة انه يومنا يعني مكنش في لزوم تكوني فيه
بصت بسمة لمعاذ بتوتر واحراج بس اللي رد عليها جاسر بضيق ايه اللي بتقوليه ده يا جميلة بسمة اخت معاذ وهي زيها زيكم هنا وياريت توفري رأيك لنفسك
بسمة ردت بهدوء وهي بتبص لمعاذ طب انا هستناكم في العربيه يا معاذ لحد ما تقررو
لحقت منة بسرعة بسمة وقالتلها بضيق وهي بتبص لجميلة استني يا بسمة انا جاية معاكي ويبقو يقررو هما بقي
ابتسمت بسمة بحب ومشيت مع منة وسابو جميلة اللي كانت متابعاهم بغيظ ووقتها معاذ بص لجاسر ومتكلمش وسابهم هو كمان ومشي فاتكلم جاسر بغضب ممكن اعرف ايه اللي عملتيه ده ولزمته ايه الكلام اللي قولتيه لبسمة اخت معاذ دي
ردت جميلة ببرود وهي بتبص لجاسر والله انا مبعرفش اخبي وانا جميلة دي مبحبهاش من زمان سبحان الله
جاسر بسخرية وهو بيبص لجميلة ده علي اساس ان كلامك مع منة اختي هو اللي عدل يعني انتي ناسية اللي بتعمليه معاها كل ما بنتقابل
نفخت جميلة بضيق وردت علي جاسر بتلقائية والله يا جاسر انا كدة مبعرفش اخبي اللي بحس بيه ناحية اي حد وانت عارف كدة كويس ممكن مشي بقي عشان انا زهقت اوي
بصلها جاسر بغضب وشاورلها تمشي قدامه فمشيت بضيق واتنهد هو بحيرة وبعدين مشي وراها
………….. …………………………
كانو كلهم قاعدين في المطعم بعد ما اتغدو فكانت منة وبسمة بيتكلمو مع بعض ويهزرو ويضحكو سوا تحت نظرات جميلة اللي كانت بتبصلهم بقرف وبعدين قامت وهي بتقول ببرود انا هروح الحمام جاسر تعالي وريني هو فين
قام جاسر ومشي مع جميلة فبصت بسمة لمعاذ وقالتله بخبث وانت يا معاذ مش هتروي منة المطبخ فين
ابتسمت منه بخجل ومعاذ كان متردد يقوم فعلا ويسيب بسمة فشجعته بسمة وقالتله بحماس يابني قوم ده فرصة مبتتعوضش وبعدين بصراحة انا صدعت منكم وعاوزة اقعد في هدوء حبتين
قام معاذ واخد منة من ايديها وهو بيقول بابتسامة عندك حق انا بقول اسيبك تشمي هوا لوحدك شوية يلا يا منة
مشي معاذ ومنة تحت نظرات بسمة اللي كانت فرحانة عشانهم اوي واتنهدت وقتها بسمة وهي بتحاول تبعد تفكيرها عن جاسر فغمضت عنيها بحيرة وهي بتحط ايديها علي وشها بس شالتهم بسرعة اما سمعت صوت جاسر وهو بيقعد قدامها ايه ده هما سابوكي ومشيو ولا ايه
اتوترت بسمة وبصت حواليها بتوتر وهي بترد بهدوء لا انا اللي طلبت منهم يتمشو شوية عشان ميبقوش مربوطين بيا يعني واحس اني عزول
جاسر بابتسامة وهو بيبص لبسمة بتركيز انتي فعلا جميلة اوي يا بسمة وحقيقي انا اسف علي اللي قالته ليكي جميلة هي متقصدش
ردت بسمة بهدوء وهي بتفرك في ايديها بتوتر لا عادي انا مش زعلانة منها هي عندها حق انا مكنش ليا لازمة اني اجي معاكم بس اعمل ايه معاذ هو اللي صمم والله .
رد جاسر بتلقائية من غير ما يحس بنفسه دي احلي حاجة عملها معاذ انه صمم يجيبك معاه اصلا مكنش هيبقي الخروجة ليها لازمة من غيرك
سكتت بسمة وهي باصة لجاسر اللي حس وقتها باللي قاله وفصلو هما الاتنين

• لقراءة باقي فصول الرواية أضغط على (رواية تركته فعاد عاشقا)