رواية أوجاع الماضي الفصل السادس والثلاثون 36 بقلم سلوى عوض
رواية أوجاع الماضي الفصل السادس والثلاثون 36 بقلم سلوى عوض
البارت السادس والثلاثون
#سلوي_عوض
#اوجاع_الماضي
بارت 36
البارت كله مفاجات
شمس: انا مش جصدي ازعلك
جميله: لوسمحت سيبني اشوف شغلي وبعدين نبقا نشوف قصدك ده
شمس: ينظر من النظاراه المكبره… الحجي ده فيه راجل معاه عيال كتيره جوي… بيجيبو كل العيال ديه منين؟ يخربيوتهم
(وهنا يأتي عساف ورجاله)
عساف: يقابل عوف ويأخذ منه البنات ويقابل الرجل الآخر ويأخذ منه باقي الأطفال
عوف: فين الفلوس؟
عساف: الفلوس ف مصر، احنا هنسافرو كلنا، نسلمو العيال وناخدو حجنا
عوف: خلاص هنركبوا معاكم
عساف: اركب يا أخوي
الرجل الآخر: وانا كمان
عساف: اركبوا كلكم ف صندوق العربية مع العيال، ولو جابلنا كمين ولا حاجه نقول رايحين فرح… وخدوا البنج ديه، رشوه عالعيال عشان ميبكوش ف الطريج
(أما جميله كانت تصور كل ما يحدث)
شمس: ايه ده؟ ايه جله الدين ديه؟
جميله: شكراً ليك يا شمس، تقدر تنزل انته
شمس: انزل منين؟ ديه عربيتي
جميله: خلاص، هتصل أجيب عربية
شمس: وتجيبي عربية ليه؟ رجلي على رجلك
جميله: لا شكراً
شمس: عاوز أشارك ف القبض ع المتهمين
جميله: لا، كتر خيرك
شمس: بطلي رط، أهم بيتحركوا
جميله: خليك وراهم بس من غير مياخدوش بالهم
شمس: مش احنا كده كده عارفين عنوان الدكتور الضلالي ديه؟
جميله: آه، بس لازم أوثق الموضوع من أوله
(وهنا يأتي عياش إلى سياف ورجاله)
عياش: خدوني معاكم
سياف: مين انت؟
عياش: أنا عارف كل حاجه عنكم، هتاخدوني ولا له؟
سياف: تعال اركب معاهم ف الصندوق
شمس: ايه ده؟ عياش جوز أم ملك؟
جميله: وده علاقته ايه بيهم؟
شمس: الطمع طبعاً
جميله: طاب خليك وراهم وأوعى يذوغوا منك
(لتتصل جميله بكمال)
جميله: انكل كمال، العصابة ف الطريق إلى المستشفى واحنا وراهم، بعد إذن حضرتك متخليش أي كمين يوقفهم
كمال: انتو مين؟ انتي معاكي حد؟
جميله: آه، شمس صمم ينزل معايا القاهره
كمال: راجل شمس ده؟
جميله: ياله بقا يا انكل كمال، متخافيش مافيش حد يوقفهم، ولا انتو كمان… ياله اتجدعني بقا
جميله: حبيبي يا انكل
(أما في منزل الحج حامد كان الجميع يستمع إلى نوال والكل في حالة ذهول)
صافيه: معقوله؟
الهام: بتي تعمل كده؟
نوال: والله العظيم يا حجه أنا هكدب عليكم ليه؟
الحج حامد: اتصل بشمش يا عز عشان يلحق بنته، حرام أطفال ملهمش ذنب
(وهنا يدخل حامد ومعه ملك ووالدتها)
الجده: تعالي يا أم ملك، ألف سلامه عليكي
الأب: ياله يا عز عشان نلحقوا البنت
ملك: بنات مين يا جدو؟
الجد: بنات الهام، هيبيعوهم أعضاء
ملك: متقلقش يا جدو، شمس وجميله وانكل بيراقبوا العصابة
الجد: مين جالك؟
ملك: انا هقولكم كل حاجه
(أما الهام كانت جالسة تبكي وتصرخ من الخوف لتري طفلها)
الطفل: مش حرام عليكي تعملي فيا كده؟ تهمليني، أموت من الجوع، وكمان ترميني ف جلب الزبالة؟
الهام: مش أنا
أم عوف: لتشعر بالطفل يقترب منها
(لتجري الهام وتصعد على السلم في حالة هستيريا إلى أن تصل إلى الطابق الثاني عشر، لتجد الطفل أمامها)
(لتجري الهام بعيد عنه ولا تشعر بنفسها إلا وهي تسقط من السطوح، لتلقى حتفها على الفور)
(ليجتمع الناس حولها)
شخص: لا حول ولا قوة إلا بالله، اتصلوا بالإسعاف
شخص آخر: يا ترى انتحرت ليه؟ أكيد بت خاطية وموتت نفسها، جبل الحبل ميبان عليها
إحدى السيدات: استرها علي ولا يانا يا رب
(أما في منزل الحج حامد)
صافيه: طاب وبني فينها دلوقتي؟
نوال: ف البيت عندينا
صافيه: اعمل معروف يا نزار يا ولدي، روح هات خيتك
نزار بحيرة: حاضر يا أما
ادهم: استني، أنا جاي معاك، هاتي العنوان يا ست نوال
نوال: حاضر، هجولكم عليه
(لتملي عليهم نوال العنوان)
صافيه: اوعاك تعمل حاجه ف خيتك يا ولدي
إكرام: بعد كل اللي عملته صافيه بتي، وجلبي واكلني عليها يا ناس
إكرام: طيبة جوي انتي يا صافيه
(وبالفعل يذهب نزار ومعه حامد إلى العنوان الذي أعطتهم نوال إياه)
الجد: هات خيتك من سكات، معاوزينش فضايح وجرس
نزار: حاضر يا جد
صافيه: تتحدث إلى نوال
صافيه: انتي متوكده يا ست نوال أن الهام موتت ولدها وهتبيع بناتها؟
نوال ببكاء: والله العظيم مكدبت عليكم ف حرف، شاهد ربنا ووكيل إني هربت بولدي جبل ما عوف يبيعه
ملك: كل ده بسبب عبدالرحيم
الجد: أنا مش لاجي كلام أجوله
نوال: عبدالرحيم أذى الكل حتى عياله، يا ربي
صافيه: ربنا منتقم جبار
(وبعد ساعة، كان نزار وصل إلى العنوان)
ادهم: ايه الناس الملمومة دي كلها؟
نزار: تعالِ نشوفهم
ادهم: ايه ده؟ في حد ملحج ف الأرض
(ليسأل نزار)
نزار: فيه ايه يا جماعة؟
سيدة: دي واحدة انتحرت من البيت ديه، باينها خاطية يا ولدي
ادهم: طاب، محدش كلم الإسعاف؟
رجل: احنا مالنا، يا ابوي، اللي هيبلغ هيروح فيها
ادهم: طاب اكشفوا وشها كده، ممكن تكون عايشه
رجل له: احنا مالنا
(ليقترب ادهم ويرفع الغطاء من على الجثة)
ادهم بدهشة: ديه الهام… الهام يا نزار
نزار: بتجول ايه؟
سيدة: انتو تعرفوا الخاطية ديه منين؟
ادهم: وعرفتوا منين؟
سيدة أخرى: آه، ديه بت، كان فيه علاجه بينها وبين واحد، وضحك عليها وخلى بيها
(ويبدأوا يختلقون الحكايات والأكاذيب، ونزار في حالة ذهول)
(ليتصل ادهم بجده)
الجد: بتجول ايه؟ يا نهار اسود
عز: فيه ايه يا ابوي؟
الأب: لجيو الهام مرمية، سايحة ف دمها، ف العنوان اللي جالت عليه نوال
عز: هات التليفون يا ابا
عز: اسمع يا ادهم، اتصل بالإسعاف، خليهم ياخدوا جثة بنت عمك
(لتصرخ صافيه)
صافيه: بتي… بتي اتجتلت، مين اللي عمل فيها كده؟
الأب: الناس بيجولوا انتحرت
إكرام: ديه آخره الشر
صافيه: اسكتي يا إكرام، حرام عليكي
بسمه: زعلانه ليه يا عمه؟
صافيه: مش الهام ديه اللي جتلت روضه عشق؟
بسمه: بس يا بسمه، مش وجتك دلوقتي؟ ربنا يرحمها
بسمه: ديه ماتت مفضوحه، ربنا أراد يفضحها
الحج حامد: متزعليش عليها يا صافيه، ديه زرعه شيطاني، هيا ماتت، واحنا جاعد لنا الفضيحة
الجده: جميله يا مري، هنلجوها منين وله منين؟
عز: أنا هتصل بكمال عشان الهام تندفن من غير شوشره
الأب: حتى لو اتدفنت، الفضيحة حصلت وسيرتنا هتبجا على كل لسان
عز: له يا ابوي، احنا مش هنجول إنها بتنا، وندفونها ف مجابر الصدجة
(لتصرخ صافيه)
صافيه: يا مري وحزني عليكي يا بتي، ربنا ينتقم منك يا عبدالرحيم، ضيعت بتي
عز: خلاص يا واد عمي، اعمل اللي يلد عليك
عز: معلش يا أم شمس، بس احنا لازم نعمل كده
(ليتصل عز بكمال ويقص عليه ما حدث)
كمال: لا حول ولا قوة إلا بالله، أنا هتصرف، بس خلي الولاد يسيبوا المكان عشان سمعتكم ف البلد
عز بحزن: حاضر يا صاحبي
كمال: بالمناسبة، عبدالرحيم مات، اللي اسمه عجور حرقه وهو حي
عز: بتجول ايه؟ لا إله إلا الله
الأب: فيه حاجه يا عز؟
عز: كمال بيقول إن عبدالرحيم…
الأب: يعني الأب؟ ماله تاني؟
عز: عبدالرحيم مات، عجور حرقه حي، الشرطة طلعت الجبل، وكان فيه راجل من رجالة عجور، قبضوا عليه، وهو اعترف بكل حاجه
الأب: مع إنه ولدي، وجلبي واجعني عليه، لكن يستاهل، راح بشره خلاص
إكرام: أخوي مات يا أبا، حرجوه حي يا مري
الأب: معاوزش أسمع نفس اللي زي ديه، محدش يحزن عليه
نوال: طاب، أمشي أنا يا عم الحج حامد
حامد: تمشي؟ تروحي فين؟ اجعدي هنا يا بتي
نوال: اجعد ازاي بس؟
حامد: اجعدي هنا معانا، معززه مكرمه
نوال: بس حامد… مبسش يعني، مش هنلجو نوكلوكي؟
نوال: حاضر يا عم الحج حامد
حامد: اطلعي معاها يا إكرام، خليها ترجد ف الجناح بتاعك
إكرام: حاضر يا ابا
—
شمس: وجميله ها هم قد وصلوا إلى المستشفى
(وكانت العصابة أيضًا وصلت)
سياف: خليكم هنا، هروح أجيب الدكتور عشان ياخد العيال وناخدوا حجنا
(وبالفعل يدخل سياف إلى المستشفى ويلتقي بالطبيب ويخرج معه ليعاين الأطفال)
(كل ده وجميله تصور كل ما يحدث)
الطبيب: هاتوهم جوه ونزلوهم تحت على أوضه التشفيه
(وبالفعل يدخل عساف بالأطفال ومعه رجاله وعوف ووالدته)
جميله: آه يا ولاد الكلب
(لتفتح جميله باب السياره وتنزل منه)
شمس: راحه فين يا مجنونه انتي؟
جميله: راحه أشوف هيعملوا إيه قبل الشرطه ما توصل
شمس: الشرطه حوالينا في كل مكان
جميله: أعمل إيه؟ أذوغ منهم إزاي؟ غطيني يا شمس لغاية ما أدخل
شمس: يا بت المجانين تعالي هنا
(لتتركه جميله وتدخل المستشفى)
شمس: يخربيت أهلك
(وبالفعل تجد جميله غرفه التشفيه وشمس وراها دون أن تشعر)
(وهنا يراهم سياف ويطلق النار، ليُصاب شمس بطلق ناري)
(وهنا تدخل الشرطة ليلقوا القبض على الكل)
جميله: شمس… يا شمس
شمس: أنا ماشي… خلي بالك من ولدي
جميله: شمس… يا شمس… هاتوا الإسعاف حالًا
(لتتصل بكمال)
جميله: انكل كمال، شمس اتضرب بالنار
كمال بلهفه: إيه؟
جميله: إسعاف يا انكل كمال حالًا
كمال: طيب، انتي فيكي حاجه؟
جميله: لاء، الحق شمس يا انكل
(أما الشرطة فكانت قد قبضت على العصابة كلها، بما فيهم عوف ووالدته وعياش وكل العاملين في المستشفى)
(وبعد نص ساعه تأتي الإسعاف وتأخذ شمس)
جميله: هركب معاكم
(وتركب معهم جميله في طريقهم إلى المستشفى)
(وهنا يأتي اتصال من كمال إلى عز)
كمال: شمس اتضرب بالنار، وهو حاليًا في طريقه للمستشفى
عز: بتقول إيه؟ شمس اتضرب بالنار؟
(لتصرخ صافيه)
صافيه: ولدي شمس… يا شمس
الجده: جميله، ماله شمس؟
عز: اتضرب بالنار يا أمي
الأب: ولدي! خدني ليه يا عز؟ عاوز أشوفه
صافيه: عاوزه أشوف ولدي
عز: اهدوا يا جماعه
(يقفل بإكمال ليتصل بأدهم)
عز: تعالِ حالًا يا أدهم، أنا هكلم المطار يجهزوا لنا طيارة خاصة، عشان نازلين كلنا على مصر، شمس اتضرب بالنار
أدهم: بتقول إيه يا بابا؟ شمس؟
نزار: أنا رايح على المطار حالًا، يالا
نزار: شمس اتضرب بالنار
(وهنا يصل شمس إلى المستشفى وسط صراخ جميله وبكاؤها)
الطبيب: خدوه على أوضه العمليات
(وهنا يحضر الممرضين ترولي ويضعوا شمس عليه ويدخلوه غرفة العمليات)
جميله: هدخل معاه
الطبيب: مينفعش، إحنا هنعمل اللازم ونطمنك
جميله: أرجوك يا دكتور، اسعفوه حالًا
(وبعد أن دخل شمس مع الأطباء إلى غرفة العمليات ليبدأ الطبيب في فحص الحالة)
(وبعد نصف ساعه يخرج الطبيب)
جميله بلهفه: شمس بخير؟
الطبيب: للأسف، الطلقه اخترقت القلب… البقاء لله
جميله: شمس… يا شمس… انت كمان هتسيبني وتمشي؟
(لتقع جميله مغشي عليها، ويحاول الأطباء إسعافها)
(وبعد ساعة ونصف يصل الجميع إلى المستشفى ليسألوا عن شمس)
(ليبلغهم الطبيب بما حدث)
صافيه: ولدي… واد جلبي… روحت خلاص يا شمس
صافيه: اسم الله عليك من الموت يا ولدي… يا شمس… يا صغير… يا زينه الشباب
صافيه: ليه الموت ياخدك؟ طيب كان خدني أنا يا شمس
صافيه: له، ولدي مماتش… أنا عاوزه ولدي
صافيه: يا كسره ضهري يا رب… خلاص يا شمس، مش هتطلع عليك الشمس
إكرام: اسم الله عليك يا جلب عمتك، يا كسره الضهر من بعدك
إكرام: مين هيسأل عليا؟ مين هيجولي؟ يا كرمله جلبي
إكرام: اسم الله عليك يا صغير، هملتنا ليه؟
عز: وحدوا الله يا جماعه
الجد: ضهري اتكسر، وجلبي مات معاك يا شمس
الجد: يا نور عين جدك، يا غالي، يا جلب جدك يا شمس
الجده: طيب مين أنا؟ هيدفني؟
جميله: يا ميت وفايتنا يا صغير، يا رايح وفايت ناسك
جميله: للمر من بعدك
الطبيب: مش كده يا جماعه، احنا في مستشفى
الطبيب: وكمان الأنسة اللي كانت معاه مغمى عليها ومنهارة
عز: بنتي، هيا فين؟
الطبيب: إديناها حقنه مهدئة
صافيه: أشوف ولدي
الطبيب: حضرتك هو في التلاجه، حضراتكم هتدفنوه فين؟
الجد ببكاء: في الصعيد يا ولدي
صافيه: خلاص، شمس راح، وهيدفن كمان
صافيه: أمانه عليك يا جبر، ميكون فيك حصى ولا طوب
صافيه: جايلك جدع زين، كان شمس الجلوب
صافيه: أمانه عليك يا جبر، ما تضمه، خليك واسع
(ده كان نور عيون أمه)
صافيه: أمانه عليك يا مغسل، غسله بالراحه، ده المر في دنيته، ومداجش طعم الراحه
عز: يا جماعه، حرام النواح ده
صافيه: وأنا إيه هيكفيني؟ ده شمس البدري، اللي كان لما يهل عليا بطلته، الدنيا تنور
صافيه: ده شمس ولدي، زرعة عمري، شمس الدنيا كلها، نور عيني اللي أطفي
الجده: جميله، أبكي عليك، وأجول: جدع زين، يا اللي فارجت العين، مين هيصبح عليا؟
الجد: آه يا شمس، فارجت أهلك وناسك، هملتني ليه؟
إكرام: يا صغير، يا حبيبي، أجيب منين دموع أبكي عليك؟ طيب، كت خدتني معاك
إكرام: مين هيجيني ويجولي جعان يا عمه؟ أعمليلي أفطر
معجوله: شمس يروح منينا؟
أدهم: كفايه، حرام عليكم
بسمه: من وجت ما جيتوا البلد، وانتوا جدمكم شؤم علينا
بسمه: خيتي راحت، وراح وراها شمس، أنا خلاص بجيت وحيده، هملونا بجا، فارجونا لوجه الله
أدهم: انتي
عز: بس يا أدهم، سيبها
عشق: يا جماعه، أكيد شمس عايش، وخيتي جميله هتفوج، وكل حاجه هتبجا زينه
عز: أنا رايح أطمن على جميله
بسمه: آه، وديه هيجرالها إيه؟
جهره: وش الشؤم ديه
جهره: يا جلبي عليك يا شمس، كده يا شمس؟
جهره: مش روضه وصتك عليا، تجوم تهملني؟
نزار: كفايه كده، حرام، العديد حرام
(وهنا يصل كمال إلى المستشفى)
كمال: خير يا جماعه، فيه إيه؟
نزار: شمس، أخوي خلاص، فات الدنيا وراح
كمال: البقاء لله، طيب تعالوا ارتاحوا عندي لغاية ما الإجراءات تخلص
الحج حامد بحزن: بعد إذن حضرتك، عاوزين ناخده الأمانه ندفنه في البلد
كمال: حاضر، بس بعد التحقيق ما يخلص
(أما في غرفة جميله)
(تفوق جميله لتجد والدها جالس بجوارها)
جميله ببكاء: شمس مات يا بابا
(ليدخل عليهم كمال)
كمال: جميله، بنتي فوقي يا جميله
جميله ببكاء: شمس يا انكل، شمس مات، هو كمان سابني
جميله: شمس راح
كمال: ده حال الدنيا
جميله: اشمعنه اللي أنا بحبهم بيروحوا مني؟
كمال: هو انتي حبيتي شمس؟
جميله: آه يا انكل، وبعدين ده فداني بروحه
كمال: يعني لو شمس كان عايش، كان ممكن ترتبطي بيه؟
جميله: كان نفسي أكمل عمري معاه، بس أنا وش نحس، وشؤم على أي حد بيفكر يرتبط بيا
جميله: هو قال لي إنه معجب بيا، بس أنا صديته، قولت له إني هسافر برا
جميله: يا حبيبي يا شمس
كمال (يتحدث في سماعة في جيب الجاكيت): اخلص بقا وتعالَ
(ليدخل عليهم شمس من الباب الخلفي)
جميله بدهشة: شمس؟ انت عايش؟
شمس: ما أنا جدامك أهو، الطلقه جات في دراعي
عز: يعني انت عايش؟
شمس: ما أنا جدامك أهو يا عم عز، عن إذنكم
(ليخرج عز من الغرفة وهو يهرول)
عز: يا أبا، شمس عايش، شمس حي، وهو في الأوضه عند جميله
(ليهرول الجميع إلى غرفة جميله)
الجد: إزاي؟ وكيف؟ انت عايش؟
صافيه (تجري على شمس وتحضنه): الحمد لله، ولدي عايش
ادهم: افهم بقا
كمال: أنا هقولكم
كمال: شمس اعترف لجميله بحبه، وإنه عاوز إنهم يكملوا مع بعض
كمال: بس جميله قالت له إنها هتسافر، فأنا وشمس عملنا الخطه ديه عشان جميله تعترف بحبها لشمس
الجد: بجي كده يا شمس؟ تعمل في جدك كده؟
شمس: خلاص بجا، أنا آسف للكل
شمس: وافجي بجا على جوازنا، خلينا نخلصه، بجالنا كتير عايشين في مرار
جميله: أبدا… بعينك… بعد اللي عملته فيا
—
شمس: شايف حضرتك مش جولتلك عاوزه كسير رأسها
جميله: وكمان عاوز تكسر دماغي امال لما نتجوز هتعمل ايه
شمس: يعني انتي موافجه
جميله: اه موافقه
كمال: يبقا خلاص هنعمل جنازه لا كمل وبعدين تتحوزو كلكم
ادهم: كلهم مين
كمال: كلكم الشباب
ادهم: لا يا عمي انا برا الحسبه الانسه بسمه بتقول ان وشنا نحس عن اذنكم انا رايح المطار هطلب نقلي لاءي بلد تاني
(ليخرج ادهم)
جميله: اجري وراه اوعي تسيبيه
بسمه: مش هيسامحني
جميله: لاء هيسامحك بس تتحايلي عليه شويه
شمس: متخلصي يا ام لسانين
جميله: صدج انا غلطانه كله بسببك
عشق: متبطلي رغي وروحي وراه رغايه جوي
الجد: الحمدلله انك عايش يا شمش انا كت هروح وراك ياله بينا بجا نهملو المشتشفي ونروحو بلدنا
شمس: اه ياجد عنديك حج
الجد: والله لا عملكم فرح الدنيا كلها تتحاكي بيه
(كما ل البنات وصلو البيت عندكم)
عز: مش عارف اشكرك ازاي يا كمال
كمال: الفضل يرجع لربنا سبحانه وتعالي ثم شمس وجميله
شمس: ناجص نعرفو مكان الهام
الجد: الهام تعيش انته
شمس: كيف ياجد
الجد: هجولك كل حاجه ف الطريج
كمال: بالنسبه لعبدالكريم اتعمله محاكمه مستعجله والقاضي أحال القضيه لفضيله المفتي
إكرام: طاب وبنات عواطف؟
كمال: ف الملجاء بس انا ها اخد هم واربيهم لوجه الله تعالي اما باقي العصابه فمصيرهم هيبقا نفس مصير عبدالكريم كلهم بلا استثناء
جميله: الحمدلله أننا قدرنا نخلص الولاد منهم
كمال: يفتح هاتفه اقري الاخبار ديه ومن الصبح الاخبار ديه هتتنشر ف كل الجرايد
(لتقرء جميله)
جميله: صحفية شابه ومذيعه ناحجه استطاعت مساعده الشرطه ف القبض علي عصابه لخطف الاطفال وبيعهم لتجاره الاعضاء كل الشكر للاستاذه جميله عزالدين المحدي
جميله (بفرحه): والله يا انكل انا كل اللي يهمني أن الاطفال الحمدلله بخير
الجد: مبروك يا بتي
شمس: ما انا كمان ساعدتها
كمال: انته الجندي المجهول
صافيه: ياله نروحو بجا انا جلبي بيتجبض من المشتشفيات
(أما ف الخارج كانت بسمه تجري لتلتحق بادهم)
بسمه: اوجف بجا احسن والله اصوت والم عليك الناس واجول اعتدي عليا
(ليقف ادهم وهو يضحك)
ادهم: متخلفه بس بحبك اعمل ايه
بسمه: اتجوزني
ادهم: مش انا وش شؤم
بسمه: خلاص بجا ميبجاش جلبك اسود
ادهم: خلاص بسمه ياله تعالي نخشو جوه متشمتش حد فيا
ادهم: تعالي يا اختي
بسمه: اختك طيب
ادهم: خلاص يا ام لسانين تعال ياحبيبتي
بسمه: ايوه كده خاف علي نفسك
(أما في منزل الحج حامد كانت نوال جالسه تبكي علي حالها وتتحدث مع نفسها)
نوال: اعمل ايه بس ياربي طاب الناس طلعو طيبين واكرموني وخلوني جاعده حداهم لكن مش معجول هجعد حداهم علي طول انا لازم ادور علي شغل اعيش منيه انا وولدي يا ربي انا جعانه جوي بس اتكسف انزل
(لتسمع نوال صوت طرق علي الباب)
نوال: مين
سعاد: انا سعاد
نوال: تعالي يا خيتي
سعاد: انتي مجوعتيش
نوال: الصراحه جعانه جوي
سعاد: تعالي ياله كليلك لجمه معانا وبعدين هنروجو البيت عشان الجماعه كلهم جايين
نوال: يا جو بالسلامه
سعاد: طاب ياله تعالي
نوال: حاضر
(وتنزل نوال مع سعاد الي الدور الاول وهنا يدخل عليهم صفوان)
صفوان: سعاد
سعاد: ايه فيه ايه
صفوان: عم بسيوني جاعد معانا برا اعمليله فنجان جهوه
سعاد: حاضر
صفوان: ازيك يا ست نوال
نوال: نحمدوه
صفوان: انتي عرفتي أن جوزك الحكومه جبضت عليه هو وأمه ف مصر
نوال: مين جالك
صفوان: الاستاذ نزار
نوال: يعني انا كده أجدر اروح اجعد ف شجتي
- لقراءة باقي فصول الرواية أضغط على (رواية أوجاع الماضي)