رواية ليلة واحدة لا تكفي الفصل الثلاثون 30 بقلم إيلا ابراهيم

اول مره تشوفه متعصب كده اتحرك في العربيه بسرعه فضلت ساكته متكلمتش وهو اساسا محاولش يقول اي حاجه وقف العربيه قدام الشقه بتاعتهم فضل شويه ساكته وهي فضلت مكانها متحركتش .. لحد ما قال بهدوء حاول يبينه انزلي..
لبنى انت كويس .
سراج انا كويس انزلي انتي دلوقتي .
لبنى ططب انا عملت حاجه زعلتك..
مسح وشه بخنقه وقال لو سمحتي يالبنى انزلي دلوقتي مش قادر اتكلم..
لبنى حطت أيدها على كفه وقالت بقلق هتكون بخير..
هز رأسه وهو بيمسح وشه.. بخنقه وغضب يحاول يداريه.. انزلي دلوقتي ونامي انا احتمال اتأخر..
هزت راسها ونزلت محبتش تتكلم معاه اكتر حست بيها.. حست أنه بيمر بحاجه وحشه ومش عارف يتكلم عنها .. نزلت من العربيه وهي بتقول بقلق عليه خد بالك من نفسك.. تصبح على خير…
مشي في العربيه بسرعه وهي بصت بأثره وطلعت شقتها… اول مره هتقضي الليل من دونه .. كانت حاسه ان الشقه بارده خاليه مفيهاش روح من غيره. هو دائما كان مالي عليها البيت . بيضحك وبيهزر غير كده شكله وهو متضايق مش راضي يروح من تفكيرها كانت ماسكه فونها عاوزه تتصل بيه لكنها خايفه .. خايفه من ردت فعله عشان النهارده شافت سراج تاني اول مره تشوفه معقوله.. معقوله هو كده قبل ما تعمل الحادثه .
رمت نفسها عالكنبه وهي بتنفخ بضيق عاوزه تتطمن عليه مش عارفه ازاي…
*********
في منزل والد سراج

كان اسر سهران مش عارف ينام لما اتصل عليه سراج .. اول ما رد كان راجل غريب بلغه أن صاحب الفون شارب وبيتخانق في الشارع وعامل ازمه سير..
نزل اسر بسرعه وفعلا لقيه مطفي وبيتخانق مع الناس في الشارع اتدخل واعتذر منهم وطلعه في العربيه ومشي عشان يوصله البيت…
في بيت سراج كانت لبنى مستنياه حاسه بقلق وخوف عليه اول ما سمعت الباب بيخبط جريت عشان تفتح الباب ولما شافت اسر معاه غطت شعرها بسرعه وهي بتسال بقلق هو كويس..
اسر كويس بس واضح أنه شارب .
لبنى بصدمه ايه شارب هو بيشرب..
اسر ممكن تقوليلي ادخله فين..
لبنى مشت قدامه وفتح باب الأوضاع بتاعتهم ونيمه على السرير بتاعه ..
اسر بص لسراج وكان نايم . ورجع بص للبنى تاني .
لبنى متشكره..
اسر ممكن نتكلم..
لبنى باستغراب هااا
اسر حابب اتكلم معاكي في حجات لازم تعرفيها..
لبنى اه اتفضل حضرت في الصاله نتكلم ..
اسر مشي معاها واتكلموا مع بعض …
بعد مرور وقت دخلت لبنى الأوضه عند سراج ..
وكان نايم في البدله بتاعته وقررت تغير هدومه.. فكت زراير القميص وفتح عيونه بابتسامه طفوليه..
لبنى بتضحك على ايه
سراج انتي جميله اوووي
لبنى بعتاب. ضيق انا مصدومه فيك بجد انت ازاي تشرب.. انا ازاي اتجوزتك وانت بتشرب ..
سراج شدها من أيدها وبقت تحته وهو بيقول اوعي تسيبني انا مصدقت لقيتك ..
لبنى بتوتر وقرف من رائحة المشر*وب طب سيبني الريحه وحشه اوووي .
انا مش هتخلي عنك بعد ما لقيتك مش هسمح لحد يبعدني عنك. وانتي مش هتسيبيني مش كده انتي بتحبيني …
حست لبنى بتعبه بعدت شعره عن عنيه وقالت مش هسيبك انا جمبك اهو .. اطمن..
سراج بس ممكن تسيبني زيها .. هي برضوا قالت انها مش هتسيبني وسابتني لوحدي .
لبنى انكمشت ملامحها بضيق وسألت هي مين .
سراج كدبت عليا قالت اول ما تتعب هكون جمبك ومعاك ومش هسيبك ابدا. تعبت كتتيتر دخلت المشفى اكتر من مره لكن هي ما جتش..
لبنى سراج
سراج همممم
لبنى انت بتتكلم على مين .
سراج وانا صغير.. لما مشيت حرقت نفسه. ودخلت المشفى. عشان ترجع واشوفها فتحت عنيا مكنش جمبي الا ماما عليا. هي بتحبني صح .
هزت راسها وقالت ايوا بتحبك .اكيد ..دي امك اكيد بتحبك ..
سراج بس انا مش حاسس كده.. انا حاسس انها مبقتش تحبني زي الاول ..
لبنى.. سراج انت كويس. ياحبيبي..
سراج انا زي الفل .. بس متبعديش عني. ابدا..
لبنى طب ابعد شويه بس عشان اخد نفسي.
سراج مش هبعد هتمشي وتسيبني. اوعي تعمليها انا بحبك . بحبك اوووي .. اول مره حد يخاف عليا ويهتم بيا من دون مقابل .. من ساعة ما هي مشيت..
هي مين ياسراح انت بتتكلم عن مين..
انا عاوز انام قال كده وشدها بحضنه اكتر..
لبنى حست بضعفه وحسن أنه مخذول من مين مش عارفه بدأت تطبطب عليه. تقول نام ياسراح بكرى كل حاجه هتتحل. وفعلا مكملش ثواني وراح في النوم…
الصبح بدري .
كانت واقفه قدام الشباك ضامه ايديها على صدرها لما هو فتح عيونه بنعاس. وشافها واقف بعيد .
صباح الخير. قالها. وهو حاطط أيده على نفوخه وحاسس بصداع جامد.
صباح الخير .
سراج صداع جامد حاسس دماغي هيتفركتت قال كده وهو بيبص ناحيتها عاوز يفهم ايه اللي حصل امبارح عشان هو مش فاكر حاجه .
لبنى اعملك قهوه .
ياريت وانا هاخد شور عشان اصحصح..
بعد مدة خرج سراج وشافها في الصاله وعامله قهوه قعد جنبها ولسا هيبوسها بعدت عنه .
سراج في ايه
لبنى انت بتشرب ياسراج..
سراج.. حك أنفه. قال عاده قديمه وبطلتها..

مش باين امبارح حائلي مطفي لو ما اسر كتر خيره وصلك لحد هنا ولحقك بالخناقه كن.. قاطعها بغضب قلتي مين.
اسر .
اسر جي هنا..
ايوا هو اللي روحك
وقالك ايه عمل ايه .
هيعمل ايه يعني ياسراج وصلك وروح ..
بس
ايوا في ايه .
مسح وشه وقال مفيش..
لبنى انا مش هقبل بالحال ده
حال ايه.
انك ترجع شارب ومطفي كده
قلتلك انا مش بشرب.
اومال امبارح ايه
بتهرب امبارح .. انت هتحققي معايا والا ايه.
سراج انا مراتك مش كده.
لبنى سراج اي السؤال الاهبل ده.
سراج طب لو في حاجه مزعلاك تعرف تحكيلي . وتفكر بحل مع بعض..
وقف وهو مبتسم وحضنها وقال حبيبتي قلبي عاوزه تحل مشاكل
لبنى على فكره انا مش بهزر..
وانا برضو مش بهزر ياروحي بس مفيش مشاكل الشغل انا عارف شغلنا بقى .
بس انا امبارح اتعصبت عليا قدام الناس كلها وانا معلمتش حاجه.
حقك عليا
واصرفها فين دي انت احرجتني بجد بقيت فنص هدومي..
حاوط وشها وقال حقك عليا مش هعمل كده تاني. وبأس جمب شفايفها وهو بيقول لا شكلك زعلانه اووي عشان كده هصالحك بطريقتي ولسا هيقرب منها بعدت عنه وهي بتقول هتتأخر عالشغل
ياستي انتي شايل هم شغلي اكتر مني فكك
لا مينفعش لازم تروح الشغل يلاا هتتأخر.
يابنتي اسمعيني بس..
على فكره انا هروح عند هنا النهارده عشان هنشتري شوية حجات ..
بس انا مقولتيش .
هي اتصلت امبارح
بضيق طيب ماشي .
اي زعلت.
انا اكتر من مره بقولك لما تعوزي تخرجي من البيت تبلغني قبلها بيوم.
وانا هروح فين يعني مش عند مرات اخويا.
ماشي يا لبني برحتك..
طب ايه..
ايه هتفضل مكشر كده ..
والله انتي وشطارتك صالحيني…
ياسلام مش كنت انا اللي عاوزه اتصالح ازاي انقلبت فجأه
شدها ليه عالكنبه وقال بضحكه عاوز اشوف هتصالحيني ازاي. .
حاوطت رقبته بغنج وقربت عشان تبوسه حاوط خصرها ووووو
*******
بالليل
رجع سراج ومكنتش لبنى موجوده اتصل بيها مش بترد عليه..
اتضايق جدا وراح عند اخوها شقته بعد ما حاول يتصل بيه ومش بيرد برضو .
فتح ايهم الباب
سراج من غير سلام قال بخضه لبنى. هنا.
ايهم هز رأسها وقال ايوا
طب ممكن تندهلها..

ايهم الافضل تدخل تشوفها
ليه هي كويسه جرالها حاجه ..
كويسه بس الافضل تتكلم اتفضل شوفها في الاوضه دي وشاور ليه على أوضتها .. دخل سراح الاوضه بتاعتها وكانت لابسه بيجامة نوم..
سراح ايه ياحبيبتي مقولتيش انك هتباتي هنا النهارده انتي عارفه اني مش هعرف انام من غيرك.
لبنى من النهارده لازم تتعود
قرب منها ولسا هيلمسها وقال بابتسامه قصدك ايه ياروحي..
بعدت عنه بسرعه وقالت انا عرفت كل حاجه ياسراح وياريت بلاش شوشوره وتطلقني بهدوء انا بلغت اخويا أننا متخانقنين عشان ميشكش بحاجه..
ايه التخريف ده..
لفت وشدها الناحيه التانيه واتكلمت بجديه ياريت نتفرق بهدوء ومن غير مشاكل..
سراج ..
لبنى..
يتبع .

• لقراءة باقي فصول الرواية أضغط على (رواية ليلة واحدة لا تكفي)