رواية عشق في قلب صعيدي الفصل العاشر 10 بقلم اسماء السيد

(عشق في قلب وصعيدي) part10
تاني يوم الصبح بيصحي سليم بيلاقي عشق لسا نايمه وشعرها كان مغطي وشها فبعد شعرها عن وشها وابتسم عليها وهيا نايمه ولما حس انها هتصحي وعمل نفسه لسا نايم.. وعشق صحيت وبصتله بحب.. وحطت ايدها علي وشه
عشق:يخربيت حلاوه امك ياواد ياسليم انا متجوزه قمر
وفجأه سليم فتح عينه وهيا اتكسفت وحطت وشها في صدره وهوا ضحك عليها
سليم بضحك:انا عارف اني واد مز وعسل والبنات هتموت عليا فجأه عشق رفعت وشها وبصتله بغيره
عشق بغيره :نعم ياروح امك مين الي ميتين عليك دول ها
كل دا وسليم ميت من الضحك
سليم:مش قصدي يا حبيبتي بس متنكريش اني عسل
عشق:اه ما انا عارفه انك عسل… وبعدين استوعبت وطلعت تجري علي الحمام… ونسيت نفسها وسليم اتصدم انها قامت كدا.. ولما دخلت الحمام اتصدمت لما استوعبت هيا عملت ايه وقعدت شويه كتير وبعدين طلعت وهيا لابسه البرنس وميته من الاحراج.. واول ماسليم شافها بصلها بخبث وعشق ميته احراج
سليم :يلا البسي بسرعه عشان عاملك رحله تحفه في البحر
وعشق فرحت جدا وجريت حضنته وقالت بحماس
عشق:شكرا شكرا ياسليم وباسته من خده واستوعبت فجاءت تبعد سليم مسكها من وسطها
عشق بكسوف:ابعد يا قليل الادب سلييم
سليم بخبث:ولو مبعدتش ياقلب سليم… وعشق عرفت تفلت وطلعت تجري وهوا ضحك عليها ودخل الحمام.. وطلع عاري الصدر وعشق لبست دريس موف فاتح وعليه فراشات بيضاء وطرحه بيضه ولبس كوتش ابيض بردو وفيه لون موف وحطت لمسات خفيفه جدا من الميكاب و كانت طلعت لسليم هدوم تحفه بنطلون اسود وتيشرت ابيض ومكتوب عليه بلموف وكوتشي ابيض وساعه شيك وبرفيم معين وكانت بتجهز الحاجه بحب كبير سليم جه حضنها من ضهرها وقالتله بحب
عشق:ايه رايك في الدريس…. لما لفت لسليم انبهر بجمالها وقال بغيره
سليم:انتي هتخرجي كدا يا عشق
عشق :اه ياقلب عشق… سليم بصلها وراح باسها
سليم:بس شكلك جميل اوي البسي حاجه تخليكي مش حلوه اوي كدا
عشق بدلع وحاوطت رقبته بإيديها :يعني يرضيك ياسليم مراتك تمشي شكلها وحش… وسليم راح شايلها
سليم :لا ميرضنيش بقولك ايه متيجي نأجل الرحله لبكرا ياعشق سليم
عشق:لا يا سليم عشان خاطري نزلني والبس يلا ياقلبي
وفعلا سليم نزلها. . وبداء يلبس وبعد مخلص عشق كانت بترش عليه برفان
عشق :الله اكبر عليك اسمع ياسليم والله لو بصيت كدا ولا كدا هقتلك واموت نفسي وراك… سليم شدها من وسطها ..
سليم:وانا اقدر يا قلب سليم وانا معايا حورية زيك وباسها من خدها.. وبعدين. نزلو واتجهو للبحر وركبو اليخت بتاع سليم ومكنش فيه غيرهم بس ودخلو البحر جوا وعشق واقفه علي الياخت من فوق وفارده ايدها ومستمتعه جدا وفجأة حاوطها سليم وحضنها وهيا لفت حضنته
سليم:ايه رايك ننزل الميه
عشق:بجد بس انا مبعرفش اعوم جوا كدا بخاف
سليم:ياراجل اومال لما طلعتي من الترعه كان ايه الدنيا
وفجأة عشق بصتله وانفجرت في الضحك وسليم تايه في ضحكتها
عشق:انتا لسا فاكر قلبك ابيض ياسولم ههههه
سليم:ماشي ياستي يلا عشان ننزل.. وبعدين راحو وعشق لبست مايو اسلامي وسليم غير ولبس مايو شورت بس وبعدين نط في الميه وقعد يقول لعشق تعالي بس هيا كانت خايفه جدا.
سليم:تعالي متخافيش انا معاكي يا عشقي
عشق بخوف :لا استحاله انزل لا الميه غويطه جدا.. وسليم
مره وحده اختفي ونزل تحت الميه وعشق اترعبت وقلبها اتقبض ونطت من غير تفكير وكانت هتغرق بس كل همها سليم راح فين
وفجأه لقت سليم طلعها لفوق وهيا كانت بتنهج
سليم بخوف:عشق انتي كويسه يا قلبي
عشق بدموع:انتا حيوان علي فكره عشان انا اترعبت عليك
وحضنته جامد
سليم:انا كنت بحاول اخليكي تنزلي متزعليش يا قلبي
عشق حضنته جامد وكانت خايفه وبعدين اتقالمت وبقت مش خايفه.. وبعد عوم كتير ولعب طلعو عشان يتغدو.. وغيرو وطلعو اكلو
$$$$$$$$$$$$$$$$$$$$$$$$$$$$$$$$$$
وبعد اسبوع في قصر الجبالي وفي غرفه زين ودنيا بتحديد … ودنيا كانت بترجع طول اليل وزين كان خايف عليها جدا
زين بخوف :قومي اوديكي لدكتوره
دنيا بتعب: متقلقش يا حبيبي هكون كويسه هتلقيه برد في المعده بس مش اكتر
زين:لا تعالي نروح المستشفى اونطلب دكتوره
دنيا:مفيش حاجه يازين انا كوي…. وفجأه وقعت اغمي عليها وزين اتخض وجري عليها شالها حطها علي السرير وطلب الدكتوره وبعد وقت جت الدكتوره وفحصت دنيا وطلعت
الدكتوره بفرحه:الف الف مبرووك يازين بيه
زين بإستغراب:علي ايه يا دكتوره
الدكتوره:المدام دنيا حامل في تؤام …. وزين كان فرحان جدا وجري عند دنيا وفريدة ويعقوب راحو وراه
زين بفرحه:الف مبروك يا حبيبتي
دنيا :علي ايه
زين:انتي حامل في تؤام
دنيا بفرحه:بجد يازين ربنا عوضني دا انا بقالي اربع سنين الحمدلله يارب
فريده:الف مبروك ياقلب امك
دنيا:الله يبارك فيكي يا ماما
يعقوب:شدي حيلك بقا يا دودو وقملنا بسلامه
دنيا :حاضر يابابا.. بلغو عشق دي هتفرح اوي
ييعقوب:الهانم تليفونتهم مقفوله شهر عسل بقا
فريده:ربنا ييتملهم علي خير يارب
الجميع:يارب
@@@@@@@@@(عند عشق وسليم)
كان سليم نايم وعشق قامت اخدت شاور ولبست قميص قصير بنص كوم عند الركبه من اللون الاحمر ونزلت تعمل غدا
وشغلت اغنيه قديمه بتاعت ياشمس يامنوره وكانت بتغني معاها وكان صوتها جميل جدا وكانت بتتمايل معاها وكانت مبسوطه جدا وفجاه وهيا بتجهز الاكل بينزل سليم يحضنها من ضهرها وعشق لفتله
عشق وهيا بتغني:ياشمس يامنوره غيبي وكفايه ضيك ياحبيبي حبيبي… وحضنت سليم وهوا شالها حطها علي الرخامه
سليم بحب:الله ايه الصوت التحفه دا ياقلب سليم
عشق بخجل :لا عادي ياروحي مواهب
سليم:عشق … وهيا بصتله بحب
عشق:نعم يا قلب عشق
سليم بحب:انا بحبك اوي انتي الوحيده الي خطفتي قلبي بجد عشان خاطري لو بتحبيني بلاش تسيبيني وعد
عشق بحب:وانا بعشقك ياسليم انا شوفت كتير واتقدملي كتير بس انتا الي خطفتني وخلتني اعشقك يانور عيني ووعد مش هيفرقنا الا الموت ياحبيبي…. وسليم فرح جدا وحضنها جامد
سليم بخبث :بقولك يا عشقي ماتيجي ترقصيلي
عشق ببخجل:مستحيل انا مبعرفش ارقص
سليم:يكدابه اومال كنتي بتعملي ايه من شويه والله هترقصيلي يلا بقا
عشق:بس يابابا العب بعيد ويلا اطلع خد شاور وانزل عشان ناكل….. وسليم باسها وطلع ياخد شاور. وعشق كانت بتجهز السفره وكانت عامله مكرونه بشاميل بالفراخ وبانيه وسلطه وزتون وكانت مبسوطه جدا وعامله الاكل بحب…. وبعدين سليم نزل لا بس بنطلون اسود وتيشرت اسود
سليم:الله علي الريحه انا جعان جدا
عشق:الف هنا ياقلبي دوق وقلي رايك… وبعدين سليم داق وبصلها بإعجاب شديد
سليم :واو الاكل تحفة بجد والله العظيم دوقي… ودوق عشق وعجبها جدا.. وبعدين قعدو ياكلو… وبعد مخلصو عشق لمت السفره وجابت بيبسي وقعدت هيا وسليم قدام الشاشه وعشق في حضنه
سليم:عشق يا حبيبتي قومى ارقصيلي وحياتي عندك
عشق:سليم بجد مش بعرف وانتا اغلي حاجه عندي بس انا مش بعررف
سليم بخبث:خلاص انا خارج اروح اي بار ولا كباريه ولا حاجه …. وعشق غارت جدا ووقفت
عشق بغيره :نعم يا عنيااا ليه انشاء الله
سليم:الله مش انتي مراتي ومش عاوزه ترقصيلي اعمل ايه
عشق :لا وانامتشلتش…. وراحت شغله اغنيه واتحزمت وسليم فرح جدا.. وبعدين عشق في الاول كانت مكسوفه شويه بس بعد كدا نسيت نفسها وكانت بترجع عليه بضهرها وسليم كان مبهور برقصها التحفه وبعد ما الاغنية خلصت قام شالها وطلع فوق وهيا كانت مكسوفه جدا
(ونسيب العالم قليله الادب دي ونروح عند حد تاني🙃😂) عند رامي كان سايق بالعربيه متجه للشركه وفجأة خبط حد
ونزل يجري يشوف حد لاقا بنت ايه من الجمال وفضل مبحلق فيها وبعدين اخد باله
رامي:يخربيت جمالك يالهوي البت بتموت😅
وفجأة البنت والي كان اسمها( تاليا بنت جميله عندها 25سنه وابوها وامها ميتين وكانت بتدور علي شغل ومش لاقيا بعد مفصلوها من شغلها القديم) انتا عبيط مش شايف انا رجلي بتوجعني اوي
رامي ببرود:معلش مخدتش بالي يامدام
تاليا بعصبيه:مدام في عينك طب قومني يلحقوني في اي داهيه انا رجلي وجعاني
رامي:خلاص اسكتي بقا انا هوديكي الداهية قومي…. وجه يقومها صرخت من رجلها الي اتجزعت… وبعدين راح شايلها وهيا اتصدمت
تاليا بصوت عالي :انتا ازاي تشلني كدا يابني ادم انتا انا مسمحلكش
رامي بغضب:اسكتي بقا انتي ايه بالعه راديو علي الصبح…. وفجأة الدموع اتجمعت في عيون تاليا ورامي حس بضيق
رامي:سوري مكنش قصدي ياانسه… وبعدين طلع علي المستشفى وربطلها رجليها وقالولها راحه تامه اسبوع علي الاقل…
رامي:بيتك فين عشان اوصلك
تاليا بحزن:لا نزلني علي اي جنب وانا هبقا اروح
رامي بستغراب :يعني معندكش بيت.. وهيا بصتله بكسره وسكتت
رامي:خلاص هاخدك معايا البيت
تاليا :نعم والله نزلني يامتحرش نزلني انا كنت حاسه من الصبح نزلني
رامي:يابنتي اسكتي بقا انا عايش مع عيلتي وانا الي خبطتك وانتي مسئوليتي يلا اوديكي يلا
تاليا:تمام بس هوا اسبوع يا صحيح اسمك ايه
رامي :اسمي رامي القناوي
تاليا :هوا اسبوع يا استاذ رامي وهمشي عقبال ملاقي شغل وبيت تمام
رامي:تمام يا
تاليا:اسمي تاليا
رامي :انتي عندك كام سنه
تاليا:25سنه
رامي:واهلك فين
تاليا بحزن :اهلي ماتو من سنه في حادثة وبعديها صاحب الشقه طردني من يومين وانا اتفصلت من الشغل وكنت رايحه ادور علي شغل
رامي:الله يرحمهم انتي معاكي ايه
تاليا:كليه تجاره انجليش
رامي:ماشاء الله كويس دا .. يلا عشان وصلنا ولف رامي نزل تاليا وهيا مبهوره بالقصر الفخم الي قدامها
ودخل بيها رامي وهوا ساندها
صفيه:مين دي يارامي
رامي :دي تاليا يا اما وخبطتها بعربيتي وبيتها في محافظة تانيه عشان كدا جبتها تقعد معانا لحد ماتخف وابقا اوديها لاهلها.. وتاليا بصتله بصدمه
صفيه بحب :اهلا يا حبيبتي مشاء الله قمر
تاليا بخجل:شكرا ياطنط
ريحانه:نورتينا اخيرا هلاقي حد الك معاه بدل عشق الواطيه
منار بتكبر :معتدش الا نجيب بنات من الشارع قصر القناوي زي الي اسمها عشق… وتاليا حطت وشها في الارض بحزن
رامي بغضب:منار الزامي حدودك دي ضيفتي لو ديقتيها انا الي هوقفلك فاهمه واذا كان علي عشق فلو هيا هنا كان زمانه معرفاكي تمامك
منار بغل:عشق مين دي الي تعرفني تمامي دي بيئه
ريحانة :تب والله لما تيجي لا قلها يامنار… ومنار خافت وطلعت فوق
تاليا بحزن :انا اسفه لوعملتلكم مشاكل انا ممكن امشي
صفيه :لا يابنتي دي منار علي طول كدا… وبعدين دخلت قعدت مع ريحانه في الصالون ورامي مشي راح شغله
تاليا:صحيح ياريحانه مين عشق دي
ريحانه :عشق دي مرات سليم اخويا كبير البلد
تاليا:مشاء الله بس واضح ان البنت دي كانت بتخاف منها
ريحانه:بصي عشق دي بتقفلها ومبتسكتش لمنار ابدا وكمان مشاء الله عندها شركات وتخيلي عمرها كام
تاليا :اكيد 26ولا حاجه او 30
ريحانه:لا لا عشق عندها 23سنه
تاليا:واو لا انا لازم اقبلها اومال هيا فين
ريحانه:لا هيا مسافره هيا وسليم شهر العسل بس صدقيني لو شفتيها هتحبيها جدا
(ونسيبهم يلكووو كتير ونروح للعشاق 😂)
عند سليم وعشق كانت عشق نايمه في حضنه وسليم كان بيدخن وبعدين قالت
عشق :بقولك يا حبيبي متيجي نتمشي علي البحر… وطفي السيجارة وقال بحب
سليم:الي انتي عايزاه يا قلب سليم وباسها
عشق:تمام يالا انا هقوم البس يلا… وقامو فعلا ولبسوه ونزلو يتمشو في الغروب لوحدهم
عشق:بقولك ايه ياسليم مش ناوي تقلي انتا استقلت من الشرطه ليه
سليم بحزن:حاضر يا عشق هحكيلك بس تعالي نقعد…… وقعدو على الشط وسليم بدا يحكي
انا كنت ظابط شاطر جدا انا واعز صاحب ليا معتز وكونا قريبين جدا وهوا والدته والده متوفين وكان امي وابويا بيحبوه جدا من صغره ومتربين مع بعض وبعد كدا جتلنا مهمه اننا نمسك زعيم مافيا كبير اسم اكرم كورفالي اكبر زعيم مافيا في افريقيا واوربا ورحنا وخلاص كان متلبس بسلاح وكوك*ين ودخلنا عليهم وضربنا عدد كبير بس فجأه جه حد من ورانا وخبطنا بحقن مخدر في رقبتنا واغمي علينا وبعدين فوقت وانا ولقيت نفسي مربوط علي كرسي بسلاسل حديد ومعتز قدامي نفس الحاجه فجأه دخل اكرم وقلهم فكوه وفكو معتز وكان هيضربهم بس المخدر كان مأثر علي اعصابه ومسكوه وعطولو سلاح واكرم قاله يا تقتل نفسك يا تقتل صاحبك وانا قولتله اقتلني وهوا قالي
انا اسف يا سليم سامحني يا صاحبي وفجأة ضرب نفسه طلقه في راسه وانا اتصدمت وقعدت اصرخ جامد وحاولت افك نفسي ومعرفتش وبعدين دخل عليا واحد وخبطني طلقه جمب قلبي بسنتي وقالي لازم تموت زي سالم ابوك انا عارف كريمه الغبيه مخلصتش منك ليه انتا كمان وبعدين عيني قفلت وهما هربو وانا دخلت في غيبوبه لمده 6شهور
وبعدين اكتئبت 6شهور وبعدين رحت استقالت ومن يوميها وانا اشتغلت في شركات العيله وبقا كل حاجه ملكي وانا كبير البلد وبدور ورا كريمه من يوميها وقلبت الدنيا علي الراجل دا مش لاقيه بس موصي حد يرقيبها ودي حكايتي وبعدين عيط وعشق

عيطت وفتحتله دراعتها وسليم دخل في حضنها
عشق:اهدي يانور عيني الله يرحمه هو في مكان احسن دلوقتي
سليم ببكاء:بس هوا وحشني اوي يا عشق اوي
عشق :خلاص ياروح عشق خلاص ياحبيبي اهدي.. وبعدين سليم بدأيهدي وعشق عرفت تضحكه
سليم:شكرا انك في حياتي يا عشق وحضنها جامد
عشق:والله ياواد ياسليم انك عسول اهو وبتسمع الكلام
سليم:ماشي ياستي مش ناويه تحكيلي انتي عن مضيكي اي حاجه… وعشق اتنهدت بحزن
عشق:انا هحيلك الحقيقه الي حتي اهلي مش عرفينها
انا اسمي الحقيقي دهب وامي اسمها ليله وكانت مهندسه وكانت طيبه اوي وحنينه وكانت جميله جدا وكانت شبهي اوي حالياوابوها كان غني وعنده شركه وابويا كان ابن عمها وكان مهندس وشغال عند جدي فلف علي امي لانه كان من الطبقه المتوسطه وحببها فيه لغايه متجوزها وجدي مكانش موافق بس مرضاش يكسر قلب بنته ووافق وبعدها اتجوزو وخلفوني وابويا كان بيعملها كويس لحد مابقا عندي 5سنين فجدي مات وامي ورثت كل حاجه لانها بنته الوحيده ورثت الشركه والفيلا وكدا فأبويا قالها راعي انتي دهب وانا مهندس وهشغلهالك وهيا صدقته وبعد 6شهور بيمضيها علي كل ممتلكاتها من غير متاخد بالها وبعدها لقينه داخل علينا بواحده واخدها على الاوضه وهيا لما قالتله ايه دا ضربها وقالها انه حر قالتله هاخد منك الشركه فقلها كل حاجه بقت ملكي ورمالها الورق ودخل مع البنت وهيا بعدها كانت بتعيط جامد وانا قعدت اهديها وبقا كل يوم يدخل بواحده قدام عينها وفي ليله دخل بواحد وشكله كبير والراجل دا اغتصب امي وهيا كانت بتقاوم وهوا شايف كل حاجه وهيا بتستنجد بيه وهوا ماسكني مش عارفه اروحلها وبعدين الراجل خلص وقام وعطاله فلوس كتير وبعدين راح عند امي ونزل فيها ضرب وقالها مقاومتيش ليه يارخيصه واغتصبها وانا حاولت ابعده بس معرفتش اتنين اغتصبو اامي قدام عيني وسابنا في الشقه شهر من غيراكل وكانت ببتديني الاكل وهيا كانت بتاكل الباقي مني وفي يوم دخل علينا بواحده اسمها سمر وبقا كل يوم يجيبها معاه وعرفنا انها عاشقته ولما امي اتعودت وكانت ساكته فمره سمر دي راحت لامي وقالت لها قومي حضرلنا عشا يا بتاعه انتي وامي رفضت واتخنقو مع بعض وهوا طلع ضرب امي والتاني نزلت فيها ضرب هيا كمان وانا جريت احوش عنها وانا منهاره فسمر زقتني ووقعت علي التربيزه الازاز ودماغي كانت بتنزف وامي قعدت تترجاهم ياخدوني علي المستشفى وهوا مرضيش وقالها خديها وغوري واخد سمر ودخل الاوضه وامي كانت منهاره جمبي وشالتني وكان في واحد جارنا شافها واخدنا المستشفي واتحجزت يومين من غيرما يجيلي حتي وجارنا دفع الفلوس بعدماطلعت بس كنت تعبانه ورجعنا الشقه تاني فدخل عليها بحوار سامحيني ومليش غيركم وجابلنا اكل وهيا فعلا سامحته بس بعد ما اكلو وانا كنت باكل شوربه خضار بس لاني لسا تعبانه جدا راح خانقها وانا قعدت اقوله سيب ماما وهوا بعدعنها وقال ماتقلقيش يا حبيبتي ماما كلها دقيقه وتموت وضحك وهيا فعلا قعدت تلف حولين نفسها وبعدين صرخت صرخه عمري ماهنساها وقالتلي اهربي يا دهب انا بحبك اوي وبعدين نزلت دم من بقها وماتت علطول وانا قعدت اصرخ واقولها متسبينيش لا وانهارت خالص واغمي عليا

وهوا اخدها ومعرفش راحت فين حتي مكنش في عزا وبعدها سمر كانت بتضربني وانا قولتلها وانا بعيط انا عاوزه ماما قلتلي امك ماتت وانا وابوكي قتلنها وضحكت وانا ضربتها بس هيا حبستني في اوضه ضلمه وانا جوا لغايه ما امي في ليله دخلت عليا وهيا لابسه ابيض وكانت بتنورلي الاوضة وبتشربني حليب لمده اسبوع ومحدش فيه فكر فيا حتي لحد ماعدا اسبوع وكنا في الشتا والمطر كان شديد وفتحتلي وقالتلو الحق دي لسا عايشه وهو قالها زي امها بسبع ارواح وبعدين قالتله انتا لسا عاوزها قالها في داهيه وفتحت الباب ورميتني في الشارع وانا قعدت اعيط ودماغي كانت بتوجعني جامد ونزلت لقيت عمي قالي انتي راحا فين قولتله الي حصل قالي تب يلا غوري مش قالولك امشي وزقني جامد وانا مشيت وانامنهاره طفله عندها 6سنين ماشيه بليل لوحدها والدنيا بتمطر وفجأة خبطتني عربيه وكان يعقوب وفريده وودوني المستشفى وخلاص انا كنت بموت وبعد شهرين بدأت امشي وافوق لحد مسألوني انتي مين واهلك فين قولتلهم اسمي عشق واني معرفش فين اهلي فأخدوني معاهم وقعدت سنه خايفه منهم لحد ما اتقالمت وهماكانو عايشين في القاهره وكنت بعيط كل يوم انا عدا علي اليوم دا 17سنه وانا لسافاكره كل حاجه واشكلهم كلهم وعمري مانسيتهم وهنتقم منهم بس القيهم وكبرت وبقيت عشق الجبالي ودي حكيتي وبعدين انهارت في العياط….. وسليم قلبه وجعه عليها جدا
سليم بحزن:اهدي يا حبيبتي اهدي خلاص بقا دانتي جبل يا عشق انك تشيلي كل دا لوحدك
عشق:مش قولتلك ان ورا الشجاعه والبنت القويه دي هم الدنيا دي كلها
سليم: متزعليش بقا يلا نجيب ايس كريم ياعشق قلبي
عشق:صحيح ياسليم هوا انا اسمي مش عاجبك
سليم برفعه حاجب :ليه يا قلب سليم
عشق بطفوله:اصلك كل شويه تقولي قلب سليم عشق سليم عين سليم كليه سليم فشه سليم يعني
سليم بضحك:عشان انتي كل حاجه في سليم انتي الي امتلكتي سليم ويلا بقا يالمضه … وقام شالها وراحو يجيبو ايس كريم وراحو الملاهي وعشق اتبسطت
استوووووب كدا البارت خلص بس هل عشق هتعرف تلاقي ابوها وتنتقم ولا لا وكريمه ايه دخلها في قتل سالم وياريت يكون عجبكم واشوفكم البارت الجاي مش قولتلك القصه