رواية فاتورة حب الفصل السابع 7 بقلم جنى أحمد
رواية فاتورة حب الفصل السابع 7 بقلم جنى أحمد
البارت السابع
هنا سمع المجهول الصوت وبص للظابط بخوف كان هيهرب بس لقى المكان محاصر طلع من جيبه مسـ،،ـدس وداس على الزناد ،
لكن سلسبيل كانت اسرع منه وزقت المسـ،،ـدس والطلـ،،ـقة جت في السما بس المسـ،،ـدس موقعش فضل في ايده
كل الحارة اتلمت ومحدش قدر يتدخل لان كانت الشرطة والعساكر موجودة ،
نهاد وضحى سمعوا الصوت طلعوا يجروا على البلكونة ونهاد اتجمدت مكانها لما شافت سلسبيل متحاصرة
نهاد بصراخ ورعب حقيقي : سلسبييييل بنتي!
لفت نهاد وضحى طرحهم اي كلام وكانوا لابسين لبس واسع وطويل ونزلوا جري.
سحب المجهول سلسبيل وصوب المسـ،،ـدس على راسها وقال : اللي هيقرب خطوة بس هفضي المسـ،،ـدس دة كله في راس السنيورة دي
يونس ضربات قلبه زادت وحس ان روحه بتتسحب واتكلم بخوف باين في نبرة صوته : ابعد عنها حالاً وارمي المسـ،،ـدس!!
كل العساكر والظباط التانيين قربوا منه لكن يونس اشار لهم انهم يقفوا لأنه خايف على حياة سلسبيل
نهاد وضحى نزلوا الشارع وهما بيعيطوا ومرعوبين حرفياً ،
احمد كان بيبص على سلسبيل بخوف ورعب عليها حاول يدخل لكن الظباط منعوه ،
نهاد بخوف ودموع : حرام عليك انت عايز من بنتي ايه!…
بصلها يونس وهو بيطمنها وبصلها بصة بمعنى متخافيش هحمي بنتك
ادهم بتحذير : على فكرة انت كدة بتلعب بالنا،،ر وكدة كدة هتتسـ،،ـجن انت كدة بتزود عقوبتك متفكرش انك كدة هتهرب
سلسبيل كانت مرعو،،بة ودموعها نازلة على خدها وهي بتبص لوالدتها واختها كانت بتتشاهد بس فجأة جالها فكرة في دماغها
يونس كان بيتجه نحيته ببطيء شديد عشان مياخدش باله ،
وفي نفس ذات اللحظة ضربته سلسبيل بشدة في بطنه ،
مسك المجهول بطنه بألم شديد وتحررت سلسبيل من قبضاته ووقفت جمب يونس لكن المسـ،،ـدس فضل في ايده
(طبعاً هتقولولي كل العساكر والظباط دول معملوش حاجة ليه ولا ضربوه بالنا،،ر ليه هقولكوا انه كان بيتحرك بسرعة وخافوا طلـ،،ـقة تيجي في سلسبيل وتأذيها)
المجهول صوب المسـ،،ـدس على يونس بغضب : كفاية لحد هنا!!
وضرب نا،،ر والرصا،،صة اختر،،قت كتف يونس والد،،م كان بيسيل منه وقع على الارض بألم و ساعتها العساكر اتحركوا واخدوا المجهول واخده الشخص اللي كان بيساعده ودخلوهم عربية الشرطة وسط تهديد وصراخ المجهول
وسلسبيل كانت بتعيط برعب من منظر الد،،م وحاسة انها السبب وخايفة على يونس خوف شديد ،
ضحى كانت تايهة ومش عارفة ايه اللي بيحصل ومغمضة عينها من منظر الد،،م ،
نهاد جريت على سلسبيل حضنتها بخوف وهي بتبص على يونس بتوتر ،
يونس وهو ساند ضهره على العربية بألم وعرق : ادهم اتصل بالإسعاف حااالاً
ادهم بخوف : رنيت عليهم مسافة الطريق ويكونوا موجودين!
سلسبيل بعياط شديد : انا السبب … انا السبب في كل دة
لو مكنتش اتدخلت مكانش حصل اللي حصل…!!
بصلها يونس بتعب وصوت مبحوح كان بيطلعه بالعافية : قدري كدة وربنا كاتبلي كدة انتي ملكيش ذنب.
وساعتها جت الإسعاف وخدت يونس وركب معاه ادهم ،
ركبت نهاد وضحى تاكسي وحصلوهم على المستشفى واللي كانت سلسبيل طول الطريق منهارة من العياط ونهاد وضحى بيهدوها.
استغفر الله العلي العظيم واتوب اليه🦋
♕♕♕♕♕♕♕♕
بقلمي جنى احمد🤍
وصلوا المستشفى في سرعة قياسية واللي كانت عائشة وايمن هناك
عائشة كانت منهارة من البكاء وقالت : يارب احفظهولي انا مليش غيره هو وانت يا جدو ومش هستحمل لو جراله حاجة
ايمن بخوف وهو بيطمنها : اهدي يا عائشة كدة ان شاء الله يكون بخير ومافيهوش حاجة
عائشة بعياط وخوف : يارب يا جدو يكون كويس
ساعتها كانوا دخلوا نهاد وضحى وسلسبيل وبصلهم ايمن بخوف واستغراب
ايمن باستغراب : ايه اللي جابكوا دلوقتي يابنتي خير في حاجة.
نهاد بقلق : جاية عشان يونس المجـ،،ـرم اللي كان هربان كان في حارتنا واحنا شوفناه
المهم مش وقته دلوقتي يا عمي يونس ايه اخباره…؟
ايمن بتنهيدة وخوف على حفيده : والله لسة داخل العمليات من نص ساعة ادعيله يابنتي
سلسبيل كانت قاعدة في ركن وهي خايفة عليه وبتعيط وعائشة لاحظت خوفها الشديد عليه بس مهتمتش وفضلت تدعيله
بعد مرور وقت قليل…..
خرج الدكتور وهو بيخلع الكمامة ، واتكلم ايمن بخوف باين في نبرة صوته : يونس يا دكتور حالته ايه…؟
الدكتور بهدوء : الحمدلله الحالة مستقرة جداً الطلـ،،ـقة كانت في الكتف مأثرتش على اي شيء وهو نز،،ف د،،م كتير وعقبال ما جه هنا بس بردوا الحمدلله كان ملحوق يقدر يعوضه بالأكل والعصاير
سلسبيل بخوف باين في عينها : يعني يا دكتور هو كويس دلوقتي؟
الدكتور بهدوء : حضرتك زوجته..؟
سلسبيل بخجل مفرط : لا مش زوجته..
الدكتور بأسف : بعتذر جداً كنت مفكر حضرتك زوجته عشان ادي لحضرتك الادوية اللي هيمشي عليها.
عائشة بسرعة لتداري خجل سلسبيل : انا اخته يا دكتور لو في اي دوا تقدر تديهولي
الدكتور وهو بيمد ايده لها بورقة : دي كل الأدوية اللي هيمشي عليها والمواعيد جمب كل نوع دوا
عائشة بإبتسامة : شكراً يا دكتور ، نقدر ندخل نشوفه دلوقتي؟
الدكتور بإبتسامة : اه طبعاً تقدره بس ياريت متطولوش لأنه محتاج راحة تامة
ابتسموا له كلهم والكل دخل يتطمن عليه
كان يونس قاعد على السرير فارد ضهره وكتفه ملفوف بشاش ،
وباين على ملامحه التعب والإرهاق ،
جريت عليه عائشة واترمت في حضنه : يونس حبيبي انت مش متخيل انا خفت عليك ازاي كدة تفجعنا عليك وتوقع قلبنا
يونس بإبتسامة : براحة عليا يا حجه انا لسة عامل عملية في كتفي وكمل كلامه وهو بيطلعها من حضنه : انا اهوا كويس قدامك
ايمن بإبتسامة وهو بيطبطب على كتفه السليم : حمدلله على سلامتك يابني
سلسبيل برقة اول مرة تطلع منها: حمدلله على سلامتك
يونس بتوهان وابتسامة : الله يسلمك
سلسبيل بخجل : اسفة على الحركة الغبية اللي عملتها الصبح وبسببها اتحطيت في الموقف دة
يونس بإبتسامة : لا عادي انتي ملكيش ذنب انا اللي بشكرك على الموقف اللي عملتيه معايا لولاه انا كان زماني مُـ،،ـت
كلهم في صوت واحد : بعد الشر
عائشة بعدم فهم : موقف ايه .. ومو،،ت ايه .. وشكر وتأسف على ايه اصلا انا مش فاهمة حاجة
يونس بهدوء وهو بيشاورلها بإيده : لما اروح ابقى افهمكوا..
وهنا الباب خبط ويونس اذن بالدخول
ادهم بإبتسامة وهو بيحضنه بخفة : حمدالله على سلامتك يا يونس
يونس بهدوء : الله يسلمك يا ادهم ، كنت فين من الصبح؟
ادهم بتنهيدة : والله اتضطريت اروح القسم تاني بعد ما جيت المستشفى كان حوار يعني بخصوص القضية بس الحمدلله خلص ، المهم انا جايبلك معايا حد انت بتحبه اوي ،
ادخل يا حضرة الرائد كمال
الرائد كمال بإبتسامة : حمدالله على سلامتك يا بطل
يونس بإبتسامة ومرح: والله ياجماعة انا تعبت من كتر كلمة الله يسلمك
ابتسم ايمن لهم وقال : طب نستأذن احنا وكملوا كلام مع بعض.
اومأوا لهم كلهم ونهاد وايمن وعائشة والكل طلعوا
كمال بإبتسامة وفخر : انا فخور ان عندي ظابط زيك يا يونس شخص ناجح ومحب لعمله وبيبذل قصارى جهده في شغله
يونس بإبتسامة : والله انا اللي اتشرفت اني بشتغل مع حضرتك وشكراً لثقتك فيا وكلام حضرتك ليا
ادهم بضحك : ايه كله يونس يونس مافيش حاجة لأدهم كدة يا فندم ما احنا في نفس القضية وتعبنا نفس التعب حتى نفس الدراع اللي متصابين فيه
كمال بضحك : لو صبر القا،،تل على المقتو،،ل كان ما،،ت لوحده اصبر عليا جايلك في الكلام
ادهم وهو بيعدل لياقة قميصه بتكبر مصطنع : اتفضل قول يا فندم!
كمال وابتسامة : وادهم كمان والله شاب شجاع وميفرقش عنك حاجة يا يونس بجد والله انتوا الاتنين مثال للرجالة اللي بجد
ابتسموا له يونس وادهم وكمل كمال كلامه
كمال بهدوء : بما ان انكوا حليتوا قضية من اصعب القواضي ونجحتوا فيها الحمدلله ليكوا مكافأة ، ليكوا اسبوعين اجازة وراحة
ادهم بفرحة ومرح : احلف يا فندم كدة ، يعني هنام وناكل ونخف توتر ونخرج ياااه
يونس بإبتسامة : شكراً لحضرتك وثقتك فينا وان شاء الله نكون عند حسن ظن حضرتك
ابتسم له كمال وقال وهو بيقوم : هستأذن انا همشي وهسيبك ترتاح
اومأ له يونس ووصلوا ادهم لباب المستشفى ورجع تاني ليونس
يونس بزهق : مبحبش قعدة المستشفيات دي عايز اشوف همشي امتى
ادهم بهدوء : هييجي الدكتور دلوقتي ويقولنا هل هتمشي ولا هتبات هنا
وجه فعلاً الدكتور وكشف عليه وقال : الحمدلله الجرح كويس اهم حاجة الراحة ومينامش على جنبه اللي كتفه مصاب فيه وكدة تقدر تروح انهاردة ،
وقام الدكتور وقال بإبتسامة : الف سلامة عليك
ابتسم له يونس والدكتور طلع ويونس قام عشان يلبس
يونس بهدوء : نادي عائشة تساعدني ألبس التيشيرت يا ادهم
ادهم نادى على عائشة ودخلت وطلع ادهم وبدأت عائشة تساعده في لبس التيشيرت وبعد ما خلصوا طلعوا وسلموا على نهاد وضحى وسلسبيل ومشيوا وكذلك هما بردوا مشيوا
سبحان الله وبحمده سبحان الله العظيم🦋
♕♕♕♕♕♕♕♕♕
بقلمي جنى احمد🤍
كانت الحارة كلها بتسأل عليهم وعلى صحتهم وحالهم كانوا بيكتفوا بس بإبتسامة
احمد بقلق لسلسبيل : انتي كويسة يا ست هانم
سلسبيل وهي باصة قدامها وقالت بهدوء : اه كويسة الحمدلله
احمد لنهاد : تحبي اساعدكم بحاجة يا ست هانم
نهاد بصتله بطرف عينها واتكلمت بإبتسامة بسيطة : شكراً يا احمد
وطلعوا بيتهم وقعدوا بتعب وهما بيستوعبوا اللي حصل
نهاد حضرت الغدا وقعدوا ياكلوا وقاموا شالوا الأكل وقعدوا يتكلموا
نهاد بهدوء : احكيلي يا سلسبيل بقى ايه اللي حصل؟
وحكيت لها سلسبيل الموضوع كله وفضلوا يتكلموا لحد ما جه الليل وكل واحد راح ينام بتعب
لا إله إلا الله وحده لا شريك له🦋
♕♕♕♕♕♕♕♕♕
بقلمي جنى احمد🤍
في الفيلا كانوا روحوا ويونس خد شاور وغير هدومه وعائشة كانت بتأكله
يونس بتعب وهو بيبعد وشه : خلاص كفاية اكل يا عائشة
عائشة بصرامة : لا هتكمل الطبق دة عشان تاخد العلاج يلاا
يونس وهو بيبعد الطبق : لا كفاية كدة انا شبعت
عائشة بنفي : لا هتاكل انت نز،،فت د،،م كتير اوي ولازم تعوضه وكمان الدوا تقيل لازم اكل عشان ميتعبكش
ابتسم لها يونس بحب وقال : حاضر يا ست عائشة
وخلص يونس اكل وعائشة عطتله الدوا وقعدت معاه
عائشة بإبتسامة : انت المفروض كدة خدت اجازة صح؟
يونس وهو بيضمها لحضنه : اه خدت اجازة وهقعد معاكي
عائشة : انت وعدتني انك هتخرجني اول ما تاخد اجازة
يونس بحب : هنعمل كل حاجة ونخرج ونعمل اللي انتي عايزاه بس استني شوية كتفي يخف
عائشة بإبتسامة وهي بتقبل خده : احلى يونس في الدنيا
يونس بضحك : يا سلااام على الرضااا ياااه
عائشة وهي بتفرك ايدها : يونس ممكن اطلب منك طلب
يونس وهو بيغمض عينه بضحك : هااااه ايه تاني
عائشة بترجي : ينفع ان شاء الله لما نخرج ناخد سلسبيل واختها معانا
يونس : ….
يتبع…..
*من تعود على تأخير الصلاة ،*
*فليتهيأ للتأخير في كل أمور حياته 😘
*زواج ، وظيفة ، ذُرية ، عافية ، تكملة ، توفيق ..*
*إذا هانت عليك صلاتك فما الذي يعز عليك ؟!*
*ألم تعلم أن الصلاة اقترنت بالفلاح ؟!*
*“ حي على الصلاة ، حي على الفلاح ”*
*فكيف تطلب من الله التوفيق وأنت له غير مجيب ؟!*
*اللهم اجعلنا ممن يقيم الصلاة في وقتها 🤎 .*
بجد التفاعل وحش جداً ودة زعلني اوي لاني بحس ان تعبي بيروح على الفاضي ودة اللي بيخليني بنزل بارت كل يومين ياريت تظبطوا التفاعل شوية يا حلوين
- لقراءة باقي فصول الرواية أضغط على (رواية فاتورة حب)