رواية رغبة في الإنتقام الفصل الثاني عشر 12 بقلم نوسة حمد

رواية رغبة في الإنتقام الفصل الثاني عشر 12 بقلم نوسة حمد

 

 

البارت الثاني عشر

 

#رغبة_في_الانتقام12
#نوسه حمد

 

 

مرت عم احمد قالت لي نسيبه ارح بره انتي قاعده معوجه قلت ليها طيب وقومتا بدبس في طرحتي كده عيني ما تقع الا في الراجل الابوي داير يعرسني ليهو هو انخلع وانا انخلعت اكتر منو ما اديتو نظره تانيه طلعت مخلوعه وجريت جري مرت عم احمد تقول لي نسيبه فشنو والراجل ماشي ورانا وانا قلت ليها اسكتي خشمك م تفتيحهو وما تعايني وراك الورانا دا الراجل الابوي خسر معاهو ف اللعب وعايز يزوجني ليهو وعقد لي عليهو عديل انا عايزه اتسرع اكتر وازوغ المهم هو بيسالك انكريني وبراحه فهمي عم احمد باي طريقه انو م يجيب ليهم سيرتي وينكرني عديل بتكلم معاها سريع وبصوت واطي وكل م اتلفت القاهو ورانا في بدايه المستشفي في ناس يبكو شكلهم عندهم زول اتوفا والنسوان ادردقن بالارض والرجال ما يدوك الدرب اتسرعتا اكتر وفي نص الناس ديك زوغتا والناس اتلمو في الجثمان وانا جريت الجري الواحد دا لمن نفسي قام وصلت مكان المواصلات ما لقيت لي اي مواصلات سالت الناس ف المكتب قالو الا بكره الصباح في بص ح يتحرك انا بقيت قاعده في الميناء عايزه ابكي عديل وخايفه خوف الموقف كلو رجال بت واحده فيهو غيري ماف فجاه سمعت لي صوت ولد وراي قال لي يا اخت اتلفت وراي عشان اشوفو وياريتني ما اتلفت الشهاده والعمل الصالح ولد جمالو ما لاقاني اول مره في حياتي يعجبني ولد ما اديتو نظره تانيه وانا سرحتا بعيد وهو شغال لي ي اخت انتي م سامعاني قلت ليهو نعم قال لي نعم الله عليك مالك خير ان شالله من قبيل انا قاعد في عربيتي شايفك ومحتاره ان شالله خير قلت ليهو لا لا خير انا من حلفا وما لقيت مواصلات قال لي من حلفا انا زاتي من حلفا انتي من وين في حلفا غلبني ارد عليهو لاني المكان الفيهو اسمو شنو ما عارفه قعدت اتمتم قال لي معقوله م عارفه مكانك قلت ليهو صراحه انا م من حلفا انا من شرق النيل بس ساكنه حلفا واعزرني والله العظيم انا مكان قاعده اسمو شنو م عارفه بس كل البعرفو اني في حلفا قعد اضحك قال لي الشال قلبك اتهنا بيهو كيف الكلام دا قلت ليهو حالي دا حال واحده في زول شاغل قلبها لا لا انت فهمتا غلط والله انا بربي لي في ايتام امي اتوفت في الولاده وخلت لي اخوان صغار والله انا روحي في المرايه م قاعده اعاين ليها خلي كمان احب ولو تصدقني ولا م تصدقني حب يعني شنو م عارفه قال لي معقوله والله شكلك حبيبه استفزني استفزاز قلت ليهو عاين انت داير تتونس انا م فاضيه ليك وبعدين انت مالك ومالي احب ولا م احب وصريت ليهو وشي ومشيت منو قعدتا لي في حجر 🧱 وما كان نفسي امش نهاي الولد الوحيد النفسي اتكلم معاي وما يسكت وبقيت سرحانه فيهو وهو اتكلم بالتلفون واتغزل فيهو تاني بقيت استغفر قلت في سري معقولة ي نسيبه مالك ومال الاولاد ولا دا الشيطان لازم اطردو انا براي في مكان مخيف وكلو رجال بقيت استغفر واطرد ف الشيطان واوسوس ومغمضه عيوني فجأه سمعت صوتو قال لي بتتكلمي براك مالك جنيتي انخلعت لمن كوركتا قلت ليهو انت مجنون ياخ مالك ومالي خليني في حالي قال لي اخليك في حالك كيف يعني اخليك في مكانك دا براك انتي جنيتي قلت ليهو لا انت الجنيت مالك ومالي ان شاء الله انوم ف الشارع قال لي م علي كيفك قلت ليهو انت دمك بارد وثقيل احسن تخليني في حالي الناس دي كلها تعاين لينا افتكروني عندي معاك شي لو سمحت ولو عندك اخوات بتخاف عليهن ابعد مني وخليني في حالي قال لي عشان عندي اخوات وبخاف عليهن م ح اخليك براك انتي زي اختي وبعدين انا هظاري كتير وانتي جاده انا اسف والله انا بس عايز اساعدك نحنا اصلا ماشين حلفا بس منتظرين لينا زول يجي من المطار وهسي انا بتكلم معاهو عايز اعرف وصلو ولا لا عشان لو وصلو امش استلمهم ونطلع طوالي قلت ليهو لا طبعا بعرفك من وين عشان اركب معاك بليل دا انت م جادي ولا شنو خليني في حالي قال لي ي بت انتي خايفه مني انا عايز اساعدك والله وبعدين انا بقرا الزول من عيونو انا شفتك من بعيد وانتي م شايفاني وبقيت متابعك وشايف الخوف في عيونك قلت اجي اطمن قلبك وليك حق تزهجي انا هظاري بايخ والله بس حبيت اهظر وحقك علي سكت م رديت عليهو تلفونو ضرب بقا يتكلم وانا بس سرحانه فيهو وقلبي ادق ماعرفتو دا حب ولا خوف البتكلم معاهو قال ليهو منتظرنك قال ليهم بتحرك بجيكم بس ادوني دقايق اقنع الزوله دي اظنهم سالوهو قال ليهم بت ماشه حلفا ومقطوعه هنا في الميناء قفل الخط قال لي اها ي ست البنات نمشي ولا رايك شنو غلبني ارد مهما كان م بثق فيهو قال لي يلا الزمن قلت ليهو عندك رصيد قال لي اي عايزه تتصلي قلت ليهو اي بتصل علي اخوي لو عرفك انا بمشي معاك لو م عرفك انا من هنا م بتحرك كان اغتصبوني قعد اضحك قال لي لا عاش ولا كان البلمسك ياست البنات قلت ليهو انا م ست البنات انا نسيبه قال لي نوسه وابتسم وأداني التلفون طلعت تلفوني وبديت اسجل في رقم مهند وعملت اتصال ☎️ جاني جاري الاتصال لمهند انخلعت قلت ليهو انت بتعرف مهند قال لي مهند منو مسجل هنا اخوك قلت ليهو اي قال لي كدي جيبي التلفون اديتو ليهو قال لي ي بت انتي منو ما رديت عليهو مهند فتح الخط وشكلو نعسان 😴 قال ليهو سيف اصلك مزعج 😕 عليك الله بطل حركاتك دي ميه مره قلت ليك م تصحيني قال ليهو يا زول استهدا بالله والله م اتصلت ليك انا اتصلت ليك اختك قال ليهو اختي بتستهبل صاح متين انا عندي اخوات قال ليهو انا عارف هاك ليها شلت التلفون وقلت ليهو الو مهند قال لي نوسه قلت ليهو مهند دا منو قال لي لاقيتي وين حكيت ليهو بالحاصل كلو قعد اضحك قال لي الله بريدك دا سيف ود عمي وارباب القبيله اركبي معاهو واطمني ومالك خير راجعه زي الرقت دا وعم احمد كيف قلت ليهو تمام والله الحمد لله العمليه نجحت وفرحنا فرح ورجال الحله اتلمو فيهو وانا م كنت جايه هسي بس انجربتا قال لي خير حكيت ليهو بالحاصل وسيف شغال اعاين لي ساي ومره يسرح ما عارفه قلبو بقول ليهو شنو مهند قال لي نوسه لو دايره نصيحتي تاني الحله دي م تعتبيها قلت ليهو توبتا توبه قال لي الله يستر عم احمد ومرتو ما يقعو بلسانهم قلت ليهو اطمئن انا فهمت مرت عم احمد قال لي بس تمام يلا اطمني اركبي معاهم وتوصلي بالسلامه شايف امي جابت اخوانك هنا قلت ليهو ونادر قال لي معقوله ي نوسه هدا انا نايم معاهو وبعد ترجعي عايزك في موضوع قلببي قعد ادق قلت ليهو موضوع شنو قال لي بعد تجي دا م وقتو يلا تصبحو علي خير انا عندي شغل بدري قلت ليهو تمام وقفلت الخط سيف قال لي سبحان الله ربنا بريدك والله رسلني ليك قلت ليهو فعلا زي م ربنا رسل لي مهند وبقا لي سند وجبر بخاطري ربنا رسلك لي ورغم ظروفي القاسيه بس نعم ربنا علي لا تعد ولا تحصا الحمد لله بين يوم ليله الدنيا كلها اتقفلت في وشي وامي ماتت في يدي بس ربنا كريم ما اتخذلت في يوم والحمد لله قال لي لانك طيبه وربنا بريدك قلت ليهو تسلم قال لي يلا نتحرك واركبي قدام معاي لانهم الماشين معانا ولدين م صح اخليك ورا معاهم قلت ليهو طيب م بتقصر ركبت والشارع كلو استغفر واسبح وصلنا المطار ركبنا الاولاد ومشينا اول م العربيه اتحركت انا نومتا نومه لاني كنت تعبانه شديد سمعت صوت ولد يصحي فيني وشده ما اتعمقتا ف النوم قومت مخلوعه قلت ليهو انت منو قال لي انا سيف ي نوسه قلت ليهو سيف شنو واتلفت وراي لقيت ولدين قلت ليهم انتو خاطفني ولا شنو وحرام عليكم انا يتيمه وبربي في اخواني سيف قال لي بسم الله ي نوسه استهدي بالله الناس بعاينو لينا وصوتك عالي انتي صلحت طرحتك وح نتفاهم صلحت طرحتي وانا بعاين في سيف وبديت اتزكر انا وين وديل منو اعتزرت ليهم قلت ليهم اسفه النوم موت قالو لي عادي كلنا مرات بتمر علينا زي حالتك دي انزلي عشان تاكلي نحنا جيعانين قال لي انا وقفت قبيل منتظرهم يجهزو الاكل وكلكم نايمين ونيس لي ف الشارع الطويل دا م لقيت قلت اصحيكم عشان تصحصحو انتي خلعتيني قلت ليهو اسفه اعزرني وانزلو انتو اكلو انا خلوني اصرا اني انزل اكل قلت ليهو لا اعفيني م جيعانه حلف علي طلاق طبعا طمم بطني لمن قال علي الطلاق قلت هياااا متزوج المهم اعتزرت ليهو قلت ليهو انا م باكل مع اولاد انزلو اكلو انتو قال لي لا لا تمام ح اجيب ليك اكل هنا نزلو وبقيت اتحسر قلت الولد طلع متزوج وسرحانه كده سيف جا شايل لي صحن شيه وكنت جيعانه م ماكله حاجه من الصباح وقعت في الصحن اكل لمن كملتو كلو خجلت خجل قلت اقولو طبعها شين تاني قلت ها ما يقولو انا جيعانه من الصباح سيف جا شايل لي بارد اديتو الصحن فاضي قال لي نوسه انتي جيعانه النزيدك قلت ليهو لا لا شبعت والله شكرا ليك خليني بشرب البارد دا قال لي تمام عايزين نشرب قهوه نجيب ليك كبايه عشان تصحصحي تونسيني قلت ليهو تمام ما فتحت البارد انتظرتو جاب لي قهوه شربتها واتحركنا بعديها وبقو يسالو فيني وانا اجاوب وكلهم محترمين والله حمدت الله انو وقعهم في طريقي والصباح بدري نحنا وصلنا نزلت منهم وشكرتهم وكنت نايمه م محتاجه انوم تاني نزلت عند ناس مهند لقيت اميمه اختي نايمه سلمت علي ام مهند وحكيت ليها بي سيف قعدت تضحك قال لي دا ود عم اولادي الله بريدك زول ضكران وقلبو حار قلت ليها فعلا والله وشهم شديد قالت لي جنسهم دا كلو كده في الحاره بقيفو وقفه قلت ليها نعم التربيه والله قالت لي اقعدي معاي الليله قلت ليها لا لا ماف طريقه ماشه للمره الشغاله معاها لكن بجيكم قالت لي خلاص شيلت اختي ومشيت ليهم ضربت الجرس فتحت لي هي زاتا لمن شافتني فرحت فرح شديد قالت لي اشحد في الله تجي الليله عشان الليله ولدي جانا وحكيت ليهو بيك اتشوق اشوفك ارح ادخلي اعرفك عليهو وبقيت ماشه وراها قالت ليهو نسيبه جات هدي جبتها تتعرف عليها وانا م كنت شايفه وشو لمن شفتو لمن قربتا يغمي علي وهو زاتو انخلع ………..يتبع تتوقعو ولدها طلع منو

 

 

• لقراءة باقي فصول الرواية أضغط على (رواية رغبة في الإنتقام)