رواية وردة في وسط الصعيد الفصل الرابع 4 بقلم ندوشة
رواية وردة في وسط الصعيد الفصل الرابع 4 بقلم ندوشة
البارت الرابع
“7”
خرج عمر هو كمان ومفضلش غير الجد ومصطفي
مصطفي : انت ناوي علي اي يابا
الجد : هتعرفوا بعدين
بعد فترة دخل عمر ومعاه حسين وبعدهم ادهم واحمد اتجمعوا كلهم حوالين الجد
الجد : اقعد ي حسين
حسين : انا والله اول ما عرفت اللي حصل في الارض كنت هاجي بس مقدرتش لحد ما قالولي انك عاوزني
الجد : عشت يحسين
حسين : هو في حاجة يحاج
الجد : انا مسكت اللي اتسبب في الحريقة ولما سالناه مين اللي طلب منك تتوقع قال مين
حسين : مين
الجد : قال انه انت يحسين اللي طلبت يولع في الأرض
حسين : والله ما حصل يحاج ابدا انا عمري ما اعمل كدة ابدا ولا حتي افكر اني
الجد بمقاطعة : انا عارف انه مش انت وانك مستحيل تعملها انا اللي مربيك يحسين وانا مش تايه عن تربيتي وعارف انك عمرك ما تغدر
حسين : طب كويس الحمدلله طب انا استاذن لو مش محتاج مني اي حاجة تانية
الجد : اقعد يحسين انا عاوزاك في موضوع مهم
حسين : اؤمرني يحاج ولو بإيدي عمري ما اتأخر عنك
الجد : انا كنت عاوز اطلب ايد بنتك امل لحفيدي
حسين : أأأ
الجد : انا مش عاوز ردك دلوقتي فكر كويس قبل ما ترد
حسين : طب اعرف تقصد مين بكلامك
الجد : اظن انت عارف اقصد مين مش محتاج اتكلم
حسين : أيوة يحاج وصلني وان شاء ردي هيوصلكم
الجد : واحنا مستنيين
حسين : طب بالسلامة انا يحاج لو مش محتاج حاجة مني تانية
الجد : اذنك معاك يلا روح شوف وراك ايه
حسين : السلام عليكم
خرج حسين وساب مصطفي وهو بيبصله ورجع بص لابوه وهو مش فاهم حاجة من اللي حصلت ومش عارف دماغ ابوه فيها ايه
مصطفي : انا مش فاهم حاجة يابا
الجد : اقعد وانا هفهمك
مصطفي : قعدت اهو عاوز اعرف هو ايه اللي حصل دا
قعد مصطفي وهو مستعد لكل الكلام اللي هيقاله وبدأ الجد يحكي
في اوضة عمر كان قاعد هو ووردة وباين علي وشه العصبية ووردة كانت بتبصله وخايفة تتكلم بصلها عمر فجأة
عمر : عاوزة تقولي ايه
وردة : انا مقولتش حاجة عرفت ازاي
عمر : وردة انا مش لسة عارفك النهاردة انا حافظك فقولي عاوزة ايه
وردة : مفيش والله بس كنت عاوزة اهديك وخصوصا انك متعصب جامد
عمر : وليه متكلمتيش
وردة : خوفت تتعصب عليا
عمر : خوفتي مني انا ي وردة للدرجة دي انا بخوف انتي عارفة ومتاكدة ان لو اتعصبت من الدنيا كلها مستحيل ازعلك او اقولك كلمة تجرحك
وردة : انا عارفة الكلام دا كله يحبيبي وع كدة انا بقولك اهدي وان شاء الله هيعرفوا مين اللي عمل كدة
عمر : انا اللي كان معصبني انه اتهم عمي حسنين في الموضوع دا وانا مش فاهم هل جدي صدق واللا لا
وردة : من كلامك عن جدك ليا اقدر اضمنلك انه مستحيل يصدق جدك دماغه توزن بلد وعارف بيعمل ايه فاهدي كدة وروق علي نفسك متتعصبش
عمر : عندك حق فعلا
في اوضة فرح والمكان اللي بيخططوا فيه للمصايب دي كلها كانت قاعدة هي وجميلة وفرح كانت حاسة بخوف من كلام وردة لها
جميلة : انتي دلوقتي خايفة من ايه ممكن افهم
فرح : وهو اللي حصل دا ميخوفش انتي مسمعتيش كلامها تحت قدام الكل
جميلة : ولا يهمك منها مش هتقدر تعمل حاجة
فرح : هتفضلي طول عمرك غبية كدة انتي متخافيش الا من النوع دا النوع الواثق من كلامه وعارف بيعمل ايه كويس
جميلة : طب هنعمل ايه دلوقتي
فرح : لازم نتصرف وننفذ الخطة دي في اسرع وقت
جميلة : هحاول بس مش هينفع دلوقتي
فرح : نشوف وقت مناسب وننفذ
في آخر اليوم كانت العيلة كلها متجمعة علي السفرة ع يتعشوا فجأة اتكلم الجد بصوت عالي ع يلفت نظرهم ليه
الجد : اسمعوني كلكم
بصلوا الكل واستنوه يكمل كلامه وهو بص لأحمد واتكلم وقال : انا طلبت ايد امل من حسنين
كان احمد بيشرب بس شرق وفضل يكح ومش مصدق اللي سمعه ومصدوم بص لجده علي طول ولقاه بيبصله
الجد كمل : طلبتها لأحمد بس مستنيين ردهم
اول ما سمع احمد الكلام قام بسرعه وهو فرحان وحضنه ودا خلي الكل يضحك عليه
احمد : ربنا يخليك ليا يجدو يحبيب قلبي
الجد : طب بطل هبل واقعد يلا
راح احمد يقعد وهو وشه باين عليه السعادة والفرحة بس قاطع كلامهم صوت ادهم اللي اتكلم
ادهم : لا بقي والله كدة ما ينفع اشمعنا انا
الجد : عاوز ايه
ادهم : ما انا قولت من زمان عاوز ايه عاوز القرب وانت اللي مش راضي مش عارف ليه ودلوقتي هتخطب لاحمد الصغير طب وانا
الجد : انا لسة بفكر في الموضوع دا
ادهم : لا انا مليش دعوة انا عاوز عاوز الرد دلوقتي
الجد : ……..
- لقراءة باقي فصول الرواية أضغط على (رواية وردة في وسط الصعيد)