رواية وردة في وسط الصعيد الفصل الثامن 8 بقلم ندوشة
رواية وردة في وسط الصعيد الفصل الثامن 8 بقلم ندوشة
البارت الثامن
“8”
ادهم : لا انا مليش دعوة انا عاوز عاوز الرد دلوقتي
الجد : وأنا موافق
ادهم : بجد امتى خليها بكرة
عمر : اقعد ياض هنا بكرة فين انت اهبل
ادهم : الله وفيها ايه ي عمر دا انا مستني ي جدع بقالي سنين وعلي ما صدقت انه وافق
الجد : ادهم خطوبتك هتكون مع احمد
ادهم : طب لو موافقوش هيبقي ايه منظري
احمد : اسكت يفقر انت هتنق فيها من دلوقتي
الجد : انا متاكد انهم هيوافقوا فاستني انت كمان معاه بدال ما اغير رأيي
ادهم : لااا انا موافق المهم اني هبقي عريس واللا ايه يعروسة
بص ادهم لصفاء وغمزلها وهي اتكسفت ووشها احمر بص عمر لادهم بغضب وكان لسة هيقومله بس وردة مسكته
عمر : ايه يعم دا احنا حتي قاعدين ما تحترم نفسك يجدع انت
ادهم : الله وانا عملت ايه انا عيني هي اللي بتوجعني شوية
عمر : طب خف بدال ما اطيرهالك خالص
الجد : بس كل واحد يخليه في اكله وميتكلمش
سمع الكل كلام الجد وفضلوا ساكتين وكان عمر بيبص لادهم بغيظ وبيحاول انه يمسك نفسه وميقومش يضربه وهو كان بيبادله بإبتسامة مستفزة
بعد العشاء طلع عمر ووردة لاوضتهم وقعدوا يتكلموا مع بعض وطبعا عمر مكنش سايب فرصة الا ويغازل وردة اللي كانت مكسوفة جدا
وردة : بس ي عمر الله بتكسف
عمر : ايوة بقي علي الفراولة االي بتطلع دلوقتي
وردة : خلاص ي عمر بقي انا كنت عاوزة اتكلم معاك في موضوع كدة
عمر : قولي ي وردتي
وردة : بصراحة انا عاوزة اروح القاهرة
عمر : ليه في حد زعلك هنا طب انا زعلتك في حاجة صفاء زعلتك
وردة : عمر حبيبي اهدي انا كنت عاوزة اروح بس لان في حاجات ليا هناك كنت عاوزة اجيبها هدوم واوراق ليا هناك مفيش حاجة تقلق
عمر : لو علي كدة ماشي انا موافق بكرة نقولهم ان شاء الله ونروح ونيجي تاني
وردة : يعني مش هتفسحني
عمر : اكيد يحبيبتي هنعمل كل اللي تحبيه بس يلا نامي دلوقتي
وردة : تصبح علي خير ي حبيبي
نامت وردة واخدها عمر في حضنه ونام هو كمان
تاني يوم كانوا قاعدين كلهم علي الفطار ما عدا وردة وعمر اللي لسة مكانوش نزلوا نزل عمر وفي ايده وردة وهي مبتسمة
عمر : صباح الخير
الكل : صباح النور
الجد : اقعد يلا كل ع كنت عاوزك في شغل مهم
قعد عمر وجمبه وردة وهو بدأ يأكلها بإيده وكان الكل فرحان لهم ما عدا جميلة وفرح اللي كانوا هيموتوا من الغيظ
خلصوا امل وقام عمر مع الجد عشان يشوف شغله ووردة بدأت تساعدهم في لم السفرة وهي بتضحك مع صفاء
في أوضة فرح طلعت هي وجميلة وجميلة اول ما دخلت بان علي وشها العصبية الشديدة والقهر
جميلة : شوفتي كان بيأكلها ازاي ي ماما انا خلاص مبقتش قادرة حاسة اني هروح اموتها
فرح : اهدي ي جميلة هنتصرف متقلقيش ما هو احنا مش هنسيبها تاخد دا كله لوحدها وتكوش علي دا كله
جميلة : انا اللي يهمني دلوقتي انها تغور من هنا انا مبقتش متحملاها
فرح : انا قولتلك هي هتمشي لوحدها لو نفذتي اللي قولتلك عليه بس انتي اللي بتأخري
جميلة : وأنا اعمل ايه نفسي افهم مجاش وقت مناسب وانتي عارفة ان الموضوع دا مفيهوش غلط ي تصيب ي نروح في داهية
فرح : ركزي انتي بس في اللي قولته وهي هتصيب
تحت كانت وردة قاعدة مع صفاء وهي مبسوطة بالأجواء اللي اول مرة تشوفها
وردة : انا بجد مبسوطة هنا اوي المكان هنا جميل فعلا
صفاء : دايما المكان اللي بيبقي فيه ناس بتحبك بيبقي حلو بعيدا عن شكل المكان
وردة : بس هنا الاتنين موجودين ناس بتحبني والمكان شكله تحفة
صفاء : يعني بجد حبيتي المكان هنا
وردة : اكيد وحبيتك انتي كمان بجد مع اني عرفتك من كام يوم بس حبيتك لان قلبك طيب وتتحبي
صفاء : حبيبتي وانا كمان حبيتك واعتبرتك اختي
مر الوقت وكان الكل مجتمع علي السفرة ع العشاء وكانوا بيتكلموا وهما مبسوطين بس قاطعهم الجد
الجد : الكل يبصلي هنا
بص الكل له واستنوه يكمل كلامه وهما مش فاهمين حاجة بس الجد بص لأحمد واللي نوعا ما فهم هو عاوز يقول ايه
الجد : انا جالي الرد من حسنين بخصوص خطوبة بنته امل من احمد
احمد : وايه قال ايه
الجد : ………
- لقراءة باقي فصول الرواية أضغط على (رواية وردة في وسط الصعيد)