رواية وجهي المسروق الفصل السادس 6 بقلم مصطفى جابر

رواية وجهي المسروق الفصل السادس 6 بقلم مصطفى جابر

 

 

البارت السادس

 

 

إلا قوليلي صح يا تسنيم عملتي اي مع الشخص اللي كان بينادي عليكي وعايزك برا ده؟
تسنيم بخوف: انتي مالك بتسالي ليه يعني السؤال ده؟
فهد بغيره : وده مين مين الشخص ده بقي إنشاء الله؟
تسنيم بهدؤء: هفهمك فوق يا فهد ف شقتنا
فهد بغضب : تفهميني اي انطقي يا تسنيم مين ده وقابلتيه فين وعايزك ليه اصلا.
تسنيم بخوف: فهد ممكن تهدأ انا هفهمك والله بس متتعصبش وبلاش صوتك يعلي.
مي بخبث: يا جماعه اهدو ووحدو الله ده شيطان ودخل بينكم.
تسنيم بغضب : ماهو انتي اللي دخلتي بينا يا

 

 

مي كل ده بسببك وخليتي جوزي يشك فيا ويظن فيا ظن وحش.
فهد بغضب: ملكيش دعوه بيها وردي عليا مين الشخص ده وانتي محدش يعرفك هنا.
تسنيم بصدمة: فهد انت بتزعقلي ليه قولتلك هقولك فوق علي كل حاجه.
فهد بغيرة وغضب: ياسلام وانا هستني لما نطلع فوق
تسنيم بجمود: لا صح مينفعش تستني .. عمومآ ده يبقا اخو حبيبه بعتت لي معاه هدية من البلد وانا طلعت خدتها منه وكنت هقولك لكن هيا سبقتني وقالتلك ارتاحت يا فهد.
فهد بغيرة: ماشوفكيش واقفه معا اي حد تاني
تسنيم بذهول: فهد انت بتقول اي دا اخو حبيبة عارف يعني اي حبيبه.
فهد بغيظ: عارف وبعدين يا تسنيم افردي طلع مش كويس هتعملي اي.
بتيجي اخت فهد..
: اي ده مالك يا تسنيم قالبه وشك ليه الرخم ده مزعلك ولا اي .
تسنيم بهدؤء: لا مفيش يا الاء ماحدش مزعلني.
اخت فهد بحنان: طب خدي شيلي دلال بقي
تسنيم بحنان: دلال القمر حبيبتي ربنا يحفظها يارب ويبارك فيها.
اخته: عقبال ما أشيل عيالك انتي وفهد كده.
فهد إبتسم : امين ادعيلنا يا الاء اجيب بنوته نسخه مصغره من تسنيم كده
امه بضحك: هههه يابني مانتا عندك تسنيم اهي مش مكفياك عايز واحده تانيه شبهها.
تسنيم بجمود: لا انا مش عايزه حد شبههي ان شاء الله هيبقوا نسخه منه.
اخت فهد: اي يابت النرجسية دي ههه
تسنيم بمرح: كده علشان مافيش حد هيبقي شبهي ممكن لما اجيب بنوتي تبقي شبهي بس مش نفس طباعي.
حماتها بابتسامة: يا حبيبتي ادعي طيب ومتخافيش هتبقي شبهك انتي وجوزك.
فهد بمرح: نفسي والله اجيب بنوته قلبوظه كده ادعيلنا يا ماما..
بعد شويه…
طلعوا الشقة و تسنيم ساكتة بحزن..
فهد بتوتر: احم تسنيم فين الجاكت الجلد الأسود بتاعي.
ردت تسنيم عليه من غير ما تبصله : عندك ف الرف التاني فوق الجرفتاتص
فهد راح جنبها بحنان ومسك ايديها بحب : مالك من ساعه اللي حصل تحت وانتي بتتجنبي تتكلمي معايا ومش بتبصيلي لما بكلمك.
تسنيم ببرود: انا حره هتعملي اي بقي.
فهد بغيظ: تسنيم ردى عدل وقوليلي مالك.
تسنيم بزعيق: انا تعبت يافهد وزهقت من اللي حصل تحت ده .. ارتحت انت كده لما قعدت تزعقلي وتشك فيا قدام الحربايه بت خالتك اللي وقعتنا في بعض دي .. دنتا كان ناقص تضربني بالقلم قدامها اتمني تكون مبسوط بالحبتين اللي عملتهم تحت دول وانا عماله اهدي فيك وتقولك نتكلم فوق وانت بتزعق وتتعصب عمرك ما عملتها يا فهد لكن الحرباية دي جت و خلتك تعملها انا عمري ما شكيت فيك حتى لما اختي اتهمتك بجوازك منها مشكتش فيك عارف لي يا فهد ها رد عليا ولا اقولك متردش انا غايرة في داهيه.
تسنيم خدت بعضها ودخلت الاوضه وقعدت تعيط ماكنتش مصدقه انه ف يوم م الايام يشك فيها او يزعق ليها قدام حد ويتعصب عليها لا وف الآخر جاي يصالحها بكلمتين..
لقت باب الاوضه بيتفتح ولاقيته دخل وقعد جمبها.
فهد بحزن: طب ممكن علشان خاطري ماتعيطيش
زقت ايده بغضب: اوعي ابعد ايدك عني مالكش دعوه بيا تاني خاليك ف الحربوقة مي واسمع منها.
فهد بتنهيدة حزن: كده يا تسنيم بتقوليلي ماليش دعوه امال هيبقي ليا دعوه بمين انا ماكنتش اقصد ازعقلك تحت أو اتعصب عليكي بس الموضوع دايقني وانا ماقدرتش امسك نفسي بس غصب عني ماشوفتش قدامي ممكن ماتزعليش مني عندك حق انا غبي وغلطان بس والله العظيم من غيرتي مبشوفش انا عاشقك ومبطقش اي حد يقرب منك حتى لو بالغلط حقك عليا ياستي.
تسنيم بجمود: لا والله وانا بقي هصفالك صح ده بعينك يا سي فهد واطلع برا لو سمحت او اقولك امسك بقي المفتاح وروح نام تحت ماتنامش جمبي علي السرير.
فهد بحب: مقدرش ابعد عن حضنك يا تسنيم.
تسنيم لارد..
فهد بحب: ماتبقيش قفوشه بقي اسف اخر مرة سامحيني بقا.
تسنيم ببرود: ماتدلعنيش انت سامع وياريت لسانك مايخاطبش لساني يالا طريقك أخضر شبه عينك الحلوه دي امشي من هنا
فهد بضحك : هموت من الضحك والله بقي بتعاكسيني وانتي مقموصه كده
تسنيم خبطته في دراعه: ماتضحكش عليا يارخم انا اصلا مش هرد عليك ولا هحتك بيك تاني ماشي يا فهد ماشي.
فهد بحنان: طب اصالحك ازاي دلوقتي
تسنيم ببرود: زي ما حضرتك عملت فيها برنس تحت وزعقتلي قدامهم تتأسفلي قدامهم وبالذات قدام العقاريه دي ولا بريستيجك مايسمحلكش لا سمح الله غير انك تهين فيا قدامهم.
فهد برفع حاجب: ده طلبك ياعني وانا موافق دا انتي تؤمري امر كدا.
تسنيم بدلع: اه بس مش هصفالك برضو
خرجت راحت تنام في اوضتها .
تاني يوم.

 

الساعه 2 لقيت تسنيم الباب بيخبط راحت فتحت
تسنيم بقرف: خير يا مي جاية هنا عايزه اي تاني.
مي بمكر: جيت اطمن عليكوا بعد اللي حصل امبارح ده .
تسنيم ببرود: لا يا حبيبتي ملكيش دعوه مش محتاجين سؤالك وفريه لنفسك
مي بغيظ وغضب: لاحظي انه ابن خالتي ومن حقي اطمن عليه وأسأل براحتي.
تسنيم ببرود: ويبقي جوزي ياعنيا اطلعي انتي بس من حياتنا وهتبقي حياتنا احلي
مي بغضب: ماشي ياست تسنيم بس اعملي حسابك انا سايباهولك بمزاجي.
تسنيم بغضب: انتي مجنونه يابت ولا اي شوفي انتي غايره في اي داهيه .. دي جوازة اي دي ياربي اللي كل ما واحده تشوف جوزي الاقيها طمعانه فيه
مي بخبث: بكره الايام توريكي ياعسل
اخدت مي بعضها ونزلت وتسنيم متغاظه من جواها: هيا تقصد اي باللي قالته ده لاء ده لما يجي فهد نشوف ايه الحكايه ويوفقها عند حدها.
بليل….
فهد بحب: السلام عليكم اخبارك ايه يا تسنيم
تسنيم ببرود: وعليكم السلام يا حبيبي الا صحيح هيا بت خالتك دي بتحبك؟
فهد باستغراب: اي ده ايه السؤال الغريب ده.
تسنيم بجمود: رد عليا.
فهد بهدؤء: اكيد بتحبني مش ابن خالتها
تسنيم بغيظ: انت بتستظرف صح انت فاهم قصدي
فهد بهدؤء: بتسألي ليه يا تسنيم
تسنيم بغضب: لا مافيش اصل الهانم جيالي وبتقولي جوزك ده انا سايباهولك بمزاجي وبتقولي كنت طالعه اطمن عيكوا بعد اللي حصل امبارح.
فهد بغضب: اي ده هيا اتهبلت دي ولا اي
تسنيم بغضب: شوف بت خالتك بقي علشان انا جبت اخري منها هيا عايزه مني اي.
فهد بحنان: تسنيم يا حبيبتي اللي زي دي ماتديلهاش فرصه تدخل ف حياتك انا اللي هقولك برضه.
تسنيم بسخرية: طب ماتقول انت لنفسك الكلام ده يا فهد.
فهد بهدؤء: طب قومي تعالي معايا
تسنيم: رايح فين
فهد: هنزل اشوف اي حكايتها والبسي علشان هنروح مشوار.
تسنيم بأستغراب: هنروح فين
فهد باس خدها: البسي بس استناكي ولا انزل
تسنيم: لا ثواني هلبس وننزل مع بعض وانت ادخل غير هدوم الشغل بتاعتك دي طيب.
بعد شويه..
خلصوا لبس و فهد بحب: يالا بينا بس اي الشياكه دي بقا خطفت قلبي اكتر واكتر.
تسنيم بحب: مش هاجي حاجه جمب شياكتك ياحبيبي.
نزلوا و مي بصت ليها بغل..
مي ببرود: امال انتو رايحين فين
تسنيم ببرود: وانتي مالك
فهد بهدؤء :خلاص يا تسنيم يا حبيبتي اهدي انتي دلوقتي..
فهد لمي ببرود: وانتي يا مي مالك بيها بتدخلي ف اللي ملكيش فيه ليه وطلعتيلها شقتها تهدديها انتي بتستهبلي ؟ مش هكرر كلامي تاني لو سمحتي ابعدي عننا بقي علشان انا اخر ماهزهق هقول لابوكي مفهوم ؟
مي بغضب: هو فيه اي يا فهد هيا سخنتك فوق ونازل تعملهم عليا ماتشوف مراتك الأول.
فهد بهدؤء: مالها مراتي يا مي انا سكتها كتير وكنت بقولها معلش دي مي مش قصدها وانتي عامله زي المدب بتدبي كلامك السم دايما ومش بنتكلم ماكنتش عايز أتدخل لأنكم ستات مع بعضيكم بس تسنيم اشتكتلي كتير بسببك اتمني ملكيش دعوه بيها وعدي اليومين اللي فاضلين ليكي معانا هنا علي خير ياريت
يالا يا تسنيم.
تسنيم كانت فرحانه و بصت لمي بانتصار ومي اتحرجت اوي..
بعد شويه..
تسنيم: احنا بقى رايحين فين

 

فهد بحب وهو ماسك ايديها: هتعرفي كمان شويه.
وقف علي البحر..
تسنيم بحب: الله بحر انا بعشق البحر وريحه البحر بجد
فهد بحب: كنت عارف انك عايزه تغيري جو شويه فضلت افكر لغايه ماقولت ده احسن مكان بتحبيه.
تسنيم بفرحة: دايمآ بتفاجئني.
فهد بحب: عايز اقولك ماتزعليش مني ..اوقات بغير عليكي بزياده حقك عليا بس لو شوفتي الموضوع من وجهة نظري هتقولي إني معايا حق
تسنيم: مش زعلانه منك يا فهدي.
باس دماغها بحب..

 

 

 

• لقراءة باقي فصول الرواية أضغط على (رواية وجهي المسروق)