رواية عانيت لأحبك الفصل الثامن والعشرون 28 بقلم فاطمة محمود
رواية عانيت لأحبك الفصل الثامن والعشرون 28 بقلم فاطمة محمود
البارت الثامن والعشرون
” رواية عانيت لأحُبك ”
” البارت التامن وعشرون ”
” الكاتبة فاطمه محمود ”
بستنىٰ وتسيب إيدي، تبعد وتضحكلي، تهمس
وتقولي : إحنا أصلًا مش لبعض✨
مالك بيكون نايم وماسك ايد آيه
وبيفوق علي صوتها
آيه بصوت ضعيف : انا فين
مالك بابتسامة : حمدالله على سلامتك
آيه : الله يسلمك
مالك : متقلقيش انتي بقيتي زي الفل اهو
آيه بصتله وسكتت لما افتكرت اللي حصل ودموعها
نزلت مالك اضايق لما شاف دموعها وكره نفسه لانه
هو السبب
مالك : آيه انا اسف انا السبب في كل اللي حصل
آيه هزت راسها بلاا ومالك خرج وقابل فارس وسلمي
فارس : آيه كويسه دلوقتي
مالك بابتسامة : الحمدلله هي دلوقتي فاقت
سلمي بفرحه : بجد طيب ممكن اشوفها
مالك : اكيد اتفضلوا
سلمي مشيت وفارس بص لمالك : شكرا يا مالك
مالك : علي ايه انا معملتش حاجه روح شوفها يلاا
فارس بابتسامة : حاضر
فارس مشي ومالك رح مكتبه وقعد علي الكنبه
وفضل يفكر في آيه
……………………………………….
عند آيه بتكون باصه لسقف وسلمي بتدخل
سلمي بابتسامة : توتا حمدالله على سلامتك
آيه : الله يسلمك يا سلمي
بيدخل فارس : كان ينفع تقلقيني عليكي كدا
آيه : انا اسفه
فارس بابتسامة : اسفه ايه بس اهم حاجه انك
بخير يا حبيبت اخوكي
آيه ابتسمت وفارس قرب منها وقعد جمبها وحضنها
: وحشتيني يا توتا
آيه : انا غبت كتير ولا ايه
سلمي قعدت جمبها ومسكت ايديها : انتي متعرفيش
احنا كما ازاي من غيرك بجد فكره انك تحصلك حاجه
كانت هتموتني من خوفي عليكي
آيه بابتسامة : انا بخير قدامكم اهو
فارس : توتا
آيه : ايه
فارس : ممكن افهم ايه اللي حصل معاكي
آيه سكتت ومرديتش
سلمي : توتا اتكلمي
دخول محمد هو و زينب اللي قربت من آيه
بسرعه وحضنتها : انتي كويسه يا آيه
آيه : كويسه يا ماما
محمد : حمدالله على سلامتك يا حبيبتي
آيه : الله يسلمك يا بابا
محمد : آيه انا عاوز اعرف ايه اللي حصل
آيه بدموع : بس انا مش عاوزه اتكلم
زينب : يا حبيبتي احنا بس عاوزين نعرف ايه اللي
وصلك لكدا
فارس : احنا كنا خايفين عليكي وحابين بس نعرف
ايه المشكله
محمد : يا حبيبتي احنا اهلك ولازم نعرف
سلمي : هو سيف السبب
آيه نزلت دموعها وحضنت فارس
فارس : كنت عارف هو السبب بس كنت مستني اتاكد
محمد بهدوء : طيب احكي ايه اللي حصل
آيه بدموع : كنت خارجه من الكليه ومستنيه سيف
ورنيت عليه ومردش وبعدين وقفت تاكسي وجيت
علي المستشفى هنا افك الغرز وبعدين مالك شال
الغرز وكنت خارجه وقالي استني هوصلك عشان
لوحدك وكنت طالعه انا وهو وفجاه اتكعبلت وكنت
هقع ومالك مسكني وسيف دخل فجاه وشافنا
آيه بتسكت وبتفضل تعيط وفارس بيحضنها : اهدي
يا حبيبتي وكملي عشان نفهم اللي حصل
آيه اخدت نفس طويل واتكلمت : اول ما شافنا
قالي اني رخيصه وبتلفي علي اي شاب
آيه فضلت تعيط كتير
سلمي : خلاص اهدي هو ميستهلكيش اصلا
وبعدين سلمي قربت منها وحضنتها وفضلت تهدي
فيها وفجاه آيه فقدت الوعي وكلهم قلقوا عليها
وفارس خرج وبعد شويه جي هو ومالك وادلها
حقنه مهدئه
مالك : طيب هي محتاجه راحه دلوقتي والاحسن
لما تفوق محدش يضغط عليها وحاولوا تطلعوها
من اللي هي في يا جماعه عشان نفسيتها وحشه
زينب : حاضر يا بني
مالك : عن ازنكم
فارس : اتفضل يا مالك
مالك بيخرج
فارس بعصبية : انا هموت الكلب دا عشان يقول الكلام
الي قاله عن اختي
وفارس بيكون خارج
محمد : فاررس متتهورش
فارس بصله : انت مش شايف حالتها ازاي بسببه
محمد : ونا بقولك اهو متعملش حاجه بلاش مشاكل
كفايه الله حصل
فارس : انا خارج
محمد : اوعي تعمل حاجه يا فارس
فارس : تمام
فارس بيخرج وزينب بتقرب من محمد
زينب : انا مش مطمنه لهدوءك يا محمد
محمد بصله : هروح اقتله يعني
زينب : مقولتش كدا بس يعني مفيش اي رد فعل منك
محمد : انا مدايق من نفسي يا زينب لاني انا السبب
في حالتها مقدرش الوم غير نفسي
زينب : ليه بتقول كدا
محمد : مش انا اللي اديتله فرصه أنه يتغير بس
شكلي اديتله فرصه يدمر بنتي
زينب : انا خايفه علي بنتي اوي يا محمد
محمد : هنفضل جمبها وهتبقي كويسه
زينب : يارب يا محمد
محمد وزينب قعدو علي الكنبه وتليفون سلمي
رن
سلمي بصت لمحمد و زينب
محمد : ردي يا سلمي
سلمي بتخرج من الاوضه وبترد علي الفون
سلمي : الو
يوسف : مال صوتك
سلمي : مدايقه شويه
يوسف : اكيد هتفوق يا حبيبتي بلاش تبقي
في الحاله دي
سلمي : آيه فاقت
يوسف : طيب الحمدلله مالك بقا
سلمي : آيه حكيت اللي حصل معاها ونا زعلانه
اوي عشانها
يوسف : وحكيت ايه
سلمي : صاحبك السبب في كل دا
يوسف : سلمي هو
سلمي قاطعته : سلمي اي انا اختي منهاره بسببه
ولما فاقت وحكيت اللي حصل انهارت في العياط
واغمي عليها وبعد دا كله ولا فكر يجي يشوفه بجد
انسان معقد واختي خساره في بس نعمل ايه هي
اللي اديتله فرصه
يوسف : سلمي ممكن تهدي الاول
سلمي : انا بس مش متخيله هو بجد يعمل فيها كدا
ازاي
يوسف : سيف هو بس مش بيعرف يفكر بيقول ايه
و
سلمي قاطعته : بلاش تدافع عنه يا يوسف
يوسف : حاضر انا مش هتكلم
سلمي : طيب انا هقفل دلوقتي باي
يوسف : باي
يوسف بيقفل مع سلمي وبيبص علي المرايا
وبعدين بيخرج ويتكون نور و هناء متجمعين
علي السفره
يوسف : صباح الخير
هناء و نور : صباح النور
نور : كلمت سلمي
يوسف : ايوا كلمتها ومدايقه اوي
هناء: ليه حصلت حاحه ما بنكم
يوسف : لاا يا ماما بس حصلت مشكله
و آيه في المستشفى
هناء : مستشفى ومتقوليش يا يوسف يقولو عليا
ايه دلوقتي
يوسف : يا ماما انا عرفت امبارح وروحنا كان الوقت
متاخر قولت بكرا اخدك ونروح
هناء : طيب و ايه اللي حصل معاها
نور : لاا دي قصه كبيره اوي
يوسف : حصلت مشكله بين سيف و آيه
يوسف : هو سيف قال ان شاف آيه و مالك سوا
دا اللي عرفته منو بس اكيد في حاجه غلط وسيف
متهور جدا ومبيفكرش في حاجه غير اللي بيشوفه
هناء : عشان كدا هو ومالك مختفي
نور : اكيد مالك في المستشفى عشان مجاش ابدا
وسيف في شقته
هناء : طيب امتي اروح اشوف آيه
يوسف : انا هوصلكم يا ماما انتي ونور
نور : يوسف ينفع نعدي علي شهد وناخدها معانا
يوسف : ماشي يا حبيبتي
نور : طيب انا هكلمها
نور بتروح اوضتها وبترن علي شهد اللي
رديت عليها
شهد : صباح النعناع
نور : صباح الخير نص ساعه وتبقي جاهزه
شهد : هنخرج ولا ايه
نور : اه المستشفى
شهد : هنمر علي الحالات ولا ايه
نور : مش وقت هزارك دلوقتي
شهد : ما انا مش فاهمه ليه رايحين المستشفى
نور : آيه في المستشفى
شهد : آيه في المستشفى متهزريش يا نور
نور : والله بجد
شهد : طيب ليه
نور : حصلت مشكله بينها وبين سيف انا مش عارفه
تفاصيل كتير البسي وهنروح ونفهم الباقي
شهد : حاضر
نور بتقفل مع شهد وبتلبس وبعد وقت بتخرج
وبيكون يوسف واقف
يوسف : كل دا يا نور
نور : اسفه يا جو
يوسف : طيب قدامي يلاا
يوسف و هناء و نور بينزلوا وبيركبو العربيه
وبعد وقت بيكونو قدام العماره وشهد بتنزل
شهد : صباح الخير
الكل : صباح النور
شهد : عامله ايه يا طنط
هناء : الحمدلله بخير يا حبيبتي
يوسف ساق العربية وبعد وقت وصلوا
ودخلوا المستشفى ودخلو الاوضه اللي
فيها آيه
هناء : صباح الخير
الكل : صباح النور
يوسف : عامل ايه يا عمي
محمد : الحمدلله يابني اتفضل اقعد
يوسف : لاا انا ورايا شغل بس جيت اوصلهم
واطمن علي آيه الف سلامه عليها
محمد : الله يسلمك يا يوسف
يوسف : طيب استاذنك يا عمي ممكن اتكلم
شويه مع سلمي
محمد : اتفضل يابني
يوسف بص علي سلمي اللي واقفه وبصاله
وخرج وسلمي خرجت معاه
يوسف : ممكن افهم مالك
سلمي : يوسف انا مدايقه
يوسف : يا حبيبتي ادايقي وازعلي بس بلاش
تبعدني عني احكيلي لو مدايقه انا يوسف حبيبك
مش حد غريب والمفروض نبقا مع بعض في الزعل
قبل الفرح
سلمي : انا اسفه يا يوسف
يوسف : انا مش بقولك كدا عشان تتاسفي انا بس
مش بحب اشوفك زعلانه وان شاء الله آيه هتبقا
بخير
سلمي : يارب
يوسف : طيب انا هروح الشغل عاوزه حاجه
سلمي : عاوزه تخلي بالك من نفسك
يوسف : حاضر يا حبيبي
يوسف مشي وسلمي فضلت واقفه تبص علي
يوسف وبعدين رجعت الاوضه
هناء : الف سلامه عليها
زينب : الله يسلمك
عند البنات
نور : هو فارس فين
سلمي : خرج من الصبح
نور : راح الشركه يعني
سلمي : لاا
نور : امال فين
سلمي : مقالش
نور : طيب انا هكلمه اشوفه فين
نور بتخرج وبترن علي فارس ومبيردش
نور : والله انا حاسه انك روحت لسيف
طيب اروح اشوفه
نور فضلت واقفه وبعدين خرجت من المستشفى
وركبت تاكسي
……………………………………….
في شقه سيف كان نايم وجرس الباب بيرن
سيف قام وفتح واخد بوكس في وشه
سيف بيبص : بدل ما بتضربيني روح اضربه هو
وشوف اختك
فارس مسك سيف من هدومه : اختي اشرف منك
ومن اللي جابوا انت فاهم
سيف بسخريه : لاا ما واضح
فارس : قصدك ايه
سيف : قصدي دا
سيف بيكون ماسك الفون والفيديو شاغل وكان
مالك بيقرب من آيه وفارس فضل يبص علي الفون
وهو مصدوم وساب هدوم سيف
سيف : سكت ليه ما تتكلم
فارس بصدمه : الفديو دا غلط مستحيل يحصل كدا
سيف : لاا مش غلط دا اللي حصل
فارس : انا اختي مستحيل تعمل كدا ونت هتندم
علي كل اللي قولته دا
فارس خرج من الشقه وشاف نور في وشه بصلها
وبعدين نزل نور فضلت واقفه مش فاهمه حاجه
نور : هو حصل ايه
سيف : روحي ورا يا نور
نور نزلت وكان فارس قاعد علي السلم قعدت جمبه
وبصتله : فارس انت كويس
فارس هز رأسه باه
نور بقلق : طيب ساكت ليه وايه حصل فوق
فارس : محصلش حاجه وبعدين انتي جيتي ليه
نور مسكت دراع فارس : مش عاوزه اسيبك لوحدك
فارس بصلها : انتي كنتي عارفه باللي حصل
نور بعدت عيونه من عليه وسكتت
فارس : يعني كنتي عارفه المره التانيه تخبي عني
ونا قولتلك كتير بلاش تخبي عني حاجه
نور : والله يا فارس مقولتش عشان متحصلش مشاكل
فارس بعصبية : وهيحصل ايه اكتر من كدا اختي في
المستشفى وجالها انهيار واغمي عليها وطول الوقت
عياط هيحصل ايه تاني
نور دمعت : عشان خاطري اهدي
فارس : ليه بتعملي فيا كدا
نور : والله خبيت عشان كنت زي زيك مدايقه
من اللي حصل ومش عارفه ازاي اقول حاجه
زي كدا
فارس : دا مش مبرر انك تخبي عليا واللي بيحب
عمره ما بيعرف يخبئ عن حبيبو
نور مسك وش فارس بايدها : فارس والله انا بحبك
عشان خاطري افهمني والله العظيم بحبك
فارس بعد ايد نور وقام خرج من العماره نور فضلت
قاعده ودموعها علي خدها وبعدين قامت وفارس
كان واقف بالعربية ركبت وفارس ساق وفضلوا
ساكتين وبعدين كانوا وصلوا قدام المستشفى
نور بصتله : فارس انا اسفه مش قصدي اني اخبي
عليك بس انا زعلانه علي آيه ومدايقه من سيف
ومش فكره بخبي عليك يبقا مش بحبك بس في
حاجات مبتقدرش نتحكم فيها
فارس فضل ساكت ونور كانت هتنزل فارس مسك
ايديها : حقك عليا بس انا مدايق من اللي حصل
لأختي ومش عارف اعمل اي حاجه
فارس نزلت دمعه ونور قربت منو ومسحتها
نور : حقك عليا من كل زعل وحزن
نور حضنته وفارس فضل حاضنها جامده
وبعدين نور بعدت عنه
نور : طول ما انت جمبها كل حاجه هتبقا كويسه
فارس ابتسم
نور : يلاا ننزل
فارس : يلاا
……………………………………….
مريم : عمر انت هتفضل سرحان كدا
عمر : هاا
مريم : هاا ايه انت مش معايا خالص
عمر : معاكي يا حبيبتي
مريم : انت قولتلي تعالي نقعد سوا بس سايبني
وسرحان حضرتك
عمر : انا اسف
مريم : ممكن افهم مالك
عمر : مالك بيلوم نفسه علي اللي حصل ودايما
سرحان ومبيخرجش من المستشفى نهائي
مريم بزعل : هو مش خطيبها السبب ليه بيلوم
نفسه
عمر : مالك بيحبها اوي لما شافها في الحاله
دي فضل بلوم نفسه
مريم : عمر ما تيجي نشوفها
عمر : هي دلوقتي مفاقتش لسه واهلها موجودين
يبقا نشوفها لما تفوق
مريم : ماشي
عمر : طيب انا هروح اشوف مالك
مريم : روح يا حبيبي
عمر : انتي مش زعلانه مني صح
مريم بابتسامة : لاا ابدا
عمر : متاكده
مريم : اه ويلا روح شوف مالك لازم تبقا جمبه
عمر : ربنا يخليكي ليا يا مريومتي
مريم بابتسامة : ويخليك ليا يا عموري
……………………………………….
في شقه مراد
مراد : ملك انا كدا هتاخر
ملك خرجت من المطبخ وكان معاها طبقين
: انا خلصت اهو تعال افطر يلاا
مراد قعد علي السفره وبدأ ياكل وملك كانت قاعده
بتبصله وايدها علي خدها
مراد : مبتكليش ليه
ملك : انا مش جعانه
مراد : لاا يا حبيبتي لازم تاكلي
ملك : مبعرفش اكل
مراد بضحك : عاوزاني اكلك مش كدا
ملك بضحك : ايوا
مراد بيمسك المعلقه بضحك : دي هتروحي فين
ملك اكلت وفضلت تضحك : انت هتبقا احلا بابا
مراد بغمزه : ونتي هتبقي احلا ماما
ملك : بقولك يا مراد متخدني معاك الشغل
مراد : اخدك ايه انتي مش هتخرجي من الشقه
ملك : بس انا كدا هزهق من القاعده لوحدي
مراد : مش هتاخر عليكي
ملك : اول ما توصل تكلمني ولما تبقا فاضي تكلمني
ولما تخلص تكلمني
مراد : حاضر يروحي
ملك : ومتتكلمش مع بنات
مراد : اي أوامر تاني
ملك بابتسامة : لاا
مراد حضن ملك وباسها من خدها
ومراد مشي وملك قفلت الباب ورنيت علي مامتها
سوزان : عامله ايه يا حبيبتي
ملك : الحمدلله يا ماما
سوزان : واخبارك انتي وجوزك ايه
ملك : كويسين الحمدلله
سوزان : مراد جمبك
ملك : لاا نزل الشغل
سوزان : طيب كويس عشان آيه في المستشفى
وكنت هقولك تيجي معايا
ملك : ليه يا ماما
سوزان : كلمت محمد وكانت حالته وحشه قالي
انها تعبت واخدوها المستشفى
ملك : طيب يا ماما انا هلبس ويبقا لما
اخلص ارن عليكي
سوزان : طيب يا حبيبتي
ملك قفلت مع سوزان و مين علي مراد كتير
ومردش ملك بتسيب الفون وبتلبس وبعدين بترن
تاني علي مراد ومبيردش بتخرج من الشقه وبتنزل
وبترن جرس الشقه وبتفتح نجلاء
ملك : صباح الخير يا نوجا
سوزان : صباح الخير يا ملك اتفضلي يا حبيبتي
ملك بتدخل ونجلاء بتبصلها : خير يا حبيبتي رايحه
فين
ملك : آيه في المستشفى يا نوجا ولازم اروحلها
قولت اجي اقوالك لو حابه تروحي معايا
سوزان : اكيد لازم اروح .. هغير هدومي بس و راجعه
ملك : امال شهد فين
نجلاء : خرجت من الصبح مستعجله ومقالتش رايحه
فين
ملك : امم طيب انا رنيت علي مراد ومردش بس
لو خرجت من غير ما يعرف هيتخانق معايا
نجلاء : اكيد لما يعرف انك روحتي لبنت خالك
مش هيدايق .. انتي مين قالك
ملك : كانت ماما وقالتلي
نجلاء : يعني هي جايه هنا
ملك : اه البسي انتي لحد ما توصل
نجلاء : ماشي
نجلاء بتدخل اوضتها وجرس الباب بيرن وملك
بتفتح وبتكون سوزان
سوزان : ملك انتي هنا انا قولت اجي أسلم علي
نجلاء وبعدين اطلع اشوفك
ملك : قولت انزل اقول لنوجا واستناكي هنا يا ماما
اتفضلي ادخلي
سوزان بتدخل وبتقعد هي وملك
سوزان : طمنيني عليكي مبسوطه
ملك بابتسامة : جدا يا ماما
سوزان : ربنا يخليكم لبعض يا حبيبتي
ملك بابتسامة : امين يارب
نجلاء بتخرج من الأوضاع : اهلا اهلا بيكي
يا سوزان نورتينا والله
سوزان سلمت عليها : دا نورك يا حبيبتي
نجلاء : قومي يا ملك اعملي حاجه تشربها
سوزان : لاا خليها مره تانيه بقا
نجلاء : لاا والله ما ينفع
ملك : مش هتاخر يا ماما
ملك بتروح المطبخ
نجلاء : ينفع كدا متجيش ابدا
سوزان : قولت العرسان لسه جداد شويه لقدام
يبقا اروح
نجلاء : يعني متجيش عندي ابدا لازم العرسان
سوزان : لاا طبعا يا حبيبتي اجيلك مخصوص طبعا
نجلاء : متحرمش منك يا حبيبتي
ملك بتخرج من المطبخ وبيكون معاها عصير
ملك : اتفضلي يا ماما
سوزان : تسلمي يا حبيبتي
بيفضلوا يتكلموا شويه وبعدين بيخرجوا
وبيروحوا المستشفى
……………………………………….
في المستشفى في مكتب مالك
بيكون قاعد وعمر قاعد معاه
عمر : مالك
مالك : ايه يا عمر
عمر : انت هتفضل كدا
مالك : كدا ازاي
عمر : ساكت ومكتئب وسرحان
مالك : عاوزاني اعمل ايه يا عمر
عمر : يا حبيبي أخرج واشتغل شغلك اللي انت
بتحبو ارجع مالك اللي كان مبسوط رغم كل زعل
متبقاش منطفي عشان خاطري
مالك : اللي كنت عشانها بعمل كل دا دلوقتي
بقيت موجوعه وكسوره وبسببي انا
عمر : طيب طلعه من وجعها بدل ما انت قاعد
كدا ومش عامل اي حاجه
مالك : انا مش عارف اتكلم ولاا ابص في عنيها
ازاي هتعامل معاها واطلعها من اللي هي في
عمر : فين حبك ليها اللي كنت بتحكيلي عنه
فين وجعك انها مش كانت معاك ونت شايفها
مع شخص تاني فوق يا مالك ومتضعيش الفرصه
انت كمان قرب منها وحاول تخليها تنسي كل وجع
عاشته حاول عشان حبك ليها
مالك : بس هي بتحب سيف ومنستهوش لسه
عمر : انا اللي بسمعه منك دا اسمه استسلام
مالك كان هيرد علي عمر الباب اتفتح ودخل
فارس اللي قرب من مالك : ممكن افهم انت
عاوز من اختي ايه
مالك : مش فاهم حاجه
فارس بعصبية : اختي لما كانت عندك ونت قربت
منها ونت ولا فكرت فيها ولا في اللي هيحصل
مالك بصدمه : انت مصدق اللي انت بتقوله دا
فارس : صاحبك سيف اللي وراني الفديو
ونت
مالك : اللي أن بتقوله دا غلط يا فارس
فارس مسك هدومه : مش عارف انت وصاحبك
عاوزين من اختي ايه مش كفايه لحد كدا دمرتوها
وكسرتو كل حاجه فيها
عمر بعد فارس عن مالك : ممكن تهدي الاول
فارس : هتقول ايه انت كمان
عمر : انا هقول حاجه انت ماختش بالك منها
لو الفديو دا زي ما بتقول ومالك واختك كانوا
سوا انت مصدق اختك تعمل كدا
فارس : انت اتجننت ولا ايه
عمر : اللي عاوزك تفهموا أن مالك واختك
في الفديو كانوا سوا بس في الحقيقه مستحيل
اختك توافق بكدا يعني الفديو في حاجه غلط
مالك : بالظبط ونا مستحيل تعمل كدا لو انت
كنت عارفني بجد
فارس : ومين هيكون ورا الفديو دا يعني
عمر : مش عارف بس اكيد حد عاوز يوقع ما بينكم
مالك زيك بالظبط بيخاف علي آيه و بيح
مالك بص لعمر بأنه يسكت وعمر سكت
فارس : كمل كلامك سكت ليه
مالك : عمر قصده اكيد في حد ورا الفديو
بس هو وصل ازاي لسيف
فارس : مش عارف انا لما شوفت الفديو معرفتش
اساله باي حاجه
عمر : يبقا لازم سيف يجي ويحكيلنا اللي حصل
فارس : بلاش يجي انا لو شوفته مش عارف هعمل في ايه
مالك : تمام مش هيجي بس ممكن تهدي
فارس : انا هروح اشوف آيه
فارس خرج ومالك بص لعمر
مالك : انت ايه اللي كنت هتقوله دا يا عمر
عمر : انت مش شايف كان بيتهمك ازاي
مالك : يتهمني مش مشكله بس اوعي حد يعرف
بالموضوع دا
عمر : حاضر .. انا هروح اجيبلك حاجه تاكلها
انت ماكانش حاجه من امبارح
مالك : لاا مش عاوز
عمر : مالك انت هتاكل انت فاهم
مالك : طيب
عمر بيخرج ومالك بيفضل يفكرا مين ورا الفديو
……………………………………….
في الشركه بيكون مراد في مكتبه بيشتغل
وبعدين بيمسك ورق وبيخرج في طريقه لمكتب
فارس
مراد : صباح الخير
ندا : صباح الخير يا مراد بيه
مراد : فارس بيه موجود
ندا : لاا يا فندم هو مجاش امبارح
ولا انهارده
مراد : ليه في حاجه
ندا : مش عندي اي معرفه بحاجه .. حضرتك في
حاجه مهمه كنت عاوزه فيها
مراد : اه كان في ورق محتاج امضته عليه
ندا : طيب انا ممكن اخده ولما يجي أبلغه
مراد : تمام اتفضلي
مراد بيرجع مكتب وبيمسك الفون وبيشوف
مكالمات كتير من ملك وبيرن عليها
ملك : ايوا يا مراد
مراد : انتي فين
ملك : في المستشفى
مراد بخوف : ليه انتي كويسه
ملك : انا كويسه يا حبيبي بس آيه في المستشفى
وجيت اشوفها انا رنيت عليك كتير ونت مرديتش
مراد : معلش يا حبيبتي كنت مشغول شويه
طيب انا قرب أخلص شغل وهاجي اخدك
ملك : ماشي يا حبيبي
……………………………………….
عند آيه
كانوا كلهم متجمعين و آيه بتفتح عيونها
وبتفضل تدور بعيونها علي سيف بس
مش موجود
سلمي : توتا انتي فوقتي
آيه هزت راسها
زينب بتقرب منها : عامله ايه دلوقتي يا حبيبتي
آيه : كويسه يا ماما
كل الموجودين قال لـ آيه الف سلامه وفضلوا
شويه وبعدين مشيو
فارس : بابا ماما سلمي يلاا روحو انتو
ونا هفضل مع آيه
زينب : سبني انا يفارس انهارده مع بنتي
الباب خبط ودخل مالك وعمر ومريم
مالك : عامله ايه يا آيه دلوقتي
آيه : الحمدلله
مريم : سلامتك يا قمر
آيه : الله يسلمك يمريم
عمر : الف سلامه عليكي
آيه : الله يسلمك
فارس : يلا يماما آيه محتاجه ترتاح دلوقتي
سلمي : انا هفضل مع آيه
فارس : مش هينفع انتي معاكي امتحان بكره
مريم : يا جماعه انتو امشو ونا هفضل معاها
ومش هسيبها
فارس : مش هينفع اسيب اختي
مالك : انت معاك شغل ومتقلقش آيه مش لوحدها
انا معاها وكمان مريم
محمد : خلاص تمام ولو حصل حاجه هيبقا كلمني
يا مالك
مالك : حاضر
كلهم خرجوا ماعدا مالك ومريم
مالك : طيب انا هكمل شغلي ومريم هتفضل معاكي
وارجع هشوفك كمان شويه
آيه هزت ومالك خرج
……………………………………….
في شقه مراد بيكون داخل الشقه هو وملك
وملك بتكون داخله اوضه النوم ومراد بيمسك
ايديها وبيشدها وبتبقا في حضنه
مراد : تطلعي من غير ما تقوليلي
ملك : والله انا كلمتك ونت
مراد قاطعها : بس
وبعدين بيقرب من شفايفها وبيبوسها وبعد وقت
بيبعد عنها وبيبصلها
مراد : وحشتيني
ملك بعدت وشها بكسوف
مراد بتمثيل الزعل وبيبعد عنها : يعني انا موحشتكيش
ملك : لاا وحشتيني
مراد : لاا ما واضح .. انا هدخل انام
مراد كان هيمشي ملك وقفت قدامه
مراد : ابعدي عاوز انام
ملك بتقرب منو وبتحاوطه بايدها وبتقرب
وبتبوسه من خدو وبتقرب من شفايفه وبتبوسه
ومراد بيتجاوب معاها وبيحضنها وبعدين بيشيلها
وبيدخل الاوضه
……………………………………….
مريم : يلاا يا توتا عشان تاكلي
آيه : مش عاوزه يمريم
مريم : لازم تاكلي عشان العلاج
آيه : هاتي العلاج
مريم : انتي عنيده ليه يا آيه
مالك بيدخل : في ايه يمريم
مريم قامت : اتفضل ياعم اتكلم معاها بقالي
ساعه بتقنع فيها عشان تاكل مفيش فايده
مالك بابتسامة : طيب ماشي
مريم بتخرج ومالك بيقعد
مالك : مش عاوزه تاكلي ليه
آيه : ماليش نفس
مالك : بس لازم تاكلي عشان تبقي كويسه
آيه : مش عاوزه
مالك : طيب كلي شويه صغيرين
آيه بصيت للأكل : اكل ايه بس انا مبحبش
اكل العيانين دا
مالك بابتسامة : هو معاكي حق لو جعانه بيسد
نفسك بس لازم ناكل حتي لو حاجه بسيطه عشان
العلاج ولو اكلتي انا هجبلك حاجه حلوه
آيه بصتله : حاجه ايه
مالك : كلي الاول
آيه بصت علي الاكل وبعدين بصتله
مالك : عشان خاطري
آيه بدأت تاكل ومالك فصل يبص عليها بابتسامة
آيه : كفايه كدا
مالك بعد الاكل ومسك الدوا كوبايه مايه
مالك : ناخد الدوا
آيه : اخدت المايه والدوا وبعدين مالك طلع من
جيبه باكيت شوكولاته
مالك : هو غلط عشانك بس اهو تهون عليكي
من الاكل دا شويه اتفضلي
آيه اخدتها وابتسمت
مالك : مبسوطه عشان شوكولاته
آيه : انا بحبها
مالك : طيب ارتاحي شويه دلوقتي
آيه : طيب و الشوكولاته
مالك بابتسامة : كولي يا ستي
آيه فضلت تاكل من الشوكولاتة وبعدين
سالتها وبصيت لمالك : مالك
مالك : نعم
آيه : هو سيف مجاش شفني أو سأل عليا
مالك سكت وبصلها : لاا
آيه بصتله وبعدين سكتت
مالك : طيب ارتاحي دلوقتي
آيه : ممكن متمشيش
مالك : ليه
آيه : انا اول مره ابقا في مستشفى وبصراحه
خايفه اقعد لوحدي
مالك بابتسامة : حاضر
آيه : شكرا
مالك فضل قاعد وباصص علي آيه
آيه : هو انا في حاجه في وشي
مالك بإحراج : لاا ابدا
مالك بعد عيونه عنها ومسك الفون وفتحه
آيه : انا مبحبش حد يبقا قاعد معايا وماسك الفون
مالك قفل الفون : انا آسف والله خلاص اتقفل اهو
بس اهم حاجه متدايقيش
آيه بضحك : يابني انت غريب اوي
مالك باستغراب : ازاي
آيه بابتسامة : يعني انا بتكلم وبقولك مش بحب
كدا عادي يعني بس بتتاسف كتير مش عارفه ليه
مالك : هي ممكن تكون حاجه غريبه بس انا خفت
انك تزعلي
آيه بابتسامة : بس انت انسان لطيف يا مالك
مالك : مش الطف منك
آيه ابتسمت وفضلت تتكلم مع مالك وبعد
وقت كبير كانت نامت ومالك بصلها ومسك
أيدها وباسها وبعدين خرج
……………………………………….
رأيكم 💗
- لقراءة باقي فصول الرواية أضغط على (رواية عانيت لأحبك)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)