رواية عانيت لأحبك الفصل الخامس 5 بقلم فاطمة محمود

رواية عانيت لأحبك الفصل الخامس 5 بقلم فاطمة محمود

البارت الخامس

” روايه عانيت لأحُبك ”
” البارت الخامس ”
” الكاتبه فاطمه محمود ”
“لا تحسبي أن طولَ الدهرِ غيّرني
بل زادني شَغَفًا يا أطيبَ النّاس!”♡⁩
البنات خلصو محاضرات واتجمعو عشان يروح مع سلمي
و آيه البيت

آيه بضحك : يلا بينا يا عصابه
شهد بضحك : يلا يا زعيم
سلمي باستغراب : هو انتو قلبتو عصابه بجد ولا ايه
شهد : طيب وفيها ايه يا جدعان دا حتي بنات الكليه
تخاف مننا
نور بضحك : انتي لوحدك عصابه يا شوشو
سلمي بضحك : في دي معاكي حق
شهد بغيظ : دا انا عايزه اعملكم قيمه بس نقول ايه خيرا تعمل شرا تلقي
سلمي حضنت شهد
سلمي بابتسامه : واحنا نقدر علي زعلك يا قلبي
شهد بزعل مصتنع : لا اوعي كدا انا سحلانه
سلمي بضحك : ونبي ما تسحلي
آيه بابتسامه : تعالي يا شوشو وانا اصالحك بالبشاميل
سلمي بضحك : امم دي نقطه ضعفها بقا
شهد حضنت آيه وقالت
شهد : تزعلني انتي وتوتا تصالحني باكتر حاجه بحبها
نور : طيب يلا بينا ولا هنقضيها رغي هنا
آيه : البت دي متحمسه اكتر مننا يا جدعان
نور بضحك : اوي
وبعدين البنات مشيو بالعربيه الي بعتها ليهم فارس
…………………………………………………
عند فارس كان بيشتغل علي التصاميم
التليفون رن وكانت السكرتيره
ندا : صباح الخير يا فندم
فارس : صباح الخير يا ندا
ندا : الاستاذ حسام جيه وحابب يقابل حضرتك
فارس : خليه يتفضل
ندا : تمام يا فندم
ندا قفلت مع فارس وبصت لحسام
ندا : اتفضل يا فندم فارس بيه منتظر حضرتك جوا
حسام : تمام
حسام خبط ودخل وسلم علي فارس
حسام : صباح الخير يا بشمهندس فارس
فارس : صباح الخير يا حسام بيه
حسام : ليكون عطلتك عن الشغل يا بشمهندس
فارس : لا ابدا كنت بخلص اخر تفاصيل ولا حابب تغير فيها حاجه
حسام : بالظبط كنت جاي اقوالك علي تغيرات بسيطه
فارس : تمام يا حسام بيه
حسام شرح التفاصيل الي حابب يغيرها
………………………………………………….
عند البنات وصلو قدام العماره
سلمي : يلا يا بنات
البنات بحماس : يلا
وبعدين البنات كانو طالعين وشافو شروق
شروق : اذيكم يا بنات
البنات : اهلا
شروق بصت علي نور
شروق : مين دي يا سلمي اول مره اشوفها
آيه : وحده صحبتنا
شروق : اذيك
نور : الحمدلله
بعدين البنات مشيو و سابوها وخبطو وفتحت ليهم زينب
زينب : اهلا اهلا بالقمرات
سلمي : اهلا يا زوزا قلبي
آيه : اهلا يا زوزا يا قمر
شهد فتحت ايدينها
شهد : بالحضن يا زوزا
زينب ابتسمت وحضنت شهد
وبعدين شافت نور واقفه
زينب : مين القمر دي
نور : تسلميلي يا طنط
سلمي قربت من نور و حضنتها
سلمي : دي نور يا ماما الي خارجنا سوا وقضينا اليوم برا
زينب : اهلا بيكي يا حبيبتي
نور : اهلا بيكي يا طنط
زينب : لا طنط اي انتي تقوليلي يا زوزا زي البنات
آيه بصيت علي نور
آيه بابتسامه : هي مكسوفه شويه بس يا زوزا استني شويه كدا وهتلاقيه اخدت راحتها
نور بابتسامه : لا والله
آيه : بحاول انكشك بس
نور : طيب يلا
شهد : روحو انتو ولما تخلصو قولولي هقعد مع زوزا شويه عشان وحشاني
سلمي مسكت شهد من قفاها
سلمي : يلا يا بت
شهد وهي بتعدل هدومها
شهد : شايفه يا زوزا قله القيمه الي بناتك بيعملوها فيا
زينب بضحك : معلش يا شوشو حقك عليا انا
شهد : انا ايه مخليني مستحملاهم غيرك يا زوزا
سلمي : لا والله
آيه : دا احنا هنشويها جوا
شهد : استهدو بالله يا جماعه محدش يعرف يهزر معاكم
آيه : طيب يلا قدامنا يا ختي
سلمي : علي المطبخ يا بت
البنات دخلو المطبخ
شهد : احنا هنعمل اكل ايه
سلمي : نعمل بشاميل
آيه : و بانيه
شهد و نور : طيب يلا نبدأ
آيه : بصو يا بنات انا و نور هنعمل البشاميل ونتي يا سلمي انتي و شهد البانيه
سلمى : مش هنعمل حاجه حلوه
آيه : هنعمل كيك سوا لما نخلص
شهد : اشطاا
البنات بدأو يعملو الاكل ونور قالت
نور : هي مين البنت الي شوفناها تحت دي
آيه : دي ساكنه هنا في العماره جيرانا و كملت بضحك و بتكراش علي فارس كمان
نور بضحك : والله
سلمي : امال انتي فاكره ايه يا بنتي دا نص بنات اسكندريه هتموت علي فروستي
شهد بضحك : بس هو مش مديلها وش
نور بضحك : اشمعنا
سلمي بضحك : مش بيطيقها من عند ربنا
البنات ضحكو و فضلو يتكلمو ويعملو في الاكل
…………………………………………………
عند يوسف و سيف كانوا منتظرين اللواء ايمن في غرفه الاجتماع بخصوص القضيه
وكانوا قاعدين ودخل اللواء ايمن
اللواء ايمن : اهلا بإبطال مصر
يوسف و سيف : اهلا بحضرتك
اللواء ايمن : اتفضلو اقعدو
يوسف و سيف قعدو
اللواء ايمن : طبعا انتو من أكفاء

الظباط الي هنا وعشان كدا كلفتكم بالقضيه دي
يوسف : شرف لينا يا سياده اللواء
سيف : واحنا أن شاء الله هنكون قدها
اللواء ايمن : وانا واثق من كدا
وفضلو يتناقشو بخصوص القضيه
اللواء ايمن : اي سؤال تاني يا شباب
يوسف : لا تمام يا فندم
اللواء ايمن :بالتوفيق يا شباب
والشباب خرجو وراحو علي مكتب يوسف
يوسف : احنا لازم نروح بكره شقه القتيله
سيف : اكيد .. طيب يلا بينا نجيب نور ونروح
يوسف : يلا
وبعدين خرجوا من المكتب وركبوا عربيه يوسف
………………………………………………
عند فارس كان خلص شغل وخرج من المكتب عشان يشوف
باباه خلص ولا لا
فارس وصل عند مكتب باباه وراح لسكرتيره
فارس : حد عند محمد بيه جوا يا اسماء
اسماء : لا يا فندم
فارس اتوجه لمكتب باباه وخبط ومحمد سمحله بالدخول
فارس : خلصت شغل يا بابا عشان نروح
محمد : ايوا خلصت يا فارس
فارس : طيب يلا بينا
محمد قام وطلع هو وفارس برا المكتب وبرا الشركه
ومشيو في طريقهم للبيت
………………………………………………….
عند البنات كانو خلصو الاكل وبيعملو الكيك
آيه : ايه الانجاز دا يا جدعان دا احنا طلعنا ستات بيت
شهد : طبعا يا بنتي احنا قدها وقدود
سلمي بهزار : انتي عملتي حاجه اصلا
شهد : امال هو مين الي مموت روحه معاك في المطبخ من الصبح
نور بضحك: حرام عليكم يا بنات دي اكتر وحده اشتغلت فينا
شهد : قلبي يا نوري
آيه : طيب كفايه حب يا ختي انتي و هي و خلونا نخلص الكيك دا وبعدين نطلع نقعد برا مع زوزا
بعدين البنات خلصو الكيك وحطوها بالفرن وخرجو يقعدوا مع زوزا
زينب كانت قاعده في الريسبشن
البنات خرجو وقعدو مع زينب
زينب : كلمي فارس يا آيه شوفي هيوصل امتي
آيه : حاضر
وقامت آيه رنيت علي فارس
آيه : ايوا يا فروستي
فارس : ايه يا توتا
آيه : قربت توصل
فارس : خلاص قربنا نوصل يا حبيبتي
آيه : تيجي بالسلامه يا حبيبي
و آيه قفلت مع فارس
آيه : قومو يلا يا بنات نجهز السفره لحد ما بابا و فارس يجو
زينب : طيب استنوا يا بنات اساعدكم
سلمي : لا اقعدي انتي يا ست الكل احنا هنعمل كل حاجه
زينب : طيب يا حبيبتي
والبنات دخلو المطبخ و آيه وسلمي بيغرفو الاكل و نور و شهد بيطلعو علي السفره
………………………….
يوسف و سيف وصلو قدام الكليه و يوسف رن علي نور
يوسف : ايه يا حبيبتي خلصتي
نور : انا مع سلمى يا جو خلصت وروحت معاهم البيت مرنتش عليك عشان معطلكش بس قولت لماما
يوسف : خلاص ماشي يا حبيبتي لما تخلصي قعدتكم رن عليا واجيلك
نور : ماشي يا حبيبي
يوسف قفل مع نور ومشي بالعربيه
سيف : ايه
يوسف : راحت مع البنات
سيف باستغراب : بنات مين
يوسف : سلمي و آيه و شهد
سيف بهزار : مش كان المفروض نروح
يوسف بضحك: نروح فين الله يخرب بيتك
سيف بغمزه : مش اختك راحت عند البنات كنا المفروض احنا روحنا عند فارس
يوسف بضحك : قول انك عاوز تشوف المزه
سيف : بصراحه اه
يوسف : هو انت حبيتها
سيف : مش عارف بس في احساس جوايا ليها مش عارف اعجاب ولا حب
يوسف : اتاكد من احساسك الاول وبعدين صارحها
سيف : اكيد يا صاحبي وكمل كلامه بغمزه ونت ايه نظامك
يوسف باستغراب : نظام اي
سيف : نظراتك لـ سلمي
يوسف : مش عارف بحس إحساس غريب لما بشوفها
سيف : شكلي مش وقعت لوحدي يا جو
يوسف بضحك : شكلها كدا
……………………………
فارس و محمد وصلو ونزلوا ومحمد طلع وفارس ركن العربيه
وطلع ورا
محمد خبط وفتحت له شهد
شهد : والله الشقه نورت
محمد بابتسامه : والله هي منوره بوجودك
شهد : حبيبي يا عمو
محمد شاف نور
شهد : دي نور يا عمو
محمد : اذيك يا حبيبتي
نور : الحمدلله يا عمو
زينب جات عليهم
شهد: لسه بيسأل عليكي يا زوزا
زينب بابتسامه : حمدالله على سلامتك يا حبيبي
محمد : الله يسلمك يا حبيبتي

زينب : امال فارس فين
محمد : طالع ورايا اهو
زينب : طيب تعال غير هدومك يلا
و محمد و زينب دخلو اوضتهم
وشهد دخلت المطبخ
نور كانت واقفه وفارس دخل
فارس شاف نور
فارس في سره : هو انا بدأت اتخيلها ولا ايه
نور بصت وراها لقيت فارس واقف اتحرجت وفارس اتكلم
فارس : اذيك يا نور
نور : الحمدلله ونت
فارس : بخير الحمدلله
البنات طلعوا من المطبخ
سلمي : حمدالله على سلامتك يا فروستي
فارس : الله يسلمك يا حبيبتي
شهد : طيب يلا غير هدومك و غسل وتعال عشان ناكل سوا
فارس : ماشي
فارس دخل اوضته غير هدومه وطلع
كانو البنات قاعدين ومحمد وزينب
كلهم بدأو ياكلو و آيه بصت علي فارس
آيه : ها الاكل عجبك
فارس : حلو تسلم ايديكم
سلمي بثقه : يا بني احنا ولا اجدع شيف في اسكندريه
شهد : مش لوحدكم علي فكره انا ونور كمان عملنا معاكم
نور بضحك : اهم حاجه الاكل عجبكم
فارس بص علي نور
فارس : بس الاكل يجنن
شهد شافت نظرات فارس لـ نور
شهد بغمزه : الاكل برضو
فارس : امال ايه يا ست شهد
شهد : ماشي
وخلصوا اكل والبنات شالو الاطباق
آيه : ها تشريو ايه
محمد : قهوه
آيه : ونت يا فارس
فارس : قهوه
سلمي : هنعملك ايس كوفي معانا يا ماما
زينب : ماشي يا حبيبتي
البنات دخلو المطبخ يعملو قهوه وايس كوفي وبعد شويه خرجو و آيه كانت بالقهوه و سلمي الايس كوفي و شهد الكيك و نور الاطباق
آيه : اتفضل يا بابا
محمد : ماشي يا حبيبتي
آيه : اتفضل يا فارس
فارس : تسلمي يا توتا
قعدو البنات و وزعو كيك علي الكل
سلمي : ايه رايكم
فارس : لا تحفه
محمد : حلوه يا حبايبي
زينب : حلوه اوي
اكلو البنات الكيك مع الايس كوفي وعجبتهم
نور : طيب يا بنات انا اتاخرت اوي هرن علي يوسف ياجي ياخدني
سلمي : لا استني هيوصلك فارس
نور : بلاش اتعبه انا هرن علي يوسف
آيه : يا بنتي هيوصلك فارس انتي وشهد ولا ايه يا فارس
فارس : اكيد طبعا
شهد بغمزه : اعتبريه يوسف برضو
محمد و زينب و البنات ضحكو
محمد : خليه يوصلك يا بنتي بدل ما تتعبي اخوكي
شهد : واهو هيوصل شهد و يوصلك معاها
نور : حاضر
…………………………….
عند يوسف قام من النوم وقعد علي السرير ثواني عشان يفوق ورن علي نور يشوفها
يوسف : الو
نور : ايوا يا حبيبي
يوسف : انتي لسه برا
نور : ايوا
يوسف : طيب انا هاجي اخدك
نور : لا يا حبيبي فارس اخو سلمي هيوصلني
يوسف : ازاي يعني مش فاهم
نور : متقلقش سلمي والبنات هيكونو معايا
يوسف : ماشي
نور :ماشي سلام
يوسف قم اخد شاور ولبس قميص اسود وفتح اول زرارين من القميص وبنطلون اسود ونضاره ورش برفان وخرج
يوسف : ماما ماما
هناء كانت في المطبخ وخرجت
هناء : ايه يا حبيبي
يوسف : انا خارج يا حبيبتي عاوزه حاجه
هناء : لا يا حبيبي تكون بخير بس
يوسف باس ايدين كلمته
يوسف : تسلميلي يا ست الكل يلا مع السلامه
هناء : ربنا يحرسك ويشيل من عليك العين يا حبيبي
يوسف : يارب يا حبيبتي
وخرج يوسف من الشقه ونزل
………………………
فارس وصل شهد وبعدين وصل قدام عماره نور و نور سلمت علي البنات ولسه هتدخل العماره لقيت يوسف خارج
نور : رايح فين كدا بالشياكه دي
يوسف بابتسامه : رايح عند سيف
سلمي تاهت في ضحكته قد اي جميل و وسيم وشيك اوي
نور : اممم ماشي ياعم
يوسف : طيب اوعي كدا خليني اسلم علي فارس
و يوسف راح لفارس الي نزله وسلموا علي بعض بالحضن
وبص علي البنات
يوسف بابتسامه : اذيكم يا بنات
آيه وسلمي : الحمدلله بخير
يوسف : طيب اتفضل يا فارس دي اول مره تيجي
فارس : مره تانيه أن شاء الله
يوسف : طيب يا فارس اشوفك مره تانيه
فارس : اكيد يا حبيبي
يوسف : يلا سلام
فارس : سلام
نور شاورت للبنات وطلعت
ويوسف ركب عربيته ومشي
وفارس كمان هو والبنات مشيو
وبعد شويه وصلو والبنات نزلو وفارس ركن عربيته وطلعو سوا

• لقراءة باقي فصول الرواية أضغط على (رواية عانيت لأحبك)