رواية معاناة الصقر الفصل العاشر 10 بقلم امل الهواري
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)
رواية معاناة الصقر الفصل العاشر 10 بقلم امل الهواري
البارت العاشر
بفيلا الزاهد
عاد في المساء وجد لمار بإنتظاره وقد أعدت له العشاء لأول مره
+
سيف :- تعبتي نفسك ليه
+
لمار:- أنا حاولت علي قد ما عرفت بقا
+
نظر إلي الطعام :- والله يالاما أنا مالي نفس للأكل ، ماكنش ليه لازمه تقفي في المطبخ وإنتي أول مره تطبخي وكمان كوثر مش موجوده ، إفرضي كان حصل حاجه لا قدر الله كان هيبقي الوضع أي
+
لمار ببرأه :- كنت هموت
+
جذبها لأحضانه بطريقه مفاجأه وكأنه إختطفها مما أدهشها
+
سيف وهو يشدد من إحتضانها :- أوعي تقولي كدا تاني ، أنا مقدرش أعيش من غيرك خلاص الكل راح وسابني ماليش حد في الدنيا غيرك ، أرجوك يالاما متجبيش سيره الموت دي تاني ، أيوه الموت علينا حق بس بتمني من ربنا إنه يجعل يومي قبل يومك لإني بجد مش هقدر أعيش من غيرك
+
لمار :- بعيد الشر عنك يا حبيبي ربنا يخلينا لبعض ، ونعيش مع بعض لحد أما نكمل ميت سنه ونشوف ولادنا ونفرح بيهم
+
سيف من قلبه :- آمين يارب
+
لمار بطفوليه وهي تبتعد عن أحضانه قليلاً :- الأكل كدا هيبرد
+
سيف بتزمر:- برضه مصره
+
لمار :- علشان خاطري ياحبيبي
+
سيف :- ماشي بس توعديني متدخليش المطبخ تاني إلا لو كوثر موجوده أنا خلاص كلمتها وهتيجي الصبح
+
لمار :- حاضر
+
تناولوا الطعام ومن ثم إنتهوا من لم الأطباق ثم ذهبوا إلي غرفتهم ليخلدوا بثبات عميق ……
+
♧♧♧♧♧♤♤♤♤♤♤
+
بشقه وعد
+
مع أشعه الشمس الدافئه إستيقظت وعد ومن ثم أحضرت الفطور لجدتها ، تناولت القليل منه وإرتدت ثيابها وغادرت إلي الجامعه
+
بكليه الطب
+
ذهب إلي الجامعه وقد عزم علي معرفه الحقيقه ، أو علي الأقل وضع يده علي بدايه خيط يدله علي باقي سيناريوا جريمة القتل التي أودت بحياة أخيه
+
سيف :- ها يعمر عملت اللي قولتلك عليه
+
عمر :- كلمتهم كلهم علشان تقعد معاهم بس أنا بأكدلك إن مفيش حد فينا ليه في السكه دي إحنا أصحاب عمر بس في حاجه….ظ
+
أنصت إليه وبنظرات مترقبه لما سينطق به :- حاجة أي ماتتكلم علي طول
+
عمر :- في واحد إتعرفنا عليه من فتره هو في كليه الطب
+
سيف :- طب أي إنطباعك عنه
+
عمر :- بجد مش عارف أنا ماليش علاقه به قد كدا وأعتقد كمان إن سامر الله يرحمه كان زي ، يعني علاقتنا علي الطاير مش زي باقي الشله
+
سيف بتفكير :- طب تعرف تكلمه وأوعي تقوله إني عايز أقابله ، قوله إنك هنا في الكيله وقولت تسلم عليه
+
إنصاع عمر لما قاله سيف وبالفعل هاتف أحد أصدقاءه لمقابلته وطلب منه أن يأتي بأمجد معه
+
ترجلت تجاه الكافيتريا ولكن أصابها الذهول حينما رأت عمر
+
وعد لنفسها :- مش دا عمر صديق سامر الله يرحمه ، طب أي اللي جابه الكليه هنا واللي معاه دا مش هو المحامي اللي خرجتي من القسم
+
ظلت تترقبهم حتي إختفي طيفهم ومن ثم دلفت لأنهم ذهبوا لمكان أخر فكيف لها أن تتبعهم ولماذا ؟؟؟
+
♧♧♧♧♤♤♤♤♤♤
+
بمكان أخر بإحدي البنايات القديمه
+
دلفت إلي تلك البنايه وصعدت إلي الطابق الثالث ومن ثم رنت الجرس ليفتح من بالشقه ليُصدم مما رأي
مروان :- مين حضرتك
+
فتاه ترتدي نظاره شمس تدل علي ثمنها الباهظ كحال ثيابها المختاره بعنايه
+
فحقاً إحتلته صدمه هل تلك الفتاه أخطأت بالعنوان وكيف لمثلها أن تكون لها معرفه بأحداٍ من طبقنا الفقيره …..
+
خلعت تللك النظاره الشمسيه التي حجبت ملامح وجهها ، فإزدادت صدمه ومن ثم أغلق عينيه ثم فتحها مره أخري
+
مروان بصدمه :- رقيه
+
رقيه بتكبر :- رقيه هانم يا..يا دكتور
+
مروان بإبتسامه خبث :- هانم وست الهوانم كمان ، بس قوليلي إنتي وقعتي علي كنز ولا فتحتي مغاره علي بابا
+
رقيه :- لا وانت الصادق إتجوزت واحد غني كان عجوز ومات وانا ورثت فيه
+
مروان بغمزه :- من اول مره شوفتك وأنا قولت إنك دماغ ، بس وقعتي علي المرحوم فين دا إنتي وقعتي واقفه
+
رقيه بإشمأزاز :- إحنا هنفضل نتكلم هنا كدا عشر دقايق غير هدومك أنا مستنياك في العربيه نروح أي مطعم ونكمل كلامنا
+
مروان :- كمان عربيه دا شكل الزهر لعب ، اه لو لعبت يازهر وإتبدلت الأحوال ، ثواني وأكون قدام باب العربيه ……
+
♧♧♧♧♧♧♤♤♤♤♤
+
بقصر الجيار
+
إستيقظت رتيل علي صداح هاتفها المتكرر ، فأجابت بضجر :- أي في أي كل شويه رن رن
+
المتصل :- أسف يادكتوره بس الشحنه وصلت ومش من مصلحتنا إنها تبقي في الميناء وقت طويل
+
رتيل :- أوك خلاص أنا هتصرف
+
أغلقت الهاتف ومن ثم تحدثت إلي زين لتخبره بوجود الشحنه بالميناء كي يتوسط لها ليخرجها بأسرع وقت ……
+
دلفت إلي المرحاض ومن ثم إرتدت ثيابها وذهب إلي مجموعة الجيار ، فقد أصبحت تمتلك نصف التركه دون منازع …….
+
إبتسمت بمكر فقد كانت تعلم ما ينوي عليه جدها من تقسيم أملاكه مناصفتاً بينها وبين والدها عزت ، ولكن تفاجأة كالبقيه بزواجه هذا ، وظلت تفكر متي وكيف فعل ذلك ، ولكن لا يهم فما أخذته يعد شيئاً لا يُذكر فتعتبر أن تلك الزوجه المزعومه حصلت علي ثلاث أو أربع ملايين جنيه فهذا شيئا تافهه بالنسبه لمليارات الجيار ، فكيف لي أنا ينشغل بالي بهذه التفاهه ؟؟؟ …….
+
علي الجانب الأخر عند زين
+
تحدث مع أحدث معارفه بخصوص تلك الشحنه بأن يسرع بإجرأت الإفراج عنها ، ولكن بالطرق الشرعيه فهو لن يترك مجالاً للشك فيه وأيضاً هو يثق بها فدائما من يحب لا يري في محبوبه أي عيوب أو نقصان……
1
♧♧♧♧♤♤♤
+
بإحدي الكافيهات التي تقترب من كليه الطب
+
جلس سيف برفقه عمر وبعد دقائق حضر إثنين من أصدقاءه هو وسامر
+
أمجد موجهاً حديثه لعمر :- البقاءلله والله أنا لحد دلوقتي ما قادر أصدق اللي حصل
+
جلس الأخر عد أن سلم علي سيف
+
سيف بترقب لأمجد لانه لم يعلمه من قبل أما بقيه أصدقاء أخيه فهو يعلم هويتهم جيداً
+
سيف :- أنا أول مره أشوفك إنت في هندسه ولا طب
+
أجاب بأنه يدرس في كليه الطب ومن ثم نظر لعمر نظره إستفهام فهمها وأردف بتقديم :- دا المقدم سيف أكمل الزاهد في الأمن الوطني
+
سيف مقاطعاً ونظراته غامضه موجهه لأمجد :- أصحح المعلومه حالياً إتنقلت في مكافحه المخدرات وضغط علي تلك الكلمه
+
بدي التوتر علي وجه أمجد وحاول إخفاءه بإرتشاف القليل من الماء الموضوع أمامهم
+
أمجد بإرتباك :- إإتشرفت بحضرتك والبقاء الله أنا والله مقدرتش أجي العزاء كنت مسافر لأهلي أصل أنا من الأقاليم
+
سيف وما زالت نظراته ترصد تعبيرات وجه امجد :- الدوام لله يا دكتور أمجد
+
بعد ربع ساعه إستأذن أمجد والصديق الأخر متعللين بموعد المحاضره إستأذن
+
عمر :- ها ياسيف رأيك أي
+
سيف بغموض :- الواد دا وراه سر ولازم أوصله
+
عمر :- سر أي ، دا واد علي قد حاله
+
سيف بإيجاز :- عايز إسمه بالكامل وبكدا تبقي مهمتك إنتهت
+
كتب له إسم أمجد بالكامله ومن ثم غادر كلاً منهم إلي وجهته ……
+
♧♧♧♧♧♧♤♤♤♤♤
+
جلست رقيه داخل سيارتها الفارهه تنظر بتأفف في الساعه الألماس التي ترتديها
+
رقيه بصوت مسموع نسبياً :- أوف مش قادره أستني في المكان البيئه دا أكتر من كدا هو إتأخر كدا ليه
+
كان يقف بجانب السياره ينظر لها ببلاهه فلا يصدق عيناه فهل هذه رقيه الممرضه أم شبيهه لها في الشكل فقط ؟؟؟
+
مروان :- الله يرحم العماره المهكعه اللي كنتي ساكنه فيها ألا هي وقعت ولا لسه بتعافر
+
شهقت بفزع ممن تحدث وهو يقف بجانب السياره
رقيه :- خضتني ياأخي إركب إخلص
+
مروان متصنعاً التكبر:- دكتور مروان متنسيش نفسك
+
نظرت له بوضاعه ولم تعقب
+
مروان :- اللي إداكي يدينا وساعتها هردلك النظره دي
+
رقيه بتهكم :- أي ناوي تتجوز واحده عجوزه علشان تورثها
+
مروان بمكر :- وعجوزه ليه طب مأخدها في عز شبابها تدلعني ونتنغنغ سوا
+
رقيه بضحكه ساخره:- لا يا حبيبي بطلنا طب الجوازه السقع اللي إتجوزتها دفعت فيها وقبضت إنما إنت بقي هستفاد من وراك أي ، فكك من سكه الجواز دي لأنك متنفعنيش خلينا في الشغل
+
مروان بتنهيده :- شغل مخلاص وقف حالنا
+
رقيه بخبث :- دا الشغل التقيل جاي إسمع كلامي بس وهنبقي مليونيرات
+
صفت السياره أمام إحدي الكافيهات الفخمه
+
مروان في نفسه :- أه يابنت ال…. دا إنتي ماكنتيش تحلمي تقفي جنب عربيه زي دي ولا حتي تعدي من قدام كافيه زي دا ، ياتري وراكي أي تاني جاتنا نيله في حظنا الهباب……
+
♤♤♤♤♤♧♧♧♧
بشركة الجيار
دلفت إلي مكتب والدها
+
رتيل :- الشحنه خلاص وصلت وكله تمام هتخرج كمان ساعه
+
عزت بضيق :- الراجل بتاعنا في الميناء لسه مكلمني وقالي إنهم بيفتشوا الكونتينر
+
رتيل بلامبالاه :- متقلقش انا عامله حساب كل حاجه
+
عزت :- أمال اللي إنتي كلمتيه دا عمل أي
+
رتيل :- خلاص بقا يابابا أنا قولتلك متقلقش انا عامله حساب كل حاجه
+
ذهبت إلي مكتبها لمتابعة عمل شركتها بأمريكا
+
صدح هاتفها بإسم زين فأجابت
+
رتيل بزعل :- نعم يازين
+
زين :- الله في أي ياحبيبتي مالك
+
رتيل :- يعني مش عارف
+
زين :- في أي بس قصدك علي موضوع التفتيش ياحبيبي ماتقلقيش دا روتين وبعدين دي أدويه مغلفه يعني مش هيحصلها حاجه
+
رتيل :- أوك يازين خلاص مفيش مشكله انا بس كنت خايفه الشحنه تتبهدل
+
زين :- لا كله تمام متقلقيش
+
تحدثوا سوياً ومن ثم أكملت عملها بعد انتهاء المكالمه
+
♧♧♧♧♧♧♤♤♤♤
+
عادت وعد إلي منزلها اليوم مبكراً علي غير عادتها
+
فاطمه بقلق :- خير ياحبيبتي راجعه من الكليه بدري ليه إنتي كويسه في حاجه حصلت طمنيني
+
وعد :- متقلقيش اوي كدا ياتيته ،انا كويسه كل الحكايه انتي في محاضره إتلغت أهي جات من عند ربنا أرتاح شويه قبل ما أروح المستشفي
+
فاطمه بصوتٍ ظنت انه غير مسموع :- الله يسترك ياسامر تحت الأرض ويوم العرض علي ربنا ويرحمك زي ما سترتها في شغلانه زي دي بدل البهدله اللي كانت شيفاها
+
وعد بصوت خفيض وهي تقف خلفها :- اللهم آمين ومن ثم قرأت الفاتحه له ولوالديها وكذلك فعلت جدتها ……….
+
♧♧♧♧♧♧♤♤♤♤
+
تصنم مروان مما حدثته فتلك الفكره لم تخطر بباله بيومٍ من الأيام
+
مروان :- إنتي أكيد بتهزري صح
+
رقيه :- بهزر أي هو الكلام دا فيه هزار
+
مروان :- أنا لا يمكن أعمل كدا أنا حالف قسم إنتي أكيد مجنونه
+
لملمت أغراضها ومن ثم وضعت مبلغ من المال علي الطاوله مردفه بتكبر:- إبقي إدفع الحساب واللي يتبقي روح بيه ، انا عارفه إنك خارج من السجن علي الحديده ومتقلقش هتفضل عليها وإبقي سلملي علي القسم بتاعك
+
خرجت من الكافيه متجهه إلي سيارتها أسرع بالخطي خلفها بعد أن دفع شيك الحساب
+
مروان :- رقيه إستني دا حتي الكلام أحد وعطا وبعدين أنا عايز وقت أفكر
+
رقيه :- تفكر في أي إنت معندش حل تاني ، إنت نسيت اللي حصلك إنت مستقبلك بقي علي كف عفريت
+
دلفت السياره وشرعت في السير فتح الباب بسرعه ودلف للداخل بجوارها
+
مروان :- طب سبيني أفكر هقلبها في دماغي وأرد عليكي
+
زفرت بضيق :- ماشي يامروان دا الكارت بتاعي فيه أرقامي هستني ردك كمان يومين علشان لو وفقت أرتب أموري ولو موفقتش أدور علي حد غيرك يكون وش نعمه مش وش فقر وجوع زيك
+
أوقفت السياره فجأه
+
مروان :- اي وقفتي ليه
+
رقيه :- إنزل خد تاكسي أحنا طرقنا مش واحد ولا الفلوس اللي إتبقت مش هتكفي
+
هبط من السياره وهو يشعر بالإحراج ولم يعقب ، ومن ثم قادت هي بسرعه فقد تعمدت إحراجه وإهانته حتي يقبل بعرضها فهي لم تثق بأحدٍ غيره في تلك العرض التي عرضته عليه لا تعلم بأن المجهول يحمل لها قدرأً مؤلم بل بشع ……..
+
ظل ينظر إلي طيف السياره حتي إختفت من أمامه ومن ثم أوقف تاكسي ليعود إلي مسكنه………
+
♧♧♧♧♧♧♤♤♤♤
+
رأيكم يهمني بلاش تم دي ارجوكم
+
دمتم سالمين
- لقراءة باقي فصول الرواية اضغط على (رواية معاناة الصقر)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)