رواية معاناة الصقر الفصل السادس والعشرون 26 بقلم امل الهواري
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)
رواية معاناة الصقر الفصل السادس والعشرون 26 بقلم امل الهواري
البارت السادس والعشرون
الفصل السادس والعشرون (الاخير)
{#أسير_عشقها }
¤¤¤¤¤¤¤¤¤¤
+
إستيقظت بفزع علي أثر لمسته فأردف :- مالك ياحبيبتي إنتي كويسه
+
نظرت إليه بأعين زائغه :- كابوس ياسيف كابوس ………
+
سيف مهداً من روعها :- خير اللهم إجعله خير
نظرت إليه بلوم وأردفت :- لأ ياسيف مش خير
+
قدم لها كوب ماء مردفاً :- خدي ياحبيبتي إشربي وإهدي كدا وقوليلي شوفتي أي
+
إرتشفت القليل من الماء ومن ثم وضعته علي الكومود وملامح الزعر مسطره علي وجهها
+
جذبها لأحضانه وهو يمسد علي خصلاتها بحنان مردفاً :- إهدي ياعمري في أي دا مجرد حلم يعني تخيل من عقلك الباطن
+
وعد بنفي :- لأ دا مش حلم دا كابوس بس …. بس
+
سيف :- بس اي
+
خرجت من بين زراعيه وأردفت :- في حاجات من اللي شوفتها حصلت فعلا في الحقيقه
+
سيف :- طب بس إهدي وقوليلي شوفتي أي
+
نظرت إليه بأعين حائره وأردفت بحزن :- شوفتك أنت ولمار بنت عمك كنتوا متجوزين وكنت بتحبها أوي وبتعاملها زيِّ بالضبط ، بس هي ماتت وهي حامل ، أدوارنا كأنها متبدله شوفت حياتك معاها اللي أنا وإنت عايشنها دلوقتي
+
نظرت بالجهه الأخري حتي لا يري دموعها المتساقطه علي وجنتيها وأكملت :- يعني …. يعني أنا ممكن أموت وإنت تتجوزها وتنساني مش كدا ؟؟
+
إتجه إليها وجثي علي الأرض مقابلا لها ، ومن ثم رفع وجهها بيده حتي تلاقت عينيها الدامعه بعينيه العاشقه لها
+
سيف :- متقوليش الكلام دا تاني إنتي عارفه إنتي أي بالنسبالي ، بتقولي إني في الحلم دا كنت بحبها ، طب إزاي وإنتي عشقي وحب عمري كله ، فاكره وإحنا صغيرين لما جيتي وقولتيلي إنكم مسافرين ويمكن ما ترجعيش تاني ، فاكره أنا قولتلك أي ؟؟ ، قولتلك أنا هاجي معاكي وأقول لعمو مصطفي إني بحبك ومقدرش أعيش من غيرك وأترجاه إنه يخليكي هنا ومتسافريش …
+
وعد :- وانا قولتلك إن خلاص مفيش وقت وأنا جايه أودعك ، وأن أنت كمان حب حياتي وهفضل أحبك لحد ما أموت ….
+
سيف بتأثر :- سبتيني ومشيتي وأنا فضلت عايش علي أمل إنكم ترجعوا ، وبعد سنين طويله….
+
وعد بلمعه بعينيها رغم الدموع :- إتقابلنا عرفتك بقلبي قبل عنيه ، لما عربيتك خبطت عربيتي قدام الشركه اللي بتتعامل معانا وإعتذرتلي ومشيت ، بس مبينتش خوفت أكون غلطانه ، وإنت ماغبتش عن بالي لحظه ، حتي صورتنا مع بعض فضلت معايا بنقلها من فون للتاني فضلت قدام عنيه ، وأنا بكبر كنت بتخيل شكلك بقا عامل إزاي …….
+
سيف :- نفس الصوره كانت معايا كنت بتخيلك كل يوم وبتكلم معاكي وأحكيلك عن يومي عامل ازاي من غيرك ، كنت بعاتبك علي بعدك وانتي مبتسأليش عني ، فكرت كتير ياتري شكلها بقا عامل إزاي ؟؟ ياتري فكراني وبتفكر فيا زي ماهي مبتغبش عن بالي ؟؟؟ ، لحد ما شوفتك ونفس الإحساس وصلني أيوه يومها إعتذرتلك ومشيت ، بس قلبي هو اللي إستني ساعتها دق جامد لما بصيت في عنيكي ، معقول هي ؟؟ لأ مش ممكن بعد السنين دي كلها ممكن أشوفها تاني !!!!، قلبي صدق لكن عقلي مش مستوعب ، لحد ما دخلتي عليه المكتب ولسه بتعرفيني بيكي ، أول ما سمعت إسم وعد كنت هجري عليكي وأخدك في حضني علي قد ماإنتي وحشاني ومشتاق ليكي ….
+
وعد :- أول ما قالولي علي إسمك عيوني دمعت من الفرحه مبقتش مصدقه إني هشوفك تاني خصوصاً بعد ما روحت عند بيتك علشان أسأل عنك الجيران قالولي إنكم عزلتوا من سنين ، عيوني كانت متعلقه بيك من أول ما فتحت باب المكتب ، كان نفسي أقولك وحشتني أوي أوي ….
+
سيف :- وجايه دلوقتي تقوليلي ممكن تنساني أوعي أسمعك تقولي كدا تاني ،أيوه الموت علينا حق بس بدعي ربنا يخليكي ليا لأخر العمر ولو العمر إنتهي وأمر ربنا نفذ برده نكون مع بعض ، بدعي دائما إن ربنا يجمعنا ببعض في الأخره زي ما جمعنا في الدنيا
+
وعد :- فاكر اللي حصل بعد فرحنا
+
سيف :- عمري مانسيت ولأ أنسي أجمل أيامنا وبأمر الله هتتكرر تاني بس هيبقي حج بس إنتي تقومي بالسلامه كدا وتشرف حبيبت بابي علشان تروح معانا
+
وعد :- نفس اللي حصل شوفته بكل تفاصيله
كأنها بتتعاد قدام عنيه
+
سيف بحنان :- متفكريش ياحبي في حاجه ، وأكمل بمشاكسه :- وبعدين هو دا أول كابوس يعني ما إنتي من بدايه الحمل وأنتي كل يوم تحلمي بكابوس شكل لدرجه إني قررت أسمي البنوته كوابيس
+
وعد بصدمه :- اي
+
سيف :- هو اللي بيتعمل فيا كل يوم دا شويه كل يوم كابوس شكل ، دي أحلامك دي المفروض تتعمل روايه وهسميها معاناة الصقر فكراه
+
وعد بغضب طفولي :- كدا ياسيف بتتريق عليه طب أنا ذنبي أي
+
تسطح بجانها علي الفراش ومن ثم جذبها لأحضانه مردفاً :- خلاص متزعليش ياحبيبتي أنا بهزر معاكي ، طب أقولك علي حاجه أنا هحكيلك حدوته لحد ما تنامي
+
وعد بفرحه وكأنها طفله :- بجد
+
سيف :- ايوه ياقلبي بجد ، كان يامكان في سالف العصر والزمان أميره جميله …………..
+
♧♧♧♧♧♤♤♤♤
+
باليوم التالي
+
بفيلا زين المجاوره لفيلا سيف الزاهد
+
هرولت خلف ذلك الطفل الذي لايتعدي الثلاث سنوات مردفه بغضب :- إياد أنا خلاص تعبت من الجري وراك ، بقولك تعالي
+
أتت رحمه علي أثر صوت المربيه :- في أي ياإيمان
+
إيمان :- إياد مش عايز ياأكل ونفسي إتقطع من كتر الجري وراه
+
رحمه :- إياد
+
توقف الصغير عن الركض ناظر إلي والدته بإبتسامه ومن ثم إنفجر ضاحكاً ببرأه
+
رحمه :- تعالى
+
أتي إليها ركضاً ومن ثم عانقها بزراعيه الصغيرين مردفاً :- نعم يامامي
+
رحمه :- ليه مش بتسمع الكلام وتأكل ينفع كدا الداده تشتكي منك
+
الصغير :- مامي أنا عاوز أتل ( أكل) مع بابي وحضلتك ( حضرتك)
+
أخرجته من أحضانها مردفه بحب :- طب كل دلوقتي ولما بابي يجي إبقي إتغدي تاني معانا اوك حبيبي
+
أمأ الصغير رأسه بموافقه ومن ثم قبل وجنتها مردفاً :- أوك مامي
+
أخذته المربيه كي تطعمه ومن ثم تحدثت رحمه مع وعد ، التي أصبحت صديقتها المقربه بعد زواجها من سيف بحكم صداقه سيف وزين فهو رفيق دربه وصديق طفولته
+
♧♧♧♤♤♤
+
عند وعد
+
صدح هاتفها عده مرات ، فتحت عينيها بتكاسل وإلتقطته من علي الكمود وأجابت
+
وعد :- السلام عليكم
+
رحمه :- وعليكم السلام ورحمة الله وبركاته ، صوتك بيقول إنك لسه نايمه
+
تململت بالفراش مردفه :- كسلانه جداً ، مش نمت غير بعد الفجر والحمدلله صليته حاضر
+
رحمه :- تقبل الله
+
وعد :- منا ومنكم إن شاء الله
+
رحمه :- طب فوقي كدا ، هجيلك كمان شويه أنا وإياد
+
وعد :- حبيبي إياد ربنا يبارك فيه والله أنا متعلقه بيه أوي
+
رحمه :- ربنا يكمل حملك علي خير ياحبيبتي وتقومي بالسلامه وتجبيله عروسته
+
وعد :- إدعيلي يارحمه أنا بجد خايفه
+
رحمه :- متخافيش ياحبيبتي كلنا جمبك وكمان طنط شاهنده كلها كام يوم وتجي من السفر وتبقي معاكي وأنا مش هسيبك
+
وعد :- ربنا يخليكي ليا يارحمه بجد إنتي أكتر من أختي أيوه إحنا نعرف بعض من كام شهر بس حاسه إني أعرفك من سنين
2
رحمه :- القلوب عند بعضها ياوعوده
+
إبتسمت تلقائياً إثر سماعها تلك الإسم
+
رحمه :- بتضحكي ليه عارفه إني أول مره أدلعك بالإسم دا
+
وعد :- لا سمعته منك كتير
+
رحمه بتعجب :- إزاي وأنا أول مره أقولهولك
+
وعد :- دا موضوع كبير هبقي أقولهولك بعدين
+
رحمه :- أوك فوقي بقا علي ما أجي
+
أنهت المحادثه ومن ثم دلفت إلي المرحاض لتغتسل وتؤدي فرض الظهر قبل حضور رحمه …….
+
♧♧♧♧♧♤♤♤♤
+
بمجموعة شركات الإتحاد
+
بمكتب سيف
+
جلس علي مقعد مكتبه ينظر بالحاسوب بتمعن فهو يتابع عمل المجموعه بالخارج
+
طرقت السكرتيره الباب ودلف بعد أن أذن لها
السكرتيره :- مدير شركه الأنصاري بإنتظار حضرتك في غرفة الميتنج (الإجتماعات) يافندم
+
أردف وهو لايزال ينظر بالحاسوب :- بلغي زين
ولج زين للداخل وخرجت السكرتيره
+
زين :- خلصت ياسيف أي الأخبار
+
سيف :- تمام الصفقه تمت زي ما إحنا عاوزين إعمل حسابك إنك هتسافر لندن الإسبوع الجاي
+
زين :- اوك انا هسبقك علي الإجتماع
+
أشار له بيده ومن ثم أكمل عمله وذهب خلفه بعد دقائق
+
♧♧♧♧♤♤♤♤
+
بغرفة الإجتماعات
+
مدير شركه الانصاري :- سيف باشا أنا جاي أعرض علي حضرتك عرض أتمني توافق عليه
+
زين :- عرض أي
+
مدير شركة الانصاري :- الشركه بتاعتنا داخله مناقصه وزاره الإسكان ، بتمني حضرتك تواقف تدخل شريك معانا في المناقصه دي
+
سيف بغموض :- طب ما الأنصاري جروب دايماً بتدخل المناقصات بدون شركاء مهما كان حجم المناقصه
+
مدير شركه الانصاري :- حضرتك المناقصه دي غير باقي المناقصات دا مشروع سكني ضخم ، وبصراحه المجموعه مش هتقدر علي تكاليفه كلها
+
سيف بثقه :- بلغ أحمد الأنصاري إنه لو مش قد المناقصه دي ينسحب ويسبها للي قدها
+
مدير شركه الانصاري :- طب ممكن يافندم بس تتطلع علي الدراسه اللي الشركه عملاها وبعدها قرر
+
بعد جدال دام لقرابة الساعه إنتهي الإجتماع بإصرار سيف علي موقفه……..
+
♧♧♧♧♧♤♤♤♤
+
بمكتب سيف
+
جلس علي مقعده وجلس زين مقابلا للمكتب
+
زين :- ردك كان صارم اوي ياسيف
+
سيف :- هو دا اللي لازم يحصل علشان احمد الانصاري يعرف هو بيتعامل مع مين يازين ، المجموعه بتاعتهم قربت تعلن إفلاسها ، وهو باعت مدير شركته يعرض عليه العرض دا علشان يتحامي في إسم المجموعه بتاعتنا …..
+
صدح هاتف زين بإسم رحمه فأجاب
+
رحمه :- السلام عليكم
زين :- وعليكم السلام ورحمة الله وبركاته
+
أتاه صوت فارسه الصغير إياد الذي أخد الهاتف من والدته
إياد :- بابي هتيجي إمته
+
زين بإبتسامه :- حبيب بابي وحشتني اوي ياأيود
+
إياد:- وحضلتك (حضرتك ) وحشتني أوي هتيجي امته بقا أنا جعان
+
زين بتعجب :- جعان !!!! طب فين مامي وداده إيمان
+
إياد :- موجودين بس أنا عاوز أتل (أكل) مع حضلتك (حضرتك)
+
زين بحنان :- طب كل دلوقتي ولما أجي نتغدى مع بعض موافق يابطل
+
إياد :- هتتأخر
+
زين :- لأ ياحبيبي مش هتأخر علشانك
+
إياد :- أوك يابابي خلاص هروح أفطل (أفطر) مع طنط وعد
+
نظر لسيف مردفاً :- هتفطر مع طنط وعد ، أوك روح ياحبيبي وأي …. تتطمن علي عروستك
+
أنهي المكالمه ومن ثم إنفجر ضاحكاً علي من كبت غضبه من تلك المحادثه
+
سيف :- سمعني تاني كدا يطمن علي مين
+
زين :- علي النونو بنتك
+
إستقام من مقعده وإتجه إليها مردفاً :- أيوه …. أيوه بنتي ودي اللي هي فين
+
زين :- في اي ياسيف مالك
+
جذبه من تلابيب جاكته وهو ينظر إليه بشرارات الغضب
+
سيف بغيره :- إبنك الغبي دا لو عمل كدا تاني إنت اللي هتتحاسب فاهم
+
زين :- طب وأنا مالي هو أنا اللي قولتله روح حط ودانك علي بنك طنط وعد علشان تسمع النونو
+
دفعه بقوه فإصطدم ظهره بالمقعد الجالس عليه فأردف :- في أي أنتي بتتحول بسرعه ليه كدا ياسيف ، وبعدين دا طفل صغير يعني ما يفهمش حاجه
+
سيف بغضب :-أنا حذرتك فاهم
+
زين :- خلاص خلاص دا الكلام شكله بجد
+
غادر حيث مكتبه ليتحدث مع رحمه ، إلتقط سيف هاتفه ليطمئن علي ملكته
+
♧♧♧♧♤♤♤♤
+
بفيلا سيف
+
أنهت صلاتها ووضعت سجادتها بمكانها ، صدح هاتفها بالنغمه المخصصه لعشق الروح سيف ، فأجابت علي الفور
+
وعد :- السلام عليكم
+
سيف بإبتسامه فقد أزال صوتها الذي يعشقه كل غضبه :- وعليكم السلام ورحمة الله وبركاته ، عامله أي دلوقت ياقلبي
+
وعد وهي تجلس علي الفراش :- الحمد لله ياحبيبي
سيف :- صحيتي إمته
+
وعد :- لسه من شويه رحمه كلمتني وقالتلي إنها جايه هي وإياد يقعدوا معايا شويه
+
سيف بهدؤ :- طب بخصوص إياد متخليهوش يلمسك
+
وعد بعدم فهم :- يلمسني يعني مش أسلم عليه وأبوسه زي ما هو متعود
+
سيف بغيره :- الحركات بتاعته دي ميعملهاش قال عايز يسمع النونو قال ، مفهوم ياوعد إياكي تسمحيله يلمسك فاهمه
+
ضحكت فعزف قلبه إنشوده عشقه علي أثر ضحكاتها مردفه :- هتغير من طفل عنده ثلاث سنين ياقلبي
سيف :- وأغير من بنتي هي كمان إسمعي الكلام بالذوق أحسنلك
+
وعد بمشاكسه :- هتعمل أي يعني
+
سيف :- بقا كدا متطلعهاش في دماغي وتخليني أجي دلوقتي وأعرفك هعمل أي
+
وعد :- طب ما تيجي هو أنا هخاف
+
سيف :- ماشي ياوعد أنا خلاص خلصت شغلي إجهزي بقا علي ما أجي
+
وعد بدهشه :- أجهز !!!! هتوديني فين واللي جاين دول هقولهم أي
+
ضحك مردفاَ :- هخطفك ، متقوليش حاجه رحمه هي مش هتيجي
+
أنهي المكالمه علي الفور وأخذ أغراضه وهبط حيث سيارته متجهاً إلي الفيلا
+
♧♧♧♧♧♤♤
+
بالفيلا
+
جابت الغرفه ذهاباً وإياباً تفكر كيف لها أن تعتذر لرحمه ؟؟؟، وتحدث نفسها:- من أين أتي سيف بتلك الثقه عن أنها لم تأتي
صدح هاتفها يإسم رحمه فأجابت علي الفور
+
رحمه بإعتذار :- أسفه ياوعد قلقتك علي الفاضي ، مش هقدر أجي
+
وعد :- ليه ياحبيبتي في حاجه
+
رحمه :- لأ أبدا بس زين ممكن يجي بدري النهاردة خليها يوم تاني
+
وعد :- بأمر الله ياحبيبتي
+
أنهت المكالمه ومن ثم إتجهت إلي خِزانتها لإختيار ثيابها قبل مجئ سيف
+
بعد ربع ساعه صف سيف سيارته أمام الباب الداخلي للفيلا ، ومن ثم ولج للداخل متجهاً إلي غرفته بالأعلي
+
دلف وعيناه متعلقه بحوريته التي تقف أمام المرأه تصفف خصلاتها ، إتجه إليها ومن ثم حاوطها من الخلف بذراعيه وهو ينظر إليها بالمرأه
+
سيف بعشق :- كل يوم بيزيد جمالك عن اليوم اللي قبله
+
وضعت يديه علي بطنها المنتفخه فهي بالأشهر الأخيره من حملها وأردفت :- هبقي جميله إزاي بالبالونه دي ياسيف أنا عامله زي رجل التلج …….
+
إبتسم علي كلماتها مردفاً :- بقا في حد قمر يقول علي نفسه كدا ، طب بجد من يوم ما بقيتي حامل وكل يوم بتحلوي أكتر من اليوم اللي قابله وكمان الدريس دا جميل اوي عليكي
+
تعلقت برقبته وهي تقبل وجنته مردفه :- عارفه إنك بتقول كدا علي مش أبقي مضايقه
+
سيف :- يعني إنتي مضايقه من النونو
+
وعد بنفي :- لأ طبعاً بس الشكل العام بلونه ياسيف
+
سيف بعشق :- بردو بعشقك حتي لو كنتي بالونه وبعدين كلها شهرين وديما تنور حياتنا ومتبقيش بالونه ولا تزعلي نفسك
+
وعد :- ربنا يخليك ليا ياحبيبي
سيف :- عندي ليكي مفجأه
+
وعد :- هتخطفني فين بقا
+
سيف :- قبل الخطف طنط شاهنده هتيجي كمان يومين أنا طلبت منها متقولكيش
+
وعد بفرحه :- أخيراً هتيجي وحشتني أوي
قبل يدها ومن ثم وضعها بزراعه مردفاً وهو يشير تجاه الباب :- إتفضلي ياملكة قلبي
قاد سيارته متجهاً إلي المطار
+
وعد بصدمه :- إحنا مسافرين
+
سيف :- أيوه ياقلبي
+
وعد :- هنسافر فين
+
سيف :- ياريت نبطل أسئله ونصبر شويه
♧♧♧♧♤♤♤
+
بعد ساعتين بفيلا زين
+
ترك إياد الأُرجُحه وهرول حيث زين المترجل من سيارته للداخل
+
فرد زراعيه الصغيرين مردفاً :- بابي
+
جثي علي ركبتيه محتضناً فارسه الصغير مردفاً :- حبيب بابي وحشتني
+
إياد :- إتأخرت ليه
+
حمله بين رزاعيه للداخل مردفاً :- معلش ياحبيبي كان عندي شغل كتير ، فين مامي
إياد :- في أوضتها ومش رضيت تخليني أروح عند طنط وعد كنت عايز أسمع ديما وهي بتكلمني
+
زين :- طب ممكن أطلب من بطلي أنه ميعملش كدا تاني علشان كدا عيب وأُنكل سيف هيزعل منك
+
أما الصغير رأسه بموافقه مردفاً :- حاضر يابابي بس هبقي ألعب معاها بعد كدا
+
أنزل الصغير برفق ومن ثم صعد إلي غرفته حيث محبوبة رحمه
+
بداخل الغرفه
+
خلع جاكته ومن ثم وضعه علي المقعد وإتجه إليها ، فهي تطل من شرفتها علي الجزء الخلفي من الحديقه ، فزعت من حينما حاوط خصرها بيده
شهقت ومن ثم أداىت وجهها له مردفه :- خضتني يازين كل مره علي كدا
إبتسم لها مردفاً :- المفروض تكوني إتعودتي إحنا بقالنا ثلاث سنين متجوزين
+
رحمه بتذمر :- وحتي لو قرن بحاله مش هتعود علي كدا لأني بكون سرحانه ومش بحس بيك وانت داخل
+
زين بنظرات عاشقه :- وحبيبي بيبقي سرحان في أي
+
رحمه :- سرحانه في زيني حبيبي
+
زين :- قلب زين إنتي
+
إحتضته مردفه :- ربنا يخليك ليه ياعمري
+
زين :- وميحرمنيش منك ياقلب قلبي ، علي فكره هنسافر لندن الإسبوع اللي جاي عندي شغل هناك لمده يومين وهنقضي باقي الإسبوع مع بعض إسبوع عسل
+
رحمه بفرحه :- بجد يازين طب وإياد
+
زين :- متقلقيش طنط شاهنده هتجي من السفر كمان يومين وكمان وعد هتبقي موجوده
+
رحمه :- طب ما يجي معانا
+
زين بتذمر:- ودا هيبقي إسمه أي بقا عسل إسود
قبلت وجنته مردفه :- خلاص يازيني مش تزعل كدا مقدرش علي زعلك ياعمري ، ياله بقا خد شاور علي ما الغداء يكون جاهز علي السفره
+
♧♧♧♧♧♧♤♤♤
+
بمرسي اليخوت بشرم الشيخ
+
وعد :- أي دا هتخطفني في البحر
+
جذبها برفق من يدها حتي وقف أمام أحد اليخوت المزين بإسمها {وعد } ، عاونها علي الصعود إلي السطح
+
إحتضنته بفرحه مردفه :- بعشقك ياسيف ولو في بعد العشق عشق كنت عشقتهولك
سيف :- فاكره لما كنا في شهر العسل في هفار
+
قولتيلي نفسي نقضي يومين في يخت في البحر بس في مصر، عارف إنه عدى علي امنيتك دي شهور بس كان غصب عني ياروحي ، ودلوقتي بقا انا ملكك لوحدك ولا شغل ولأي حاجه هتبعدنا عن بعض
4
وعد :- ربنا يخليكي ليا ياسوفه انا بجد طايره من الفرحه ومش لاقيه كلام يعبر عن اللي حاسه بيه ،
+
قاد اليخت بحرفيه مبحراً للداخل ليجعله بمثابة جزيرتهم الخاصه داخل البحر ، ليقضوا سوياً أجمل لحظات حياتهم بعشقٍ لا ينتهي بل يتدفق منه الكثير ………..
+
♧♧♧♧♤♤
+
بعد إسبوع
+
بلندن
أنهي زين عمله المكلف به من قبل سيف ومن ثم تفرغ لمعشوقته ، فقد عزم علي قضاء شهر عسل جديد ولكن لمده اسبوع بجزر المالديف …..
+
♧♧♧♧♧♤♤♤♤
+
مرأت الأشهر المتبقيه علي موعد وضع وعد جنينها بتعب شديد عليها ،ولكن كان سيف دائما يخفف عنها …..
+
إستيقظت قرابة الفجر علي ألم شديد فلم تستطع مقاومته فدوت صرخاتها أرجاء الفيلا
+
فزع سيف علي أثر صوتها ومن ثم أيقظ شاهنده وعاون زوجته علي إبدال ملابسها ، وحملها متجها إلي السياره لينطلق بأقصي سرعه إلي المشفي
+
وقف علي باب غرفة العمليات وقلبه يعتصر ألماً علي صوت صراخها الذي دام لفتره حتي انقطع بصوت بكاء طفلتهُما
+
خرجت شاهنده بعد دقائق حامله الطفله بين يديها
+
سيف بلهفه :- وعد عامله أي
+
شاهنده :- الحمدلله خلاص هينقلوها غرفتها ، سمي كدا علي بنتك وأذن في ودانها
+
حمل الصغيره بيد مرتجفه ومن ثم قبل جبهتها وأذن بأذنيها وأعادها لشاهنده وذهب ليطمئن علي وعد
بالغرفه
+
جلس جوارها يتأمل وجهها الشاحب وملامحها المجهده حتي إستعادت وعيها
+
سيف بإبتسامه وهو يقبل جبهتها ومن ثم يدها :- حمدالله على سلامتك ياملكتي
وعد بضعف :- الله يسلمك ، عايزه اشوف ديما
+
سيف :- ماما راحت تجبها من الحضانه ، كدا تخضيني عليكى، كنت بموت وانا سامع صوت صراخك وانا متكتف مش قادر اعمل حاجه أخفف عنك الألم دا
+
وعد :- بعيد الشر عنك ياحبيبي
+
دلفت شاهنده حامله بيدها الأميره الصغيره وأعطتها لسيف
+
سيف :- بسم الله الرحمن الرحيم ربنا يبارك فيكي ردويخليكي لينا يأميرتي
+
شاهنده مقبله رأس إبنتها :- حمدالله علي سلامتك ياحبيبتي
+
وعد :- الولاده طلعت صعبه أوي
+
شاهنده :- علشان كدا منزله الأم أعلي ، والنبي عليه الصلاة والسلام وصي الابناء علي أمهاتهم وكررها ثلاث مرات أمك ثم أمك ثم أمك ، ربنا يجعل كل ألم الإم بتشوفه في الحمل والولاده وتربيه اولادها في ميزان حسناتها
+
وعد :- عليه افضل الصلاة والسلام ، اللهم أمين
+
عاونتها شاهنده علي الإعتدال حتي تتمكن من حمل الأميره الصغيره
دلفت رحمه وإياد بفرحه فقد أخبرتها شاهنده
+
رحمه مردفه بفرحه :- ألف مبروك ياسيف ، ومن ثم إتجهت لوعد مردفه :- مبروك ياحبيبتي ترتبي قي عزكم وتشوفيها عروسه زي القمر ويباركلك فيها
+
إياد ببرأه :- أونتل (أونكل) سيف :- ممتن (ممكن) بقا تعطيني خطيبتي
+
سيف :- بتقول أي ياشبر ونص انت
+
إياد :- عايز أشوف ديما خطيبتي وابوسها
+
سيف بإنفعال :- بقولك أي إن عرفت بس انك قربتلها هعلقك فاهم اخرك تبص عليها ومن بعيد كمان دي اميرتي يعني ممنوع اللمس والإقتراب
+
رحمه بإبتسامه :- براحه ياسيف دي طفل هو فاهم حاجه من اللي بتقوله
+
شاهنده :- قوليله
+
إياد :- مامي عايز أسوفها (أشوفها )
+
حملت الصغيره من يد شاهنده بعد ان خرج سيف من الغرفه بعد علمه بحضور زين ، ومن ثم هبطت بها لمستوي الصغير الذي قبلها وداعيها بأصابعه
+
♧♧♧♧♧♤♤♤♤
+
بألمانيا
1
علمت لمار وسامر بأن سيف أنجب طفله من وعد
+
لمار بحقد :- يعني اتجوز اللي حبها وخلف منها كما
ن
سامر :- إنسي بقا يالاما ومتفكريش فيه إحنا خلاص سيبنا البلد كلها علشان تستريحي بتدوري ليه علي أخباره
2
لمار :- علشان بحبه وفضلها عليه
1
سامر :- هتفضلي تعملي كدا في نفسك لحد ما تموتي ، إنسي ياحبيبتي وعيشي حياتك وأكيد هتحبي وتتجوزي الأحسن منه
+
وعد :- طبعاً أخدها بملياراتها هو مصطفي المهدي كان شويه دا من كبار رجال الاعمال في الشرق الاوسط ، يعني هيشوفني أنا ، تيجي ازاي انا لازم انتقم منه علي رفضه ليه
+
سامر :- لمار أنا ماصدقت أوقف المجموعه علي رجلها من تاني ، عداوتنا لسيف خسرتنا كتير كفايه لحد كدا أيوه إنتي أختي الكبيره ، لكن مصلحتنا تحتم عليه إني أمنعك من تدمير حياتنا ……
+
♧♧♧♧♤♤♤♤♤
+
بعد مرور ثلاث أشهر علي تلك الاحداث تجمعت أسرة سيف وزين بفيلا الزاهد ، وبعد تناول الغداء وتبادل الاحاديث ذهب إياد مع الداده لغرفة ديما كي يراها
شاهنده بفرحه من تجمعهم سويا :- ربنا يخليكم لبعض ياولاد وتفضلوا متجمعين دايما ويرزقك يازين بأخت لإياد وإنت ياسيف بأخ لديما
+
سيف مسرعاً :- لأااااااا كفايه
+
تعجب الجميع من رده فعله فأردف زين :- يعني إكتفيت بديما وبس
+
سيف :- انا قصدي حاجه تانيه ماتتكلمي يا…. يادكتور وعد
+
إبتسمت علي كلمته ، فأردفت رحمه :- أي دا إنتي بقبتي دكتوره امته
+
وعد :- إنت جاتلك عقده من الحمل
+
سيف :- البركه فيكي
+
شاهنده :- في أي ياولاد ماتفهمونا
+
وعد :- كل الحكايه إني كنت بحلم بكوابيس
+
سيف :- طب ما تحكلهم معاناة الصقر دا إنتي بهدلتيني في كوابيسك دي
+
الجميع بدهشه :- معاناة الصقر !!!!!
1
وعد :- خلاص هحكيلكم ولو عجبتكم اكتبها روايه ، وبدأت بالسرد لهم قصتها
+
** بإحدى الأحياء الشعبيه البسيطه التي تعد أحد أوجه طبقات المعيشه الدنيويه وإن دلت فإنها تدل علي فقر الجيوب وليس فقر القلوب إلا من رحم ربي …….
عاشت وعد برفقة جدتها فاطمه بإحدى بنايات الحي المتهالكه بسبب مرور السنوات عليها ، حالها ليس بالقليل عن حال من يقطنها وكل من تهالكوا بسبب الفقر وكن يبقي الصمود فكلمة الحمد لله تغني وتبقي عن كل منه الحياه……
تمت بحمد الله
+
♧♧♧♧♧♤♤♤♤
+
مستنيه رأيكم في الروايه بجد وياريت كل اللي تابعتها تشاركني رأيها ، وعايزه اراء مش ملصقات ارجوكم ، وشكرا لتقديركم ظروفي وتحملك تأخيري عليكم
+
دمتم احبتي في حفظ الله 😍😍
- لقراءة باقي فصول الرواية اضغط على (رواية معاناة الصقر)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)