رواية رغبة في الإنتقام الفصل الثامن والعشرون 28 بقلم نوسة حمد

رواية رغبة في الإنتقام الفصل الثامن والعشرون 28 بقلم نوسة حمد

 

 

البارت الثامن والعشرون

 

#رغبة_في_الانتقام28
#نوسه حمد
الضابط قال ليهو اقبض عليها قلت ليهو تقبض علي ليه قال لي انتي متهمه بقتل استاذ عمار ونادر كان مضايق وعلي اخرو قال ليهو تقبض علي منو البقرب منها اقسم بالله اشقو النص ابوي وقع من طولو والضابط قال لي نادر لو اتكلمت كتير بسوقك معاها وانا قلبي بقا في ابوي قلت ليهو نادر لا الحق ابوي ندي اختي لبستني طرحه وعبايه وانا بقيت شبه ما فاهمه حاجه غلبني ارد غلبني اتكلم واوضح للضابط اني انا اساسا كنت مافي ومرت عن احمد تقول ليهو تقتلو كيف وهي كانت في الخرطوم معاي اتكلمي ي نسيبه م تسكتي وانا الكلام غلبني وركبوني بوكسي الشرطه والناس كلها تعاين لي في المنهم مستغرب وم مصدق وفي المنهم مصدق الاحساس الوصلني كده وصلنا القسم وبدو يسالو فيني عن السبب الخلاني اقتلو شنو وانا ساكته في ضابط كده عصبي شغال اكورك فيني وانا ارد اقول شنو واصلا انا لا قتلتو لا شفتو لغايه م جا ضابط شكلو

 

 

اعلي منو لانو قام ليهو علي حيلو وقال ليهو براحه عليها البت دي م سوابق عشان تستخدم معاها الاسلوب دا سلم علي بكل ادب واحترام قال لي اتفضلي اقعدي قعدت سالني قال لي علاقتك شنو مع استاذ عمار حكيت ليهو اني كنت شغاله معاهو وحاول اتحرش بي طوالي الضابط الكان بسال فيني اول قال لي عشان كده قتلتي قلت ليهو انت ليه مثبت على اني قتلتو وانا اساسا كنت ماف لحظه هو اتقتل الضابط الكبير قال لي كنتي وين حكيت ليهو قال لي معاك منو كان قلت ليهو سيف ومرت عم احمد قال لي العسكري جيبن لي قلت ليهو والله انا م قتلتو لو قتلتو ما بنكر وبعترف وانتو ليه اتهمتوني انا قال لي اتهمتك زوجتو لانو قالت كانت عندك معاهو علاقه قديمه قلت ليهو منال الله يسامحها هي الوحيد العارفه الحقيقه بس شكلو في قصه ورا الموضوع وانا م ح اسكت وانا واثقه من براءتي قال لي ان شاءالله تطلعي براءه وح نحبسك لغايه ما نتحقق ونقبض علي الجاني الحقيقي نادا العسكري ودخلوني السجن لاول مره في حياتي والاشكال الفي السجن الاجرام ظاهر في وشهن غلبني اقعد معاهن كنت خايفه شديد بس اتوكلت وقعدتا وبقيت اعاين واتلفت وفي اشكال م طبيعيه بقيت مترقبه الضربه تجيني من اي اتجاه واتخلع ساي وظاهر التوتر في وشي واحده جات قعدت جنبي قالت لي الاخت محبوسه فشنو وهي بتسال فيني والعيون الشريره كلها علي قلت ليها في جريمه قتل ومستعده اقتل تاني فجاه بقن اضحكن علي قالن لي يا شيخه اتلهي هو انتي الخوف ظاهر في عيونك دا منو القتل ولبسك التهمه دا والله معلم وذكي عرف اختار بقيت افكر معقوله مرتو قتلتو واتهمتني معقوله يا منال تقتلي ابو اولادك عشان شنو يارب المهم تعليق البنات داك دخل في مخي وبقيت عامله جوطه قلت للعسكري الا تطلعني للضابط القبيل قال لي عندو شغل مفتكراهو قاعد قصادك واقعدي وانتي ساكته موش شالو اقوالك قلت ليهو في كلام عايزه اقولو لازم تطلعني ح انساهو لو خليتني طلعني ولسوء حظي لقيت الضابط البكورك فيني داك قال لي عايزه شنو غلبني ولساني اتربط قلت ليهو عايزه الضابط التاني قال لي عايزه تصاحبي انطقي عايزه شنو ما تصدعي بينا قلت ليهو انا عرفت القتلت عمار قال لي منو قلت ليهو مرتو قال لي انتي مجنونه هي مرتو تقتلو كيف قلت ليهو بالعقل انا م قتلتو ولا شفتو وهي اتهمتني ابقا اكيد هي العملت الحاجه دي وعايزه تلبسني التهمه قال للعسكري تعال سوق المخرفه دي وتاني م تطلعوها الا نطلب نحنا الضابط دا فقري وشوم تعاملو سيئ شديد وما عايز يستمع للحقيقه عايز يلبسني ليها وخلاص وشكيت فيهو زاتو وبقيت ادعي في ربنا اني اتخلص من القصه دي ابوي لو عرف اني اتسجنت ح يموت عديل وانا شكلي خلاص ح اتسجن كده لمن الحقيقه تظهر بس تظهر كيف والضابط دا ملبسني ليها
مرت الايام وكل مره يطلعوني يستجوبوني ضابط مثبت علي التهمه والضابط التاني قال ليهو مستحيل البت دي ما قتلت روح انا بعرف قاتل الروح من شكلو كلامو مطمني قال لي اهلك عايزين يشوفوك طلعت لقيتو نادر ومهند وسيف سلمت عليهم ونادر دموعو جرت قال لي ليه مرتو اتهمتك قلت ليهو والله انا م عارفه السؤال دا المحيرني انا والله كنت ماف سيف قال لي معقوله يا نوسه انتي كنتي معاي قتلتي كيف الموضوع دا وراهو موضوع بس نحنا وكلنا ليك محامي قلت لي نادر ابوي كيف قال لي تعبان والله ونحنا دسينا عليهو وقلنا ليهو انك مشيتي العمره ومبسوط ومصدق غالبنا نحكي الحقيقه قلت ليهم اي خلوهو علي كده نادر قال لي مرت عم احمد م مقصره والله شايله البيت ما محوجانا بس فاقدنك انتي قلت ليهو وانا كمان فاقداكم انا م قادره استحمل السجن اتصرفو طلعوني وبقيت ببكي نادر قال لي عملت المستحيل عشان م تبيتي ليله بس قالو دي قضيه قتل ما بتطلعي منها حتي لو بي كفاله استحملي لمن ربنا يهونا قلت ليهم انا ح استحمل بس الاتهمتني نهاي م ح ارحمها ح اسجنا زي م سجنتني كلهم اتاثرو لي حالي بس في يدهم ماف حل رجعوني السجن وكنت ببكي بقهر

 

 

وقلبي دم علي منال لو جنبي والله كان اقتلها عشان اتسجن صاح مش تهمه وبقيت افكر انتهي من الهم دا كيف وانفي التهمه مني كيف اتزكرت في المسلسلات بشيلو البصمات وانا اكيد بصماتي مافي الجريمه دي قلت ليهم الا تطلعوني للضابط طلعوني ليهو لقيتو المسكين قلت ليهو انا جيت اقول ليك شيلو بصماتي عشان القضيه دي تنتهي سريع قال لي للاسف شيلناها وبصماتك مطابقه للجريمه قلت ليهو كمان في دي مزورنها عليك الله انقذني اقسم بالله انا صادقه انا ما قتلتو ومنو القال بصماتي مطابقه القال كده زاتو تبع الجريمه دافعين ليهو كم وليه وانا بعد كده اتاكدت تماما انو دي مرتو القتلتو اي شي مثبت علي جاهز ممكن طلب قال لي اتفضلي قلت ليهو ممكن تشيل بصماتي تاني قال لي انتي مفتكراها بالسهوله دي اولا الجثه اندفنت ماف طريقه قلت ليهو عادي اعملو نكش للقبر قال لي الموضوع دا صعب قلت ليهو م صعب انتو ليه كسلانين كده هسي في الافلام الحاجه دي ساهله قال لي في الافلام يعني تمثيل يعني م حقيقه ماف قبر بنكشو حقيقه قلت ليهو لا لازم يحصل لانو انت عارف لو م عملت الخطوه دي تاني بنفسك انت ح تعدم واحده بريئه ضميرك ح يكون مرتاح قال لي ابدا قلت ليهو طيب بترجاك اعمل الخطوه دي قال لي لازم اكون بعلم اهلو زوجتو وابوهو قلت ليهو زوجتو لا لانها هي العايزه تلبسني التهمه دي اكيد متفقه ع اي شي وح ترفض ممكن ابوهو واقول ليك حاجه انا عايزه اشوف ابوهو ممكن تستدعاهو لي قال لي ي بت انا اتجاوبت معاك كتير الموضوع دا صعب قلت ليهو لا م صعب عليك الله اثبت برائتي انا لو قعدت اكتر ح اموت انت م شفتني انا عانيت في الدنيا دي كيف استحملت اي شي بس السجن حار وفعلا السجن م حق بت الرجال انا بترجاك عليك الله انت بس جيب لي ابوهو عليك الله عايزه اتكلم معاهو قال لي اذا ابوهو رفض قلت ليهو انت م تقول ليهو نسيبه عايزاك بس تعالو سوقوني ليهو انا ح اترجاهو قال لي طيب انا بكره م مداوم م تعملي مشاكل خليك ساكته بعد بكره بجيب ليك ابوهو قلت ليهو طيب حسيت انو دا طرف خيط ح يوصلني للحقيقه بس الله يستر ذكي م يحرجني المهم بقيت اصلي وادعا خشمي م وقف من الدعوات لغايه ما الضابط ناداني ولقيت معاهو ذكي وطبعا ذكي كان كرهاني شديد قال لي الضابط انت عايز شنو قلت ليهو ذكي انا العايزاك عليك الله اسمع كلامي قال لي م عايز اسمع كلامك ليه عملتي كده ليه حرمتيني من ولدي ليه خليتيني من غير ولد ف الدنيا قلت ليهو اقسم بالله دي ما انا وقعدت ليهو ف الارض بقيت اترجا فيهو يسمع لي وانو يوافق بالأذن عشان ينكشو القبر ويعيدو البصمات قال لي لا مستحيل يقبل بكده قلت ليهو بترجاك انا والله

 

 

مظلومه مرت ولدك هي العارفه الحقيقه وهي القتلتو قال لي م تكذبي ي نوسه منال للان بسبب موت راجلها م طبيعيه كيف تقتلو قلت ليهو والله قتلتو انا حلفت ليكم وانتو عايزين تتهموني انا وتثبتو علي التهمه لو انعدمت حقي ح يكون في رقبتك انت و الضابط دا انا والله بريئه والله لو م بريئه م اخليكم تعملو كده وانا مستعده لو لقيتوني كذابه اعدموني في نفس اليوم بعد تعب ومعاناه قدرت اقنع ذكي قلت ليهو ع شرط يا ذكي م تقول كده قدام منال وقلت للضابط دا م تجيب سيره قدام الضابط التاني قال لي ليه هو المساعد ف القضيه دي قلت ليهو انا شاكه فيهو زور البصمات قال لي م تتهمي ساي قلت ليهو طيب بالعقل منو الطلع تقرير تزوير البصمات انت قال لي لا طبعا هو قلت ليهو بس هو زاتو شريك مع منال وانا متاكده من احساسي دا ولو لقيتو احساسي غلط اعدموني ف نفس اليوم انا موافقه قال لي ذكي ح نحتاج منال نشيل بصماتا من غير م نقول حاجه ممكن قال ليهو ممكن انا ح اجيبا ليكم بي اي حجه قال ليهو ع شرط تجيبا اليوم انا الديوتي الجاي ح اعرف الحقيقه كلها قال ليهو تمام دخلوني السجن وقال لي تاني م تطلعي الا نستدعاك قلت ليهم حاضر شكرت ذكي ومشيت وذكي اتغير شديد حتي في شكلو والهم انتهي منو قطع قلبي عديل مشيت السجن وتاني بقيت اصلي وادعي ربنا انو يظهر الحقيقه واطلع منها ومنال تاخد جزاها بعد يومين الضابط استدعاني مشيت وكنت ملهوفه قال لي نوسه منال ما قتلت عمار ……….يتبع

 

 

• لقراءة باقي فصول الرواية أضغط على (رواية رغبة في الإنتقام)