رواية زوجتي زعيمة مافيا الفصل الأول 1 بقلم حنان محمد
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)
رواية زوجتي زعيمة مافيا الفصل الأول 1 بقلم حنان محمد
البارت الأول
– شكلك عاوز تقول حاجه يا عم عبدة
= مش عاوز أعكننك يا بيه وأنت لسه راجع من السفر
– قول يا عم متقلقنيش ..
= الصراحة يا أستاذ نادر .. المدام بتاعتك ماشية بطال .. في واحد اسمه شهاب على طول بيبعتلها جوابات
– أنت اتجننت يا راجل انت .. ازاي تتكلم عن مدام بسمة كده!
= أنا عارف أنك مش هتصدقني بس هقولك كمان .. المدام بتاعتك خرجت من إمبارح الفجر ومجتش لحد دلوقتي
دي كانت صدمتي الأولى من ساعة ما جيت من السفر .. بس خليني اعرفك بنفسي الأول واحكيلك الحكاية من الأول، أنا نادر 33 سنة .. متزوج من بسمة حُب حياتي 28 سنة .. ومعندناش أطفال
من حوالي 3 شهور جاتلي سفرية شغل برا مصر كمهندش اتصالات .. وبعد تفكير طويل قررت إني اسافر فعلًا عشان أحسن من مستوى معيشتنا ..
وكان الموضوع صعب عليا جدًا ..
لكن ماكنش عندي خيار تاني .. وفعلًا سافرت .. والنهارده الصبح جيت مصر تاني وعامل مفاجأة لبسمة وجايبلها هدايا كتيرر وكان أول حاجه قابلتها هو عم عبده واللي أداني صدمة ملحقتش أفوق منها ..
بااااك
سيبت عم عبدة وسيبت الشنط وكل حاجه وطلعت جري على شقتنا أشوف بسمة فوق ولا عم عبده كلامه صح!
طلعت جري وقلبت عليها الشقة وملقتهاش
لكن ببص على السرير في أوضة النوم .. لقيت ورقة في نصه
جريت بسرعة اقراها قولت أكيد ده جواب من عشيقها
ولكن لقيتها رسالة ليا أنا!!
مكتوب فيها:
– نادر حبيبي .. أنا عارفك أنك راجع النهارده .. متستغربش .. أنا عارفه كل تحركاتك عندك .. لو جيت وملقتنيش ولقيت الورقة دي لسه موجوده يبقى أنا بمر بمشكلة .. أو بمعنى أدق مخطوفة
وقفت قراية وقعدت على الكرسي من الصدمة ومش قادر استوعب إللي بقراه ولا فاهم حاجه
لكن كملت قراءة:
– في حاجات كتير حصلت من ساعة ما مشيت .. لما نقعد هشرحهالك .. المهم دلوقتي لازم تلحقني .. سيبالك رقم تليفون .. ده رقم واحد اسمه شهاب .. كلمه قوله بسمة في خطر
قعدت دقايق بعد ما قريت الورقة مش فاهم أي حاجه! ده شهاب إللي عم عبدة قال عنه! دي سيبالي رقمه!
طيب ده معناه ايه أنا مش فاهم؟!
ومخطوفة ازاي برضه؟ يعني هي عارفه من قبل ما تتخطف!
مكانش قدامي حل غير إني اتصل بشهاب ده واحاول افهم واطمن على بسمة
كتبت الرقم أول لما دوست اتصال
لقيت الرقم بيرد وبيقول:
-ايه يا نادر حمدلله ع السلامة .. بسمة فيها حاجه!
=ايه ده .. انت عارف اسمي ورقمي!! وكمان عارف بسمة
-مش مهم دلوقتي .. هفهمك كل حاجه بعدين .. المهم بسمة كويسة؟
=بسمة سيبالي رسالة أنها في خطر
-طب أنا هتصرف ..
=تتصرف ازاي .. رجلي على رجلك دي مراتي أنا
سكت حوالي 20 ثانية كده وبعدين اتنهد وقالي:
– هبعتلك لوكيشن ..
يُتبع ..
- لقراءة باقي فصول الرواية أضغط على (رواية زوجتي زعيمة مافيا)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)