رواية للعشق معاني اخرى الفصل الخامس عشر 15 بقلم حنين هاني

رواية للعشق معاني اخرى الفصل الخامس عشر 15 بقلم حنين هاني

 

 

البارت الخامس عشر

 

 

بارت 15
علي. انتا هتفضل واقف متنح كده كتيرر
يوسف. ياعم عايز مني اي سبني في حالي مش. كفايه هي سبتني ومشيت
ياسين. ياخي انتا مش لسه قايل هتبطل تكلم بنات
يوسف. ياعم دي غير وبعدين دي سبتني ومشيت
علي. طيب يلا ياخويا عشان العريس والعروسه جوم
يوسف. يلا يافقري منك ليه وراحو مكان السيشن

 

زهره. اي ده اي الي جابو هنا ده
هنا. يلا يابنتي عشان التصوير
زهره. لا هفضل واقفه هنا لغايت مالواد الي هناك ده يمشي
هنا. ده ياحبيبتي ده المصور هيمشي ازاي
زهره. دي الي هيصور منار
هنا. اه ويلا عشان بقا احنا اخوات العروسه ولازم نكون جمبها وبداو في التصوير وعينو من كل وقت بيبص عليها
بعد يومين في المستشفى
الدكتوره. احنا خلاص حددنا معاد العمليه
ريم بتعب. امتا
الدكتوره. بكره الصبح ولازم حد مسؤل يمضي اقرار اخلاء مسؤليه عن المستشفى
ريم. انا همضي يادكتوره
الدكتوره. ازاي لازم حد يكون مسؤل عندك
ريم. معلش يادكتوره انا همضي
الدكتوره. اوك الي يريحك ومضت الاوراق
بليل
منه. بتهزري
ريم. لا انا فعلا خلاص داخله العمليات دلوقتي
منه. وازاي متقوليش
ريم. اشوف وشك علي خير وقفلت معاها وقفلت الفون واعدت قرأت قرأن شويه وبعدين دخلت العمليات
منه. لا انا مش هسكت لا مش هينفع وطلعت رقم سندس ورنت عليها كذا مره وهي نايمه
اياد. سندس سندس شوفي فونك مش مبطل رن
سندس. يوووه بقا كنسل كنسل
اياد. يابنتي ردي بقا
سندس. اوف بقا وبصت اي. ده منه اتعدلت الو
منه. سندس اسفه اني رنيت في وقت زي ده بس في موضوع مهم اوي
سندس. في اي
منه. ريم داخله عمليات دي بلغي اخواتك وتعالي بسرعه وانا هحكي كل حاجه لما نروح هناك
سندس. ماشي ماشي حاضر وقامت بسرعه ورنت علي غيث

 

 

ليل. طيب حاضر حاضر وراحت قايمه طلعت لقت غيث اعد ومعاه العيال سهراينن وبيضحكو
دراين. اي ده ماما صحيت ده انتي فاتك كتيرر اوي
ليل. غيث سندس كلمتني بتقولي ريم في المستشفى داخله عمليات دلوقتي لازم نروح
غيث. اي
ليل. مش وقت صدمه بلغو كلهم بعض كانت ريم داخله العمليات
ريم. دكتوره لو سمحت هتطلب منك طلب
الدكتوره. اتفضلي.
ريم. لو مخرجتش من العمليات طلعت ظرف ينفع لو محدش جيه تفتحي الظرف وتعرفي العنوان وتبعتيه
الدكتوره. مدام ريم انا مش عاوزه ادخل في خصوصيه بس انا عارفه انك متجوزه وعندك عليه ليه مش عاوزه تعرفي حد
ريم بدموع. مش عاوزه اشوف القهره في عينهم ولا الزعل ولا الحزن هتبعك معايا يادكتوره بس لو مخرجتش ابعتيه لعيالي الجواب ده
الدكتوره. ماشي اتفضلي يلا
بعد شويه دخل مصطفى جري علي الاستقبال
مصطفى. لو سمحت في حاله اسمها ريم محمد في العمليات في المكان
الممرضه. اه مدام ريم في العمليات في الدور الرابع طلع جري مكنش في غير منه كانت اعده بتعيط
مصطفى. منه انتي هنا ريم فين واي الي حصل مالها هي كويسه صح
كانو الكل بدا يوصل
غيث. في اي اي الي حصل
منه بعياط. ريم عندها كانسر مرحله اخيرا وفي العمليات
وقعت الصدمه علي الكل
ليث. كانسر؟ ومن. امتا
سندس.احكي يامنه
منه. هحكي علي كل حاجه
كنا رايحين انا وهي عشان تتطمن علي البيبي الدكتوره لما عملت سونار شكت في حاجه طلبت منها تحاليل وللاسف طلع كانسر في المعده وكان مرحله اخيرا انا مكنتش اعرف غير لما حصلت المشكله بتاعت احمد هي قالتلي فعلا كانت عاوزه احمد ل يارا بس هي خدتها حجه وعملتها خناقه بس هي ياحمد مكنتش هتغصبك وبعدين قررت ان هي مش هتعرف حد حاجه وقبل محد يتكلم قالتلي لو عرفت حد حلفت انها هتسيب البلد وتمشي خوفت عليها قولت هطاوعها لغايت ماشوف هي هتعمل كلمتني قالتلي الدكتوره ادتها برشام عشان البيبي لازم ينزل لان معاد العمليه لازم يتتحدد في اسرع وقت فضلت اطمن عليها لاني كنت مع ماما ولما روحت بكلمها قالتلي انها داخله العمليات محستش بحاجه غير اني بكلم سندس وبقولها
سيلا. ماما وبدات تعيط جامد راح عليها احمد وحضنها
سيلا. احمد يماما شوف احنا قولنا مستحيل تعمل كده بس طلعت بتعمل كده عشان تخبي علينا وجها
كلو مصدوم سمع مصطفى الكلام واعد على الارض من الصدمه هو طلقها اه بس مكنش عايز تبقا دي النهاية هو سابها بس قلبو لسه معاها
غيث ليث في حالة صدمه فادي بنتهم مش اخوتهم هما الي ربوها معقول استحملت الوجع لوحدها واحنا محدش فكر فينا يقف جمبها او يحس بوجعها حته طبعا كانو كلهم موجدين حته عيالهم وعز لماوعرف راح
عز. اي ياجماعه في اي

 

 

زينه. جوري اول ماقالت لينا جينا علي طول
سندس. ريم في العمليات
زينه. خير ان شاءلله ان شاءلله تبقي كويسه الجو مكهرب
مفيش اي حاجه ولا اي حد يطمنهم ساعه
ساعتين
تلت ساعات وبردو مفيش حاجه
وبعد ساعتين
اتفتح الباب وطلعت الدكتوره بتعب وحزن شديد وكانت خارجه بتمسح دموعها ولقتهم كلهم واقفين جريو كلهم عليها
سيلا. ماما ماما كويسه صح
الدكتوره بحزن. انا مقدره موقفكم احنا عملنا الي قدرنا عليها البقاء لله وقعت الصدمه خلاص
سيلا. لا لا ماماااا لا مستحيل تسبني وتمشي لا ماما عايشه انا عاوزه اخشلها ياماما وزقتهم كلهم وجريت علي اوضة العمليات دخلو وراها كانت ريم غطوها
سيلا. لا لا ابعدو عنها انتو بتعملو اي ابعدو بقولكم دخلها احمد
احمد. سيلا مينفعش كده حرام
سيلا. لا ماما عايشه انا عارفه هما مينفعش يغطوها ياحمد ماما ماما عايشه
دخل غيث خدها في حضنو وشدها وطلعو اعد مصطفى علي الارض ودموعو نزلت
خلاص يارب هو انا في حقيقه ولا حلم
معقول حب عمري سبتني وراحت
معقول خلاص حكايتنا خلصت
معقول مشيت بسهوله كده الكل انهار
سندس.اختي انا عاوزه اختي لا انا عاوزه اختي يارب يارب وقعت في الارض وبتعيط جامد كل بيعيط بزعل البنات كلهم الشباب واقفين بحزن جامد احمد الي عيونو لمعت بالدموع بس مش عاوزه تنزل غيث وليث الي في صدمه واخدين سيلا في حضنهم انهيار انهيار
وزاد الانهيار اكتر لما طلعت عشان يدوها التلاجه عشان تصاريح الدفن حالت انهيار صعبه اوي حصلت وصوت سيلا جامد
سيلا. لا ماما سبوها وسعو رايحن علي فين ابعدو
ومصطفي الي مش قادر ينطق ولايقول حاجه مشيت وخدت قلبها وسابت جسدو بلا روح
في الصباح
حاله صعبه من الانهيار
ودعوها ودفنت ريم
وحاله من الحزن والقهر الشديد بليل في العزا راحت الدكتوره لما عرفت العنوان وطلعت فوق

 

الدكتوره. البقاء لله انا الدكتوره الي كنت متابعه مع الحاله
ليل. اهلا وسهلا
الدكتوره.انا عارفه انو مش وقتو بس مدام الله يرحمها سابت معايا جواب ووصتني لو مخرجتش اديه لاولادها
سيلا. انا انا بنتها هو فين هو فين
الدكتوره. براحه ياحبيبتي اتفضلي اهو خدتو منها سيلا بسرعه وفتحتو وبدات تقرأ الي فيها
ريم. ساعت لما تقرأو الي في الجواب ساعتها هعرف اني مبقتش وسطكو
اولا ابنتي الغاليه سيلا
انا بحبك اوي ياحبيبتي انتي قطعه من قلبي عاوزكي تخلي بالك من نفسك كويس وتحققي كل حاجه كان نفسك فيها انا اه هكون مش موجوده معاكي بس حاسه بيكي وسط كل نجاح هتوصلي ليه اوعي الحزن يتمكن منك ساعتها مش هكون مبسوطه عاوزكي تبقي قويه وتتحملي وتعدي الفتره الصعبه دي
ثانيا ابني احمد اول فرحتي فرحتك بنسبالي بالدنيا ومافيها
انا مش وحشه ياحبيبي زي مافكرت انا بس كان نفسي اشوفك عريس وكنت انا اخترلك العروسه بس انتا اختارت الي قلبك حبها
بتمنالك كل السعاده والفرح الي في الدنيا
ثالثا اخواتي العزازء
اتمنا افضل في قلوبكم كلهم
ولو زعلت حد مني في حاجه فانا اسفه
غيث عارفه اني كلمتك بطريقه وحشه اوي بس كان غصبن عني
ليث اسفه علقت قلب يارا معايا من غير قصد
سندس عارفه اني اتلهيت عنك والدنيا خدتني
بس صدقوني انا بحبكم اوي
انتو السند الي. كسبتو في الدينا ودلوقتي حابه تدعولي من قلبكم وافضل ذكري حلوه في حياتكم
رابعا ابناء اخواتي
بحبكم كلو خلو بالكو من سيلا مش عاوزها تحس انها بقت وحيده يوسف انتا اكتر واحد قريب من احمد خليك جنبو لغايت مايسنا ويتخطا مرحلة الحزن
يارا حبيبتي انا غلطانه في. حقك عليا متزعليش مني

 

كل اولاد وبنات اخواتي بحبكم اوي ولو في يوم زعلت حد مني فاحققو عليا
خامسا واخيرا
مصطفى حبيبي وروحي وكل حياتي
انا اسفه صدقني كان فصل غصبن عني عارفه اني اختارت اتوجع لوحدي بس مكنتش اقدر اشوف الحزن في عينك
انتا كل حاجه حلوه في دنيتي
اسفه علي خطا عملتو ودلوقتي افتكرني بكل خير كنت رفيق الرحله وكنت صاحب والحبيب والصديق وكل حاجه خلي بالك من نفسك كويس ومش عاوزه الحزن يتمكن منك انا بحبك وعمري ماحبيت غيرك اتمنا تعدي المحنه دي علي خير
واخيرا
انا معرفتش حد عشان مبحتش اشوف القهر والحزن والزعل علي حد فيكم في ارجوكم ان تدعو لي وان الحزن والزعل ميطولش مابينكو وبس كده بحبكو كلكم(ريم)
يتبع

 

 

• لقراءة باقي فصول الرواية أضغط على (رواية للعشق معاني اخرى)