رواية رغبة في الإنتقام الفصل الرابع والعشرون 24 بقلم نوسة حمد

رواية رغبة في الإنتقام الفصل الرابع والعشرون 24 بقلم نوسة حمد

 

 

البارت الرابع والعشرون

 

#رغبة_في_الانتقام24
#نوسه حمد
اخواني انتهو من الامتحانات وانتهيت من هم قلت ليهم الليله نحتفل وقلنا لي نادر م تمش الشغل قال لينا تمام قومتا نظفت البيت ورتبتو وابوي كل دقيقه اقول لي كفاك ضهرك انقصا اقول ليهو لا لا يا ابوي ما تعبت والله كويسه بعدين برقد ارتاح قال لي لا لا الشقاوه كعبه قلت ليهو خلاص ندي خلصت امتحانات ح تمسك النظافه وانا امسك الاكل وناجي بترسل لينا قال لي اي الحمد لله يخففو عليك الحمل شويه انا من لاقيتك للان م حسيتك مرتاحه في جسمك ولا مهتمه بي نفسك البنات ما بعملن البتعملي دا قلت ليهو كل زول بياخد نصيبو وانا نصيبي اخدتو شقاوه قال لي انا متاكد انك ح ترتاحي قلت ليهو مافرقت جسمي اتعود علي الشقاوه بتكلم مع ابوي كده سمعت زول بنادي لي طلعت لقيتا ام مهند سلمت عليها ورحبت بيها طبعا ابوي من يشوفها بقعد يتكبكب هي زوجها متوفي قلت الخوف ابوي يكون عينو عليها ويدخلنا في ضفورنا احتمال الناس ديل م عندهم الواحده بعد راجلها يموت وتكبر تتزوج قلت لازم انبهو عشان ما يحرجنا وهي زاتا بتتكيف ليهو كيف واول مره اشوف ابوي وناس ونسه مبالغ فيها عملت ليهم القهوه ورميت الزلابيه والجو كان مقيم رهيب طلعنا السراير بره وبقينا نتونس ونادر جا سلم عليها وقعد معانا ام مهند قالت لينا انا جيت اناسبكم بقينا نعاين لي بعض قلنا ليها نحنا لاقيين وين قالت عايزه ندي لي مهيد وامس فتح معاها الموضوع دا وقال ليها تجي تكلمنا ابوي طوالي قال ليها نحنا زيكم ما بنلقا وولدك ولد مهذب

 

 

 

ومحترم احسن منو م بلقا لي بتي انا موافق طوالي انا ونادر شيلناها بصوت واحد قلنا ليها نحنا كمان موافقين خلينا بعدين نستشيرا ونشوف رايها وح نرد عليكم قالت لينا لا لا اخدو راحتكم وقعدنا اتونسنا ونستنا ديك وانبسطنا شديد وندي وناجي كانو نايمين بعد مسافه صحو وكانت ام مهند فاتت ابوي ونادر شغلوها لي ندي العروس العروس وهي م فاهمه شي قلت ليهم يا جماعه م تعقدوها خلوها تفهم ونشيل رايها لانها هي صاحبت الشأن طوالي وريتا عديل سكتت م قالت شي تاني قالت لينا انا عايزه اقرا قلتا ليها ومالو اتزوجي واقري ماف عرس منع القرايه قالت لينا بس انا م عايزه اقرا هنا عايزه اقرا في جامعه الخرطوم طب قلنا ليها مهيد زاتو احتمال شغلو يكون في الخرطوم وانسب ليك زول مهيد ما ح تلقي زيو ادب واحترام قالت لينا خلاص البتشوفوهو انا قربت ازغرت ليها لانها مسكينه وطيبه وصحي علي نياتكم ترزقون مهيد زاتو زول هادي ومحترم وما متكبر نهاي يوم كان حلو ومميز وعمرنا ما اتلمينا لمه زي دي كنا محرومين من اي جو اسري كنا بس بنتلم في امي اول م يجي ابوي كل واحد بلزم سريرو وكل موقف حلو امر علي بتمني امي كانت تعيشو معانا بس الحمد لله ❤️
بعد يومين ابوي ادا مهيد رد وطوالي قالو بجونا اجيبو ليها الهديه والتلفون وقوله الخير ابوي قال ليهم م عايزين قوله خير تعالو ساي وقالو بجو الجمعه واليوم كان أربعاء وم عندي زمن نهاي بدينا ننظف انا وندي وناجي زاتو ساعدنا شديد وخلينا البيت ارقش وغيرنا ليهو اللون وتاني يوم قعدت خبزتا وجهزت نفسي تماما نادر قال لي نجيب لينا خروف نضبحو ونعمل ليهم اكل عديل قلت ليهو الشايفو مشا جاب الخروف وانا مشيت عزمت جاراتي قلت اجن اساعدني في الاكل وما شاء الله ماقصرن نهاي واي شي عملنو لي ومشيت حجزت لي ندي فستان وقالت ولا روج م ح تعملو حنساناها رفضت شديد قالت بس بي طبيعتا تكون قلت ليهم خلوها بي راحتها المهم بس تلبس فستان للخطوبه لانو نحنا م عندنا فساتين لبسنا كلو عبايات من نحنا صغار امي معودانا علي العبايات الفساتين ديل كان بشوفهن في البنات قالت لي احجزي معاي قلت ليها لا لا لا اظن انا لو خطبوني بقعد بي عبايه م ح البس فستان راجعين البيت لاقانا مهيد في الشارع سلمت عليهو وندي حلفت ابت تسلم عليهو التقول صبت فيها مطره قال لي خليها بي راحتها لمن مشينا منو قلت ليها اقول متخلفه قالت لي ما يقول قلت ليها سمح بكره لمن يجي يلبسك الدبل شعورك بكون شنو قالت لي وليه يلبسني بلبس براي قلت ليها كيف الكلام دا دي فضيحه الناس بضحكو عليكم قالت لي م يضحكو انا مفتكراها بتهظر قلت ليها بكره بنشوف قالت لي سمح وصلنا البيت لقينا جاراتي انتهت تجهيزات قالن لي بنجيك الصبح عشان نعمل الاكل قلت ليهن تمام
اليوم التاني جارتي جن جهزن الاكل وناس السيره جو وشايلين جنس شيل ما تقول خطوبه واكرمناهم وجابو ليها سد بتاع دهب وتلفون ومهيد جا ومعاهو اصحابو عشان يلبسو الدبل الناس تزغرت والاولاد يبشرو قلت الليله الله يستر ح تحرجو وفعلا جا يلبسها الدبله مسكتا منو لبستا براها والناس يوسوسو في البقول مغصوبه ومجبوره وفي البقول العروس ما عاجبها اي شي كترت الاقوال واختي فهما انو م يمسك يدها وهو م عاقد عليها بس البفهما منو ومهيد الوحيد العارفها بتخجل منو اليوم عدا علي خير خربتو ندي بي حركتا دي
مرت الايام والشهور وجا يوم ازاعه الشهاده المتوسطه وكنا عايشين علي اعصابنا مهيد جاب لينا البارد والحلاوه من بليل وجو حضرو معانا المؤتمر وندي تبكي وناجي ابكي انا غلبني اسكت ياتو فيهم فجاه زاعو ندي وهنا كميه الفرح مع الحزن مع المشاعر المتلخبطه ابوي ماسك ندي ويبكي في نص الحوش وبردد كلمتين تعالي يا اميمه شوفي بتك رفعت راسك وزاعوك يا اميمه في التلفزيون ابوي شده م ببكي قرب يغمي عليهو نادر يمسك فيهو وهو مكنكش في ندي وانا بهناك مع ناجي متوقع يزيعوهو ولسه ما زاعوهو اتوتر ووترني معاهو م قدرت افرح مع ندي حاسه بيهو قلبو مقطوع ولسه م زاعوهو قلت ليهو تعوض في الشهاده السودانيه قال لي م تقولي لي كده انا عايز يزعوني هسي يا نوسه ونزل ليهو دموع غزيره قسمت قلبي النص وشغال لي ان شالله ي نوسه بزيعوني قومي صلي ليك ركعتين طبعا هو عايش علي اعصابو وابوي شغال ليهو انت راجل م تبكي هسي بزيعوك وبقا يضحك فيهو وناجي كانو م معانا انا جريت اتوضيت وبقيت اصلي وادعي ليهو ودموعي عشره عشره في صلايتي ديك سمعت الكواريك وناجي بقول نوسه تعالي تعالي انا كرعي اتربطن في بعض غلبني زاتو اقوم في لحظه جاتني من الخلعه ما عرفت الانسان بمشي بي كرعينو ولا يدينو وخلاص عقلي بقا م شغال بقيت احبا الحبيان الواحد دا وماسكه ليهم فشنو فشنو ندي جاتني جاريه قالت لي ناجي زاعوهو قومتا زي الطلقه وجريت حضنتو علي وبقيت ازغرت وازغرت كل ما اتزكر نجاحهم ازغرت واحلي يوم كان في حياتي والناس داخلين ومارقين وناس المدرسه والاذاعه والحله انقلبت قلب قالو اول مره يزيعو ليهم ناس والهدايا من ناس المدرسه ومن لجان مقاومه الحله وضابحين قريب العشره خرفان واحساس كان مبالغه الحمد لله ربنا جبر خاطرنا ❤️❤️❤️🫰🏻🫰🏻🫰🏻🫰🏻🫰🏻
ختينا نجاحهم حالات وكل الاهل باركو لينا وقالو مدرسه ناس عمار ندمو انهم طلعوهم من المدرسه دخلت علي منار مرتو باركت لي شكرتها
بعد كم يوم اتفاجاه بي اتصال من خالي بارك لي واعتزر لي علي اخر موقف قلت ليهو لا لا ربنا كريم الدنيا م وقفت عليكم نحنا وقعنا وقومنا وماف زول مدا لينا يدو غير الغريب اعتزر لي اعتزار شديد لدرجه انو احترت انو دا خالي قال لي نحنا جاينكم بكره نبارك ليكم قلت ليهو تشرفو في اي وقت وحبابكم الف قفلت منو وكلمت ابوي ونادر ابوي بقا يطنطن قلت ليهو ابوي الضفر م بطلع من اللحم وديل خيلاني مهما كان قال لي ماف مشكله بس خيلانك العملو معاي هو الوصلني للانا فيهو قلت ليهو كيف قال لي خليني ساكت بس قلت ليهو لا يا ابوي اتكلم قال لي لو اتكلمت ح يغير شي قلت ليهو احتمال يغير قال لي في حاجات امكم كانت داساها عشان هي بتحترم اهلا شديد بس م لقت منهم ربع احترام قلت ليهو كيف قال لي انا لاقيت امك في مناسبه اعجبت بيها وحاولت اصل ليها الزمن داك امك م كان عندها تلفون وصلت ليها عند صاحبتها واتفقنا نتزوج وانا الزمن داك كنت شغال في شركه بتاعت مواد غذائيه قلت ليهو ابوي انت كنت شغال قال لي اي خليني اكمل والزمن داك اهلي كانو خاطبين لي بت عمي والخاطبنها لي هي بتكرهني وانا بكرها وما كده بس هي بتحب ولد عمي التاني وعشان م

 

 

تقول لي اهلا قالت لي قول م عايزني والزمن داك ابوي كان متعصب ماف زول بفوت كلمتو عليهو جيت انا قلت ليهو عايز بت اسمها اميمه من شرق النيل وماعايز بت عمي ابوي طردني عديل المهم طلعت واتزوجت امك بالقوه من خيلانك وسكنت مع خيلانك وكان عندي دوام مسائي بجي متاخر خيلانك كانو بقفلو الباب مني وبطردوني وامك كانت م قادره تفتح خشمها لغايه م بي سببهم اترفدت من الشغل وبقيت لافي ساي اتلميت علي شله وحصل الحصل وامك كانت خجلانه تقول الحقيقه بس انا اتعاملت اسواء معامله من خيلانك وناسيين انو اي شي قسمه وابوي لمن مات م عافي لي لاني م عرست بت اخوهو الكانت عامله علاقه مع ود عمي في السر الاهل كانو بضعو قرارات ما بكونو عارفين ورا قراراتهم دي شنو انا دموعي بقت عشره عشره قلت ليهو ياريتكم من الاول م قعدتو مع اهل امي قال لي ياريت لو بتعمل شي كانت عملت بس خلاص دا ماضي وانا م قلتو ليكم الا لمن حسيتو اني م عايز خيلانكم وهسي بقو حنينين عليكم حنيه منهم م عايزها قلت ليهو م مشكله ا ابوي نكرمهم بس قال لي حبابهم مشيت منو وقلبي مقطوع عليهو ابوي الزمن دا كلو ما نطق بالكلام دا وفضل انو يكون م واعي والصدمات الدخلت عليهو هي السبب في رزيلتو
تاني يوم نادر مشا جاب خروف وضبحناهو واكرمنا خيلاني وشيلناهم في راسنا وابوي القال ماعايزهم يونس ويضحك فيهم وخالاتي حنينات دموعن م وقفت من دخلن لغايه م طلعن خالي قال لي انا عايز ندي لي ولدي عشان ما نقطع الرحم ………..يتبع

 

 

• لقراءة باقي فصول الرواية أضغط على (رواية رغبة في الإنتقام)