رواية لعبة القدر الفصل الثاني 2 بقلم يمنى محمد

رواية لعبة القدر الفصل الثاني 2 بقلم يمنى محمد

 

البارت الثاني

 

“إنتي بتهزري يا منى؟!”
الجملة دي فضلت تدوي في وداني حتى بعد ما الخط سكت.. فضلت ماسكة التليفون ومش سامعة غير صوت نفسي، وصوت قلبي اللي بيخبط زي طبل في صدري.
بعد دقيقتين رنّ عليّ تاني.. مسحت دموعي ورديت:
أيوه يا ياسر.
قاللي ببرود يقتل:
إنتي بتقولي إيه من شوية؟ حامل؟!
أيوه يا ياسر.. أنا حامل منك!
ضحك.. آه والله ضحك، ضحكة قصيرة زي السيف اللي بيقطع الروح:
منّي.. ما تفتحيش مواضيع مالهاش لازمة! إنتي عارفة إن اللي كان بينا كان هزار وخلاص.
هزار؟!!
الكلمة خبطتني في وشي زي طوبة.. هزار؟! ده كان كل حياتي يا ياسر! كل لحظة كنت معاك فيها كنت شايفاها دنيا جديدة.
قلتله بصوت عالي، مليان غل وقهر:
هزار؟! وأنا اللي دافنة وشي في حضنك وباصقة في وعودك؟! إنت كنت بتقولي هتتجوزني، هتخطبني، هتعمللي حياة!
رد عليّ وهو بيتنهد زهقان:
منى.. أنا عمري ما وعدتك بحاجة! إحنا كنا بنقضي وقت وخلاص، ما تكبريش الموضوع.
الدموع غرقت وشي، وأنا بصرخ فيه:
أنا حامل يا ياسر.. حامل يعني فيه روح جوة بطني! تعمل إيه؟!
قاللي بكل برود الدنيا:
دي مش مشكلتي يا منى.. حلّيها لوحدك. وأنا مش عايزك تكلّمني تاني.
وقبل ما ألحق أرد، قفل السكة!
الموبايل وقع من إيدي.. حسيت روحي بتتسحب مع نغمة الإغلاق.. أنا الوِحيدة دلوقتي.. وحيدة وبجوايا فضيحة ماشية على رجلين!
—
رجعت البيت، ودماغي بتغلي:
أبويا؟! لو عرف يقتلني.. أمي؟! تموت قبل ما ترفع عينيها في وشي.. إخواتي؟! هيفضّلوا طول عمرهم يلعنوا اليوم اللي اتولدت فيه.
كنت قاعدة في أوضتي، بصيت في المراية.. وشّي كان باين فيه الرعب.. أنا خلاص مش أنا.
بطني صغيرة، بس كل يوم هيكبر.. كل يوم السر هيبان أكتر.. وأنا مش عارفة أعمل إيه!
بدأت الأفكار السودا تزن في دماغي.. أهرب؟ أقتل نفسي؟ أقتل العيل اللي في بطني؟!
لكن كل ما أفتكر الكلمة اللي الدكتورة قالتها:
“فيه روح جواكي”
أبصّ على بطني وأعيط أكتر..
إزاي روح بريئة تتحاسب على غلطة اتنين؟!
وسط الزحمة دي، تليفوني رن تاني.. بس المرة دي كان رقم مش مسجّل.
رديت بصوت مخنوق:
أيوه؟
جالي صوت ست، غريب، جامد، وقالت:
إنتي منى؟
أيوه.. مين معايا؟
قالتلي ببرود يخوف:
ياسر خطيبي.. عرفتيه منين؟
الهواء اتسحب من صدري.. والدنيا اسودّت تاني.

 

 

• لقراءة باقي فصول الرواية أضغط على (رواية لعبة القدر)