رواية كريمان ومراد – قلب لا يلين الفصل الحادي والخمسون 51 بقلم نورا نبيل

رواية كريمان ومراد – قلب لا يلين الفصل الحادي والخمسون 51 بقلم نورا نبيل

 

البارت الحادي والخمسون

 

الله يسلمك
اكملت قائله بترقب :-
تحت امرك يامراد بيه تؤمرنى
_ لو سمحت هاتى لكوكى اكل خفيف تفطر بيه، وعصير بعد اذنك ،اعمليها اكل خفيف على الغداء
-تمام يا مراد بيه حالا ها اعملها احلى فطار، واجيبه مع عصير فريش.
تحدث مر اد الى كريمان قائلا يترقب رده فعلها :’-
بقولك ايه يا كوكى زين طلب منى ايد مريم لكريم ابنه انت ايه رأيك حياتى ؟!!
ازدردت كريمان ريقها بهدوء ثم تحدثت قائله بوهن :-
انت قولته ايه يا حبيبى ؟!!
احتضنها مقربا اياها لصدره همس لها بنبره حائره قائلا:-
مش عارف ياكوكى حقيقى محتار انا شايف انها لسه صغيره ،والولد كمان.
ابتسمت كوكى برقه على حيره زوجها ،فهتفت به بنبره رقيقه قائله ،وهيا تتأمله بحب :-
وافق يامراد اصل هو قالك مجرد خطوبه، وهما وهايبقوا تحت عنينا
وكمان فرصه يفهموا بعض اكثر ويعرف كل واحد فيهم

عيوب ،ومميزات التانى. بعدين انت بتقول زين صاحب عمرك

اردف مراد قائلا بأبتسامه مشرقه:-
عندى ليك خبر حلو قوى مش زين اخوه خلصنا من موضوع مريم للابد والولد تليفونه اتحرق
احتضنته كوكى بسعاده قائله :-
الحمد لله واخيرا ده مريم لما تعرف هاتفرح قوى.
عندك حق ياكوكى بالمناسبه موضوع كريم ها ابقى اكلم زين يجيبهم ويجوا مره يزورونا.
انتهت كريمان من تناول الطعام ، وجلست بجوار مراد بعد ان اخذت دوائها مر بعض الوقت ،وهيا جالسه برفقته فشعرت بالنعاس يداعب أجفانها حملها مراد ،ودلف بها برويه لغرفتهم ثم وضعها على الفراش ،ودثرها بحب ثم غادر للمكتب سريعا بعد ان اوصى منى عليها لينفذ ما عزم عليه.

*******************.******
استقل سيارته متوجها الى الشركه بعد ان قام بمهاتفه ساره لتلق به بالشركه بعد ان حدث اياد ليخترق له هاتف ساره بعد ان ارسل له رقمها ،وصفحتها على الفيس بوك
صف سيارته امام الشركه ،وترجل من السياره متوجها
الى داخل الشركه، وتوجه الى مكتبه ينتظر قدوم ساره على احر من الجمر .
ما كاد يمر بعض الوقت حتى فوجئ بساره تندفع الى داخل مكتبه ،وهيا تكاد تركض
دلفت الى المكتب بخطى سريعه حتى انها كادت ان تتعثر من فرط السرعه التى تسير بها .
تشدقت بدلال مبتذل حين جلست امام مراد واضعه قدم فوق الاخرى ،وهيا تنظر اليه بنظرات ولهه قائله:-
مراد حبيبى كنت عارفه انى مش ها اهون عليك ،وانك ها تبعتلى تصالحنى اكملت قائله بنظرات مائعه ،وهيا تكاد تنقض عليه لتقبله عده قبلات ساحقه حتى تروى ظمأها له
قاطعها مراد محاولا ان يتحكم بغضبه حتى لا يبرحها ضربا حاول اضفاء بعض اللين على نبرات صوته قائلا:-

كويس انك جيتى بسرعه متوقعتش انك تيجى بالسرعة دى
اردف قائلا بترقب :-
بقولك ايه ياساره ايه رأيك ننسى الى فات، ونبدء صفحه جديده؟!!
ساره بلهفه شديده ،وسعاده غامره :-
طبعا يامرادى انت بس تؤمر ،وانا عليا انفذ
مراد بتأفف ،وابتسامه مغتصبه مد يديه لها بعقد من اللؤلؤ
يتدلى منه قلب صغير مزين بنقشوشات رقيقه
اكمل قائلا:-
وده الدليل على صدق كلامى
اخذت منه العقد بلهفه شديده ، وهيا تكاد ترقص فرحا قائله بسعاده غامره :-
انت بجد مش معقول يامراد العقد الجميل ده علشانى ؟!!
مراد بنفور ،وتقزز من مظهر ها الغير محتشم ،ومفاتنها التى تحاول استعراضها امامه :-
ابد ماتقوليش كده احنا من النهارده اصدقاء مش كده يا ساره؟!!
ساره بلهفه شديده ،وهيا ترمقه بنظرات تقطر رغبه :-
طبعا يا مرادى اكيد اكملت قائله بصوت خافت ،ونظراتها تقطر حقدا:-
قريب قوى هاتبقى ليا كلك يامراد بس انا حاليا ها اكتفى بصداقه.
نهض مراد مصافحا اياها على مضص ليتخلص منها سريعها حتى يعود لزوجته، واولاده
غادرت مكتبه ،وهيا تكاد ترقص فرحا من شده السعاده.
*****************
جلس حسين برفقه سوسن بأحد الكافيهات اخذت سوسن تدخن سيجارتها بصمت، وهيا تفكر اين ذهبت ساره ،وتركتهم ،وقادت سيارتها بسرعه جنونيه .
انتبهت على صوت حسين قائلا بحده:-
هيا الهانم راحت فين ،وسابتنا وخرجت تجرى كده؟!!
زجرته سوسن بحده قائله بغضب :-
انت مالك هيا حره تروح براحتها اكيد عندها حاجه مهمه.
المهم انت قولى مفيش جديد بموضوع كريمان دى؟!!
حسين بنظرات مقززه متأملا اياها بوقاحه:-
لقيت طبعا طريقه نحقق هدفنا بس محتاج بنت او ست علشان هيا الى هاتنفذالمهمه دى
سوسن بحده موبخه اياه:-
طيب ما تتصرف،وشوف بنت بسرعه تنفذ المهه د ى

_تمام يا ست الكل انا لقيتها فعلا ،وها اخليها تنفذ قريب قوى

**************************
جلس كريم يتحدث مع والدته محاولا ان يقوم بأقناعها
حتى لا يغصبه والده ان يقوم بخطبه ابنه صديقه قائلا بتوسل :-
ماما ممكن تكلمى بابا يعفينى ارجوك من موضوع الخطوبه ده انا مش عايز حاجه تشغلنى عن دراستى ،وانا لسه صغير
لسه بدر ى عليا قوى على ما افكر ارتبط.

ربتت نغم على وجنته بحنان شديد قائله:-
اسمع ياكوكو انت ماشاء الله كبرت ،وبقيت راجل زى القمر
عايزة بس اقولك ان بابا عارف مصلحتك كويس
عمره ياكوكو ما هايعمل حاجه تضرك انت اقعد ،واتكلم مع البنت ،واديها وادى نفسك فرصه يمكن ترتاح ليها ياقلب ماما

 

• لقراءة باقي فصول الرواية اضغط على (رواية كريمان ومراد – قلب لا يلين)