رواية كبرياء انثى الفصل السادس 6 بقلم روايات ليبية
رواية كبرياء انثى الفصل السادس 6 بقلم روايات ليبية
البارت السادس
رواية كبرياء انثى الحلقة السادسة
عدن الايام والاشهر والسنين وتغيرت امعاهن للأحسن قعدت دكتوره معروفه وعندي فروع مستشفيات في عدة بلدان تغيرت معش قعدة شهد القديمه
وجا اليوم لي انرد فيه ال ليبيا
مبيتش انقول الحد اني جايه اليوم واول مانزلت الطياره ووصلت ال ليبيا جتني مكالمه
ناا..وعليكم السلام
موظفه..لازم اتجي توا في حاله مستعجله لازم اديريلها عمليه عيل اصغير جيبينا داير حادث
ناا..هيا جاا دخلوا الغرفة العمليات مسافة الطريق ونكون غادي
الموظفه..تمام
عديت واول ماوصلت المستشفي
دخلت غرفة العمليات شفت العيل لصغير يشبه يوسف
الممرضه..يادكتوره هيا بسرعه الولد حايموت كان مدرتيلش العمليه ونقذتيه
ناا..فطنت ااا هيا توا حانديروا العمليه وان شاءالله تنجح
عداا وقت في العمليه وكان الولد لازمله دم
الممرضه..لازم دم فصيله Aموجب
ناا..حنتبرعله ناا
الممرضه..لالايادكتوره حياتك حاتقعد في خطر
ناا..اسمعي الكلام هياا
الممرضه..باهي
تبرعتله ب دم وقعدنا في العمليه 4 ساعات بعد طلعت انصدمت ب
شوفت يوسف
يوسف..وولدي كنا صارتله حاجه يادكتوره
ناا حولت الكمامه
يوسف..ااا شهد
ناا..الحمدالله ولدك حالته اكويسه بس حاانخلوه في العنايه اليوم وبكرى يطلع في غرفه عاديه
يوسف كان مصدوم
عمي..باهي الحمدالله وشكرآ يا دكتوره شهد
ناا..متشكرنيش هذا واجبي
صفاء..ياشهد مليون مرا قتلك معش اتبرعي ب دم وانتي ماتسمعيش في الكلام وانتي عارفه ان لو تبرعتي ب دم حاتقعد حياتك في خطر
ناا..عادي المهم الولد يقعد اكويس مستحيل انخليه ايموت عشان
حياتك حاتقعد في خطر
صفاء..والله انتي حاتقتليني ناقصه عمر
ناا ضحكت..بعد السو عليكي
صفاء..امتى جيتي وليش ماقلتيلي
ناا..اليوم كيف جيت رنوا عليا من المطار قالوا ان في حاله تبي عمليه فاجيت طول
صفاء.. اممم باهي
ناا..متزعليش مني انتي عارفه ليش مقلتش الحد
صفاء..مزعلتش منك وانا عارفه كل اللي مريتي بيه
ناا..الحمدالله ربي عوضني ب صديقه كيفك
صفاء..نجكليا يقلبي
ناا..ولياا
خليني انعرفكم بي صفاء لما وصلت تعرفت عليها لان حتي هيا تقرا طب ساعدتني وقعدة اقريبه مني ونا ويها نسكنوا مع بعض في سكن الجامعي وحكيتلها علي كل شي صار امعايا وكانت العوض من ربي وصاحبه الصالحه ربي يخليها لياا
كلا يوسف كان مصدوم
يوسف..ااا يارب بعد لسنين اتجي ونتقابل امعاها تغيرة قعدة اقوى واحلا وتفرض شخصيتها علي اللي قدمها يارب ليش سيبتها ياريتني كملت في الخطبه ولا سمعت كلام رنا وامي حانحاول انرجعها ليا مهما صاار لاني عارف انها اتحبني
ميعرفش ان شهد نساته ومعش اتحبه شهد تغيرت وتغير امعاها كل شي حتي حبه نساته
عندي نا وصفاء كنا نحكوا سمعنا صوت عركه مشينه انشوفوا شن في
رنا.. اصلآ مايهمنيش وخلي ولدك امعاك انا مخطوبه ونبي نجوز انت عاني ولدك وربيه ابروحك
يوسف..معندكش قلب هذا ولدك والله ماتستاهلي لقب ام تفوو علي اللي كيفك
رنا..احترم نفسك اا شهد جيتي من سفرك استني انوريكي خطيبي اللي عنده فلوس ويشتغل في اكبر مستشفى ولها فروع ههههه خلي فلوسك الروحك يلي متكبره بيهن يا حامد تعال
حامد..نعم حبيبتي
رنا.. تعرف ب هههه دكتوره شهد كانت اتقول فيها بستهزاء
حامد..ااا دكتوره شهد امتى جيتي من السفر
ناا..جيت اليوم
حامد..يارنا هذي دكتوره شهد اللي نحكيلك عليها واللي نشتغل عندها من احسن الدكاتره وعندها فروع مستشفيات ويطلبوا فيها برا بيش أدير عمليات وتعطي كورسات لدكاتره برا
رنا..اااا قصدك انتي هياا
نا ضحكت..ااها نا هيا وياحامد رنا اتكون بنت عمتي ؤد بالك منها قلتها بستهزاء وضحكت
حامد..باهي
يوسف مصدوم كيف انا منكسرتش بسببه وحولت كسري للقوى اغلب الشباب بعد يديروا علاقه ويسيبوا البنت يحسبوها تنكسر بالعكس البنت بعد الخذلان والخيانه تقعد اقوى واحسن مليون مراا من شخصيتها القديمه وتحاول اتصلح من نفسها وتقعد أجمل واحسن
صفاء..شهد هيا انعدوا بيش اتفاجأي عمي وعمتي والله مريفين عليك بكل
ناا..هيا توا نمشواا
يوسف..شهد ااا قصدي دكتوره شهد
ناا..نعم
يوسف..كلهم متجمعين في المزرعه
ناا..باهي هيا صفاء بيش نمشوا
صفاء..هياا
مشينا واول ماشفت المزرعه اذكرت كل شي صار امعايا نزلت مني دمعه مسحتها قبل ما صفاء اتحقهاا
صفاء..شهد نبيك قويه قدامهم وريهم ان شهد مفيش حد يقدر يكسرها وريهم شهد الدكتوره بنت الشيخ
ناا..ربي ايخليك ليا والله منغيرك منيش عارفه كنت شن حاندير
صفاء..ياهبله متقوليش هكي انتي اختي لو انا مكانك انتي مستحيل اتسيبيني صح
ناا..اكيد صح
صفاء..باهي هيا اضحكي
ناا ضحكت..هيا خلينا ننزلوا
صفاء..هيا
نزلنا واول ماخشيت امير شافني وقال شهد جيتي
كلهم بحتوا فيا وعلي جا يجري حضني
علي..اختي جت والله وتغيرتي ياشهد وكبرتي
ناا ضحكت..وانت مزال عقلك اصغيره
علي قطن ال صفاء
علي..ليش ماقلتي انا صاحبتك احداك حقت هبالتي
صفاء..لامتخفش حتى خوي كيفك بضبط كبير وهبل
كلهم ضحكوا
علي..شكرآ خليتيهم كلهم يضحكوا عليا
صفاء..العفوو
بابا..دكتورتي واخيرآ جيتي وجا حضني
ناا..ريفت عليكم بكل وين ماما
ماما طلعت من المطبخ نسمع في هرجه شن في ااا شهد بنيتي جيتي
علي..لالامزالت ماجت هذا خيالها
ماما اضحكت..اعقل راك كبير
جت حضنتني وقعدة تبكي ريفت عليك يبنيتي
ناا..حتى نا رايفت عليك خلاص معش تبكي مش قتلك نقرأ ونروح
ماما..انتي طولتي واجد بس
ناا..بس جيتك دكتوره
صفاء..مش دكتوره بس واحسن الدكاتره وعندها مستشفيات
كينه متعمده اتقول هكي قدام مرات عمي وعمتي
قعدن ايبحتن فيا بحقد وكره
ماما..هذي صاحبتك يا شهد اتهبلل مشاءالله عليها
ناا..هذي مش صاحبتي بس هذي اختي وشريكيتي الدكتوره صفاء
ماما..نجكلي اتهبل وانتي مخطوبه ياصفاء
صفاء اضحكت..لالا يعمتي
ماما..خلاص من اليوم انتي خطيبت ولدي وكنتي المستقبليه
ناا ضحكت..ماما البنت تحشمت
علي..امي حشمتي خطيبتي وكان يضحك
ناا..ايوا عجبك انتي عد اضحك
علي..نبي خطيبتي في كلمتين
ماما..علي امشي من قدامي يلي مااتحشم لما انعدي نخطبها لك احكي امعاها مش توا
علي..خلاص يمي عدي اخطبيها ليا بكرى من هلها
ناا..أنت كنك مستعجل
علي..قبل ماحد ياخذها مني ويجي يخطبها ديما صايره في الروايات
نا ضحكت..متخفش حاتقعد خطيبتك في الروايا هذي
علي..خليني نسأل الكاتبه شهد
صح حاتقعد خطيبتي
الكاتبه شهد..لالا ولد عمها حايخطبها ويجوزها وانت حاتجوز مسعوده
علي انصدم..لالاعععع انا حانقدم استقالتي من الروايا
الكاتبه شهد ضحكت..انبصر امعاك حاتخطبها انت
علي..فجعتيني قبل انجلطت ياك الل نخطب مسعوده بس الحمدالله تريحت انها حاتقعد ليا وخطيبتي
ناا..خلاص انتوا الاثنين بطلوا هدرزه وكملي الروايا يا كاتبه شهد
الكاتبه شهد..هذي حاتقتلنا خليني انكمل الروايا احسن
ناا..ايوا شاطره كملي الروايا
علي..الحمدالله صفاء خطيبتي
ناا..ينعلي صفاء حاتقعد خطيبت خويا يس يس
صفاء كانت ساكته ومتحشمه بكل ونا انبحت فيها ونضحك قلتلها
ناا..خلاص قعدتي طماطمه وجك حمر وقعدت نضحك وهيا قرصتني
ناا..ااا واعره ليش هكي
صفاء..تستهليها تضحكي عليا توا اتشوفي
ناا.انبصر امعاك يختي زعوله من أبسط حاجه تزعل خلاص متزعليش
صفاء ضحكت..خلاص مش زعلانه
ناا..ايواا شطوره
قتلهم نبي نتريح وركبت نا وصفاء
لدار رقدنا ونضت نبي نشرب ميا نزلت للمطبخ وشربت ميا نداني حد برمت لقيته امير
ناا..نعم امير تبي شي
امير..الحمدالله علي سلامتك ابدري مقدرتش انسلم عليك
ناا..الله يسلمك
امير..تغيرت عن قبل معش قعدتي شهد ال حساسه اللي ايبحت فيك اشوف قدامه بنت قويه تفرض شخصيتها عليك من دون ماتحكي
ناا..مفيش حد ميتغيرش ونا اللي صار امعايا غيرني للأحسن
امير..مزلتي اتردي بثقه مستحيل اتغير الطبع هذا فيك
ناا ضحكت..اكيد نحكي بثقه ناا دكتوره شهد مش اي حد
امير..في هذي عندك حق
سمعنا صوت ايقول فيش اديروا هنا
بحتت القيته يوسف
امير..ملكش دخل
يوسف..لا ليا ندخل وبذات ندخل لما تحكي مع شهد
ناا..وليش يعني لما يحكي امعايا بذات تدخل انت ملكش دخل اظن صح ولالا انت ولد عمي وبس ونتمني انك اتكون عند حدك امعايا
يوسف..نا قلت هكي لأنك بنت عمي
ناا..باهي بس امير ايكون صاحب خوي ووقف معاي واجد فامدخلكش بأي حد يحكي امعايا تمام
يوسف تعصب..تمام
امير بحت في يوسف بضحكه وهو امرفع حاجبه خلا يوسف يزيد يتعصب ويطلع
ناا..اسفه
امير..متعتذريش عادي اصلآ مفروض هو اللي يعتذر
ناا..تصبح علي خير
امير..وانتي من اهلي
نا نحساب روحي مسمعتش اكويس مشيت ركبت الداري لقيت صفاء نايضه ومعندنش نوم لانه رقدنا حطينا علي فلم رعب وسهرنا مع بعض للفجر بعدها صلينا ورقدنا
عند يوسف
عدا الأمير وقاله
يوسف..متحولش اتقرب منها احسنلك
امير..مزال عندك عين تحكي بعد اللي درته فيها هيا حاتكون ليا ونجوزها
يوسف..مستحيل اتكون لك انا صح غلطت لما سيبتها بس حاانعوضها علي اللي فات ونجوزها نا
امير ضحك..توا انشوفوا وبينا الايام ونشوف شهد حاتكون المن فينا طلع وسيب يوسف متعصب
يوسف..مستحيل انخليها اتضيع مني مرا أخرى
___________________________
هل شهد حاتسمح يوسف ويجوزوا او لالا ومن اللي حايفوز يوسف ولا امير
وهل عجبكم تغيير شهد وقوتها
وشفتوا ربي وراها خيانت صاحبتها الها وعوضها بي واحده احسن منها
يتبع….
- لقراءة باقي فصول الرواية اضغط على (رواية كبرياء انثى)