رواية كبرياء انثى الفصل الخامس 5 بقلم روايات ليبية
رواية كبرياء انثى الفصل الخامس 5 بقلم روايات ليبية
البارت الخامس
رواية كبرياء انثى الحلقة الخامسة
ناا..بحتت فيهم وصفقت انتوا لعبتوا مع الشخص الغلط
كلهم انصدموا من ردة فعلي
نا خذيت تلفوني ورنيت
ناا..ألوو تقدر اتخش
وهنا كانت الصدمه خش مؤيد
يوسف ورنا انصدموا
يوسف..انت فيس أدير هنا مفروض اتخاف اتجي بس انت جيت للموت بكرعيك
مؤيد..نا جيت بيش نحكي الحق وكيف خدعتني رنا
رنا..صفقت اكيد توا تبي تقلبيها عليا يا شهد انتي وحبيبك بس مش حااتقدري
علي..مؤيد احكي الحق ومتكذبش
مؤيد..نا حانحكي الحق وماعندي ليش نكذب
اول حاجه يوم ما رنا وشهد كاينات في المول نا عجبتني شهد بس هيا معطتنيش اي اهتمام بس رنا لاحظت إعجابي بيها وجت قالتلي
رنا..انتى من بدري وتبحت فينا
مؤيد.. اا قطعت عليه رنا وقالتلي
رنا..عارفتك معجب بي شهد حتى هيا معجبه بيك وتبي رقمك
مؤيد..استغربت لانى هيا مش معطيتني اي اهتمام وقتلها هيا مش معطيتني اهتمام كيف انصدق انى هيا معجبه بياا
رنا..ااا لاغير شهد اتحشم فعشان هكي انت حسيت انها مش مهتمه بيك باهي تبي تعطيني رقمك وتقولي اسمك ولا انعدي انقوللها ميبيش
مؤيد..اا لالاهي رقمي …..ونا اسمي مؤيد وبأذن الله نتعرف عليها فترا ونجي نخطبهاا
رنا..باهي نا ماشيه نعطيها رقمك
مؤيد..باهي
عندي ناا
ناا..كنها طولت في الحمام
رنا..جيت
ناا..كنك طولتي ؟؟
رنا..االالا غير تهيالك مطولتش مزلت ماشيه هيا خلينا انروحوا تأخرنا
ناا..باهي هياا
الوقت الحاضر
مؤيد..ونا منهن قعدة انكلم في شهد ودرت معاها علاقه شهرين وكنت نبي نخطبها لولا جت في يوم قالتلي انها انخطبت ومعش اتكلمني وعلاقتنا انتهت هذك اليوم نا اتعبت وحلفت معش انحب وانى البنات كلهن خاينات بعدها بي فترى تقابلت مع شهد مقدرتش نمسك روحي اني انعدي ونقولها ليش درتي فياا هكي ونا اللي حبيتك
مؤيد..ليش درتي فيا هكي كان من الاول مدزيتيش صاحبتك وخذيتي الرقم ليش خليتني احبك بس صاحه لكي قدرتي تضحكي علياا
ناا..انت فيش تحكي انت هبل نا منعرفكش اصلآ
مؤيد..توا نكرتي انك تعرفيني
ناا..نكرت شنو صح والله نا منعرفكش بكل
مؤيد..متهبلينيش ناا مؤيد لي قابلتك في المول ودزيتي صاحبتك تاخذ رقمي لأنك متحشمه
ناا..هذي مش ناا بس استني عرفت انت اللي كانت تحكي عليك
مؤيد..كيف مفهمتش حاجه
ناا..استنى اسمع التسجيل هذا وتوا تعرف كل حاجه
وهذك الوقت سمعت التسجيل وعرفت كل حاجه وقالتلي توا انكلمك في اليوم اللي يبوا يخدعوهم ويقولوا انى اناا خاينه
وتفقني وهذا كل اللي صار
رنا..كذاب كل حاجه قلتها كذب انا مكلمتكش ولا نعرفك
يوسف..رنا متكذبش شهد خاينه وهو اكيد ايدافع علي حبيبته
علي..احترم نفسك يايوسف كل حاجه بانت
عمتي..هذا كش دليل شن عارفنا انك متكذبيش وبنتي مستحيل أدير هكي هيا متربيه احسن تربيه توا بتحطي بلاكي في بنتي وطلعيه قليلة ادب
مرات عمي..صح رنا متربيه ومستحيل أدير هكي
نا..ضحكت اكيد لأنكم كلكم امخططين ومستحيل اطلعوا اعيلكم غلطانين بس نا عندي دليل أخرى وسمعتهم التسجيل
كلهم انصدموا
رنا ويوسف..اا مستحيل هذا كلا كذب و توا يقدروا ايديروا بيه كل حاجه
امير..باهي هذا امكذبينه استنوا اشويه
علق تلفونه علي الشاشه وعرض فيديوا ال رنا ويوسف وهما ايخططوا
رنا.. يوسف اليوم لازم نفضحوها ونديروا سبلت الشهاده نا اندير.روحي نبكي
يوسف..انتي عادي عندك انك مانجحتيش
رنا..عادي اصلآ مش حاانكمل اقريه بعد نجوزوا حانقعد بيش انربوا اصغارنا
يوسف..احسن حل نا نبي انشوف شكل شهد وصدمتها وشن حاايديروا فيها
رنا..اكيد حايقتلوها
يوسف..احسن وهيا تحساب روحا اميره وكلا ايحبه
رنا اضحكت
كلنا انصدمنا ونا كاين معنديش علم بي الفيديوا
عمي..ناا ربيت اديري هكيي والله اني معرفتش انربي وانتي بدال ماتوقعت وتفهمي بنتك اتساعدي فيهاا
مرات عمي..نا كنت
عمي..اسكتي منبيش نسمع صوتك
يوسف..تريحتي توا بس عادي المهم اني خذيت افلوسك كلهن وفلوس باتك بعد جيتك وقعتي علي الأوراق
هنا كلهم انصدموا
نا ضحكت..انت قريت لوراق بعد انا وقعتهن
يوسف..لالا مقرتهنش ليش؟؟
ناا..بدلت الأوراق وخليتك اتوقع ونا انوقع وتوا انت تنزلتلي علي كل شي تملكه
مرات عمي..سرقتي اولدي ياسراقه
ناا ضحكت..متخفيش مخذيتهنش لاني مش ماديه والحمدالله عندي افلوس نقدر نشري بيهن مليون واحد كن موديلكم الجعان فلوس
تنزلت عليهن العمي ومشيت عطيت عمي لفلوس بعدها مشيت ليوسف ورنا وقلت الرنا
ناا..انعيشوا ونعزقوا الوسخ وتعيشي وتلميه
يوسف..قصدك نا الوسخ
ناا ضحكت..شاطر طلعت عارف روحك
انتن يا مرات عمي وعمتي كنت اتقولن عليا مش متربيه وقليلة ادب
توا نا انقوللكن انكن معرفتنش اتربن وتحسابن ماما كيفكم مستحيل توصلن المستواها هيا بنت شيخ وانتن متسونش احداها حاجه
وتوصلنش في تربايتي لان اللي امربييني شيخ وبنت شيخ
عمي..اسف ياخوي وحانطلقها ونتبرا من هل ولد
ناا..ياعمي لا اطلقها ولااتبرا بس اسمحلي في الكلمه هذي ربيهم اكويس
وبحتت في يوسف ورنا وقتلهم
ناا..لعبتوا مع الشخص الغلط مع بنت الشيخ و عزقتله دبلته وامير جاب حاجته من السياره اللي كان ايجيبلي فيهن وعزقهن عليه طلعت افلوس من شنطي وعزقتهم عليهم وقتلهم
ناا..اشبعوا مش تبوا فلوس هذينا فلوس
برمت علي بابا وماما وعلي لقيتهم مبتسمين وقالولي
بابا..مستحيل انشك فيك ولا في تربيتي لكي انتي بنت الشيخ أحمد
اللي الكل إيهاب منى خليك ديما رافعه راسك
ماما..هضي بنتي اللي ماتسكتش علي حقها
علي..والله وطلعتي ذكيه وتقدري تاخذي حقك نفتخر اني خوك
نااا..شكرآ وهيا خلينا انروحوا منبيش نقعدا في بيئه منافقه
بابا..هياا
طلعنا روحنا وروحوا امعانا صاحب بابا وهله
بعد وصلنا الحوش قعدنا انهدرزوا وكلهم يحكوا عليا وكيف خذيت حكي يسرى قالتلي
يسرى..احسن لقطه لما قالتيلها انعيشوا ونعزقوا الوسخ وانتي اتعيش وتلميه وهوا وجهه انصفر وقالك قصدك نا الوسخ
كلهم قعدوا يضحكوا علي قال
علي..هذي هيا اخت الضابط وبنت الشيخ
وقال الأمير انت كنت تعرف قبل
امير..اا لالاسمعتهم وهما يحكوا وصورتهم بيش انوريه لكم بس طلعت اختك قايمه بالواجب وزياده
ناا..شكرآ ياأمير
امير..ماتشكرينيش هذا واجبي
ناا..بابا شن قلت في الموضوع اللي قتلك عليه ونتمنا انك اتوافق
ماما..شنوا هو الموضوع
بابا..شهد تبي اتسافر تقرا برا
ماما..لالا متسافرش انخاف عليها متعديش وتسيبيني
بابا..مينخفش عليها شهد بعد اللي دراته
نا..صح وانشاءالله انكمل اقريه ونروح طول مش حاانطول
بابا..خلاص سافري بس بعد ماانديرلك حفلة نجاحك
ناا..تمام دير الحفله يوم الخميس عشان طيرتي يوم الجمعه
ماما..تبي اتعدي وتسيبيني
ناا..عديت حضنتها مش حاانسيبك نا نبي نقرأ ونروح كل يوم حاانكلمك
علي يبي ايغير الموضوع قال
علي..ليش ماقلتيلنش علي خيانته لكي
ناا..نبي انديرها مفاجأه زي الافلام الاكشن
كلهم اضحكوا وقعدنا انهدرزوا بعدها كل واحد خش يرقد
نا لفيت امير ابروحه عديت وقتله
ناا..انت اللي كلمتني وحذرتني منهم
امير..كيف عرفتي
ناا.حسيت انك انت شكرآ لأنك عرفتني حقيقتهم انت السبب الأساسي اني نكشفهم
امير..كم مرا قتلك متشكرنيش هذا واجبي وتوا انتي
تبي اتعدي وتسيبينه عشان خاطره
ناا..مش عشان خاطره نا كرهته ونبي ننساا بيش انرد اقوى من الاول انكمل اقريتي ونروح احسن من الاول
امير..انشاءالله بس مديريش حاجه الا وانتي راضيه علي روحك وقرارك مش عشان حد
ناا..متأكده من قراري ميه في الميه وهيا نا ماشيه نرقد تصبح علي خير
امير..وانتي من اهل الخير
عدنا الايام وجا يوم الحفله بابا كان ميبيش يعزمهم بس نا اصريت انى يعزمهم لاأنهم ماأيهمونيش هذا ماضي سيئ والماضي السيئ لايذكر إنما نتقووا بيه ونعرفوا أخطأنا
نضت من النوم نزلت لقيتهم يحكوا وبعد شافوني اسكتوا انا ضحكت وقلتلهم عارفه انه خطب رنا بابا قالي ونا قتله خليه يخطبها طنجرة ولقت غطاها وهما من نفس البيئه ونفس التربيه صح ولالا
علي قال
علي..هذي هيا اختي القويه
نا ضحكت..باهي خليني انعدي نلبس عليما جواا
كنا ديرين الحفله علي الأحمر لبست فستان احمر ودرت مكياج خفيف بس درت روج حمر داكن وطلعت حلوااا بمعنى الكلمه وخليت اشعري مفرود
بعد كملت سمعت صوت هرجه نزلت لقيتهم جيين كلهم انصدموا مني ومن جمالي ولقيت رنا ويوسف جيين وقاعدين احداا بعضهم جتني رنا وقالتلي
رنا.. متبيش اتقولي مبروك ولا مزلتي زعلانه هوا قطعت عليه وقلت
ناا مبتسمه..الف الف مبروك طنجرة ولقت غطاها وليش نزعل هذا ماضي ونا نسيته وانتوا ليفين علي بعضكم حبيبتي
خليتهم مصدومين ومشيت وسيبتهم وكنت حفلا خياال الكل يحكي بيها وبرقيها وجملها
كملت الحفله والكل روح ورقدنا من التعب
نضت الصبح وتيت وخذيت شنطتي نزلتها ولقيتهم يفطروا
ناا..صباح الخير
كلهم..صباح النور
ماما..مازلتي علي قرارك وتبي اتسافري
ناا..اهاا يماما ودعيلي بيش انروحلك دكتوره
ماما..إن شاءالله يارب تقعدي احسن دكتوره
كلهم..يارب
سلمت عليهم كلهم ومشيت طلعت وصلني علي للمطار وقالي
علي..نا عارف اختي قويه وتقدر تنسى كل حاجه صرتلها وترد احسن من الاول
ناا..إن شاءالله
ركبت الطياره
وعدن الايام والاشهر والسنين وتغيرت امعاهن للأحسن
___________________________
يتبع….
- لقراءة باقي فصول الرواية اضغط على (رواية كبرياء انثى)