رواية قلب شايل بيت الفصل السابع 7 بقلم منى أبو نوفل

رواية قلب شايل بيت الفصل السابع 7 بقلم منى أبو نوفل

البارت السابع

الرائد جلال: إيدك لو فكرت ترفعها تاني هقطعهالك و يلا معايا هتشرفني شويه فى المكتب
عزيز: مكتب اي! و إنت مين أصلا!
الرائد جلال: هتعرف دلوقتى
-الرائد جلال خد عزيز أخو عم محمود عشان يحقق معاه-
سيد المحامي: مش قادر أصدق إن الرائد جلال عايش أنا من الصدمه مقدرتش أسلم عليه، واقف مصدوم بس
نسمه بإستغراب: حضرتك تعرفه!
سيد المحامي: كان في ست جاتلي من سنتين تقريباً كانت علي قد حالها، ست باين عليها التعب و شقيانه وكانت دموعها نازله، سابت المشاكل إللي هي فيها وفضلت تحكيلي على الرائد جلال على رجولته وشهامته و وقفته جمبها لما بس حس إنها مظلومه، قالت إنه دفع ليها الفلوس إللي قدمتهالي عشان أرفع القضية ليها، بتقول نسيت جراحها كلها لمجرد عطف إنسان وأحساسه بيها
نسمه: جلال متقدملي عايز يتجوزني ومش عارفه أخد الخطوه،
سيد: صدقيني يا نسمه الرائد جلال شخص محترم بس شوفي أحساسك يا بنتي خدي خطوه إنتي واثقه منها عشان متندميش عليها
نسمه: طب أنا هعمل ايه مع عزيز ده!
سيد المحامي: متقلقيش حقك هيوصلك كل حاجه مكتوبه بإسمك
نسمه بزعل: مكنتش أتمني يحصل معايا كدا، مش عارفه أزعل من إللي عمله عم محمود ولا أفرح!
سيد المحامي: عم محمود لو مش شاف فيكي الأمانه والإخلاص والضمير مش كان خاطر بأملاكه عشانك، لكن حقك تفرحي إنك ملكتي مكانه لقلب عم محمود، أقرب الناس ليه معرفتش تعمله،
نسمه: أنا بشكرك على تعبك معايا
سيد المحامي بإبتسامة: لا شكر على واجب مع السلامه
-نسمه خدت نفس عميق و جابت شعرها على جنب وقعدت تفكر هيحصل ليها اي تاني!
زياد هيسيبها في حالها! ولا عزيز ده كمان هيعمل اي!
-قسم الشرطه-
الرائد جلال: نسمه!
نسمه: ممكن أدخل!
الرائد جلال: المكتب مكتبك إتفضلي
نسمه وهي مبتسمه: العسكري حمدي قولتله إستأذن من الرائد جلال قبل ما أدخل رفض و قال أدخل عادى
الرائد جلال: أنا طلبت منه كده أول ما يشوفك يدخلك
نسمه: أنا مش عارفه أقول ايه ولا أبتدي إزاي
الرائد جلال تحولت نظرته لقلق عليها وقام من على الكرسي وقعد قصادها: مالك! إنتي كويسه!
نسمه: أنا أول مره أحس إني خايفة، كل لما تجيلي فرحه تقلب بعدها حزن، كنت نسيت موضوع زياد وغدره بيا، بس بعدين جالي شخص إسمه عزيز خايفة يغدر بيا، أنا مش خايفة علي نفسي أنا خايفة على أخواتي و ماما مش عارفه لي بيحصل معايا كده! أنا عمري ما أذيت حد ولا جيت على حق حد،
الرائد جلال وهو ماسك إيدها: متخافيش طول ما أنا عايش متخافيش لا زياد ولا عزيز ولا غيره يقربلك طول ما أنا عايش، أنا أفديكي بحياتي، أموت بس تعيشي
نسمه: بعد الشر عليك أنا مليش غيرك دلوقتي بعد ربنا
الرائد جلال وهو مبسوط: مش مصدق نفسي، بتحبيني!
نسمه وهي باصه للأرض مكسوفه: عمري ما حبيت غيرك
الظابط عمرو: احم، احم،
الرائد جلال: مالك يا عمرو مش تخبط على الباب الأول!
الظابط عمرو: خبطت لكن إنت مش مركز، إزيك يا نسمه!
نسمه: الحمدلله، أستأذن أنا بقى
الرائد جلال: يلا يا نسمه هوصلك
نسمه: متتعبش نفسك شوف شغلك أنا هروح لوحدي
الرائد جلال: يلا يا حبيبتي، عايز أقعد مع والدتك شويه
الظابط عمرو: أنا كمان نفسى أقعد معاكم
الرائد جلال بضحك:مفيش فايده فيك قولتلك أتجوز بقا
نسمه: إن شاء الله ربنا يرزقه ببنت الحلال
الظابط عمرو: يارب يا نسمه
-خرجت نسمه من القسم وكان معاها الرائد جلال وكانت بتبصله وهي حاسه إنها في أمان، فتح ليها باب العربيه بتاعته وجابلها شوكلاته وعصير و أكل كتير وقالها طول ما أنا معاكي عايز الإبتسامه متفارقش وشك ومتخافيش-
_بيت نسمه_
مامت نسمه: معنديش مانع تتجوز نسمه بس أخد رأيها الأول،
الرائد جلال: نسمه أهي ممكن حضرتك تسأليها
نسمه: أنا موافقه يا ماما
مامت نسمه: ربنا يتمم بخير ليكم يارب
الرائد جلال: ربنا يخليكي لينا يا ست الكل
مامت نسمه: أوعى في يوم تزعلها،
الرائد جلال: مقدرش أعمل كده دي هتبقي بنتي قبل ما تكون مراتي،
-نسمه لما جلال نزل من البيت كانت حاسه بخوف، وبتفكر لما تتجوز هتعمل إيه في إللي سابه ليها عم محمود! وهتسيب إخواتها و والدتها إزاي! قعدت تفكر هتعمل ايه لو اتجوزت من جلال!
الظابط عمرو: بقالك يومين مختفي
الرائد جلال: كنت بجهز لخطوبتي
الظابط عمرو: أنا أخر من يعلم! ده انا صاحبك ولا نسيت!
الرائد جلال وهو بيقرب من عمرو: مليش غيرك بعد ربنا أنا بعمل كل حاجه لوحدي عشان مش أحسس نسمه إنها أقل مني نسمه مختلفه مش عايزها تشوف معايا صحابي و عزوتي وهي مش معاها حد عايز أعيش حياتها واحسسها إنها معاها الدنيا كلها وأنا معاها بس فهمت يا عمرو!
الظابط عمرو: بتحبها يا جلال!
الرائد جلال: عمري ما حبيت غيرها
الظابط عمرو: ربنا يسعدك يا جلال
الرائد جلال بإبتسامة: عقبالك يا حبيب قلبى

-بيت نسمه-
مامت نسمه: مالك يا نسمه حاسه انك مش مبسوطه،
نسمه: خايفه يا ماما حاسه حوار الورث ده ممكن يسببلي مشاكل وأنا خايفه عليكم،
مامت نسمه: بلاها الورث ده يا نسمه أحنا دخلتك علينا كل يوم بالدنيا مش عايزين ورث يا ضنايا
نسمه: أنا كنت عايزة أعمل كدة بس لما لاقيت عزيز كان سبب فى موت إبن عم محمود زعلت، وقولت ميستاهلش الورث خايفة أقول لا عم محمود يزعل منى فى تربته، خايفة يحس إن أنا مش قد الأمانه إللي سبهالي هو فى عالم غير عالمنا بس أكيد هيحس يا ماما
مامت نسمه: متعيطيش وتحملي نفسك فوق طاقتها، وأرضي عمك محمود يستاهل كفايه وقفته معاكي ومعانا في شدتنا
نسمه وهي بتاخد نفس طويل: إللي فيه الخير يقدمه ربنا
-قسم الشرطه-
الظابط عمرو: خطوبه جلال الليله عايزك تخلص عليه، عايزها تصيب المره دى مش تخيب زى اللى فاتت،
العسكري حمدي: إعتبره حصل،

• لقراءة باقي فصول الرواية أضغط على (رواية قلب شايل بيت)