رواية جبروت جد الصعيد الفصل الثاني عشر 12 بقلم ياسمين علاء الدين

البارت الثاني عشر

جبروت حكم جد الصعيد

ال١٢

بسم الله الرحمن الرحيم

اسعد يوم في حياه حامد يوم اما عرف بحمل حنين .. وقتها دبح اضحيه واكل أهل البلد

…

زهره كانت عايشه مع مها و مرتاحه جدا .عرفت يعني ايه معامله ادميه مش المعامله اللي كانت بتتعاملها من أهلها

حبت مها جدا واعتبرتها امها التانيه . كانت دائما بتكلم اهلها وحنين بس مقالتش أنها أطلقت من علي .. لأنها خافت يضغطو عليه ويرجعوها تاني ليه

…

علي خطب مني وحياته مستقره في الشغل مش بيسال علي زهره. وأما بيكلم أهله بيقولهم أنهم كويسين

…

مصطفي بقي كل يوم بيتعلق بزهره اكتر . حب برائتها وخجلها ابتسمتها الرقيقه

….

شهد كانت كل يوم كرهها لحنين بيزيد خصوصا انها معرفتش تتقرب من حامد وله عارفه تفوز عليها في أي شي

…

شهاب وده دماغه ضايعه منه هو وحنين اما بيجتمعو بيخربو الدنيا . منجذب لورد ومعجب بيها .

…..

في حديقه البيت كانت شهد قاعده مع نفسها زي كل يوم …

حنين غمزت شهاب من وراها

اللي خرج من جيبه علبه صواريخ وولعها ورمها تحت شهد

فرقعت الصواريخ بصوت عالي

. صرخت شهد ووقعت علي الارض ….

حنين وشهاب بيضحكو عليها .

. شهد :ايه شغل العيال ده .. انتم مش متربين .

شهاب : احنا بنهزر معاكي يا شهد . الحكايه مش مستهله

. حنين : احنا بس لاقيناكي شايله طاجن ستك قولنا نفرفشك شويه

شهد ؛ انتي تخرسي خالص . عشان انتي السبب في كل المصايب . اكيد انتي اللي سلطتيه

حنين : قولنالك بنهزر . متبقيش بومه بقي

شهد : اخرسي خالص . انتي تهزري معايا انا ايه ، عايزه تجيبي نفسك ليه . انا متربيه في احسن المدارس ودخلت الجامعه مش زيك جاهله.

شهاب : شهد كفايه كده محصلش حاجه لكل ده

شهد : اخرس . انت هتعلي صوتك عاليا كمان

حنين ببرود : بس يا شهاب سيب الاميره ديانا تتكلم . ها . كملي كلامك يا بوز الاخص

شهد قربت من حنين : اما انتي شخصيه مستفزه . وانا لازم اعلمك الادب

ولسه هتمد أيدها عليها كانت حنين زقتها : انتي هبله يا بت . انا مش عايزه اتغابي عليكي

شهاب. .: شهد انتي بتعملي ايه

شهد لحنين : ايدك القذره دي متلمسنيش انا عارفه انك هتموتي مني . ومتغاظه عشان انا احلي منك

حنين. :معللللش ، بس احب اقولك أن دي كلها اوهام في عقلك المريض.

شهاب : بس يا حنين . تعالي ندخل ارتاحي شويه عشام متتعبيش

مشيت هي وشهاب عشان يدخلو ولسه هتزقها

كانت في ايد بتمسك أيده بقوه: نزلي يدك بدل ما اكسرها

شهد ؛ حامد هي اللي بدات

حنين سمعت صوت جوزها لفت ليه وهي مش فاهمه ليه ماسك ايد شهد كده

شهاب : في ايه

حامد : اعقلي أكده وبلاش تعملي حاجه هتندمي عليها.

شهد خافت منه .. حامد مسك ايد حنين وطلع علي اوضتهم

حنين : في ايه يا حامد

حامد : حنين الاحسن متتعامليش مع اللي اسمها شهد .. بت سوداويه ..

حنين: معتخافش عليا . انا بعرف اظبطها

حامد : بلاش يا حنين انتي حامد. اخاف عليكي تزقك وله تعملك حاجه .

حنين : وه ، وانا كنت هسمي عليها عاد . ده انا كنت جبتها من شعرها .

حامد: نفسي اقولك كلمه وتسمعي الكلام من المره الاولى

حنين ضحكت: معرفش .

…..

عند زهره

كانت واقفه تعمل الغدا مع أن مها أصرت عليها متعملش حاجه

دخل مصطفي : ماااااما . ماااما

زهره خرجت من المطبخ : دكتوره مها مش أهنأ

مصطفي: راحت فين.

زهره : نزلت تشتري حاجه . زمانها جايه

مصطفي : مع اني كنت جعان . بس هنزل أستنها في العربيه لحد اما ترجع

زهره : انا خلصت الغدا. احطلك تاكل

مصطفي: يعني مش هتضايقي لو قعدت كلت

زهره : لع مش هضايق

ابتسم مصطفي وقعد بسرعه علي السفره وهو بيبصلها : حطيلي الاكل بسرعه.

زهره ضحكت علي حركاته الطفولية : طيب قوم لاول اغسل يدك وطهرها قبل الوكل

قلب شفتيه : هي نضيفه

زهره وهي داخله المطبخ : تاني يا مصطفي ..

مصطفي بيكلم نفسه : هيييح ، احلي واحده تقول مصطفي

حطت زهره الاطباق علي السفره. ومصطفي صقف ؛ ريحه الاكل حلوه اوي . تسلم ايدك

زهره : طيب دوق لاول مش يمكن متعحبوش

مصطفي : مستحيل . اي حاجه بتعمليها بتكون جميله وانا بحب اي حاجه منك

زهره وشها احمر .. مصطفي : ءء . انا اقصد يعني بحب نفسك في الاكل . مش قصدي حاجه تانيه . متزعليش .

قد يعجبك ايضا
منذ عام
رواية نجع العرب الفصل العاشر10 بقلم سهيلة عاشور
منذ عام
رواية نجع العرب الفصل الحادي عشر11 بقلم سهيلة عاشور
منذ عام
رواية نجع العرب الفصل الثاني عشر12 بقلم سهيلة عاشور
زهره : ماشي ..

دخلت أوضتها وقفلت الباب علي نفسها و قلبها بيدق بسرعه .. مصطفي كان قلقان انها تزعل وتمشي من البيت بعد ما حبها

قام وخبط علي الباب .. فتحتلها : نعم

مصطفي ادخل شوكولاته بيضاء : عارف انك بتحبي الشوكولاته البيضا . قولت اجبلك منها

ابتسمت زهره بسعاده : شكرا

مصطفي : العفو. انا هنزل المستشفي . محتاجه حاجه

زهره : في رعايه الله

*****

حامد كان بيفكر في شهد . بعد الموقف اللي عملته هو لازم يخاف علي حنين.

راح قعد مع جده اللي بصله بتعب : مالك يا حامد ، شايل الهم ليه

حامد : جدي . هو انت مش ناوي تجوز شهد

الجد. : والله يا ولدي. .لسه كنت بفكر في الموضوع .. . وكمان البت ورد

حامد : ورد لساتها صغيره يا جدي. بس شهد كبيره

الجد. : ورد هتكون لشهاب ابن صادق . اما بق شهد بفكر اجوزها حمزه

حامد بفرح : حمزه ابن خالي عبد الهادي

الجد. : ايون ، حمزه راجل زين واحد من العايله مش غريب عننا …

حامد ابتسم: انا هقنعه. .هو لزمن يتجوز بعد موت مرته . دي بقالها سنتين

الجد: شيع ليه يجي يقعد معانا بعد صلاه العشاء . و نفاتحه بالموضوع

حامد : زين يا جدي ، علي بركه الله

…..

بعد العشاء

. دخل حمزه الهواري شاب طويل وعريض وملامح رجوليه شعر اسود وعيون سودا وبشره قمحيه عمره ٣٠ سنه .. كان متجوز ومراتته ماتت من سنتين

قعد مع حامد والجد

الجد. : المثل بيقول أخطب لبنتك ومتخطبش لابنك . وانت مقامك عندي زي مقام حامد . ….

حمزه ابتسم : علي راسي يا جدي .. عتجوزني وله ايه عاد ؟

الجد : هجوزك لحفيدتي

حمزه : حفيدتك مين . مفيش غير ورد ودي لساتها صغار

حامد : فتح دماغك عاد ، في حفيده تانيه ..اخت حنين مرتي

حكي الجد عن شهد

. حمزه: مقدرش اكسر كلمتك يا جدي .. انا تحت امرك في اي شئ

الجد : خابر انت يا حمزه أنا عحبك قد ايه . والا مكنتش قولتلك علي شهد

حمزه : ده شرف ليا يا جدي .

حامد : علي بركه الله .. نعمل الفرح بعد اسبوع

حمزه : اسبوع كيف يعني ….انا لسه ورايا حاجات كتير.

. الجد : اسبوعين حلوين وحامد معاك خلصو كل حاجه .

حمزه : تمام يا جدي ..

وقف حمزه : عن اذنكم همشي انا

حامد: استني هوصلك

الجد: نادي علي شهد يا حامد

حامد.: حاضر يا جدي

خرج حامد مع حمزه ..كانت شهد قاعده في الجنينه كالعاده

. حامد : هي دي شهد

حمزه حرك راسه بنعم … حامد : شههد شهد

وقفت وقربت منهم كل ده وعين حمزه عليها

شهد : نعم

حامد: حمزه ابن خالي

شهد : اهلا

حامد.: جدي عايزك في المكتب

شهد بصت لحمزه باستغراب عشان منطقش : ماشي هروح اشوفه

دخلت البيت . حامد لحمزه : خبر ايه عاد . بتبص أكده ليه

حمزه : مخبرش. كلمني عنها اكتر

حامد ؛ هتغير رايك وله ايه

حمزه : لع .. انا قولت كلمه لجدي ومرجعش فيها واصل. بس عايز اعرف عنها اكتر . كيف راح اتعامل معاها

.حامد : اااه طب تعال وياي

…..

في المكتب

شهد وقفت : جواز ايه يا جدو . لا طبعا مش موافقه . ولو مضايق من وجودي . خلاص انا هاخد شهاب واروح في أي مكان

الجد : وانتي فاكره انك تقدري تخرجي من أهنأ . اعقلي أكده وافهمي أن كلمتي مش هتراجع فيها

شهد : هتجوزني غصب عني . انا مش عايزه اتجوز

الجد : ولحد أمتي مش هتتجوزي

شهد : معرفش . بس مش عايزه

الجد : طيب اسمعي بقي اللي هقولك ده كويس . انا مخبرش هعيش قد ايه . وانتي أهنأ قاعده علي حسي . اخوكي هيتجوز ويشتغل وينشغل بحياته .. اختك انتي معتحبهاش بس ليها حياتها ، انتي بقي معيزاش يبقالك بيت

شهد : لا مش عايزه

الجد : خلاص علي راحتك . مفيش جواز ومفيش فلوس . هحرمك من الميراث.

شهد : نعممم.. ده اسمه ظلم

الجد : انا راجل ظالم . في جواز ليكي ورثك. مفيش ملكيش .. ولعلمك الستات عندي متورثش ارض . بتورث فلوس

طلعت شهد اوضتها وهي مضايقه وبتعيط وقعدت تعيط .. يعني يا تتجوز أو هتخسر كل حاجه

حنين شافتها ودخلت وراها : شهد عتبكي ليه

شهد : ملكيش دعوه انتي .

حنين : يا ربي . هتفضل دائما اكده قلبك اسود .. فكي شويه وقوليلي في ايه. اصلي هموت واعرف حمزه كان أهنأ ليه وبعدها الجد نادهلك

شهد : موتي ، هرتاح منك

حنين اتصدمت : انتي عايزاني اموت . بتتمني الموت ليا . حتي لو من ام مختلفه انا برضو اختك

شهد : انا بكرهك كل حاجه خدتيها عيشتي مع امك وابوكي وانا اتحرمت من بابا . عيشتي وسط عايلتك واحنا كان متحرم علينا نقرب منهم . اتجوزتي اللي بيحبك وبتحبيه وانا مغصوب عليا اتجوز واحد معرفوش يا اما اتحرم من الميراث

ضحكت حنين بوجع ومسحت دموعها : انتي متعرفيش حاجه . العيشه هنا سواد .. كل حاجه ممنوعه من جدك ومحدش يقدر يقف قدامه .. ممنوع اكمل تعليمي .ممنوع اصاحب بنات بره البيت .. وقايمه طويله من الممنوعات .. اما بقي ابوي اللي بتتكلمي عليه فهو كان عايش معانا غصب عنه. ولو جدي مكنش غصب عليه كان مشي وراح يعيش معاكم ..

انا مكنتش عايزه اتجوز بس جدي غصب عليا وعلي زهره نتجوز ولاد عمنا. انا مخترتش اي حاجه في حياتي. يمكن بس كان قرار جوازي هو احسن حاجه. عشان عرفت أن حامد بيحبني

خرجت حنين من الأوضه ..و شهد قعدت تعيط

******

يتبع

لقراءة باقي فصول الرواية أضغط على (رواية جبروت جد الصعيد)

البارت الثاني عشر

اترك تعليقاً إلغاء الرد