رواية في حضن جلادي الفصل الثالث والعشرون 23 بقلم نرمين حمدي

رواية في حضن جلادي الفصل الثالث والعشرون 23 بقلم نرمين حمدي

البارت الثالث والعشرون

سجده وقفت متجمده ومش عارفه تنطق وبعد ثواني جريت عليه وحضنته: رحيم… رحيم انت كويس الحمدلله، سامحني والنبي انا اسفه انتقامي عماني وخلاني اعمل كدا.. رحيم بالله عليك تسامحني
رحيم مبادلهاش الحضن وسحبه قدامه: انتي عارفه عملتك دي كانت هتكلفني اية؟!… كانت هتكلفني عمري كله، ليه كدا ليه تعملي كدا دا انا عملت المستحيل عشان ارضيكي وانتي في الاخر عايزه ترميني في السجن
سجده عيطت: غصب عني والله… الانتقام عماني سامحني يارحيم والنبي انا اسفه، خلينا نفتح صفحه جديده عشان خاطر ابننا
رحيم: انتي حاولتي تأذيني ومش انا بس.. عايزه تأذي باقي عيلتي ودا الي مش هسمح بيه ابدا، مشكلتك معايا انا يبقي تكتفي بأذيتي انا مش حد تاني، ولو دخولي للسجن هيطفي نارك من ناحيتي فأنا مستعد اتسجن حتي لو همو*ت في السجن
سجده: متقولش كدا يارحيم… انتو اهو قدامي والحمدلله مجراش حاجه… ثم سكتت شويه لما افتكرت جاد ودياب:: بس بس هما فين جاد ودياب
&&&&&&&&&&&&&&&&&&

جاد: اية دا!!! اية المصيبه دي، دا في كمين
دياب: يانهاااااار طين هنعمل اية مفيش وقت نرجع تاني
جاد: لازم ترجع يادياب وإلا هنتمسك بالسلاح الي معانا ده وشريف مهيصدق
دياب: وهما فيييييين رجاله رحيم مش هما المسؤلين عن تأمين الطريق
جاد: وهو فين رحيم ذات نفسه سابنا في المصيبه دي ورجع البيت
يعمل اية… ارجع يادياب دي فيها مؤبد ارجع وإلا ننط احنا من العربيه
دياب: مفيش وقت… الظاهر كديه ان جيه الوقت الي ندفع فيه التمن
جاد: تمن اية الي ندفعه انا لسه العمر قدامي ارجعععععع يادياب بسرررررعه
بس للاسف كان الوقت ضاع ودياب وصل للكمين وشريف قدامه مبتسم ابتسامه انتصار… اخيرا الهدف الي بيجري وراه بقاله سنين بقي قدامه، عينه كانت بتدور علي رحيم بس ملقاهوش
شريف: اهلا اهلا دياب بيه
دياب بضيق: من غير وسهلا
شريف: ليه كديه دا جنابك هتنورنا في القسم شويتين…. ثم امر ضباطه: فتشوووو العربيات دي
الضباط انتشروا وهما بيدورا علي السلاح في العربيات بس ملقوش حاجه غير قطع غيارات وحديد، مفيش اي اثر للسلاح، شريف اتصدم وبقي يدور ذي المجنون ودياب وجاد اتصدموا اكتر بس فرحتهم بان مفيش قضيه كانت اكتر من زعلهم علي السلاح
شريف: فين السلاح يادياب بيه
دياب: العربيات قدامكم دور ذي ماانت عايز
شريف: اممم وياترا بقي رحيم ورا الي بيحصل ده

جاد: متكترش كلام.. طلاما مفيش حاجه معانا
شريف: ماشي.. ماشي ياجاد
مصير الحي يتلاقي وانا مش هسكت
دياب بسخريه: لما تلاقيه بقي ابقي بلغنا ياشريف بيه…. باسلامه احنا
&&&&&&&&&&&&&&&&&&
رحيم: انا عرفت انك بلغتي من زمان وعشان كدا بدلت كل السلاح لحديد وبكدا يبقوا هما في السليم… وتبقي مأذتيش حد غيري
سجده: بعد الشر عليك يارحيم ماانت قدامي اهو والحمدلله
رحيم بابتسامه وجع: دا دلوقتي… انما بعد شويه هتلاقي الباب بيخبط وهيكون البوليس
سجده بخضه: وايه هيجيب البوليس هنا
رحيم: هيجوا ياخدوني بتهمه التجاره في السلاح… اه الشقه دي انا حطيت فيها سلاح وبلغت علي نفسي، لو دا الي هيرضيكي فانا عملته اهو
سجده بصدمه: لا لا لا والنبي متعمل كدا.. ابوس ايدك يارحيم، ابوس ايدك تشيل السلاح، عشان خاطري عشان خاطر ابننا
رحيم: مش هو دا الي هيريحك… مش شوفتي في السجن هتطفي نارك من ناحيتي، انا مستعد اعمل كدا عادي
سجده مسكته من هدومه: مش وقتتتته والنبي قولي حاطط السلاح فين قبل ميجوا ابوس ايدك متعملش فينا انا وابنك كدا
رحيم فضل ساكت ومش راضي يقول علي مكان السلاح
سجده سابته وحريت تدور في كل مكان قلبت الشقه كلها، دورت في الادراج… علي الدولاب.. تحت السرير… مسابتش مكان إلا ودورت فيه: يارحييييييم بالله عليك رد عليا والنبي تشيل السلاح حراااااام عليك متحرمنيش منك بسهوله كدا، انا عارفه اني غلط بس ندمانه والله ومصدقت شوفتك قدام عيني من تاني
رحيم فجأه شدها لحضنه وحضنها جامد وكأنه بيودعها مش بيحضنها حضن عادي.. فضل يمسح علي شعرها ولاول مره دمعه تنزل من عينه: انا لازم ادفع تمن كل حاجه عملتها في حياتي.. لازم ارجعلك نضيف ونعيش حياتنا من اول وجديد علي نضافه
سجده وهي في حضنه: والنبي لا عشان خاطري كفايه وجع لهنا انا مش هقدر علي بعدك، لو بتحبني يارحيم بلاش تعمل كدا والنبي بسرعه
رحيم: ششش هرجعلك تاني وهنعيش مع بعض طول العمر ونربي ابننا سوا
سجده: للاااا انت لو عملت كدا انا هقول ان السلاح دا بتاعي وهدخل معاك السجن وابننا يتربي بعيد عني وعنك لو دا يرضيك اعمل الي في دماغك
&&&&&&&&&&&&&&&&&&
في قصر عائله النمر
زينه كانت بتعمل فطار لعاصي.. وهو كان نايم

فرحه باستفزاز: شايفه رجلك خدت علي المكان بسرعه يابنت الجارحي
زينه: ومتاخدش ليه، انا بقيت وحده من العيله دي خلاص
فرحه: اه طبعا بقيتي مننا اصل بصراحه الي عملتيه يخليكي تستاهلي تبقي وحده مننا
زينه: واية الي عملته ان شاء الله
فرحه: يعني الي تهرب من بيت اهلها مع واحد متجوز عشان تتجوزو هي وقال اية اصله خطفني يبقي تستاهل انه يعشقها
زينه بغضب: اية الي انتي بتقوليه دا انتي اكيد مجنونه…. انا مهربتش مع عاصي، وعمري مفكر اعمل كدا
فرحه: اه اه صدقتك بصراحه…. وياترا بقي قربلك قبل متتجوزو ولا بعد
زينه اتعصبت جدا وضربت فرحه بالقلم: انتي زودتيها اوووووي ق*طع لسان اي حد يجيب سيرتي بالوحش ولاخر مره بحذ*رك ابعدي عن طريقي يافرحه
فرحه بغضب شديد: انتييييي بتضر*بيني انا… دا انا هربيكي من اول وجديد
فرحه قربت من زينه وضر*بتها وكانت بتخن*قها، وزينه بتصوت لحد معاصي صحي ونزل جري علي تحت ولحقها من تحت ايديها
عاصي ضرب فرحه بالقلم وبزعيق: انتيييييي اتجننتي ازاي تعملي معاها كداااااا
فرحه: انت بتضر*بني عشان دي… بتمد ايدك عليا عشان ترضيها، طيب ياعاصي مبروك عليك بنت العيله الي دمرتنا، انت خسرت نفسك ومراتك واختك وجوز اختك خليك كدا وحيد، خليها تنفعك
عاصي: واخسر الدنيا بحالها عشانها… طلاما هي مغلطتش يبقي تتشال ع الراس… والي غلط يداس عليه بالرجلين
فرحه: مش انا الي يداس عليا… انا بدوس اي حد يقف قدامي ياعاصي افتكر كويس
فرحه سابتهم وطلعت علي اوضتها
وجالها مكالمه من شريف
شريف: اختك بوظت كل حاجه…. رحيمممممم لحق نفسه ولبسنا احنا في الحيط
فرحه: اية الي حصل هو مش المفروض انك قبضت عليهم
شريف: المفروض بقي… بس اختك الغبيه اكيد قالتله او اكيد سمعها بتتكلم في الموضوع، انا تعبت من البنت دي صبري نفذ معاها
فرحه: اممممم وانت هتعمل اية
شريف: هدفعها التمن غالي انا لو كنت قبضت عليهم كنت هترقي وحياتي هتتغير 180 درجه
فرحه: اه وكنت ناوي معاها هي علي اية
شريف: انا مالي بيها…. انا كنت هقبض عليهم وهي تتصرف مع نفسها… تهرب… تنتحر… تعمل الي هي عايزاه
فرحه: امممم طيب سيبلي الموضوع دا عليا
شريف: هتعملي اية
فرحه: هخلص منها وارتاح… انا تعبت من وجودها في حياتي
&&&&&&&&&&&&&&&&&&
رحيم حاوط وجهه سجده بإيده: سجده انا مقولتش لحد انك انتي الي بلغتي عايز الموضوع دا يفضل بينا…. هما لو عرفوا مش هيسكتوا
سجده: والنبي متسيبني
رحيم: صدقيني راجعلك… انا محتاج اعمل كدا عشان ارجع نضيف، عشان خاطري افهميني
سجده: مش هقدر اعيش من غيرك
رحيم باس راسها: بحبك…
سجده حضنته جامد وفضلت تعيط وهو بيمسح علي شعرها
&&&&&&&&&&&&&&&&&&&
في الاسفل العيله كانت متجمعه وبيتناقشوا
جاد: انا عايز اعرف هو فين رحيم من كل الي بيحصل ده
دياب بهدوء: رحيم… احنا بسبب رحيم قاعدين هنا دلوقتي، انا في لحظه حسيت ان خلاص كل الي عملناه هيتردلنا، في لحظه حسيت بحكم القاضي بالمؤبد، عشان كدا انا مش مستعد ارجع للي كنت فيه… احنا لازم نبعد عن السكه دي
جاد: عندك حق… عمرنا كان هيضيع في لحظه
الغفير: دياب بيه في وحده برا عايزه تشوف جنابك
دياب: مين دي
فرحه بتدخل: انا يادياب بيه… فرحه النمر
دياب وجاد وكل العيله وقفوا: وانتي اية جابك هنيه
فرحه: جايه افتح عينك لحاجات انت مش عارفها…. بس قبل متكلم عايزه الكل يبقي موجود واولهم سجده اختي حبيبتي
جاد: بقولك اية هي مش نقصاكي
فرحه: يبقي امشي وكأن مفيش حاجه حصلت.. وبخبث: ولا كأن كان هيتقبض عليكم انهارده
دياب بغضب: بت انتي متلعبش معانا وخلصي قولي الي انتي عايزاه
فرحه: سجده ورحيم ينزلو الاول
دياب بص لدلال، وطلعت تناديهم
رحيم وسجده نزلو تحت وبمجرد مشافوا فرحه، سجده وشها اتقلب وكأن شافت عفريت
رحيم: في اية هنيه؟!

دياب: اهم رحيم وسجده قولي وخلصيني
فرحه وهي بتتكلم بثقه وبتبص لسجده: مفكرتوش هو البوليس عرف مكانكم ازاي؟!…. طيب بلاش مفكرتوش هو رحيم بدل السلاح ازاي؟!.. وعرف منين ان في كمين؟
جاد: انتي عايزه تقولي اية
فرحه: مترد يارحيم؟!… ساكت ليه رد قوله انا عايزه اقول اية
عديله: انتي جايه هنيه عشان توقعي العيله في بعض متتكلمي علطول
سجده بخوف مسكت في ايد رحيم وهو مسكها جامد وفضل ساكت
فرحه: متقولي ياسجده ساكته ليه
سجده بعياط: انتي عايزه مني اية…. انتي ازاي كدا سبيني في حالي بقي حرام عليكي
دياب: انا مش فاهم حاجه خالص
فرحه: افهمك انا… ولسه كانت هتتكلم بس رحيم قاطعها
رحيم: اطلعي برا واياكي تفكري تيجي علي سكتي انا او سجده بحذرك ودا تنبيه اخير
دياب: دا الموضوع كبير… انا عايز افهم اية الي بيحصل هنيه
فرحه: سجددددددده… سجدددده هي الي بلغت عنكم ورحيم مداري عنها مش كدا ياسجده ولا انا بتكلم غلط
الكل اتصدم من كلامها وبقوا بيبصوا علي سجده بضيق
سجده: انتي لا يمكن تكوني اختي مستحيل
تتوقعوا هيحصل اية في سجده🥲

• لقراءة باقي فصول الرواية أضغط على (رواية في حضن جلادي)