رواية غيث ونوسة – اسرار خلف الأبواب الفصل الرابع 4 بقلم نوسة حمد

رواية غيث ونوسة – اسرار خلف الأبواب الفصل الرابع 4 بقلم نوسة حمد

 

 

البارت الرابع

 

#اسرار_خلف_الابواب4
#نوسه_حمد
قلت لي غيث بكره معزومين عند ناس سلمي تمشي معاي قال لي طوالي م صدق البت دي بحب فيها شنو نفسي اعرف والله صحي الرجال ديل غريبين زره سماحه ساي م عندها قال لي كدي قومي اتقدري واعملي لينا اكل قلت ليهو م بقدر اتصرف قال لي انا م بعرف قلت ليهو تتعلم واظنو كان جيعان وهو م بحب اكل بره لبس مريله المطبخ واقطع في البصل ودموعو عشره عشره وظبط ليهو حله بتاعت لحمه لمن احترت فيهو وقال م بعرف وهو شكلو بعرف لكن عايز يدلع فيني دلعو زمان كان علي قلبي زي العسل زوجي حبيبي لو ما دلعتو انا البدلعو منو بس للاسف خاني ومع الدخلتها بيتي انا مغستي دي ما بتروح الا اعاقبهم بس انا بي طبعي مسالمه وما شيطانه لكن الدنيا والمواقف بتعلم وقلت لازم اتعلم كيد النساء عشان المسكنه جابت اجلي لميت ليك في قروبات الفيس بي عضو مجهول استشارات وكتبت قصتي والناس كلهم محتارين وفي البقولو انا عايزه لايكات وفي البقولو انا عايزه اعمل موضوع وفي القالو لاقتهم حاله زي حالتي في واحدات قادرات كتبن لي كلام ح امش عليهو قالن لي اول شي راجلك م تخلي ليها بس اديهم درس عمرهم ما ينسو وفي القالو لي اتعرفي علي زوجها وخونيها بس انا مبادئ ما بتسمح لي اعمل كده انا لو عرفت زوجها عشان افهم نقطه واحده كيف تتزوج وهي في عصمتو ودي جديده عديل النسوان الفجور وصل بيهن للدرجه دي حسبي الله ونعم الوكيل فيهن انا من يوم شفت القسيمه ما ارتحتا ولا بالي هدا اليوم داك مرا علي خير وغيث بقا ولا بسالني لاني مطنشاهو بي كلو قال لي يا استاذه وين حقوق الزوج قلت ليهو لمن انت تعرف انت حقوق الزوجه قال لي متين انا قصرت منك دهب لابسه ولبس لابسه ماف مره لابسه زي تيابك وعندك بيت ساكنه فيهو ومأجره دايره شنو تاني قلت ليهو يعني دي حقوق الزوجه الانت فاهمه قال لي اي قلت ليهو تمام 🤝 وماتسالني من حاجه تانيه انا الهم الفيني ح يكتلني وعليك الله اقفل النور عايزه انوم بقا يكورك ويطنطن وانا كل ما اغلغلو بكون مبسوطه الراحه القدمتها ليهو خلت مزاجو رايق جرا عرس فيني بس كويس ي غبيث تاني شوقك للراحه وبقيت ماشه علي الكلام دا المغرب جهزت عشان نمش لي عيد الميلاد قلت ليهو عايزه اشتري هديه ليهم طوالي مشينا مكان هدايا وما خلي ليهو هديه ما شالا قلت ليهو انا هسي قلت ليك اشتري كده قال لي خلاص رزقهم قلت ليهو الا ترجعن ولو م رجعن ما ارتحت وشيلت لي هديه صغيره وماليها اي قيمه قال لي هسي نطوطح انا وانتي بالهديه دي قلت ليهو صاحبتك ولا صحبتي م شغلتك يا استاذ ارح دور عربيتو ومشينا سلمت عليها بي برود لمن احتارت وبقيت اعاين للناس وكانو كلهم اهل زوجها وشكلهم ناس محترمين وزوجها زول هادي شديد بقيت اعاين في اولادها وجاني احساس انهم كلهم اولاد غيث لمن جاني طمام واستفراغ اولادا اشبهو كريم ولدي غيث لحقني في الحمام قال لي اوديك الدكتور قلت ليهو لا خليني بس انت ابعد مني م عايزه اشوفك اتوحمتا فيك قال لي كيف يعني قلت ليهو والله اتوحمت فيك م تقيف قدامي تمام امسك ولدك دا مني قال لي طيب نرجع البيت قلت ليهو م راجعه فات خلاني وطبعا انا وغيث متزوجين لي ٨سنه بس ربنا م قسم لينا نلد سريع بعد مسافه رجعت وقعدت في المكان القاعد فيهو راجل سلمي واهلو وشغاله اتونس واضحك معاهم واتعرفت بيهم كلهم راجل سلمي قال لي بسمع بيك عند سلمي بس م حصل اتلاقينا قلت ليهو اي والله قال لي طوالي سلمي بتقول لي كنت مع نوسه اول امس طلعت المغرب جات الساعه ٣صباحا جابا ابوك طبعا بي جيبه ابوي ليها زوجها بكون اطمئن انو هي معاي وما جايب خبر انا لملمت الموضوع عشان ما افضحها بس كان نفسي كل الناس دي حضور اوريهم قسيمه سلمي وراجلي واخليهم اصدمو كلهم بس دا م وقتو مابخلي الموضوع دا يمر ساي
نسابه سلمي ناس بسيطين وطيبين بس سلمي الكانت خبيثه وتشيل وتنبز فيهم وتداعي فيهم وراجلها زول فاهم والله ما الراجل البخونوهو بس الحمد لله سلمي جات عايزه تتظارف وانا كل مره اضربها من طرف لمن اضايقت مني فجاه لمحتها غمزت لي غيث طوالي غيث جاني اتطوطح قال لي ارح البيت انا بكره شغال الشي الحيرني البت دي غمزت ليهو بس فهما وجا يسوقني الناس ديل وصلو مراحل بعيده شديد وطالما هم وصلو للمرحله دي غيث يطلقني وهي تطلق من زوجها ويعرسو عديل بدل الحرام الهم فيهو دا وبقيت اعاين لي غيث في عيونو وصاره وشي راجل سلمي قال ليهو بدري ياخ خليكم فرقو شويه اعتزر منو وغيث كان كرهان راجل سلمي حتي كلامو ما اداهو اهتمام حسيت انو سلمي مقلله من قيمه راجلها شديد لغيث ولا دي غيره منو م عرفتها قلت ليهو امشي انا ح اطلب عربيه واجي غيث احتار في رده فعلي قال لي انتي حامل وتعبانه قلت ليهو لا م تعبانه انا عايزه اتونس حسا بي راغبه اتونس مع راجل سلمي وسلمي زاتا خافت مني قربت اقول ليهم مجرد احساس حسيتوهو اني عايزه اقرب من راجلها اضايقت وغيث اضايق حلال علينا وحرام عليكم م ركزت معاهو وقلت لازم اغيظ سلمي اكتر فجاه غيث اختفي بقيت م شايفاهو شايفه سلمي تتقدم وتجي تعاين لي وانا كاني م شايفاها موش جيتا في بيتا بس حسستها انها بقت م مرغوبه عندي وماحاسه بي وجودا بعد شويه نادتني قالت لي عايزاك في موضوع قلت ليها خير ان شاءالله قالت لي نوسه انتي مالك فشنو حاساك ما ياهك نوسه الطيبه صحبتي البتحبني قعدت اضحك قلت ليها يااااااه انتي طلعتي بتحسي قالت لي كيف بحس وبحس شديد ي نوسه انتي متغيره احتمال تكوني فاهمه يوم جيتك بليل داك غلط قلت ليها لا والله مافاهمه غلط وماتركزي معاي انا الحمل مزهجني والله غيث دا في البيت م بشتغل ليهو قالت لي النجي اساعدك احرجتها قلت ليها لا عايزه اخد راحتي مع راجلي ما تجي سكتت وبقت تعاين لي راجلها جا قال ليها سلمي تتزكري اليوم المشيتي انتي ونوسه اسبوع تصيفو عايز اعرف التوقيت كان متين قلت ليهو بدهشه نصيييييييييييف متين دا…………….يتبع

 

• لقراءة باقي فصول الرواية أضغط على (رواية أسرار خلف الأبواب)