رواية غيث ونوسة – اسرار خلف الأبواب الفصل العشرون 20 بقلم نوسة حمد

رواية غيث ونوسة – اسرار خلف الأبواب الفصل العشرون 20 بقلم نوسة حمد

 

 

البارت العشرون

 

#اسرار_خلف_الابواب20
#نوسه_حمد
ابوي قال لي لو طلعتي بقطع ليك كراعك قعدت وبقيت محتاره ياربي غيث مالو وبقيت م عارفه هل قلبي حنا ليهو ولا شمار مني عايزه اعرف كلام خالتي صاح ولا لفحتو ساي دخلت منهم ومشيت سمعت خالتي تتكلم مع ابوي قالت ليهو هي نسيبه مالا طلقوها ناس الحله ديل بقولو كلامات غريبه غايتو الله اهديهم شايلين زنوب تقيله ابوي قال ليها قسمه وانقطعت وقام منهم انا بقيت اسأل في نفسي ناس الحله قالو شنو جيتا طالعه قلت ليها انتي السمعتي شنو قالت لي بري بري انا م سمعت ولا شفت انت بت اختي م برضا فيك امي قالت ليها بتي مافيها قول والله والقالو الناس نحنا م عايزين نعرفو لانو واثقين في بتنا كويس وكل البنقدر نقولو زي م قال ابوها قسمه وانقطعت قالت ليها اي والله القسمه لمن تكون عايزه تنقطع م عايزه ليها سبب وان شاء الله ربنا يعوضا شايفه راجلا قالو عرس في شهرو المابخجل قعدت اضحك قلت ناس حلتنا ديل غريبين الحاجه الصاح م بعرفوها بس بعرفو لي القطيعه والنميمه وزياده الكلام غايتو م عارفه القبر دا يشيلهم كيف م ركزت معاها كتير بقيت عايزه اعرف غيث مالو بس ما لاقيه اجابه وخايفه اطلع ابوي يشاكلني وانا م عايزه مشاكل ونقاشات انا م صدقت الجو هادي في البيت دخلت منهم واتصلت علي نمارق لقيت صوتا تعبان قالت لي الحمل تاعبها شديد وسفيان جاب ليها مره تشتغل ليها قلت ليها ياريتني جنبك والله م احوجك لبت تشتغل قالت لي عارفاك والله م بتقصري وكدي طمنيني عليك انتي كيف بعد الامتحانات قلت ليها تمام وامتحنت كويس الحمد لله قالت لي ي ري يزيعوك قلت ليها لا مالي الدرجه

 

 

دي بس بجيب مجموع كويس قالت لي الحمد لله قلت ليها نمارق طبعا عندي خاله امي جاتنا الليله وقالت لينا كلام غريب وحكيت ليها بالقالتو قالت لي معقوله لا لا م اظن قلت ليها كدي اسألي سفيان منو قالت لي نوسه م تبالغي اسالو كيف اقول ليهو الحقيقه مستحيل قلت ليها اتصرفي اسالي اي سؤال بس المهم نعرف منو الحقيقه قالت لي مستحيل م تعرفي انتي كدي اصبري قلتَ ليها صابره بس الشمار حارقني قالت لي لو عرفت حاجه بتصل عليك قلت ليها طيب وبقيت راقده منومه اولادي جنبي جات سوسن داخله وشايله الشمار قالت لي الليله قالو راجلك شرب ليهو حاجه وطارت ليهو في راسو والحله كلها تتكلم بيهو قلت ليها شرب شنو يعني وجنا ولا لحظه ساي قالت لي لا دا ما بعرفو بس دا قول الناس جاتني جارتي قالت لي راجل اختك الشفع يفلقو فيهو بالطوب اتخيلت منظرو ودمعتي جرت سوسن عاينت لي في عيوني قالت لي قشيها سريع دمعتك دي واوعك تنزلي دمعه ليهو تاني ما بستاهل دا خاين عشره نسيتي كان عايز ينتقم منك كيف م راعا للعشره الانتي مراعيه ليها هسي وانا حاسه بيك انتي وانتي زوله حساسه حافظه للعشره بس في ناس استاهلو تنسيهم وتجدعي عشرتهم وراك عشان تقدر ي تعيشي وراجلك دا هسي لو وعا بجهجهك انتي واولادك قلت ليها ان شاء الله يوعا بس عشان اولادو بعدين م يتحسسو قالت لي مافي شي بخليهم اتحسسو مالو عايش معاكم قلت ليها دا الخايفه منو انا زاتي ولا م بعيد تكون هي الجننتو غايتو حقك خلص قلت ليها حقي اخلص بجن ابو اولادي والله انا عافيه ليهو خلاص انا ربنا قاسم لي كده بس هو ربنا ادي الصحه لي اولادو قعدت تضحك قالت لي انتي مصره علي المسكنه دي يعني والله راجلك دا الله اديهو صحه اجننك انتي دي ياخ م تعذبينا معاك ابوي قال لي اتكلمي معاها م عندها شغله في جنو قعدت ابكي قلت ليها سوسن انا م قادره انسا غيث ولا قادره اعيش كنت متصبره السنين الفاتت دي قالت لي سجمي انا اتوقعت اي شي منك بس انو غيث لسه في قلبك دي م اتوقعتها انتي نسيتي غيث والعملو فيك نسيتي شردك من الحله وبرضو بتقولي حب حيا عليك ياخ ما تعذبينا معاك انتي المحتاجه طبيب نفسي م هو لازم تتعالجي من الضعف الجواك دا قلت ليها دا م ضعف دا حب انا من وعيت للدنيا م عرفت غير غيث م حبيت غير غيث كنت بشوف ف الدنيا دي ماف غيرو قالت لي لانك غبيه انا لو في مكانك والله للحظه دي اكون متزوجه قلت ليها انتي مفتكره م نفسي اتغير نفسي شديد بس بعدين اجيب لي اولادي ابو م ابوهم قالت لي ومالو عادي اقرب مثال ليك عمتي عائشه دي نحنا من قومنا ووعينا شايفين احمد دا راجلها وديل كلهم اولادا بس ف الحقيقه عندها منو احمد واسعد والباقين ديل كلهم ابوهم اتوفا قلت ليها قلتي براك اتوفي يعني م عايش سوسن اتغاظت مني قالت لي بضرب ليك في الامثال عشان تشوفي حياتك وانتي مصره ع الزله والاهانه غيث ان شاء الله يقتلك وفاتت كلام سوسن رغم اني م بتقبلو بس قاعد يأثر فيني بقيت كرهانه نفسي اتمنيت اكون خاينه وماف راجل بفرق معاي بس الحمد لله ع اي شي
يوم نمارق اتصلت علي قالت لي نوسه ما وريتك مصيبه وعايزه تحل علينا قلت ليها مصيبه ياتو مصيبه مالك فشنو سفيان غلط عليك ولا مرتو جاتك قالت لي مرتو يا حليلك انا م وريتك بيها جاتا جلطه وراقده. في السرير بس م كده قلت ليها شنو طيب قالت لي سلمي قلت ليها مالا قالت لي اتخيلي ي نوسه سلمى جابت شهاده مرضيه انو غيث جنا وعايزه تقدمها لي ناس الشركه عشان تشيل حقوقو وجات لي سفيان عشان يقيف معاها انا سالت سفيان من حقوقَو قال لي كتيره شديد أولى بيها اولادو بس هو م بعرفهم وانا بقيت خجلانه اقول ليهو انتي مرت غيث عشان تاني م ح يصدقني بقول ليه كذبت

 

عليهو من الاول قلت ليها نمارق عليك الله اتكلمي قالت لي نوسه كلامي م بجيب فايده لازم انتي تتحركي تجي وتشيلي حق اولادك والسؤال ي نوسه سلمي متين لحقت تطلع الشهاده دي ولا الكلام دا كلووووووو مدبر نوسه م عارفه بس حاسه انو غيث دا واقع في شر البت دي والحصل غصبا عنو لانو الزوله الشافتا عيني دي لا حبتو لا كانت بتحبو ياخ راسمه رسم مبالغ فيهو ولا اللبس ولا هديك تشرب في الشيشه طممت بطني دخلت منها َوهي عارفه اني م طايقاها لاني صاحبتك بس م شغاله بي حرفيا الزوله دي عينا قويه وانا خوفت علي راجلي ولازم اتصرف وانتي لازم تتصرفي قلت ليها انا والله قروش م عايزاهم انا فقدت اي شي القروش بعلمن لي شنو قالت لي لانك غبيه ح تقعدي كده لمتين ابوك يصرف عليك وعلي اولادك نوسه افهمي دا حق اولادك هي بتتكلم عن القروش وانا قلبي مقطوع علي ولد الناس الدمرتو صحبتي حسبي الله ونعم الوكيل فيها وبقيت م عارفه اعمل شنو اسك حق اولادي ولا امشي لي اهل غيث واكلمهم والبحصل يحصل……….. يتبع

 

 

• لقراءة باقي فصول الرواية أضغط على (رواية أسرار خلف الأبواب)