رواية غيث ونوسة – اسرار خلف الأبواب الفصل التاسع عشر 19 بقلم نوسة حمد

رواية غيث ونوسة – اسرار خلف الأبواب الفصل التاسع عشر 19 بقلم نوسة حمد

 

 

البارت التاسع عشر

 

وصلت البيت بقدره قادر ومن باب الشارع اشوف امي قاعده ف الارض وتتكتح بالتراب وابوي جوه صوتو عالي خلاص انا المعاي كملت قلت اكيد واحد من اولادي مات وبقيت جاريه ودخلت جوه عشان اشوفهم وامي م سألتها لمن دخلت لقيت ابوي بتناقش مع غيث جيت وقفت جنب ابوي قلت ليهو فشنو يابا وكان قلبي مقطوع وحالي بالبلا غيث قال لي مرحب بالاستاذه الشريفه العفيفه الجادعه اولادها وعامله ليها دور قرايه طبعا انا من جواي بغلي وح اطلع فيهو غضب السنين كلها بس ح اعمل حساب لابوي قلت ليهو شريفه وعفيفه غصبا عنك وانا احتراما لي ابوي م ح اتكلم قال لي تتكلمي تقولي شنو مشيتي وين وديل اولاد منو النسبتيهم لي ديل ي استاذه انا عندي منك ولد واحد طبعا انصدمت وانخلعت قلت ليهو الا شرفي م بسمح ليك انت عارف لمن اتفارقنا انا كنت حامل قال لي اي م ناكر بس إحتمال اجهضتي وقلت ليهو ليه م إحتمال ولدتا جاري للشين قال لي الشين جبتي لي نفسك في بت ناس بتطلع من بيت اهلا بعد تنفصل ابوي طوالي قال ليهو قفل خشمك انت عارف بتي كويس وما حسيت بي قيمتها لانو الدنيا لاهياك بس ح اجي اليوم والح تندم فيهو والح تكون هي استغنت عنك قلت ليهو دقيقه ي ابوي قلت في بت ناس طيب في ولد ناس اتزوج مره متزوجه ياخ كان تمشي معاها ساي

 

 

ربنا بغفر ليك لكن تتزوج وتدمر بيتها وبيتك ولا اولادها الهم اساسا اولادك وبشبهو ولدك كريم وقطعه منو في ولد ناس يعمل كده قال لي كمان بقيتي فصيحه قلت ليهو وفوق م تتصور ح تشوف نوسه تانيه وح اندمك واسففك التراب وتقل ادبك ولا تهبش اولادي برفع قسيمتك علي سلمي الشرطه. وبعدين اعرف اتخارج قال شنو شنو كمان جابت ليها دور شرطه يا بت انتي كان شفتي عسكري ف الشارع ساي بترجفي كمان عايزه ترفعي فيني قضيه قعدت اضحك قلت ليهو لا لا نسيبه القديمه ديك انساها انا واحده تانيه لا ابوي رباها لا انت بتعرفا داير يضربني ابوي قال ليهو بعد طلعت من عصمتك يدك م بتختها فيها وكمان في بيتي يا ولد انت جنيت اطلع من بيتي سريع وتاني لو جيت هنا انا الببلغ الشرطه قال لي ابوي تطردني من بيتك دي الرجاله قال ليهو الرجاله انك تضربها انا م داير كلام كتير قال ليهو وانا في غنا عن اي كلام بس عايز ولدي قلت ليهو ي سلام ولدك عاوز تودي وين تديهو للمانافعه المبارياك دي انت بتحلم انا لو عايزه اديك ليهو م كان طلعت من البيت وولدي ممكن اقتل فيهو ي غيث عشان كده خلينا كده كويسين انا م عايزه اغلط اكتر قال لي تغلطي انتي كلك غلط في غلط قلت ليهو تمام م فرقت ممكن تتفضل تطلع كفايه فضايح قال لي في فضايح اكتر من الجبتيها لي ف الحله كمان لقطتي ليك اولاد وجايه بعد سنه تنسبيهم لي قلت ليهو حسبي الله ونعم الوكيل فيك ديل اولادك خليك من قول ناس الحله الما بكمل بس ديل أولادك اقسم بالله
قال لي تديني كريم ولا ارفع فيك قضيه انك نسبتي لي اولاد ما لي يا شريفه قلت ليهو ياريتك ترفع قضيه وح نعمل التحليل وح يطلعو اولادك وح اطلب رد شرف وم كده ح اكشف حقيقتك الخايف منها للناس بالمناسبه كان لمن عرفت انا كنت وين ومع منو كان تقول ليهم دي مرتي وديل اولادي بس عشان عارف غلطك ما قلتا ودا كلو م هاميني تقول ولا م تقول بس ولدي لو بقا راجل ما بمشي ليك دا لو هو اساسا قال عايزك وماشي ليك بعد العملتو فينا دا غيث بقا محتار وبعاين لي م قادر يصدق انو دي انا بس حسيت نفسي ارتحت وقلت العايزه اقولو وفضيت كل الجواي غيث طلع وقال لي ولدي مش لو طبلتيهو انا ح اشيلو عشان تكوني عارفه للمعلومية بس قلت ليهو جرب كان تقدر اقسم بالله م ارحمك احرقك بالنار عديل وح افضحك فضيحة لمن تأمن وتقتنع قال لي تمام ح تشوفي ي نوسه قلت ليهو اكتر من بجاحتك والعملتو م عايزه اشوف وتاني م تجي هنا قال لي تمام نتلاقه قدام وطلع انا بقيت ابكي بكا ولقيت ابوي طبل علي اولادي الغرفه ولمن فات غيث ابوي لمن هبط ووقع بقينا فيهو هو تاني اسعفناهو وادوهو العلاجات قالو السكري مرتفع شديد لو م عمل حسابو ممكن يغمي عليهو تاني وما يوعا منها طبعا سوسن اختي جات وسحر سحر قالت لي جيتي عشان تقتلي لينا ابونا م كان تجي راجعه وانتي عارفه راجلك العبيط دا داير ولدو قلت ليها بعد الشر علي ابوي لو ماقتلتي انتي انا م بقتلو وبعدين انتي م بتوريني ارجع ولا اطلع يا تقولي خير يا خشمك دا بكسرو ليك وكنت منفعله ضربتها في خشمها لمن كبا الدم وكان نفسي اقتلها سوسن مسكتني منها قالت لي خليها اها انتي عايزه تبقي زيها قلت ليها عشان انا سكت ليها عايزه تتفسح فيني هسي هي ضامنه الدنيا دي داسه ليها شنو احتمال يحصل ليها اكعب من الحصل لي قالت لي اكعب من الحصل ليك دا ماف قلت ليها لي ماف ما تخليني اداعيك بي غضبي دا احسن تسكتي ياخ انا كرهتك اقسم بالله بقيت مجبوره عليك عشان انتي اختي قالت لي لا انا م اختك وما نفسي زاتو اكون اختك دراماتك الكتيره دي وفاتت انا بقيت ابكي سوسن بقت تبكي معاي وتطبطب علي قالت لي نوسه اصبري وخليك منها انا معاك م تخافي وغيث م يقدر يلمسكم لو حصل انا ح اقيف ليهو وم ح اخليك بس انا بقيت خايفه علي ابوي قلت ليها انا زاتي ومرات بقول ياريتني م رجعت قالت لي لا ي نوسه رجوعك رجع حياه امي وابوي م عاشو طبيعين الا لمن انتي جيتي خليك من المشاكل الشايفاها دي بس والله ي نوسه ارتاحو وابوي بقا بس روحو ونفسو كريم قلت ليها كريم العايزين يشيلو مني ويحرقو حشاي قالت لي انتي مسكينه م يقدر يفتح خشمو ولو قدر نكسرو ليهو قلت ليها غيث اتغير بقا زول تاني حتي ف شكلو قالت لي انتي الكنتي عمياء اشهد الله ياهو راجلك العرفناهو فصيح وقليل ادب قلت ليها مستحيل ي سوسن قالت لي المستحيل شنو انتي اظنك جنيتي م بتتزكريهو قلت ليها والله غيث كان طيب ومحترم ومؤدب قالت لي لو هو طيب ومؤدب زي م بتقولي ما كان اكون كعب مع امو الولدتو نوسه م تبقي مسكينه ياخ اتزكري كويس غيث ما تكوني عميا لسه طبعا سوسن كلاما شطب راسي معقوله هي جاده ولا بتنبز لي فيهو ساي قلت ليها سوسن م تجننيني غيث م كان كده قالت لي واكعب من كده انتي بس الكنتي شايفاهو كده قلت ليها يعني شنو الناس ديل كانو عاملين لي شي قالت لي والبعيد شنو ياخ راجلك دا معرس ليهو سنين م كشفتي الا هسي والله انا راجلي لو جا مبسوط ساي من بره بشك فيهو وبسألو اسئله نكير انتي الاديتي فرصه قلت ليها لا انا م الاديتو فرصه الزول دا انا كنت شايفاهو كويس لدرجه اني للان لو تصدقي م شايفه راجل زيو قالت لي م بتشوفي اقسم بالله في رجال اسدو عين الشمس قلت ليها انا م قصددي ليك انو مثلا احب غيرو واتزوج غيرو بقصد ليك انو اي راجل الاقيني اقارنو بيهو انو غيث افضل واحسن واطيب قالت لي يختي اظنو العمل لسه ماشي فيك قلت ليها لو ماشي فيني بطلق منو قالت لي معليش ي نوسه انسي الماضي بي غيث واعتبريهو ابو اولادك واوعك تشوفي انو ماف زيو لانو هو في زيو كتار والدنيا بي خيرا قلت ليها الله كريم علي
مرت الايام وخلاص قربت للامتحانات وكنت مجتهده شديد امي تعبت معاي تعب مبالغ فيهو لانو اولادي بكايين وكنت مجتهده شديد وابوي عاجباهو القرايه عجب كل مره يقول لي ياريتني خليتكن كملتن قريتكن قلت ليهو هسي م فات شي انا قريت وناس سحر وسوسن لو عايزين ح يقرو قال لي ديل الله اعلم يقرن بركه في قرايتك انتي واصلو م تشيلي هم طول م انا حي ف الدنيا دي م تخافي لا من طليقك لا غيرو قلت ليهو ربنا اديك طوله العمر وتربي معانا اولادنا قال لي امين

 

ابوي بقا داعم لي وامي شجعتني وكنت مبسوطه شديد نمارق اتصلت وشجعتني علي القرايه وقالت لي انها حامل وسفيان طاير من الفرح ومرتو عرفت بس حزرها انها تلمسني او تجي جنب شقتي واهلو فرحانين فرح شديد لانو كان متزوج ليهو ٨سنه مرتو م ولدت قلت ليها الف مبروك حبيبتي انتي تستاهلي كل خير وكيف هو معاك قالت لي ميه ميه م مقصر مني ومدلعني اخر دلع قلت ليها الحمد لله فرحت لنمارق شديد واطمنتا عليها
خلاص الامتحان باقي ليهو يوم وانا كنت كاسره رقبتي في القرايه ابوي حزر سحر انها تجي عشان انا ممتحنه حسيت انو بقا فاهما شديد
اول لي يوم امتحان كنت مبسوطه شديد لانو جا ساهل ومرت الايام وربنا سهل لي باقي الامتحانات وحسيت نفسي اشتغلت كويس شديد وح اجيب درجه كويسه افرح بيها قلبي الما دخلتو الفرحه سنتين.
يوم قاعدين متلمين انا وابوي وامي ونشرب في قهوه العصر جاتنا خاله امي سلمت علينا وبعد قعدت قالت لي يختي انتي طليقك دا بقا مجنون ولا شنو اتزكرت غيث وهيبتو قلت ليها دا اجنن بلد كامله بس هو م بجن قالت لي لا والله جنا الولد واقف اتكلم براهو وقدر م سلمت عليهو م جاب خبر قلت ليها احتمال اتكلم بالسماعه قالت لي بري والله دا جن راسو عديل ي بت والشفع متلمين فيهو من قالت لي كده قومت علي حيلي والبس في توبي ابوي قال لي ماشه وين قلت ليهو النشوفو يابا قال لي لو عتبتي عتبه الباب بكسر ليك كراعك قعدت وقلبي في يدي غيث يا ربي مالو هل فعلا كلامها صاح جنا ولا بتكلم بالتلفون تتتوقعو اكون مالو،،،،،،،،، يتبع

 

 

• لقراءة باقي فصول الرواية أضغط على (رواية أسرار خلف الأبواب)