رواية غيث ونوسة – اسرار خلف الأبواب الفصل الثامن عشر 18 بقلم نوسة حمد

رواية غيث ونوسة – اسرار خلف الأبواب الفصل الثامن عشر 18 بقلم نوسة حمد

 

 

البارت الثامن عشر

 

نمارق قالت لي نوسه انا ما قلت ليك؛ غيث وسلمي وراهم قصه قلت ليها كيف والقال ليك منو قالت لي دقيقه النحكي ليك انا عملت فيها نفسي م بعرفهم نهاي وكانو انتي م حاكيه لي طبعا قالو انهم عرسان ليهم شهور سالتها انها حامل قالت لي لازم مستعجلين نحنا وطبعا ي نوسه استحاله تكون دي صحبتك البت دي تحسيها صايعه عديل انا نظرتي اصلا م بتخيب قلت ليها فعلا صايعه لو م صايعه في بت بتعمل حركتها دي بس انا شكلهم كانو عاملين لي عمل وع فكرة اهلي نهاي م بحبو سلمي دي بس حارساني وانا م بحب احرجها وياريتني احرجتها بس كدي احكي بعرفو بعض كيف والقال ليك منو قالت لي سالهم سفيان قال ليهم اتعرفتو كيف قال ليهو انا كنت استاذ في جامعتهم والقسمه جمعتني بسلمي واتعرفت عليها وحبينا بعض واتزوجنا قالت لي زوجك كان شغال في جامعتهم قلت ليها زوجي دا شغال شنو ولا بصرف كم م عارفه قالت لي لانك غبيه ومافالحه انتي لو استمريتي في طبعك دا والله الناس كلها تحقر بيك خليك مفتحه شويه المهم دي كل القصه وعملت القلت ليك عليهو بس هو نهاي م سالني دي منو لمن شافك عاين لي سلمي وسلمي عاينت ليهو وخشمن مافتحو ولمن جابوك كذا مره وم علقو عليك في لقطه كده المصور جابك فيها قريب بقيت ابكي وسفيان اسكت فيني قال ليهم دي اختها وصحبتها كانت عايشه معاها وبقت ليها اكتر من اخت وبقا يحكي في قصتك وغيث يبلع في ريقو بالعافيه لدرجه انو اضايق وطلع وانا متاكده ي نوسه ح يجيكم بكره اعملي حسابك نهاي م يحقر بيك اقيفي ليهو في وشو وقولي ليهو لو هبشت واحد من اولادي انا بسجنك اوعك تخافي وريهو انك اتغيرتي ما نسيبه الضعيفه البتنكسر في اقل شي قلت ليها ربنا يقدرني ي نمارق بس م ح اسكت ولا ح اسمح ليهو يشيل اولادي الا وانا جنازه وم ح يهددني ولا يخوفني نمارق بقت توصي فيني شديد قلت ليها حاضر ان شاء الله اي شي قلتي ح اعملو نمارق ممكن طلب قالت لي عيوني ليك قلت ليها ممكن م تكلمي سفيان انو غيث صاحبو دا زوجي قالت لي اكيد لو عايزه اكلمو كان كلمتو دا موضوع حساس خليهو عايش انو الصايعه دي مرتو قالت لي نسيت احكي دي طبعا سفيان بشرب شيشه اتخيلي شربت معاهم قلت ليها عارفه انها بتشرب لانو قالو كانت فاتحه كوفير هنا وعلمت البنات الشيشه وناس الحله قفلو ليها اعوذ بالله منها كانت خادعاني وتاني توبتا م بصاحب نمارق قالت لي نوسه هدي انا صاحبتيني حصل شفتي مني شين قلت ليهاا العفو والله انتي ست الكل والزيك زاتو ماف بس في حاجه واحده خزلتيني فيها قالت لي شنو قلت ليها زواجك من سفيان قالت لي نوسه دا قدر انتي م بتعرفي القدر ف مثل بقول القدر بيعمي البصر يعني انا م عملت حساب لاي شي وحبيت سفيان عشان ربنا رايد انو يكون هو زوجي قلت ليها خايفه عليك والله دا كل قصدي ربنا يحفظك ويغطيك حبيبتي قالت لي امين وقفلت عشان سفيان جا والليل كلو م نومتا بقيت افكر واخطط واجهز في الردود لي غيث ولازم اقيف ليهو في وشو عشان يعرف اني انا م نوسه الزمان انا واحده غيرني هو والزمن
صحيت الصباح مشيت المدرسه قلت ليها يمه م تفتحي الباب لاي زول ممكن غيث يجي يقلع منك اولادي يمه اولادي امانه في رقبتك قالت لي م تخافي ي بتي مالي الدرجه دي قلت ليها واكتر ماف ثقه تاني وهم الوصلوني للمرحله دي الله ينتقم منهم مشيت المدرسه وقلبي في يدي جيت جاريه نهاية اليوم جري لقيت امي منوماهم ونايمه معاهم بقيت افتش في كريم وما لقيتو بقيت اكورك كريم اتخطف وابكي امي قامت مخلوعه قالت لي انتي جنيتي ي بتي ولدك مع ابوك وطبعا انا نفسي لمن قايم قالت لي بتمرضي ي بتي قلت ليها يمه انتي ام واعزريني انا اولادي صغار ياهم هم الطلعت بيهم من الدنيا دي قالت لي ربنا يحفظهم ليك وما تنحرمي منهم انا العايزه منك تقوي قلبك وتخليك زوله دغريه وماتخافي نحنا معاك قلت ليها يمه نفسي اوجهه غيث وارتاح من الهم دا قالت لي موش انتي جيتي هنا ح تصبحي بيهَو وتمسي بيهو لانو كل مره بجي يسأل منك قالت ليها تمام دا انا العايزاهو وبنتونس كده ابوي جا شايل كريم ويدينو ملانات حلاوه قلت ليهو لا م تعودو يا ابوي انا بخاف يتعود والظروف تكون صعبه اها نقطع من لحمنا قال لي باذن الله كل طلباتو مجابه طول م انا حي ف الدنيا قلت ليهو ربنا اديك العافيه ي ابوي م قصرتا ولا ح تقصر امي قالت لي ختي ليك اكل قلت ليها شبعانه َ وكنت جيعانه بس جواي هم ح يكتلني هل انا جبانه وح اخاف من غيث ولا انا م نفسي اشوفو ولا انا خايفه لو شفتو اتزكر الاستقرار واتأثر بقيت افكر لدرجه انو صوت اولادي بقا يزعجني وامي ماكسه لي طولي بالك ياها التربيه كده قلت ليها الحمد لله يمه وربنا اديني قدره؛ نومتا لاني كنت تعبانه صحيت بي سحر اظنها متشاكله مع راجلها وجابا راجلا النوع الصعب داك وابوي وامي يسالو فيها وهي كالعاده ترمي في دموع التماسيح سحر كلامها مسم انا اختها م بتقبلو اجي اتقبلَو راجل ونسابه مستحيل يتقبلو وح تكون مشاكلها مدوره كده انا نهاي م ادخلت فيهم رغم انها كانت حشريه بس انا م فكرت حتي اقيف معاهم وراجلها شكلو مستحملها عشان الحمل وامو مره كبيره وسحر م محترماها وهو م متقبل الحاجه دي سبحان الله سحر نهاي م مستوره تكورك في راجلا قدام ابوي لمن ابوي اداها كف لمن خشما كبا الدم وكان زهجان منها شديد حاولو يهدوهو بس كان جواهو غضب قال ليها انا بت تعلي صوتا علي راجل م عندي هسي شوفي اختك نسيبه دي لمن اختلفو محترماهو كيف انتي الليله تجي تعلي صوتك عليهو راجل سحر قال ليهو معليش ياعمي حقك علي ونحنا غلطانين مفترض اساسا مشكلتنا م نطلع بيها بره البيت بس هي اصرت انها تجي هنا وانا ح اسوقا وامش وربنا يهديني ويهديها ان شاء الله راجل سحر زول فاهم بس هي مكشوفه حال وصعبه ابوي بقا زهجان منها واكورك قال البت دي خربها الدلع قلت ليهو انا وسوسن خشمنا وجعنا من الكلام بس انتو كنتو كانكم م بتسمعو ولا عشان هي اخر واحده تدلعوها كده هسي ي ابوي كان كترت مشاكلها دي راجلا دا بزهج وبطلقها نقعد ليكم الاتنين يابا قال لي الله كريم وحسيتو مهموم قلبي وجعني وانقسم النص واتخيلت نحنا الإتنين قاعدين ليهو ومطلقات ونقعد النهار كلو نتشاكل ولدي وولدك وانا وانتي امي وابوي يموتو هم بقيت ادعي في ربنا انو تبدل حالي من حال لي حال مرت ايام واسابيع غيث م ظهر وشكلهم لسه في بورسودان مره كنت في المدرسه ومن دون الايام حاسه نفسي م طبيعيه وتعبانه دايره اقع في الارض استأذنت من المعلمه ورجعت البيت ومن بدايه الشارع بس سامعه صوت امي تكورك باعلي صوت قلت خلاص ابوي جاتو حاجه وكرعي اتربطن وحالتي حالا وبدل امش لقدام بقيت ماشه لي ورا حسيت بشلل عديل والبلاقيني كلو اقول ليهو فشنو اقول لي ماف حاجه وصلت بقدره قادر البيت ومن باب الشارع اشوف امي قاعده في الارض وتتكتح بالتراب ::::” ” ” ” ” ” ” ” ” ” ٠٠٠0٠٠٠0يتبع

 

• لقراءة باقي فصول الرواية أضغط على (رواية أسرار خلف الأبواب)