رواية غيث ونوسة – اسرار خلف الأبواب الفصل السابع عشر 17 بقلم نوسة حمد

رواية غيث ونوسة – اسرار خلف الأبواب الفصل السابع عشر 17 بقلم نوسة حمد

 

البارت السابع عشر

 

#اسرار_خلف_الابواب17
#نوسه_حمد
حفله نمارق شغاله وكانت مبسوطه شديد وفرحتها ظاهره في وشها واهل سفيان فرحانين وسفيان زاتو فرحان بقيت خايفه من انو يحصل اكشن ومرت سفيان تجي وياريتا بقت علي مرت سفيان اديت اولادي لي خالت نمارق قلت ليها امسكيهم لي قايمه اشارك العروس قالت لي تمام اديتهم ليها ومشيت بقيت ارقص مع نمارق وعيني من بعيد تقع في غيث ماسك سلمي وداخلين اباركو للعريس وغيث سلم عليهو سلام معرفه انا هبطتا وحيلي مات لمن بقيت ارجف وعين غيث تقع في عيني وفكيتا جريه وهو وراي اكورك لي حاولت ازوغ منو في وسط نسوان برقصن بعدطلعت لقيت ولد خالتو فاطمه في وشي قلت ليهو اسمعني انا عايزه ارجع طليقي جوه واولادي عند خالت نمارق عليك الله حاول جيين لي منها انت وخالتو فاطمه انا ماشه علي بيتكم ومشيت الصاله كانت بعيده منهم وجنيه في يدي م شايلاها وكنت ببكي بكا منظر غيث ماسك سلمي وصوتو لمن بكورك لي نوسه ح يقطع قلبي وقلبي بقا في يدي ولازم امشي عشان م يشوفني لانو كان وراي بس انا زوغتا منو وقفت لي بتاع تكسي قلت ليهو ممكن تقدمني لي قدام وما معاي قروش بقا يكورك ويسب فيني ويقول مليتن البلد مفتكرات كل الرجال واحد انا شغاله ليهو كدي النشرح ليك اديني فرصه دور العربيه وملاني غبار وفات قلت اكيد اي بتاع عربيه

 

ح اوقفو واقول ليهو م عندي قروش ح يفهم غلط ويستقل ضعفي بقيت ابكي بقيت افتش لطريقه م لقيت وبقيت خايفه خالتو فاطمه اجيبو اولادي ليهم وم يلقوني يفتكرو اني هربت وخليتهم والخوف ولدها يتهور ويديهم لي غيث بقيت افكر مستحيل يعمل كده لانو طيب في أثناء وقفتي دي جات جنبي بت شكلها بت راقيه وبت عز وقفتها سلمت عليها قلت ليها معليش والله انا م شحاده بس انا في ظروف خلتني اطلع من غير قروش ومستعجله اولادي صغار خليتهم كنت في مناسبه وجيت ع اساس اني ارجع معاهم قالو عندهم جرتق وانا اولادي م بستحملو ممكن تاجري لي تكسي واكون شاكره ليك قالت لي العفو ي اختي وجدا م عندك مشكلة طلعت قروش كتيره عايزه تديني ليهم قلت ليها لا انا م عايزة قروش انا بس عايزه حق التكسي وقروشك دي كتيره قالت لي م مشكله خليهم معاك وربنا يسهل طريقك وفاتت كنت مجبوره علي الشحده لمن اضايقت من نفسي وبطني طمت عديل م نفسي اتخت في موقف زي دا بس البت طيبه بقيت ادعي ليها في سري وركبت العربيه وصلت بيت ناس خالتو فاطمه وكنت منهاره عديل لقيتها قاعده وشايله اولادي ويبكو بكا قطعو قلبي وبقت تسال فيني قالت لي طليقك الجابو العرس شنو قلت ليها م عارفه والله شكلو بعرف سفيان راجل نمارق قالت لي مشكله لو بعرف سفيان لو سال منك احتمال يوروهو قلت ليها م عارفه خلاص انا انهرتا ممكن غيث يقلع مني اولادي ويقول م شافهم انا لازم ارجع لي ابوي الخايفه منو قبضني وصدا صوتو للان في اضاني ومستحيل غيث يخليني في حالي خالتو فاطممه قالت لي م تنزعجي كدي سكتي اولادك ديل وخلينا نفكر قلت ليها اقعد افكر لمن سفيان يجيب لي الشرطه ويقلع اولادو لا لا انا لازم افوت اهلي شيلت التلفون اتصلت كلمت سوسن قالت لي غيث الجابو هناك شنو انتي متاكده دا هو قلت ليها اي والله متاكده دا غيث مستحيل م اعرفو وجا وراي وكورك لي بس انا زوغتا منو قالت لي نوسه اركبي هسي وتعالي وم تعاكسي والقسيمه م تنسيها عشان نهددو بيها قلت ليها خلاص انا ح اجي والبحصل احصل بس ملابسي وملابس اولادي ف الشقه قالت لي ملابس شنو امرقي بي روحك قلت ليها الورق برضو وبقيت خايفه من سفيان لو صاحبو اكيد لو عرف القسيمة يشيلا يديها ليهو وم معاي المفتاح ارجع الشقه يقومو يقبضوني وانا لازم امشي اجيب القسيمه قالت لي م تتهوري طالما صاحبتك بت حلال اتاكدي انها م ح تلعب في اوراقك اتوكلي واطلعي ان شاء الله تصلي الصبح بس م تقعدي يوم الليله دا قلت ليها وابوي انا خايفه منو قالت لي ابوي قلبو مقطوع عليك لو شفتي م ح تقولي كلامك دا انا والله خايفه عليهم عديل بسببك يموتو حسره انتي م تبقي انانيه وتحسري اهلك عليك بسبب اولادك هم برضهم والدين وانتي بتهم لمن م يعرفو مكانك ويفقدوك فكرك ح يكونو مرتاحين اخير امي اطمنت لمن سمعت صوتك بس ابوي للان اهاتي بيك نوسه عليك تعالي كفايه وجع وهدا الخايفه منو محل هربتي لقيتيهو يعني كذابه لو قلتي ف السودان دا تندسي من زول لو طال الزمن لو قصر بعرفوك قلت ليها انا م ح اسامح نفسي لاني ازيت امي وابوي قالت لي تعالي وح يعفو ليك بس لمي اولادك واتلمي عليهم وما بتجيك عوجه ولو غيث جا ابوي بي صحتو ح يعرف يعمل معاهو شنو وكفايه خوف من المجتمع والخوف من الفضيحه لازم نحنا نكون شويه بنفهم قلت ليها خلاص ي سوسن انا بتوكل اركب اجي والبحصل يحصل قالت لي تمام وعشان ابوي م ينخلع الليله بسوق اولادي وببيت معاهم وخلي تلفونك فاتح اطمئن عليك قفلت منها وكلمت خالتو فاطمه قالت لي طالما كده ربنا يوفقك ويسهل طريقك انا والله م عايزاك تمشي بس جيت طليقك دي ملت راسي وهسي بمش اكلم ليك واحد من اولادي يوصلك لَمن اركبك وربنا اديك العافيه ويعدل خطوتك قلت ليها امين ادتني عبايه وطرحه من بتها لاني كنت لابسه توب حفله مشت نادت ولدها وجا قال لي ارح والوقت قرب للعصر قال لي لو خليتي للصباح يكون افضل قلت ليهو لا م معروف الظروف قال لي ربنا يهون بس انا خايف عليك وعلي اولادك قلت ليهو م بتقصر وركبني ورجع بعد ركبتا حسيت قلبي ارتاح كاني وصلت عديل من الهم الح يجنني وفي طريقي الطويل داك شكلها نمارق فقدتني اتصلت علي قالت لي نوسه انتي وين قلت ليها اسفه انا ي نمارق راجعه البلد قالت لي شنو شنو من غير م تودعيني وتشيلي ملابسك نوسه انتي بتهظري قلت ليها نمارق زوجك جنبك قالت لي اي قلت ليها لمن تزحي منو اتصلي لي م ح اقدر اتكلم قالت لي دقيقه وشكلها دخلت منو قالت لي نوسه مالك خوفتيني الحاصل شنو قلت ليها سفيان عرفك علي الولد اللابس كده وماسك مرتو قالت لي اي دا زميلو في الشغل قلت ليها عرفك بالاسماء قالت لي صوت الحفله كان عالي عرفني بس م سمعت قلت ليها اتخيلي دا غيث وسلمي نمارق لمن شهقت قالت لي نوسه انتي متأكده قلت ليها متاكده مليون ف الميه لانو غيث شافني وقال لي نوسه وجا وراي بس زوغتا منو وم طالبه منك شي غير ورقي العندك امانه في رقبتك قالت لي نوسه عيب عليك انتي م بتوصيني ف الحفظ والصون ولو عايزه ممكن ارسلن ليك مكانك قلت ليها لا احتمال يضيعو انا ح ارسل ليهم وخلي بالك من نفسك ي نوسه وودعتني وقفلت لمن حسيت اني خلاص فارقتها بطني طمت عديل لانها كانت حنينه علي والطريق كان طويل الليل كلو البص ماش لمن الناس قالو ليهو يا زول بيتنا في محطه نحنا تعبنا حتي وقف في محطه وبيتنا وانا كان جنبي شاب كنت مشيلاهو كريم وكريم نايم اعتزرت ليهو قال لي معليش يا اختي الحاله واحده نزل قدامي وجاب لي سرير ختاهو لي جنب النسوان ورقد كريم واجر ليهو مخده وبطانيه َاديتو القروش بس حلف قال لي معقوله بالاتجاه التاني رقدت ورقدت جنبي اولادي والسرير النوع الضيق دا لمن اتكرفست فيهو حته شالني واتغطيت وكنت نعسانه نعاس قلت للجنبي عليكم الله لو غرقت في النوم صحوني وخلو بالكم من اولادي قالو لي نومي خلاص نحنا اصلا نومنا وصحينا نتعشا قلت ليهم تمام قلت اكسبها فرصه انوم عشان انا لو كنت تعبانه وغرقت ف النوم ممكن اولادي ديل اوقعهم عديل وم عديت ثواني نومتا لمن شخرتا الولد بقا يصحي فيني انا م قادره افتح الجنبي بقت تضرب فيني قالت لي اخوك بصحي فيك قلت اخوي انا م عندي اخو فتحت عيوني ولقيتو دا الولد شايل ليهو صحن شيه ومعاهو فول قال لي قومي ناكل الولد قطع قلبي ياحليلو م نساني لمن مشا طلب الاكل قلت ليهو انا م عايزه اكل اكل انت قال لي معقوله اخليك والله تاكلي معاي قلت ليهو طيب غسلت يدي من ابريق كان جنبي وختا الصحن ف طربيزه وقعد في الارض وعينو نهاي م جات في عيني بس يأكل وانا اكل ولد شكلو متربي صاح بعد خلصت شكرتو قال لي انا ح اجي اصحيك لو البص اتحرك انا م ح انوم قلت ليهو تمام نومتا مطمئنه وصحوني لمن البص عاوز يتحرك قومتا مشيت ركبتا حسيت نفسي ارتحت شويه للظهر كده نحنا وصلنا اتصلت لي سوسن قالت لي اجري اي عربيه واركبي وم تخافي وعينك تكون قويه م تنكسري حتي لو زول من الحله قال كلام تمام قلت ليها تمام وركبت عربيه ووصلت طقيت بابنا جاني ابوي انا هبطتا عديل وقلت استسلم بس دقاني ولا خلاني قال لي نسيبه قلت ليهو اي ي ابوي ابوي حضني عليهو وبقا يقول الحمد لله الحمد لله قال لي ديل منو قلت ليهو منه وكرم اولادي بقا يكبر ويهلل وحسيت فعلا ابوي فقدني امي جات وزغرتت عديل وكل الناس اتلمو وَقالو لي حمد لله ع السلامه بس كنت بشوف في عيونهم سؤال انا كنت وين بس م ركزت زي م قالت لي سوسن وما عايزه اضعف شخصيتي تاني لازم ابقا قويه وشجاعه سحر اختي نهاي م بتتغير سلمت علي برا نفس قلت ليها مبروك الزواج قالت لي عرفتي من وين قلت ليها من سوسن قالت لي يعني سوسن كانت عارفاك قلت ليها اي طبعا م صدقت اظنها مشت كلمت ابوي ابوي جا يكورك لي سوسن قال ليها انتي القلتي لي اختك تطلع صاح انتي الحرشتيها وطاخ اداها كف اولادا لمن قعدو يبكو قالت ليهو يابا افهم مني م تضربني سحر دي كذابه اسال امي بتحكي ليك سوسن اثرتني شديد قلت ليهو يابا الكف دا مفترض اكون لي انا م لي سوسن يابا سوسن عملت المستحيل عشان اجي وهي م كانت عارفاني وين لغايه انا م الدنيا ضاقت بي اتصلت عليهاونهاي م وريتا مكاني بس حكيت ليها بي اي شي واقنعتني وجيت يابا م اي شي تقولو سحر صاح هسي يا يابا سؤال سحر دي عرست صاح قاعده هنا ليه

 

قال لي حمواتا ونسيبتا كعبه قلت ليهو والله انا م بعرفهم بس اقسم بالله هم م كعبين وكعبه هي يابا م تصدقا في اي شي ومت تطاوعها في اي شي هي عشان لقتك بتصدقها وبتشوف كلامها حتي لو غلط صاح عشان كده طبعها م ح تخلي ولا ح تتغير وح تقعد تسوط وتجوط كده كان هنا كان هناك طوالي سحر فتحت خشمها مستحيل م تتكلم قالت لي الحمد لله بعد دا كلو ما طلعت من اهلي ولا فضحتهم ابوي اداها كف وقال ليها اسكتي وجهزي شنطتك ارح النوديك بيتك بلاش كلام فارغ م عارفه سحر دي لمن تتكلم م بتعمل حساب لنفسها انو الدايره ح تدور معقوله انا اختها تعايرني طيب الناس التانيين يقولو شنو بقت تبكي دموع التماسيح بس زول اشتغل بيها ماف وطبعا ابوي زول دغري لمن يحس في زول عاوز يخلق مشاكل بقيف ليهو بي كلو بقا لابس جلابيتو ومنتظرها تلملم ملابسها عشان يوديها بيتا وهي شغاله تتكلم وتتنطن وتداعي فينا انا وسوسن ابوي ساقا وداها امي قالت لي معليش ي بتي ابوك م قصدو وسحر م قصدها قلت ليها ابوي خلي انا في سحر يمه م ح تتغير اقسم بالله انا تاني سبب خلاني اهرب بي ولدي سحر يمه انتو م شفتوها بتعمل لي شنو كانو البيت دا م بيتي بس بيتا هي وهدي بعد عرست حارساكم م تطاوعوها عشان م تطلق زيي خلوها تتلم علي راجلها
المهم مرت الايام وطبعا الناس طلعو فيني كلام قالو انا متزوجه وولدت لانهم م عارفين اني كنت حامل غايتو م عارفه البطلع الكلامات لي ناس الحله بمش من الله وين امي البسألها بتقول ليهم كانت حامل وبتي م اتزوجت عملو لي اكتئاب عديل بس سوسن قالت لي ولا يهزك ريح وهسي ارح انزلي ف المدرسه مشيت سجلت وتاني يوم نزلت امي كانت بتمسك لي أولادي انا كنت بحضر جزء من الحصص والتانيه م بقدر عشان اولادي وكنت مبسوطه وابوي زاتو مبسوط لي قال لي متندم اني م خليتكن تابعتن قرايه قلت ليهو قسمه يابا وهسي انا ان شاء الله ح اكمل تعليم واتخرج انفع نفسي وانفعكم وانفع اولادي قال لي ان شاء الله طبعا غيث م شفتو وم منو خبر وسلمي قالو كانت عامله كوفير وقفلتو عشان زول بمش ليها ماف غير عاملاهو للشيشه البنات بجن اشربنها معاها ناس الحله اعترضو وقفلو لانو في بنات م بشربن شيشه اتعلمن بسبب صاحباتن دا الكلام السممعتو وصدقتو لاني شفت الخمره بي عيني في بيتي لمن طلعت من غيث
مرت الايام ونمارق رسلت لي قالت لي جايننا ناس غيث وطبعا انا لحدي الان م قلت لسفيان انو غيث صحبك دا ياهو راجل نوسه واصبري لي ح اضربو ضرب ف الكلام قلت ليها كيف قالت لي بشغل الشريط وانتي ظاهره فيهو ح يقول لينا دي منو ح اقول ليهو دي صحبتي بت محترمه بس زوجها الله يلعنو ولد حرام وعمل الماف زول عملو اتزوج مره متزوجه قاهر خانت بيتا وزوجها واولادها شتتت اسرتها وشتتت اسرت راجل صحبتي وح اتحسبن عليهو شديد وبجي اوريك رده فعلهم شنو قلت ليها الله ينتقم منو اشد الانتقام وم عافيه ليهو قالت لي نوسه ربنا ح يشيل ليك حقك اها طمنيني اهلك كيف قلت ليها اهلي تمام وابوي اتغير ونزلت مدرسه بس ناس الحله قالو انا متزوجه وديل اولاد الراجل الاتزوجتو قالت لي خلي الناس تتكلم وياخدو راحتهم للنهايه اسمعي بهنا وفضي بهنا كلامهم لا بقدم لا بآخر عشان كده م تركزي قلت ليها ان شاء الله قفلت مني قالت لي شكلهم جو بقيت متشوقه انها تجي تحكي لي وم نومتا نهاي وشكلهم قعدو معاهم زمن طويل وسفيان نزل اقدمهم اتصلت على نمارق وقالت لي نوسه انا مش قلت ليك سلمي دي م بتكون عرفتو عن طريقك بس قلت ليها كيف قالت لي الزوله دي بتعرفو قبل تتزوج قلت ليها شنوو شنوووووو………. يتبع

 

لقراءة باقي فصول الرواية أضغط على (رواية أسرار خلف الأبواب)