رواية غيث ونوسة – اسرار خلف الأبواب الفصل الخامس عشر 15 بقلم نوسة حمد

رواية غيث ونوسة – اسرار خلف الأبواب الفصل الخامس عشر 15 بقلم نوسة حمد

 

البارت الخامس عشر

 

#اسرار_خلف_الابواب15
#نوسه_حمد
كلام سوسن اختي خلاني افكر في اني ارجع بس الخوف متملكني وبقيت م بثق في غيث طالما عرس متزوجه الروح ممكن يكتلا وانا خاطرت بسمعتي عشان اولادي م نفسي يقهرني بيهم ويحرق حشاي بقيت افكر الليل كلو نهاي م نومتا وبرضو خوفت من سوسن انها تكلم ابوي واجي افتش لي بس اتزكرت اني م كلمتا بمكاني افكر للصباح م نومتا لغايه م صليت الصبح نومتا حبه وقلبي صاحي صحيت بي كركبه نمارق فتحت عيوني طوالي عينا وقعت في عيني قالت لي نسيبه صباح الخير قعدت اضحك قلتا ليها نسيبه ولا نوسه انتي الليله مالك زعلانه مني ولا شنو قالت لي لا ابدا انا م زعلانه منك احتمال زعلانه علي فراقك قلت ليها نمارق الدنيا ضيقه ح نتلاقه باذن الله وانا الليله جيتك بكلام انا احتمال ارجع اهلي نمارق انا م بقدر علي التلتله دي شوفي هسي راقدين لينا مع ناس واولادي صغار الليل كلو يبكو ح يكونو ازعجو الناس انا م برضا لي الناس العذاب في وقت راحتهم لكن م بي يدي وما نبقا ثقيلين اكتر من يوم الليله دا م نقعد تاني رايك شنو وانتي زاتك خلاص عرسك قرب تاني م ح تحتاجيني وربنا يسعدك ويبعد منك المشاكل قالت لي امين غايتو مشاكل من بدايتها انتي مفتكراني نومت من الالم روحي عايزه تطلع عديل بس اعمل شنو قلت ليها نمارق اقسم بالله م تستاهلي حلاه الدنيا عليك الوداك ترتبطي بالراجل دا شنو انا من الاول م موافقه بس انتي عنيده واصريتي انك تتزوجي وانتي خليك حبيبتيهو والحب اعمي اهلك ليه اعقدو ليهو طوالي معقوله ي نمارق اتنهدت ودمعتا في عينها وقالت لي نوسه م عارفه اقول شنو دي اول مره اتكلم انا بطبعي كتومه بس ح اتكلم نوسه انا قومتا لا ام لا اب عيشتا مره مع خيلاني ومره مع حبوبتي ومره مع عماتي سبحان الله ي نوسه م ح تلقي احن من امك وابوك مهما عملو ليك انا عانيت عاطفيا شديد بالذات م شفت امي وابوي كنت بشوف في عيون الناس شفقه فقط وبهتمو بي عشان يكسبو اجر هم م قصرو والله بس كان نفسي يوم ادوني احساس حلو يحسسوني انهم بحبوني زي امي وابوي ما متعاطفين علي وكايسين للاجر كنت رغم اهتماهم البحسو جبر بنبسط بس جواي نقص نفسي زول يحضني يعوضني حنان الام الفقدتو نوسه انا ماف زول ضماني عليهو وطبطب علي انا طفله م بفهم بس بحس والاحساس دا عمرو م كان مرتبط بعمر وكانت بتبكي قومتا من سريري وضميتا علي هي تبكي وانا ابكي البت قطعت قلبي قطع واظنها ياحليلا لقتني انا اعتبرتني اخت وبقت تحكي لي قالت لي نوسه عارفه اول يوم لاقيتك اتمنيتك اخت من قلبي وحبيتك عشان انتي طيبه وبريئه وبتستاهلي الحب اتمنيت اخاويك وربنا م خزلني بس في حاجه واحده م عملت حسابها وهسي تاعباني قلت ليها شنو حبيبتي فضفضي قالت لي انو خوتنا يوم تنقطع وافقد نوسه الاخت والسند البت قطعت قلبي لي مراد م افوتها قلت ليها نمارق عليك الله اسكتي كلامك دا بنزل علي زي السكاكين انا م بي يدي انتي شفتي براك الدنيا عامله معاي كيف قالت لي سفيان قال باجر لينا ي نوسه انا محتاجاك قلت ليها نمارق معليش انا في دي م بطاوعك م بقدر والله اعيش مع راجل غريب صعبه شديد اعفيني امشي انتي حبيبتي وتتهني وربنا يسعدك قالت لي نوسه عشان خاطري قلت ليها خاطرك فوق راسي واوعدك ي نمارق طالما بينا التلفون م نفترق وبرضو م رديتي علي سؤالي اهلك عقدو ليك عليهو ليه قبل يسالو وهل عارفين انو متزوج قالت لي اي وريتهم وي نوسه اهلي ليهم مراد مجنون من الشارع يجيبو ويعقدو لي عليهو عشان يرتاحو من الهم ونحنا عرب جزيره البت عندنا افضل ليها الستره م صدقو جاني عريس ومن اول م كلمهم بالتلفون قالو ليهو ابشر بالخير ونحنا ناس عقد خطوبه وطلعه ونزله ما عندنا قلت ليها مهما كان الخطوبه دي للتعارف هسي بي امانه لو مثلا خطبك ومرتو قبضتو معاك ودقتك الدقه دي ح تعرسيهو قالت لي لا طبعا قلت ليها شفتي الورطه قالت لي قسمه م ورطه قلت ليها قسمه في شكل ورطه قالت ليها خليها ي نوسه علي الله بس انا لو قومتا كعبه والله اقبل علي مرتو دي انظمها واجننها قلت ليها نمارق لو معتبراني اخت ليك الزعزعه م حبابا اوعك واوعك تتشاكلي معاها المره دي ماكنه م بتقدري عليها والله نحنا طلعنا منها بي اعجوبه واظنو راجلك خايف من جنس الضرب دا قعدت تضحك قالت لي مالي الدرجه دي بس هو خايف علي مشاعرها قلت ليها في ذمتك الداينصوره دي عندها مشاعر ي بت دي م محترمه قبضتو معاك تفضحو كده ربنا قال اذا بوليتم فأستترو هي في داعي تصرخ تلم فينا البلد والبلدين قالت لي والله الحمد لله بس فضحتنا بت الحرام قلت ليها م دايره اخوفك بس دا تيست بسيط من الضر قالت لي نوسه م تخوفيني عليك الله انا والله حلمي اتزوج واستقر اتزوج سفيان اتزوج غيرو بس نفسي استقر قلت ليها الصبر سمح بس خلاص دي قسمتك وابقي عليهو عشره ولو ولدتي ليهو الولاده الهو دايرها دي ما ح يستغني عنك وح يحترمك ويشيلك في راسو وما تركزي مع اي شي ومرتو اوعك تمشي ليها ولا تجيك دي شرانيه والله ع حس انك ضرتها تكتلك قالت لي ان شاءالله ي نوسه والونسه حلوه بس اتاخرت سفيان واعدني انو يلاقيني قلت ليها تمام يا زوله امشي وابقي علي روحك عشره انا اليوم بستخير والبحس بيهو بمش عليهو قالت لي ي رب الاستخاره تقول ليك اقعدي معاي قعدت اضحك وقلت ليها مستحيل طبعا بس والله ما نتفارق ونننسا بعض انتي ناسيه العملتي عشاني انا اخلي اي شي الا انتي ي نمارق باستني بي فرحه وطلعت نمارق قطعت قلبي والله لو السعاده بي يدي اغرقها فيها غرق واتأثرت لي انها يتيمه ربنا يقويها وتلد اولاد اشبعوها حنان والزي نمارق دي لو ولدت ولادتها بتكون نافعه شديد وربنا يرزقها وانا خايفه ليها من الراجل ومرتو بس الله كريم عليها بتتسهل قومتا اتسوكتا وحاجه فاطمه جات تشرب معانا الشاي الناس ديل طيبين شديد م لاقيت في طيبتهم م بحسسوك انهم مضايقين منك اعتزرتها ليها علي اولادي الببكو قالت لي عادي ي بتي ملو علينا البيت والله لو علي تقعدي معاي رايك شنو قلت ليها انا اتصلت علي اختي واختي حكت لي بالحاصل كلو وقالت لي ترجعي البلد قالت لي لكن بتضمني راجلك م يقلع منك اولادك اقعدي معاي النعرس ليك ولدي دا قعدت اضحك قلت ليها عرس شنو يا خالتي نهاي م مفكره فيهو وانا زاتي غيث منفصل مني بس م طلقني طلاق رسمي عشان كنت حامل يعني م عندي قسيمه طلاق وطلقتو لي ديك م بتقع عشان لحظتها كنت حامل قالت لي لخير وانا جاده معاك ولدي الجا من ليبيا دا اكبرهم وزول طيب وخلاص ماشي يكبر ما زاكر ليهو عرس لو وافقتي احسن ليك وبسوقك معاهو ليبيا قلت ليها خالتي والله ولدك علي عيني وعلي راسي ربنا اديهو بت الحلال مالك موقعاهو في مره بي شفعها وانا اولادي الشهرين م تموهن قالت لي المشكله شنو عادي قلت ليها لا والله م عادي كيف اعرس لي راجل وانا اولادي صغار مستحيل اعملها وغير كده انا قسيمه طلاق م عندي قالت لي ساهله والله وبتتجاب بس انتي وافقي قلت ليها ي ريت والله بس نفسيا م بقدر اعفي لي وما تظلمي ولدك خلي يختار براهو قالت لي ولدي اختارك انتي قلت ليها انا قالت لي اي والله امس سالني منكم وانا اعفي لي حكيت ليهو قصتك في لحظتها قال لي لو بتوافق علي بتزوجا الولد انا بي عيني م شفتو لانهم كانو كتار سلمنا من بعيد ودخلنا بس هو اكيد شافني خالتو فاطمه بتتكلم وانا سرحانه ولدها جا ناداها طلعت ليهو وجاتني قالت لي عايزين يسلمو عليك انا كنت شايله كريم ببكي قومتا لبست توبي وقالت ليهو اتفضل الولد من بعيد غير م شاء الله م قال شي وبقا يبوس في اولادي جاني احساس انو ياهو دا الولد القالت لي عايزاك ليهو هو لا شين لا حلو بس ظاهره فيهو الطيبه والحنيه وعفوي شديد شال مني كريم وطلع وامو زاتا طلعت نمارق جاتني فرحانه قالت لي سمعت الكلام نوسه وافقي قلت ليها اوافق شنو جنيتي انتي ولد زي دا يعرس ليهو مره مخمخه بي شفعها قالت لي ليه مالو وهو القال عاوزك معناتا عندو استعداد لكده نوسه م تمنعي القسمه قلت ليها قسمه شنو وانا قسيمه م عندي نمارق مستحيل قالت لي ماف شي مستحيل فكري وقررري ولو علي القسيمه هددي راجلك قولي ليهو بديك قسيمت زواجك علي سلمي واديني قسيمه طلاقي كده ح يديك ليها في نفس اليوم وارجعي واقعدي كلمي اهلك وفكري ي نوسه قسمه م تضيعيها قلت ليها جنيتي انتي والله انتي بتخططي في مستقبل مره بي شفعها ما فتاه يا حبيبتي قالت لي غايتو بي كلامك دا بتضيعي نفسك وتحرميها والباقي م بعرفو قلت ليها نفس شنو انا بقيت م عندي احساس نمارق لمن تلدي ماف شي اسمو نفسي في شي اسمو اولادي قالت لي م بقول ليك لا بس اولادي ونفسي اوزن المعادله وفكري م تحرمي نفسك وطلعت فاتت لانها كانت لابسه م طلعت سمح سوسن خلاص م عرفت الرقم ح تتصل كل دقيقه رديت عليها ادتني امي وكانت بتبكي وبتقول لي عافيه منك تعالي لي انا حشاي محروق عشان ما تحرقي حشاك وراجلك يشيل منك ولدك حرقتي حشاي انا ام برضو وانتي بتي امي تبكي وانا خلاص روحي طلعت لي مراد ابكي باعلي صوت قلت ليها يمه اعفي لي قالت لي عافيه منك بس تعالي ي بتي انتي وين وراقده وين بتأكلي ولا بتشربي نايمه وين انا يومي بقول الكلام دا وابوك فتر مني تعالي لي راجعه ما تخليني اموت بي حسرتي ليك انا حاسه نفسي قصرتا في حقك تعالي لي قلت ليها يمه والله حاشا م قصرتو في حقي لا انتي لا ابوي بس يمه انا خوفتا وابوي كان عايز يبيع البيت يمه انتو تمشو وين قالت لي اريتو لو باعو وقعدنا في الشارع وانتي م تطلعي كلاما قسم قلبي علي نصين اتمنيت الموت عديل امي ساعه تتكلم م ادتني فرصه زاتو حسيت اهلي ندمو شديد علي طلعتي قلت ليها يمه لو جيت راجعه ابوي بدقني قالت لي مالو يدقك دقه وبتروح مالو ابوك جديد عليك قعدت اضحك واتزكرت لمن دقانا بي غيث بالخرطوش قلت ليها الا يديهو العافيه لو قطع لحمي رضيانه عارفه لمن يدق بدق عشان مصلحتنا نحنا قالت لي ي حليل ابوك البدق ابوك من يوم طلعتي طاشي شبكه بقا ينسا ويسرح وقلبو مقطوع عليك وعلي ولدك وسوسن قالت لي انتي جبتي تؤام قلت ليها يمه موتا موت في الولاده واتزكرتك قالت لي كر علي كر علي خلاص ي بتي تعالي والله ما تجيك حاجه قلت ليها غيث بشيل اولادي قالت لي غيث اشيلو السيل اهلو م شغال بيهم مباري المجنونه دي اصبري ليهو ي بتي كان ما خلتو القط اكياس المره دي قادره عرستو عشان العز العندو عينها م ملانه الجيعانه خليهم زاتو اتشابهو قلت ليها اصلي خليتهم بس يمه سلمي م بخليها قالت لي بري والله م عندك شغله فيهم مالك جايبه لنفسك المشاكل والكلام الفاضي وقت الله ريحك من وجع الراس قلت ليها نفسي اخد حقي قالت لي عند ربنا قلت ليها ونعم بالله وبقت تحنس فيني عشان ارجع امي شكلها مشتاقه لي شديد من رديت خشمها م وقف وانا دموعي م وقفن قلت ليها يمه ان شالله بجي خلوني بس اشوف نهايه البت المعاي قالت لي بت شنو دي حكيت ليها بيها قالت لي جييبها معاك تعيش معانا قلت ليها يمه هي اتزوجت قالت لي الحمد لله خلاص ي بتي مصيركم تتلاقو انا قلبي مقطوع مشتهيه شوفتك قبل اموت قلت ليها يمه بعد الشر م تقولي كده انا لسه م شبعت منك قالت لي سمح تعالي روحي مشحتفه ليك قلت ليها امي مبروك لسحر وان شاءالله تكون اتغيرت انا والله غير غيث سبب تاني سحر اختي يمه انا اكبر منها م محترماني محسساني انو البيت بيتها ما عندي فيهو زي م عندها فيهو وكلاما كتير ومستفذه ومنتقده لي اي شي وممله قالت لي سحر م تقدر تفتح خشما لو فتحتو ابوها يوديها لي راجلا وهي جات هسي حامل قلت ليها طبعا جات تتدلع قالت لي الفاضي ليها منو انا وابوك بالنا فيك تلدي وين والبولدك منو وتقعدي مع منو حيا ي بتي قلبي مقطوع تعالي لي تعالي لي قلت ليها يمه ح اجي والله وكنت ببكي لمن امي قالت لي حيا ي بتي بصوتها عرفتها انو بالا معاي شديد عشان ما احسرهم اكتر ح اقرر ارجع والبحصل احصل وعدتها وقفلت التلفون خالتو فاطمة جات قالت لي مالك بتبكي قلت ليها امي حالا م عاجبني اتصلت علي وكانت مضايفه شديد قالت لي مالا بسم الله قلت ليها عاوزاني اجي البيت قالت لي الام م بتستحمل في جناها عشان كده انا زاتي بقول ليك ارجعي ولازم تشيلي القسيمه من زوجك وهيثم ولدي جاهز قعدت اضحك قلت ليها هيثم ربنا اديهو بت الحلال انا مستحيل ازوج قلت ليك قالت لي ليه تدمري نفسك وما تردي لي هسي ارجعي بيتكم واستلمي القسيمه من زوجك واستخيري وردي لينا قلت ليها خالتي انتي ليه قبلتي انو يتزوجني وعارفه انو انا عندي اطفال صغار ليه رضيتي قالت لي عشان انا حبيتك وشايفاك زي بتي وانتي هاديه وبتسمعي الكلام م صعبه وولدي زاتو م اشكرو ليك زول الله قلت ليها مافيهو كلام انا هسي لو كنت بت كان وافقت طوالي قالت لي متزوجه وعارفك وعايزك وهو الطلب كده قلت ليها طيب والناس قالت لي م عندنا شغله في الناس مالم دايرين اعيشو هم مع ولدي ولدي اختار البت البتعجبو ان شاءالله بت حرام بس تكون محترمه ومؤدبه وبتخاف الله وماتردي لي هسي فكري ي بتي ومدام قررتي ترجعي اهلك دا احسن قرار انتهي امورك من هناك وهيثم بتزوجك وبسوقك انتي واولادك قلت ليها غيث م بخليهو وانا اهون لي اموت مع اولادي موت وما اتزوج قالت لي ان شاءالله بتتسهل بس انتي وافقي م تدمري نفسك الطريق قدامك كلامها عايز يدخل راسي بس حته انو عندي تؤام صغار دي ح تجنني مستحيل انا اعرسو بالوضع دا ولا انتو رايكم شنو ترجع وتطلق وتعرسو وتسافر ولا تصبر وتربي اولادها وتشيل فكره الارتباط من راسها وتكمل تعليمها ؟……… يتبع

 

• لقراءة باقي فصول الرواية أضغط على (رواية أسرار خلف الأبواب)