رواية غيث ونوسة – اسرار خلف الأبواب الفصل الرابع عشر 14 بقلم نوسة حمد

رواية غيث ونوسة – اسرار خلف الأبواب الفصل الرابع عشر 14 بقلم نوسة حمد

 

 

البارت الرابع عشر

 

 

#اسرار_خلف_الابواب14
#نوسه_حمد
ست البيت قبضت نمارق مع راجلها بعملو فشنو الله اعلم وشغاله تنبز فينا بي ابشع الكلام ما خلت لينا نبزه ما قالتا لينا لمن صدعت بينا وانا عشان خوافه كل دقيقه اقول لي نمارق وسفيان اتكلمو نمارق قربت تكفتني وانا كاني دخلت في صدمه وجعني النبز واتهمتنا اننا كعبين وبنات م كويسات بسبب نمارق
سفيان قدر سكتها ودخله مننا جوه وانا دخلت الغرفه وطبلتها علينا مسكت اولادي علي وقلت ليها نمارق شفتي دي اول درامات الضر انتي مشيتي وين وقبضتكم وين قالت لي سفيان قال لي انزلي عايز اشيل مقاس الدبله مرتي نايمه وهو كان طالع الشغل لانو دوامو بدري طلعت ولقيتو منتظرني جنب عربيتو وعندو خاتم بقا يقيس لي في اصبعي هي جات لقتو ماسك يدي م ادتنا فرصه زاتو وسفيان قال لي استحملي م تردي انتي جيتي بي خوفك ورجفانك دا عايزه تخربي اي شي قلت ليها نمارق خوف شنو انتي ما سامعه نبزها لينا وفضحتني فضيحه اريتني م حكيت ليها انا قايلا بتقبضك مع راجلا وبننفضح قالت لي نوسه حصل خير اسمعيني خلينا نلم حاجاتنا ونرحل قلت ليها نمارق نرحل وين انتي نسيتي ايجارت البلد دي الغاليه قدر قروشنا البنكسبن من شغلنا قاعدين ناكلهن ونشربهن انا يومي اسود انا مالي ومال التلتله والعذاب اريتني كان صبرتا علي راجلي اودي اولادي ديل وين وهم حته لحمه وكنت ببكي لمن منهاره نمارق قالت لي نوسه انتي ليه كل مره تقولي اريتني واريتني انتي لو عايزاهو راجلك دا كان تسكتي وتستحملي ان شاء الله يعرسن فيك ميه قلت ليها والله الراجل محلالات ليهو اربعه وانا الطلقني منو ما انو دبل فيني بالعكس م عندي مشكله ح اصبر بس وجعني زاوجو فيني صحبتي المتزوجه الله لا ختاك في موقف زي دا بس انا بطبعي ما بحب عدم الاستقرار والتلتله قالت لي لانك شخصيتك ضعيفه قلت ليها الله كريم يا

 

 

نمارق قالت لي ونعم بالله سفيان اتصل عليها قال ليها حزري نوسه م تفتح خشمها لي مرتي بي زواجنا اتاكدي لو مرتي عرفت الخبر دا عرسنا م ح يتم واطلعو من البيت عشان ما تعمل لينا مشاكل قفلت منو وقالت لي الكلام القالو قلت ليها هسي عليك الله الشخصيتو ضعيفه منو انا ولا راجلك مالو متزوجك في الحرام مفترض يكون راجل ويوريها عديل موش يخاف منها قالت لي نوسه سفيان م تهبشي نبزيني انا قلت ليها نمارق لا انتي لا هو بنبزكم وهسي نشوف لينا حل ونطلع انا المره دي شميتا وقلبي اباها قالت لي قومي انتي بس لملمي حاجاتك وم تركزي حتي لو جاتنا جوه نبزتنا قلت ليها حاضر ي نمارق بقيت الم في حاجاتي ودموعي نهاي م وقفت جد م عندي استعداد للتلتله شيلنا حاجاتنا وطلعنا وقبل نطلع المره مسكت نمارق من شعرها ووقعت فيها ضرب وخربيش شوهت وشها كلو وما اكتفت بي كده كانت ماشه تجيب المويه الحاره تكشحا فيها لغايه م ناس الحله مسكوها منها المره سمينه وعاليه والله انا قلت نمارق م بتمرق من تحتها والواجعني نمارق لسه ساكته انا لو في محلها اقول ليها عديل دا زوجي م ح اخاف منها لو كتلتني نمارق مشت بي زعمطتا ديك جابت ليها عربيه مرات بتحنني مرات بقول بتستاهل عشان عرستو راجل مره مرات بسرح بقول دي القسمه اقوا تفكيري بقا مشتتتت وهمي هي والبحصل ليها المره الشافتا عيني الاربعه في اربعه دي زول بقدر عليها ماف شافت ساي مسك يدها فرجت فينا امه لا اله الا الله لو عرفت انو متزوجها ح تعمل شنو ركبنا العربيه وشيلنا حاجاتنا ومشينا الناس النزلنا عندهم رحبو بينا وانا حكيت ليهم بالمشكله باركو لي نمارق وقالو ليها ح تتعبي كل الناس اجمعو علي الكلمه دي بس نمارق كانها عمياء وطرشه والله لمن تقول سفيان تحلفي تقولي سفيان صبي وحلاه الدنيا عليهو بس دا نصيبا نعمل شنو ناس خالتو فاطمه م قصرو مننا اكرمونا وشالونا شيل بس كان عندها ولدها مغترب في ليبيا ١٥ سنه وجا راجع الناس ادخلو ويطلعو م حبينا نزعجهم نزلنا انا ونمارق نفتش لسكن وما لقينا الايجارات في السماء التقول م بورسودان التقول جنه الفردوس راسنا شطب وروحنا طلعت وانا غير اتحسر م بنطق بي حاجه نمارق لمن زهجت مني وطبعا سفيان قال لي نمارق اجرو شقه بدفع قروشها انا وبعد نتزوج عديل انا بجيك فيها انا لمن قالت لي كده م وافقت قلت ليها انا مستحيل اقعد مع زوجك قالت لي نوسه انتي فاهمه سفيان غلط قلت ليها خليك من فاهماهو غلط في حد زاتو اقعد معاكم غلط ولا انتي وين فهمك للحياه راح اجري الشقه انتي وانا بشوف لي سكن مع طالبات نمارق قالت لي مستحيل اخليك وانا قلت ليها مستحيل اسكن معاكم لو اقعد في الشارع نمارق مصره شديد م عايزه تخليني براي لانها طيبه وجواها نظيف ساعدتني في اولادي وفي اي شي نفسي اقيف جنبها بس الله غالب الدنيا شكلها ح تفرقنا قلت ليها م تشيلي هم ي نمارق ولا تركزي معاي ولا تتعبي نفسك بالتفكير ركزي في زواجك القرب عشان ح ترجعي البلد قالت لي اكيد وكانت شايله المرايه بتعاين لي وشها قلت ليها المره دي حاقده غايتو الله يسترك معاها قالت لي كل م اتزكر سفيان بستحمل وكل م اعاين لي وشي بطني تفور لي مراد امش ليها هسي امردقها قعدت اضحك قلت ليها نمارق انتي م شفتيها لمن عافصاك تحتها وبتضرب فيك المره دي عاتيه اشهد الله م بتقدري عليها انا حزرتك عشان م قلبك يقول ليك ختي راسك مع راسها قالت لي انتي قايلاني زيك شخصيتي ضعيفه اقسم بالله انا جواي قوه اطلعها ليها الا اهرسها هرس تاني كان لقتني في الشارع م تعاين في وشي قلت ليها ليه انتي دايما بتوصفيني بي اني شخصيتي ضعيفه هسي شخصيتي الجابا في الكلام دا شنو لو انتي شايفاهو ضعف ابدا دا م ضعف افهمي نحنا بنحب ستره الحال ونفسنا لمن نموت نكون كده وم بنحب المشاكل ولا سيرتنا تجي في خشوم الناس قالت لي ستره الحال في الغلط انتي مفتكره انا لو اتخيت في موقفك دا ح اسكت اقسم بالله لو كنت في محلك م اجيب زوجها وافضحا قدامو كنت جيت الشرطه ووريتهم الحقيقه انتي مفتكره القانون برحم واحده تتزوج وهي متزوجه والله هي وراجلك كانو علقوهم من رقبتهم وشنقوهم وارتحتي من الهم دا بدل انتي مشرده ومعليش ي نوسه كلامي حار بس انا م عايزاك تفكري ببساطه عايزه عقلك يكون مفتح وتفكري بالصاح قلت ليها نمارق اقسم بالله انا لي اللحظه دي جواي ما ختيت كلامك دا خوفا من الفضيحه قالت لي احسن يتفضحو هم بدل تهربي انتي وتنفضحي ومفتكره هسي الناس ح يكونو فاهمين قصتك الحقيقيه ح يقولو انتي زوله كعبه وبس قلت ليها نمارق انا قلبي دا موجعني وماقادره اشهد الله خليني م تقولي لي الكلام دا قالت لي دي الحقيقه ي نوسه ومرات الحقيقه بتوجع وقبلت مني نامت كلام نمارق صاح انا ليه م فكرت ابلغ فيهم واكشفهم ويكونو عظه وعبره لي غيرهم والقانون يشوف حل للحالات دي وبقيت افكر هل انا ممكن اعمل الحاجه دي هسي وخصوصا القسيمه معاي بس غيث ح يتهمني ويقول انا هربتا وح يألف فيني الف قصه دا غير ابوي الحا يشنقني اتزكرت اني قلت عايزه اتصل لي سوسن اتفاهم معاها واحزرها انها تسكت م تكلم اهلي اتصلت الجرس الاول م ردت الجرس التاني ردت وشكلها كانت نايمه قلت ليها سوسن كيفك قالت لي بي خلعه نوسه وانفقعت بالبكا وانا اقول ليها سوسن انا متفهمه شعورك بس ممكن حتي لو زوجك جنبك م تقولي دي انا انا محتاجه ليك انا الدنيا بهدلتني حاولت هديتا وسكتت قالت لي ليه ي نوسه تغلطي غلطه زي دي وانتي اصلا م كنتي غلطانه غلطان هو والقانون ح يكون في صفح قلت ليها سوسن انا بس كنت خايفه غيث يقلع ولدي ما عاينت لي اي شي تاني وانا لو شالو مني ممكن اجن عادي اقعد مجنونه وحامل اقبضو فيها من الشوراع ولا احسن اطلع قالت لي بي غلطتك دي المجتمع م برحمك وانتي عارفه الناس وماشفتي غيث ي نوسه عمل لينا شنو قلت ليها عمل شنو قالت لي تعبنا تعب بس انا وقفت في وشو جاب الشرطه وداير يسوق ابوي قال انو هو هربك طوالي انا مسكتو قلت ليهو ابوي م ح يمش ولو قدرت وديت ابوي السجن ح اطلع المستور خاف ادا العسكري قروش وقال ليهو خلاص عفيت ليهم ونحنا اهل والحنك دا طبعا هو م عارف اننا شيلنا القسيمه ولا خطرت في بالو قال لينا تدوني القسيمه وانا بخلي نوسه في حالا هي وولدها وم ح اشيلو منها وخاف خوف لمن برجف وكل مره امش ويجي يقول لينا وروني مكانا وبقا خايف ي نوسه وهسي انتي وين فهميني الحاصل شنو قلت ليها انا وين دي خليها م ح اقدر اقولا بس اتصلت اتطمئن عليكم وابوي عمل شنو بعد انا طلعتا قالت لي ابوي للان م كويس وبتكلم بره من راسو وسحر اختي اتزوجوها ونسابتا كعبين جنس درامات هديك حامل مجدوعه في بيتنا وراجلا دغل وود حرام والله غيث بالنسبه ليهو ملاك قلت ليها غيث الحمد لله علي قسمتي م ح القا راجل زيو بس الله يجازي الكان السبب قالت لي سلمي ي بت م شفتيها فتحت ليها كوفير وبقت م بتتعرف وزوجها ساق اولادو

 

 

وهاجر كندا قلت ليها حقي يخلص دنيا واخره م عافيه ليها ربنا انتقم منها قالت لي لو عفيتي ليها ربنا ح ينتقم منها وريني يا نوسه الحاصل عليك قلت ليها انا ولدت ولد وبت كرم ومنه قالت لي م شاءالله نوسه انتي جاده قلت ليها اي اقسم بالله ولقيت لي بت حلال سندتني بس غلطت غلط كبير اتزوجت راجل المره المأجرين منها البيت وطردتنا قالت لي نوسه تعالي راجعه قلت ليها اجي كيف ي سوسن انتي م عارفه انا عملت شنو قالت لي نوسه عملتي شنو فهميني حاجه كعبه ولا كويسه قلت ليها م تخافي ي سوسن حاجه كويسه نمارق قدرت اقنعتني اني اكمل تعليمي قالت لي قرايه شنو ي نوسه واولادك صغار القرو عملو شنو قلت ليها عملو كتير ما اتهورو زيي علي الاقل مخهم مفتح بالعلم م زيي قالت لي م زيك دي شي تاني بس هدي انا لا قريت لا باريت القرو وعقلي م زيك انتي ي نوسه مشكلتك م عدم علم انتي مشكلتك انك زوله بسيطه اودوك جاي تمشي جاي اودوك بهنا تمشي بهنا قلت ليها م تقولي لي شخصيتك ضعيفه عشان انا بطني طمت من الكلام دا قالت لي دي الحقيقه تتقبليها وتتعظي م عشانك عشان اولادك م تطلعيهم زيك ازرعي في نفسك الثقه اتعاملي بحكمه م تمسكي نفسك انك م بتعرفي وما بتقدري خليك شجاعه وهسي بقول ليك تعالي راجعه قلت ليها اجي راجعه

 

كيف غيث بعد اعرف اني ولدت تؤام م ح يخليهم لي وح يحرق قلبي قالت لي م يقدر ح نهددو بالقسيمه واوعك تغلطي تجيبي القسيمه سلميها لي نمارق صاحبتك دي وتعالي قلت ليها م اظن انا اجي بعد شقيت طريقي وبقا عندي لقمه عيش شغاله بقيت والحمد لله شغلي م شاء الله ماشي قالت لي دا رزق اولادك ومالو هنا تجي تشتغلي انا م عايزه ليك البهدله ولو علي ابوي وغيث خليهم علي انا ي نوسه بس انتي سلميني نفسك عليك الله وخلي التلفون دا فاتح ردي علي ودعتني وقفلت انا قلبي وجعني وكلامها دخل راسي شديد بس بقيت بين امرين اخلي قرايتي وشغلي وارجع ما معروف الظروف شنو وخصوصا سحر اختي حامل وقاعده في بيتنا ح تنجضني نجاض لا ح ترتاح لا ح تريحني ولا ح تريح اولادي خصوصا كريم بقا يمشي وهباش بقيت م عارفه اعمل شنو …………يتبع اها انتو رايكم شنو تمش وتواجهه الحياه ولا تقعد وتواصل في حياتا الجديده دي

 

 

• لقراءة باقي فصول الرواية أضغط على (رواية أسرار خلف الأبواب)