رواية غيث ونوسة – اسرار خلف الأبواب الفصل الثالث عشر 13 بقلم نوسة حمد

رواية غيث ونوسة – اسرار خلف الأبواب الفصل الثالث عشر 13 بقلم نوسة حمد

 

 

البارت الثالث عشر

 

ظبطتنا الغرفه وطبعا انا حامل بتؤام ولد وبت كنت مبسوطه اني ح الد البت اخيرا م حسيت نفسي مضايقه وشايله هم لاني لمن اشيل هم للحاجه بتعب نفسيا وفي النهايه اموري مع تدابير ربنا بتمشي احسن مما كنت بتمني يوم نمارق قالت لي نوسه انا عايزه احكي ليك موضوع بس كل الطالباهو منك بعد تنخلعي الموضوع دا يندفن هنا ما يطلع من خشمك قلت ليها معقوله اكلم منو زاتو قالت لي نسوان الجيران م تجيبي معاهم سيره قلت ليها معقوله ي نمارق كدي احكي فشنو خوفتيني والله قالت لي نوسه انا حبيت سفيان وعايزه اتزوجو بخلعه قلت ليها سفيان منو قالت لي راجل المره القاعدين في بيتها دي قلت ليها نمارق بالغتي اقسم بالله طممتي بطني عديل انتي بتهظري صاح قالت لي م بهظر والله انا جاده وما حبيت احكي ليك من زمان قلت لمن يجي زمنها انا بنتهي السمستر قبل ولادتك وبجي اولدك لمن تقومي حتي امشي اهلي وسفيان اجي اتقدم لي قلت ليها نمارق اموت ليك خليك جاده قالت لي والله العظيم جاده شديد انا بس كلمتك عشان م تتخلعي بعدين قلت ليها ومرتو قالت لي مرتو م ح تعرف ي نوسه لانو قال م عايز يجرح مشاعرها لانها م بتلد وهو نفسو في الولاده قلت ليها مهما كان مفترض يصارحها طالما عايز يعرس قالت لي قال لا وانتي خشمك عندك واحتمال بعد يجي يخطبني يعقد طوالي قلت ليها نمارق م تتسرعي اتريسي شويه الزواج دا مفتكراهو حاجه ساهله لا والله شوفي انا القلت بحبني طلع غاشيني ومتزوج فيني صحبتي عشان كده م تتسرعي قالت لي لا اصلو سفيان مختلف وحنين وطيب طبعا هي يتيمه قلت ليها نمارق انا والله لو علي م توافقي وتوقفي عند حدو ونرحل من المكان دا قالت لي نرحل وين هو في ارخص من هنا قلت ليها ماف والله بس انتي شفقتي وقررتي قرار انا خايفه منو وانا اكتر انسانه عايزه مصلحتك ولاني شاربه من نفسي الكأس قالت لي نوسه مشكلتي بقيت احبو قلت ليها نمارق انا بحترمك شديد اقسم بالله وكنت شايفاك مختلفه بس خزلتيني قالا لي كيف ي نوسه انا لا غلطت معاهو ولا خليتو حتي يلمس يدي خزلتك كيف قلت ليها نمارق نحنا جينا للناس ديل عشان ظروفنا صاح قالت لي اي ولقيناهم اتنين متفاهمين وعايشين حياتهم وخليك من عدم ولاده مرتو هسي هو ضامنك انتي بتلدي نمارق انتي كيف سمحتي لنفسك تعملي علاقه مع راجل متزوج انا مجربه طعم الخيانه وما نفسي تجربو اي واحده تاني قالت لي نوسه خيانه شنو انا م خونتها نحنا عايزين نتزوج علي سنه الله ورسوله احتمال انتي زوجك خانك عشان اتزوج فيك صاحبتك المتزوجه دي اسمها خيانه لانها صاحبتك خانت العشره بس انا ما بي اعتباري خاينه وبعدين الحب م بعرف راجل متزوج الحب بجي غصبا عنننا قلت ليها اي فلسفه في انك تعملي علاقه مع راجل متزوج م نفسي اسمعها وانا عشان مصلحتك بقول ليك لاخر مره ي نمارق خليهو واتزوجي ولد من عمرك ولد اكون م متزوج ما تجيبي الضر بي يدك الزواج استقرار ما زعزعه ومشيت منها وكنت زعلانه من نمارق شديد في حته انها من الاول ادتو فرصه ليه وبقيت ما بتكلم معاها كتير عايز اضغطها عشان تتراجع بس جات قالت لي نوسه انا م بحب اشوفك زعلانه وانا م بقدر اخلي سفيان وح اتزوجو وكلمتك عشان ما تنصدمي بعدين قلت ليها انتي حره علي العموم انا م عندي فيك راي
مرت الايام وانا تعبت تعب الموت حتي ولدتا وجبتا بت وولد والاتنين اشبهو غيث شديد من يوم ولدتا ابكي وكنت نفسيا تعبانه وما مستقره ونمارق م قصرت معاي وبي جزء من قروش الشغل جابت ليها خروف وعملت كرامه عزمت الناس وانا نهاي ما مع الناس قلبي منقسم النص م عارفه اتزكرت غيث ودلعو لي لمن أولد لانو بحب الاطفال والسمايه م بعملا في البيت بعملا في صاله وبعزم كل الناس شوف الليله سمايتي كيف الحمد لله ع ما اراد الله والله انتقم من الكان السبب بقيت افكر في طريقه اعرف بيها اخبار اهلي واكلمهم واقول ليهم خلوني انا شقيت طريقي فكرت كتير وقررت ارسل لي سوسن والبحصل احصل بس قلت بعد امرر الايام شويه لاني كنت نفسيا ما مهيأه لي اي حوار وكنت تعبانه من الولاده زايد الحمل زاد علي والهم ح يكتلني
مرت الايام وانا بقيت كويسه وبقيت امارس حياتي اليوميه عادي جدا ونمارق قالت لي بعد كده ح امشي ولا رايك شنوو تمشي معاي البيت قلت ليها لا لا المسافه بعيده وانا عمليتي لسه جديده خلاص امشي قالت لي زي م وريتك احتمال سفيان اجي اخطبني ويعقد قلت ليها الف مبروك ودعتها وخلت لي المكان مسيخ وفاتت نمارق زوله طيبه وفاهمه بس عيبا الوحيد انها ختت الراجل دا في راسها وحبتو بعد ايام وصلتني منها رسايل قالت لي نوسه سفيان جا واهلي ادوهو وعقدو ليهو اتغظت من اهلا كيف يعقدو ليهم علي زول وهم لسه ما عرفو عنو شي باركت ليها وبقيت محتاره في البحصل ليها وبقيت خايفه من الجاي والحا يحصل فيهو بعد ايام نمارق جات م شاءالله راسمه يدينها باركت ليها وكانت مبسوطه قالت لي نوسه ما عايزه نكد دي اهم ايام في حياتي وانا مبسوطه وح ابدا اشتري شنطتي وعايزه رايك في الصغيره والكبيره قلت ليها ربنا يسعدك ي نمارق ويهون ليك وحاضر حبيبتي ماف نكد انتي عروس قالت لي نوسه والله انا بحبك وماعندي اخت غيرك ماتخليني قلت ليها نمارق انا لقيت منو غيرك انا والله بحبك اكتر منك وبتمني ليك كل الخير وعمري ما اخليك مرت الايام ونمارق بتمش الجامعه ومن هناك بتشتري حاجات الشنطه وكانت طايره من الفرح لغايه ما يوم اصبحت من نومي بحدث شوم سمعت صوت المره الساكنين معاها تكورك بقيت اقول نمارق لقيت سريرا فاضي والمره صوتا عالي وبتنبز انا قلبي وقف جريت جري اشوف الحاصل القا ليك نمارق في النص المره قبضتا تتونس مع سفيان ووقعت فينا نبز من طرف ما خلت لينا صفحه نرقد عليها الهاملات المطلوقات واحده هاربه من راجلا وانا راسي بقا كبير والناس اعاينو لي خجلت خجل ودخلت في ضفوري غلبني ادافع عن نفسي قلت دا عيبي الحكيت ليها الناس م عندهم ضمان وندمت ندم وتوبتا تاني م بحكي قصتي لي زول قلت لو اتكلمت ح اشعلل المواضيع زياده وانا ماسكه لي نمارق وريها الحقيقه قولي ليها ما تدسي ونمارق تسكت فيني والمره شغاله نبز بي أبشع الكلام والناس كلها اتفرجت علينا فضحتنا فضيحه ما زوله ستره نهاي ………نشوف المره الجايه الحا يحصل شنو وهل ح تخليهم في الغرفه ولا ح تطردهم ولو طردتهم ح يمشو وين بالاخص نوسه ظروفها زي الزفت ووالده جديد

 

• لقراءة باقي فصول الرواية أضغط على (رواية أسرار خلف الأبواب)