رواية غيث ونوسة – اسرار خلف الأبواب الفصل الحادي عشر 11 بقلم نوسة حمد

رواية غيث ونوسة – اسرار خلف الأبواب الفصل الحادي عشر 11 بقلم نوسة حمد

 

 

البارت الحادي عشر

 

#اسرار_خلف_الابواب11
#نوسه_حمد
البت طمنتني انا كنت خايفه انزل وين واعمل شنو بس هي صاحبتها من هناك وح تلاقينا وتشيل وتتصل عليها لغايه م وصلنا قالت لينا اركبو عربيه وادوني السواق وقفنا لينا تكسي واديناها ليهو بالتلفون وصفت ليهو لغايه م وصلناها لقيناها منتظرانا هي واخوها ف الشارع رحبو بينا ودخلنا جوه لقينا امها لابسه توب ابيض وماقعدنا سمح ختو لينا صينيه الغداء فيها كل ما لز وطاب شكلهم كريمين شديد وامها تحكي قالت انها في بيت الحبس عزيناها والبت المعاي شكلها جاتهم للعذاء البت اسمها نمارق وصاحبتها لدن بت راقيه وحلات الدنيا عليهم عجبتني صحبتهم سالتهم انتو بتقرو مع بعض اتفاجات انهم أصدقاء في الفيس بقيت حاسه انهم هم عايشين في كوكب وانا كنت في كوكب تاني خالص كوكب كلو تعقيد وقيود المهم انا كنت تعبانه ونفسي بس ارقد في سرير وام البت تونس فيني لغايه م نومتا م جايبه خبر ولدي زاتو نام مرتاح شديد وحسيت بالامان معاهم نهاي م جاني احساس انهم هم كعبين بالعكس امهم قريبه من ربنا شديد الليل كلو تصلي وشايله سبحتها ولمن حكيت ليها الحاصل علي بقت تتكلم معاي قالت لي م تهمي ي بتي بس الدنيا دي صعبه كيف تعيشيها براك المرا كلاما خلاني ابكي وفعلا انا النوع الضعيف م بقدر اعيشها براي وبقيت ببكي قالت لي لا ي بتي م تبكي انتي لازم تكون شخصيتك قويه تواجههي الحياه بصدر رحب ونهاي م تبكي طالما انتي الاخترتي كده قلت ليها م كان في يدي خيار ابوي لو باع البيت ح نتشرد احسن اتشرد انا وولدي طالما خلاص اتطلقتا وكنت شايفه الطلاق نهايه الدنيا قالت لي ما اول واحده تطلقي الطلاق م عيب ماتبكي وكل عقده وليها حل وان شاءالله ح تنعدل عليك وانا م بنساك ولو قلتي تعيشي معاي م عندي مشكله بيتي اشيل غيرك الف قلت ليها م بتقصري انا بيت فيهو اولاد ماصاح اقعد فيهو قالت لي خلاص شوفي مكان قريب من هنا كان احتجتي لشي قلت ليها انا والله البتبقا عليهو نمارق انا ببقا عليهو قالت لي خلاص ربنا يوفقكن بس انتي ح تعيشي كيف قلت ليها ح اشتغل قالت لي ي بتي صعب عليك انتي شايله وحامل قلت ليها ربنا اديني قدره من فوق قالت لي ان شاءالله المره خليتا تتكلم ونومتا بالهم الصبح صحيت لقيتا تصلي خليت ولدي وقومتا صليت وبقيت ادعي ربنا يسهل طريقي وفي صلايتي ديك اتزكرت امي وابوي حسيت اني كسرت عين ابوي وبالذات هو ربانا احسن تربيه وزول صعب كلمتو سيف جيت انا وطلعت وكسرت عينو بقيت اقول سامحني يا ابوي انا م قصدي اكسر عينك ام البت سمعتني ابكي قالت لي ي بتي م تبكي والله لا جاب اليوم البتكسري فيهو عين ابوك قلت ليها انا بي العملتو دا ح اكون كسرت عينو وياعالم غيث اكون عامل معاهم كيف انا خايفه يتعبهم بالمحاكم قالت لي اهلك م عندهم ذنب في قرارك وغيث م من حقو يشتكيهم قلت ليها انتي م بتعرفيهو من ملاك انقلب شيطان والسبب صحبتي الدخلتها حياتي وبيتي الله ينتقم منها قالت لي الدنيا لو مهلتا لمن مهلتا مصيرا تاخد جزاها دنيا واخره العملتو مافي بت حلال كده عملتو انا للان حاسه انو كلامك دا حلم حلم قلت ليها لا والله ياخالتي كل القلتو ليك دا حقيقه انا شفتها بي عيني وكشفتها لي زوجها في الشقه القاعدين فيها هو طلقا وانا غيث طلقني قالت لي راجلها دا م راجل كيف م يعرف حركه مرتو دي قلت ليها والله ماعارفه بس انا كمان ما اتوقعت حركتهم دي وشكلهم متزوجين من بدري قالت لي م بخافو الله ديل والشهدو ليهم م خافو الله قلت ليها الشهدو ليهو اصحابو انا متاكده بكون ما مفهمهم انها متزوجه بس مفتكرين انو اتزوج فيني وبس ولا المأذون بكون جايب خبر بس عندي الف سؤال في راسي خليك من اصحابو الما جايبين خبر القسيمه دي لمن اطلعوها معقوله ما يعرفو انها متزوجه قالت لي احتمال مزوره قسيمتهم قلت ليها لا م مزوره انا متاكده من انها م مزوره بس نفسي اسال سؤال معقوله لمن المأذون جا يطلع القسيمه ماعرف انها متزوجه زي م بعملو احصائيات للمواليد مفترض اكون في سجل وفي احصائيات بالمتزوجات اظهر ف الكمبيوتر انها متزوجه قالت لي المفروض يحصل كده بس انا والله ما عارفه الا اسال ليك وانتي م تضمني شديد انو القسيمه تكون ما مزوره قلت ليها الشي الحيرني كاتبين قسيمه ليه في الف سؤال في راسي قالت لي احتمال كتبوها عشان يحللو قعادهم مع بعض قلت ليها تتزوج وهي متزوجه في حد زاتو دا حرررررام في شي في الموضوع وسلمي دي غريبه شديد قالت لي ي بتي م تفكري دا طريق قفلتي بابو ولا عايزه ترجعي لي راجلك سرحت بعيد واتزكرت غيث وحنيتو علي وطيبتو وعباطتو بس اتزكرت انو قال لي عمري م حبيتك يعني كان بغش فيني كرهتو يعني كل م يعاودني الحنين ليهو واتزكر اخر كلام منو بطني بتطم وبداعي سلمي لانها هي السبب الخلت راجلي يقع في الحرام ويحبها هسي لو كان احرجتو ولا قالت ليهو انا متزوجه دا كلو م كان حصل بس طعنتني في ضهري ومافارق معاها حتي لو زوجها طلقها لاني اخر مره شفت الراحه في عيونا مع غيث وشكلو اولادا م فارقين معاها اعوذ بالله منها ام البت قالت لي م تسرحي ولا تفكري لو عايزه تفكري فكري في الجاي ح تعيشي وين وتاكلي من وين وتاكلي اولادك ح تقدري تعيشي من غير راجل ولا ح تعرسي هنا غلبني ارد انا صغيره في العمر لو م اتزوجت اولادي صغار تاني م ح اتزوج بس اتزوج كيف من غير ولي ودا منو البقبل بواحده عندها شفع ربنا يازا اي واحده تكون سبب في طلاق واحده متزوجه وتزعزع حياتا حاولت نومتا تاني وصحيت بنمارق تصحي فيني والوقت كان متاخر وولدي م لقيتو جنبي قومت مخلوعه وبقيت افتش لكريم قالت لي نوسه قولي بسم الله ولدك عند فاطمه قلت ليها فاطمه منو انا دايره ولدي فجاه جات ام البت شايله كريم وكريم مبسوط قالت لي فاطمه دي انا انتي اسمي امس م عرفتي شيلت ولدي حتي وعيت لكلامهم قالو لي ما تخافي وتنخلعي كده بتمرضي وانتي طليقك مستحيل يعرف مكانك بالسهوله دي ولا ح يفكر في مكانك قلت ليهم ان شاء الله وطبعا شريحتي كسرتها وتلفوني معاي فيهو الارقام بتاعت اهلي وغيث م معروف الظروف نمارق قالت لي نحنا ح نطلع نفتش سكن ومنها اشتري شريحه قلت ليها تمام قومتا لبست ولدي ملابس برد ولبست لبس تقيل لانو جو بورسودان كان بارد شديد وطلعنا طلعنا بقينا نفتش لمكان نقعد فيهو الايجارات كلها غاليه انا لو كسرت رقبتي م بقدر اسددها بقينا محتارين نعمل شنو وصفو لينا واحده قالو متزوجه وما والده وعندها غرفتين في بيتها مأجراهم مشينا ليها لقينا ايجار الغرفه معقول انا كانت عندي قروش دفعت النص ونمارق دفعت النص وأجرنا منها غرفه فيها سراير وهيتر وعده بسيطه المهم حاجه تعدي لينا مشينا انا ونمارق السوق اشترينا حاجات للاكل وحاجات لي ولدي واشتريت شريحه وجينا راجعين نومت ولدي وصليت وشغلت الشريحه ويدي تاكل فيني عايزه اتصل لي ابوي وغالبني نمارق قالت لي م تتصلي عليهو ح يشاكلك وانا كانت روحي متشحتفه اتصلت وردا علي وبقول الو الو الو منو معاي واظنها امي جنبو قال ليها اظنو دا زول داقي بالغلط وقفل الخط انا قلبي انقطع وبقيت ابكي وابكي م نفسي اعمل العملتو دا بس خايفه من غيث فجاه اتزكرتو وقلت النرسل ليهو عملت لي صفحه ف الفيس باسم مستعار وصادقتو وقبل الطلب م عارفه الدافع الخلاني ارسل ليهو رسلت ليهو ف الخاص الو وهو م شاء الله التلفون ف يدو ردا علي قال لي هلا منو معاي وانا كنت خاته صوره بت لقطها من الفيس بت سمحه خلاص وحفظت منها صور كتير قلت ليهو معاك ايه قال لي فعلا ايه 😱 دي صورتك صدمني صدمه قلت ليهو اي قال لي نتعرف قلت ليهو انا اسمي ايه طبيبه ومقيمه في السعوديه قال لي حالتك الاجتماعيه قلت ليهو سنقل قال لي انا اسمي غيث مهندس في البترول وسنقل كان نفسي ارسل ليهو ضحكه بس مسكت نفسي وطلعت من الدردشه قلت عشان م يحس بي وح اتقل شديد في الونسه ح ارد ليهو بالقطاره حسيت اني اصبت السهم حكيت لنمارق قالت لي راجلك دا شكلو خفيف قلت ليها لا والله قالت لي انتي كنتي مخدوعه بس هو شكلو نسونجي قلت ليها ما عارفه بس الراجل لمن يدس حاجه او بمثل بتقن الدور شديد م جاني يوم وشكيت في غيث كنت مخدوعه فيهو شديد شايفاهو م شايف غيري بس للاسف كان بجامل فيني نومتا قلبي مقسوم النص بقيت افكر لقدام ح يعرفني وانا دخلت نفسي في حته ضيقه شديد حبي ليهو هو الخلاني اتصرف كده كنت مشتاقه للونسه معاهو ودي حاجه م بي يدي لو هو نساني انا م نسيتو بالساهل ولا بقدر انساهو بس من ناحيه كرهتو كرهتو بس قلبي بحن نومتا والتفكير مسيطر علي نمارق تشخر م جايبه خبر صحت الصباح لبست وخلتني براي مشت الجامعه انا نزلت بعديها بقيت لافه افتش لشغل كل زول اعرف عندي طفل في يدي يقول لي لا ما عندنا شغل والقبايل السبعه اتسددت في وشي بكيت قدرتي لكن اعمل شنو ربنا قاسم لي كده فجاه اتزكرت الولد الركبني اداني كرت مشيت قلبت الشنطه وسجلت رقمو ورسلت ليهو ردا علي طوالي لمن قلت ليهو انا البت الركبتها طوالي اتصل علي قال لي ليه م طمنتيني عليك ولدك كيف قلت ليهو انا تمام وحكيت ليهو بالحاصل قال لي ربنا يوفقك ان شالله قلبي معاك بعد اجي مسافر بجي اسلم عليك لانو انا مسافر من بورسودان واتونست معاهو وقفلت بقيت اتكلم في سري معقولة يا نسيبه تتونسي مع الولد دا بقيت افتش لسبب خلاني اتصل م عارفه اصلا انا كنت في حاله صعبه كل قراراتي متهوره شديد م عملت حساب لي اي شي حسيت نفسي بقيت هامله ومطلوقه اصلو م لقيت لي مسمي غير الاسم دا زمان كنت مع زوجي وابوي وربع تفكير اني اخونو واعاين لي غيرو م فكرتا كنت مكتفيه هسي بقيت هامله لا ابو لا زوج العبره خنقتني والحياه كده م عاجباني فيها تأنيب ضمير انا كان ضميري مرتاح كل من سلمي انا لو دعيت عليها العمر كلو ما ح يكفيني حرمتني ان شاء الله ربنا يحرمها من اعز ما تملك وما ح اخليها تتهنا …………يتبع

 

• لقراءة باقي فصول الرواية أضغط على (رواية أسرار خلف الأبواب)