رواية غيث ونوسة – اسرار خلف الأبواب الفصل الثامن 8 بقلم نوسة حمد

رواية غيث ونوسة – اسرار خلف الأبواب الفصل الثامن 8 بقلم نوسة حمد

 

 

البارت الثامن

 

 

#اسرار_خلف_الابواب8
#نوسه_حمد
ضربنا الجرس وزحينا من فتحه الباب غيث وسلمي بصوت واحد قالو لينا منو ما ردينا وتاني ضربناهو وفتحو لينا الباب سلمي كانت لابسه بجامه بيت اظنها لي راجلا ما بتلبسها وغيث برضو قاعد بملابس البيت لمن شافونا لمن انخلعو وراجل سلمي كانو بقا اخرص وبعاين بعيونو ودموعو عشره عشره وسلمي بتقول ليهو معمر دقيقه افهمك سوسن اختي حقانيه قالت ليها تفهمي شنو وانتي قاعده ليك في شقه مع راجل صحبتك غيث قال لي نوسه سوقي اختك وارجعي اهلك م القاك منتظراني في البيت سوسن بقت تنبز فيهو وانا اسكت فيها وهي شغاله تنبز فيهو بي ابشع الكلام وهو المعفن نهاي م ساكت ارد عليها وما خلو لبعض صفحه ارقدو عليها وانا بس دموعي عشره عشره وبقول لي سوسن ارح بيتنا وسوسن تقول لي طلعي الغضب الجواك نبزيهو اخدي حقك المسكنه دي هي العملتا فيك خلت صاحبتك البتقولي اختي الفضلتيها علينا تدمرك الما بتخجل وسلمي بس شغاله مع راجلها وتقول ليهو معمر دا سو فهم والله نوسه اصلا عايزه تخرب بيتي سوسن قالت ليها بيت شنو يا خاينه انتي كان م بتخجلي نحنا خجلنا ليك هسي اولادك ديل من راجلك الاول ولا راجلك التاني سمعنا بي راجل المره بتزوج اربعه بس مرت الراجل دي جديده عندك ودا فجور والله غيث قال ليها دا قذف انتي اتهمتينا بالباطل قالت ليهو اتهمتك بالباطل يا باطل يا الما خوفتا علي عرضك يخسي عليك وتف عليك تفت ليهو في وشو وقبلت علي راجل سلمي قالت ليهو انت شنو جو المسلسل الهندي دي وينا رجالتك مرتك يا استاذ متزوجه فيك عارف يعني شنو تكتب قسيمه وهي متزوجاك ياخ دي ابليس م فكر فيها وانت شغال ترمي في دموعك زي النسوان امسكها اخنقا وريحنا منها الفاجره الخاينه سوسن اختي خشمها وجعا من النبز وانا غلبني انبز وغلبني اتكلم بس هي اتكلمت عني غيث قال لي سوقي اختك عشان ما اطلقك انا بقيت اقول ليها سوسن ارح وكنت خايفه م عارفه خايفه من الطلاق ولا من الفضيحه العملناها سوسن قالت ليهو اها م ماشين يلا طلقها ولا كذب قال لي نوسه انتي طالق انا الطلاق نزل علي زي الصاقعه وبقيت م شايفه وبكيت قدرتي حاولت ادافع عن بيت حلالي بس للاسف غيث ما الراجل البدافع عشانو باعني بالرخيص راجل سلمي قال ليها سلمي انتي طلقانه واولادك ما تسالي منهم ولو فكرتي تسالي منهم برفع فيك قضيه وطلع قدامنا وركب عربيتو وفات سلمي قالت لي الله انتقم منك دمرتي بيتي وحرمتيني من اولادي قلت ليها دمرت بيتك انا مالي قلت ليك عرسي في راجلك ياخ انتي العملتي ماف زول سبقك عليهو وكمان بتتفاصحو وما تقولي كده وانتهينا م ح تتهني يا سلمي وانا بيتي مدام هان علي راجلي انا تاني م بلزمني وسوقتا سوسن وطلعت وكنت ببكي وضامه ولدي علي سوسن تهدي فيني قالت لي انتي مفترض تفرحي يا نوسه ماتزعلي وغيث شنو البتبكي عشانو والله اهلو لو عرفوهو اتبرو منو دي م حركات راجل ولد ناس قلت ليها انا اطلقت وسلمي اطلقت يعني سلمي انتصرت علي وهسي هي زوجتو علي سنه الله ورسوله قالت لي انتصرت شنو دا زواج باطل انتي بتفهمي بي وين ولازم تتشجعي عشان ابوي ح يسالك وتردي بالحقيقه انا خلاص هميت للجاي كان اخير لي الخيانه رجعنا انا سوسن بيتنا شلت ملابسي ودهبي م شيلتو سوسن قالت لي تخلي ليها ي غبيه شالت الدهب واوراقي كلها وفلست دولابو شالت القسيمه حقت عرسو من سلمي وشالت القروش كلهن الفي الدولاب ومشينا جيت داخله بي شنطي وامي راقده وشايله سبحتها وابوي ماف وسحر اختي قامت مخلوعه قالت دي منو الجايه تقعد معانا دي سوسن قالت ليها سحر نوسه دي لو اتكلمتي معاها اقسم بالله اجي اخنقك ما ممكن انتي بالثقاله دي م بتحسي انتي دمك بارد وكلامك كتير قالت ليها نوسه الجابا لينا شنو يعني بيتنا ناقص ناس قالت ليها دا بيتها زي م هو بيتك والزمي حدك امي قالت ليها مالكم فشنو وكانت بترجف قالت ليها يمه نوسه اطلقت امي ختت يدها في سدرها وقالت لي سجمي سجمي اطلقتي ليه ي بتي وبقت تندب علي حظي وتقول لي بيتك هدمتي قلت ليها م هدمتو يمه والله صبرتا لمن غلبني وكنت ببكي بكا بحرقه لمن ابوي جا داخل وما من عوايدو ما جاب الخرطوش وجا دقانا لانو صوتنا كان عالي قال لي ي بتي ليه خربتي بيتك قلت ليهو عرفت من وين قال لي راجلك اتصل علي وقال طلقك سوسن قالت ليهو انت عرفت سبب طلاقها يابا قال ليها اي عرفتو ومشيت اتكلمت معاها قالت ليهو شنو قال ليها هو جا اشتكاها لي وكانت مابيه الشغله واختك غلطانه ادلعت شديد سوسن قالت ليهو لا لا يابا انت فاهم غلط نوسه مظلومه غيث متزوج فيها صاحبتها المتزوجه امي وسحر بي صوت واحد قالو لي سلمي سحر قالت لي امي م قلت ليك يمه حسيت سحر عارفه شي قلت ليها قلت لي امي شنو امي قالت لي سحر قالت مره شافتهم مع بعض وكانو بضحكو وانا منعتها تكلمك عشان مرات اختك بتتكلم ساي قلت ليها ياريتك خليتيها تتكلم تفتحو عيوني من بدري لكن قدر الله وما شاء فعل انا خلاص قسمتي انقطعت منو وما ح ارجع ليهو يا ابوي عشان اكون معاك واضحه انا هونتا عليهو ورخص بي يابا ما ترخصني ليهو اكتر ابوي قال لي علي الطلاق تاني يدك ما يلمسها دا ما راجل البعرس مره متزوجه وانا م عندي بت بديها لي راجل عينو قويه وبيتي بشيلك سحر قالت ليهو يابا م تحلف موش براها قالت دايراهو وبتدافع ليهو وانا حزرتها منو ميه مره خليها ترجع ليهو قلت ليها ترجع المويه من حلقك انتي م بتوريني ارجعو ولا ما ارجعو وصمي خشمك دا عشان م اكسرو ليك قدام ابوي ابوي شاكلها وقال ليها خشمك عندك اختك اكبر منك تحترميها لو غلطتي عليها بقطع رقبتك سوسن قالت ليها سامعه ي سحر عشان م تنفشي فينا ريشك ساي امسكي خشمك عليك ابوي وامي الهم داير يكتلهم انا كنت مضايقه بس عشان العشره م بتهون بس لمن اتزكر اني بقيت رخيصه بقول بركه الطلقني يلا سحر استلمتني قالت لي تخلي ملابسك في شنطتك ما تضايقينا في الدولاب وادتني تقارير طويله عريضه مفتكراني ح اسكت ليها بس انا رقدت ولدي ومشيت ضلفت دولابها هي جدعت ليها ملابسها في الارض وختيت ملابسي وملابس ولدي قلت ليها قدر م تعاكسيني انا بعاكسك والله لا وراك شر المطلقه قعدت تجوط وتكورك وتنبز فيني كانها شمتانه فيني قالت لي تستاهلي راجلك اعرس فيك صاحبتك بتفهم اكتر منك عرفت شلبتو منك وانتي عامله لينا فيها انا اخت مسلمه قلت ليها لنفسي الدنيا م بتنفعني وراجلي ما بطمر فيهو العيش وحسبي الله ونعم الوكيل فيهو وفي اي زول يشمت علي بقينا نكورك لمن امي جات سكتت سحر وساقتني منها قلت الوضع دا انا م بقدر عليهو لازم اشوف لي طريقه بس اعمل شنو وانا حامل 🫄 بقيت في الحال دا واصعب منو ايامي الاولي لغايه م يوم غيث جا لي ابوي قال انا سرقت قروشو يا اديهو ولدي يا يشتكيني ويسجني ابوي قال ليهو انا متكفل ارجع ليك اي قرش انت فقدتو لكن مستحيل اخليك تشيل منها ولدها وتحرق حشاها وبعدين بتي م غلطت انت الغلطت وغلط كبير كمان قال ليهو انا حر ان شالله اتزوج ميه بتك تكون صامه خشمها قال ليهو بتي م بتصم خشمها في الحرام وما تكتر كلامك قروشك بتصلك حدي عندك غيث قال ليهو مبلغ هو زاتو م بكون عندو وقال ليهو خلال اسبوع يا المبلغ يا ولدي ابوي بقا محتار وعاجز قال لي مبلغ زي دا الا ابيع البيت وانتي واختك غلطتن غلط كبير مالكن ومال القروش كان تسلميني نفسك قلت ليهو دي سوسن يابا هي الفلست الدولاب اتصل شاكلها وقالت ليهو دا واحد عينو قويه كمان ليهو عين يتفاصح قال ليها الا م تجي البيت بقطع لحمك سوسن رجعت لي قلت ليها دا م كنا عاملين حسابو وغيث اتحول لي زول تاني ماياهو الكنت متزوجاهو قالت لي يختي ياهو بس انتي كنتي عمياء قلت ليها فعلا والله قالت لي ابوي م بقدر ع المبلغ دا احسن تجدعي ليهو ولدو مالك ومال الهم قعدت ابكي بكا وقلبي مقطوع ابوي كل دقيقه يجي يقول لي بتدبر ومرا يوم يومين ابوي بقا يشتغل علي شغلو شغل عتاله ليل لا نهار ما بقعد وخلاص الاسبوع م باقي منو كتير قال لي ي بتي انا غلبني ماف حلل غير البيت قلت ليهو لا ي ابوي قال لي شنو اللا اها بتقبلي اسوقو ولدك مجرد احساس قلبي انقسم النص وبقيت في نار اديهو ولدي ولا نبيع البيت ودا اصعب من دا………………..يتبع

 

• لقراءة باقي فصول الرواية أضغط على (رواية أسرار خلف الأبواب)