رواية غيث ونوسة – اسرار خلف الأبواب الفصل السادس 6 بقلم نوسة حمد

رواية غيث ونوسة – اسرار خلف الأبواب الفصل السادس 6 بقلم نوسة حمد

 

 

البارت السادس

 

بعد سمعت مكالمتو جيتو داخله قلت ليهو غيث دي منو البتعمل ليك الاكل وتسبقك علي الشقه لمن لقاني وراهو واني سمعت كلامو انخلع قال لي انتي بقيتي تتجسسي علي قلت ليهو اتجسس عليك فشنو كنت جايه اقول ليك جيب ليك لحمه اعملا ليك شيه وسمعت كلامك دا غيث دي منو ما تمشيني في الكلام قال لي دي امي قالت بره قلت ليها اعملي الاكلي لي ابوي قلت ليهو وامك متين عندها شقه غيث فشنو قال لي نوسه انتي الايام دي م تمام وحاسي بيك بتخلقي في المواضيع قلت ليهو دي مواضيع ما بخلقوها دي مواضيع لمن يسمعوها بستبعدوها وانا سمعتك ياغيث خليك معاي واضح قال لي واضح فشنو قلت ليهو قول لي دي منو وانا والله ما عندي مشكله ربنا حلل ليك اربعه قعد اضحك قال لي بتتكلمي بي قلبك ولا بتتكلمي بره من راسك قلت ليهو الشايفو بس صارحني وانا والله م عندي مشكله ما تخلي الشك ينزرع جواي قال لي شك شنو ي نوسه عليك الله سمي بالله ولو عايزه حاجه لنفسك الننزل اجيبا ليك قلت ليهو م عايزه لي نفسي كنت عايزه اعمل ليك شيه قال لي لا انا م عندي نفس لكن لو عايزه انتي ممكن اجيبا ليك ما رديت عليهو قال لي ممكن انا اتاخر نومي بقيت محتاره في البرود الهو فيهو قلت ليهو غيث انا م ح اسالك تاني بس بقول ليك مدياك فرصه تحكي لي دي منو وبتعرفا من وين لو صارحتني بالحقيقة ح ازعل بس ح اسامحك قال لي نوسه استهدي بالله انتي سمعتي غلط والله وانا هسي طالع لي اصحابي قلت ليهو غيث انا م ح اكررها تاني بس ح انتظر انك براك تجي تحكي لي ولو م حكيت لي انا لو عرفت براي اتاكد انت من طريق وانا من طريق ما ردا علي وطلع خلاني في نار اشيل واوحوح وغلبني خلاص بقيت حاسه نفسي ح اجن قلت النمش لي امي شويه كان انسا الحاصل لانو امي م بتقدر تجيني بتخجل من غيث لبست عبايتي ورسلت ليهو رساله ومشيت لقيت امي قاعده تعمل ف الاكل وكانت عامله ليها طبيخ قرع وانا بحبو حب قلت ليها الله يمه نفسي فيهو اها ان شاءالله عوستي قالت لي عايسه خلي اختك دي تجي رسلتها تجيب سلطه اتزكرت سحر وتناظيرها اختي دي مسمه بطريقه مبالغ فيها قلت انا جايه ارتاح شويه مع امي بس ح تطلعني من طوري الشافعه دي بقيت اتونس مع امي بقت تسال فيني قالت لي مالك ي بتي فشنو ابوك م طمني قلت ليها مالي يمه قالت لي ابوك قال انتي شايله هم كبير قلت ليها يمه م تركزي انا قصدي هم المسؤوليه ولاني اتوحمت في غيث بقيت م دايراهو قالت لي سجمي ي بتي قلت ليها يمه م بي يدي سحر طوالي استلمتني اظنها سامعه كانت تتجسس قالت لي ليك حق تتوحمي فيهو راجلك العامل قصتو الزي التيس دي اشبه الحلب الببيعو العده قلت ليها انتي متنمره بطريقه غريبه انا ما لاقاني زول زيك وصدقيني ح تقعي تشمتي كل الناس الشمتي عليهم احسن تسكتي قالت لي انا بتشوفي براك بقع كيف قلت ليها انا قاعده عشان اشوف وعايزه اقول ليك حاجه ي سحر ممكن تتجاوزيني لاني انا تعبانه نفسيا ما عايزه اي كلام كتير واحسن تخليني في حالي يمه اتكلمي مع بتك دي عشان انا يوم بي غضبي دا بشق ليكم راسها امي جات شاكلتها لي شكله بس هي فقريه خلاص ما بتسمع الكلام امي قامت عملت لينا الاكل والملاح كان ظابط اشيل واقول ليها زيديني كاني م اكلت قبل كده ونفسي كانت مفتوحه رغم حالتي وانا حاسه نفسي م بشبع وامي تشيل وتجيب لي وتقول لي انفعك سحر قالت لي ها كفاك مابتحسي انتي الملاح كلو اكلتي بطنك دي فيها برميل جوه ابوي ياكل ليك شنو امي نهرتا شديد انا اللقمه في خشمي طلعتها واستفرغت استفراغ وحالتي كانت صعبه سحر اختي م ريحتني حسيت نفسي هبطتا عديل ونفسي انسدت من بيتنا شيلتا ولدي ومشيت امي سكتني حدي الشارع بس قلت ليها يمه خليني ومشيت لقيت غيث لسه م جا وعلي تعبتي ديك نومتا اظني وما نومتا شكلي جسمي مهبط شديد ولدي ابكي غلبني اقوم اشيلو ولساني تقيل ماعارفه مالي. بقيت اتعوذ واستغفر واصلي علي الرسول واتشجعت قومتا اتوضيت وصليت وخشمي م وقف من الاستغفار حتي حسيت نفسي ارتحت وقومتا علي ولدي شيلتو وبقيت سرحانه وافكر الحاجه الجاتني دي م طبيعيه كانو في زول عمل لي حاجه شكلها سلمي بتاعت مصايب هي لو م بتاعت مصايب تخليني عمياء من تصرفاتها لغايه ما تتزوج راجلي وشكلها والده منو شكلو غيث مشا حكا ليها بي تصرفاتي وتكون عايزه تاني تعمل لي مصيبه انا لازم اكشفها قبل تعمل لي مصيبه تسكتني بقيت افكر انا اعمل شنو لازم افضحها لي زوجها وارسل ليهو القسيمه بس م من رقمي لكن اذا فضحتها احتمال راجلها يتحمق ويقتل غيث لانو الحاجة الحاصله دي م بتدخل العقل بقيت افكر اعمل شنو اواجها هي ولا اواجهه غيث انا متاكده غيث لو واجهتو ح يعملني انا طاشه شبكه وانا الحمل طار لي في راسي قلت ياربي اكلم اخواتي بس خايفه من الشماته وخايفه من سحر اختي تحكي بي البسوا والما بسوا ولو حكيت لي امي وابوي بقعو من طولهم انا ي ربي اعمل شنو هموم الدنيا كلها وقعت في راسي ولدي المفترض ارضعو واضمو علي وانا مطمئنه انا مضايقه وما قادره اضمو علي وهو كانو بحس كل م اكون ضاماهو علي واكون مضايقه لدرجه اني م قادره اتنفس ببكي بكا شديد وبكون اعاين لي في وشي لو بتكلم كان مسح دموعي وطبطب علي
بقيت م قادره اصل لي فهم عشان اكشف بيهو سلمي سرحانه كده جاتني رسايل ورا بعض كتيره قلت اكيد دي سلمي ياها هي العبيطه فتحت الواتساب لقيتو راجلها سلم علي وبسال فيني من راجلي وولدي رديت عليهو قلت ليهو نحنا كويسين الحمد لله سلمي والاولاد كيف قال لي تمام سلمي م معاك لانها قالت لي مع نوسه غلبني ارد عليهو قلت انا اسكت ليها اكتر من كده البت دي ترمي غلطا فيني قلت ليهو لا والله ما جاتنا اخر مره شفتها يوم عيد الميلاد قال لي معقوله انتي بتهظري صاح قلت ليهو اهظر معاك ليه لا م قاعده اهظر سلمي م معاي شويه كده غيث جا اتوقعت سلمي ح تكون رجعت قلت ليهو هسي بتجي سلمي بعد مسافه قال لي سلمي وصلت شكلك انتي كنتي تهظري معاي م رديت عليهو بعد مسافه جاتني رسايل من سلمي مكتوب فيها
لو سمحتي ي نوسه تاني م تتونسي مع راجلي انتي عايزه منو شنو عمليتها واضحه وخلي المقامات محفوظه وعلي فكره زوجي صريح معاي قال لي نوسه بتتواصل معاي ممكن بس تاني م ترسلي ليهو طبعا في مثل بقول ضربني وبكا وسبقني اشتكا بقيت محتاره وبقرا في الرساله وفي الثقه الكاتبه بيها المسجات دي …….يتبع

 

• لقراءة باقي فصول الرواية أضغط على (رواية أسرار خلف الأبواب)