رواية غيث ونوسة – اسرار خلف الأبواب الفصل الثالث 3 بقلم نوسة حمد

رواية غيث ونوسة – اسرار خلف الأبواب الفصل الثالث 3 بقلم نوسة حمد

 

 

البارت الثالث

 

 

#اسرار_خلف_الابواب3
#نوسه_حمد
لمن نزلت من العربيه جنب الباب شايفه صاحبتي الما بتغباني ابوي واقف احاسب في بتاع العربيه وسلمي صحبتي تضحك مع غيث ابوي قال لي دي منو عديمه الولي الواقفه مع راجلك الساعه واحده دي غلبني اتكلم وطبعا ابوي بعرف سلمي صحبتي لانو لعبنا سوا وقرينا سوا سريري كان مع سريرا لمن وصلنا جنبهم غيث انخلع قال ليها سلمي هدي نوسه جات كدي ادخلي جوه ابوي طوالي م سلم عليهم قال ليها ي بت انتي البطلعك زي الوقت دا شنو وهي شغاله تتمتم وتعاين لي في عيوني وانا صاره ليها وشي قالت ليهو بتصل علي نسيبه تلفونا بدخل ماف رد لغايه ما غيث جا وردا علي قال لي انو نوسه تعبانه جيت اشوفها قلت ليها وغيث ما قال ليك انا عند اهلي غيث بقا يتمتم قال لي والله نسيت عديل ابوي قال ليهو البت دي تعبانه زح ليها من الدرب خليها ترتاح وطبعا سلمي م بتحس ودي اكتر حركه بكرها عندها وكنت مستحملاها وحتي لمن الناس ازكروها لي بشاكلهم كنت عميانه كانها عامله لي شي سلمي جايه بي وراي طوالي ابوي عافيه منو قال ليها الوقت اتاخر خليني اوصلك م تدخلي الناس ديل دايرين انومو زمان لمن ابوي كان بحرجها كنت بشاكلو بس هسي ولا سالتو ولا قلت ليهو خليها التدخل وابوي ساقا وفات وانا دخلت وغيث كان متوتر وبقا سابقني علي البيت وبالذات غرفه النوم وهو ما عارف انا ناقشه الفيلم وبقا ماش قدامي ويقول لي ارقدي في الصاله الغرفه المكيف فاتح والولد دا صغير دفرتو قلت ليهو م بتوريني انت انا ارقد وين والمكيف قاعد اكون شغال في راس ولدك مالك ما اعترضتا ولا انت مالك قال لي مالي ماف شي ودخل قدامي وكانت في قزازه زي البنشوفها في الافلام المصريه بتاعت البيره ديك جرا جري شالا قلت ليهو دا شنو قال لي بارد دا قلت ليهو كان م تقول بطني طامه كدي النشرب منو وانا كنت متشوقه اشوف الفي القزازه دا شنو ابا يديني ليها بس قلعتها منو وحاولت اشرب لقيتو حامض لمن انضرست قلت ليهو دا شنو وهو شغال اقول لي نوسه م تشربي وانا مصره اعرف الفي القزازه ياتو نوع من المشروبات بس شكلها دي وسكي 🥃 انا متاكده طوالي شالا مني وجدعها بالبلكونه ما خلاني اقراها وحسيت الغرفه مكركبه وهو شغال يرتب في السرير م عمل حساب انا ممكن اجي وعلي فكره الموقف دا اتكرر علي كتير بكون عند اهلي بلقاها ف البيت وكنت ما خاته اي شي وكنت شايفه انها زي اختو بس انا طلعت مسكينه شديد والورقه فتحت عيوني ويا انا يا هم اقسم بالله اخليهم يتمنو الموت كل دقيقه بكتشف عندي حاجه مافي محلها حتي ملابس نومي استخدمتهن وشكلها متعوده شديد بس انا الكنت عمياء وماسكه دي صحبتي ودي اختي لمن طعنتني في ضهري قلت ليهو غيث سلمي دي لو جات وانا ماف. م تدخلها البيت تمام قال لي والله ما دخلتها ي داب طقت الباب وانا بتكلم معاها انتي جيتي قلت ليهو خليك من يوم الليله في الايام الجايه ما تدخلها بيتي تمام ولو لاقيتا في الشارع م تسلم عليها قال لي مالك بسم الله سلمي دي صاحبتك وبتعرف كل حياتك الصغيره والكبيره قلت ليهو غلطه وما ح تتكررر احتار بقا اعاين لي بس م سالني من حاجه لانو م عارف انا مالي مفتكر انو الحمل خلاني كعبه وما دايره الناس قلت ليهو اي بس انا م عايزه الناس واحترم خصوصيتي وهي زاتا تحترم نفسها وما تضاحك معاك هسي هي بترضا اضحك مع راجلها ولا انت زاتك بترضا اضحك معاهو قال لي واثق منك ما بتعملي كده قلت ليهو لاني متربيه وبت ناس مالافه للساعه واحده قال لي نوسه انتي مالك اللليله كلامك كلو مبهم فهميني حاجه سلمي عملت ليك شنو قلت ليهو سلمي منو البتعمل لي وبعدين انا ضحكها معاك وجع قلبي وبالذات ابوي شافكن وانت عارف ابوي زول دغري وعلمنا نكون دغريين قال لي عارف ي نوسه بس سلمي دي زمان لمن كنت خاطبك مرات بليل مابتردي بتقولي لي سلمي كانت معاي ليش معني هسي وبعدين انا حاسي انك عايزه تعمليها موضوع البت دي انا لا بعرفها ولا من حلتي صحبتك انتي ومن عرستك حارساك عاينت ليهو في عيونو لمن بقا متوتر ودنقر مني قال لي لا انتي الحمل اثر معاك وشديد قلت ليهو بالظبط كده ورقدت ولدي ودخلت المطبخ لقيت فيهو كل م لذ وطاب وفيهو بيتزا 🍕 وغيث بكره البيتزا كان لمن اجيبا لي بجيب لنفسو اي حاجه. قلت ليهو متين بقيت تاكل البيتزا قعد اتمتم وانا عارفه سلمي مجنونه بيتزا زيي قال لي والله كانو معاي شباب اصحابي وجبتا ليهم قعدت اضحك قلت ليهو اكتر انسان ضد فكره انك تدخل صاحب بيتك قال لي دا في وجودك بس انتي ماف قالو لي انزل قلت ليهم م بقدر قال لي بعدين انتي مالك شغاله تتحققي معاي كده في شنو فهميني قلت ليهو لا ماف شي وشيلت باقي البيتزا وقعدت في السرير وبعد كان بطني طامه بس حسيت انو شهيتي انفتحت وبقيت اكل في باقي الاكل وهو قاعد اعاين لي مره يسرح ومره يفتش ليهو في ونسه وانا اقفلو لغايه م زهج مني وشال بطانيتو وطلع بره ودي اول مره يعملا من اتزوجنا وانا قصدت لاني كنت كرهاناهو ما بضمن الشيطان الراكب في راسي احتمال يحرشني اقتلو عديل خليتو طلع قلت ليهو في ستين قال لي شنو قلت ليهو لا م معاك وطلع فات شال مفاتيح الدولاب وتلفونو ورقد في الصاله وانا نهاي النوم م جاني وحسيت بيهو هو كمان م عايز ينوم اتقلب وانا اتقلب بس قلت النعمل نفسي نايمه غمضت عيوني وبقيت م بكركب هو جا فتح الباب براحه وعاين لي عايز يتاكد انو انا نومتا وانا بقيت ممثله اني نومتا لمن بشخر وهو فات بعد مسافه بقيت اتسحب لقيتو اتكلم بالتلفون اظنو معاها قال ليها نوسه دي الليله م طبيعيه وانا نسيت مفتاح الدولاب شاكي انها شافت القسيمه اظنها قالت ليهو لو شافتا م بتسكت قال ليها انتي م بتعرفيها هي النوع اللمن تقفل من حاجه بتسكت وبتعمل الفي راسها اظنها قالت ليهو اتصرف انت عارف وضعي حساس وزوجي لو عرف ممكن اشتكيني وممكن انا وانت نروح فيها قال ليها م تخافي لو حصل اي شي بطلقا هي وزواجنا ح يكون سر اتمغست منو معقوله انا عندك ساهله كده بتضحي بي عشان واحده لافه ومطلوقه والغلط م منك مني انا العملتها صاحبه ودخلتها بيتي بس ي ريت م بتنفع كلمه بطلقا هي شجعتني اني الزم الصمت وانتقم لمن اخليهم يتمنو الموت قال ليها المهم ماتجي البيت تاني نتلاقي في شقتنا لمن اكون بايت في الشغل استغربت هو مرات عندو دوام مسائي كيف يمشي يلاقيها دخلت براحه لانو ولدي بكا مشيت رقدت جنبو وجاني نافش ريشو قال لي الولد دا سكتي انا بكره شغال ما تحموني النوم قلت ليهو الولد ولدك وبراي م بسكتو ورضاعه ما برضعو خليت الولد يبكي بكا وكل بكاهو في قلبي بس انا حلفت قسم ما اخليك مرتاح يوم ياغيث شال الولد وبقا يلولي فيهو والولد م راضي يسكت قال لي امسكي الولد دا قلت ليهو انا حامل والدكتوره منعتني الحركه بكلفك شنو لو نومتو وهو ما متعود ينومو بنومو انا بس انا اتعمدت اني اضايقو ونومتا خليتو ينوم فيهو قلت ليهو من بكره جيب ليهو لبن عشان م ح ارضعو كتير قال لي ليه م ترضعي قلت ليهو الحمل ولا انت نسيت قال لي ياخ انعل يوم الحملتي فيهو انتي يا تسقطي يا تحنضلي علي حياتي كده قلت ليهو منو القال ليك عايزه اسقطو لا والله كانت لحظه شيطان وهسي ولدي الفي بطني دا عوجه م بتجيهو بس انت استعد تربي كريم بقا يقول اوووف وانا مستمتعه ح ادشرو الحياه وح اجننو. قال كريم شنو البربيهو ليه انتي مالك قلت ليهو انا زي م شايف الحمل تاعبني قال لي الحمل تاعبك تمشي اهلك يساعدوك في ولدك قلت ليهو لا م ماشه ي غيث قاعده هنا وتشيل معاي الحمل انت قال لي انتي م فاكره لنفسك والتغيير الحاصل كنتي بتعملي المستحيل عشان انا اخد راحتي وولدك دا يوم واحد م حسيت بي وجودو جايه هسي تقولي لي كمان تربيهو قلت ليهو الماضي شي والحاضر شي تاني قال لي الفرق شنو والجديد شنو قلت ليهو الجديد حملي وانا تعبانه اطلع بكريم بره خليني انوم غيث بقا محتار بعد كنت بفتش لي راحتو بقيت ليهو وجعه كنت مستمتعه من نفسي شديد وانا خليتو م مرتاح كنت مريحاهو الفايده شنو خيانه بي قسيمتا وحلفت اندمو وح اكون اكعب من كده هو النوع البحب النظافه انا كنت قاصه ضهري في الشقه لمن جاني قضروف وقلت تاني م بنظف المهم الولد حلف ابا ينوم ليهو قريب الصبح قال لي قومي شيلي ولدك انا ماش الشغل زمان لمن اقول لي ماش الشغل بقطع نومتي اعمل ليهو العصير وبشيلو الفطور بس المره دي مسكت ولدي علي وقلت ليهو شيل ملابسك والبس بره استغرب فيني قال لي م ح تقومي تعملي لي الشاي والفطور قلت ليهو حاجات الشاي في المطبخ اعملو والفطور التلاجه ملانه شوف عايز شنو وسخنو بزهج قال لي م عايز شي نومي نومي قلت ليهو اصلا بنوم ونومتا نومه ضميت علي ولدي ونومتا مشا الشغل وجا لقاني في مكاني والشقه مقلوبه قلب قال لي ما نظفتي ليه قلت ليهو م بقدر الحمل قال لي انتي اول مره تحملي ما كل مره قاعده تكوني حامل وبتشتغلي قلت ليهو الحمل المره دي مختلف بقا ينفس بي ضلعو وغير ملابسو وجا بقا ينظف في الشقه وهو م متعود داير يموت عديل قال لي قومي اعملي غداء قلت ليهو انا اتوحمت في ريحه البصل قال لي يعني شنو نحنا ح نعيش كيف قلت ليهو اتصرف قال لي يعني تسعه شهور ما ح تعملي اكل ولا ح تنظفي قلت ليهو اي قال لا لا كده كتير ودي بقت م عيشه قلت ليهو انا بجهز ليك في الاعزار بعدين واتزكر اليوم دا كويس قال اعزار شنو واليوم دا مالو قلت ليهو م تسال بس فجاه تلفوني اتصل قلت سلمي دايره شنو كمان مني البت دي انا اتوحمت فيها رديت عليها بي قرف قالت لي بكره عامله عيد ميلاد لي اولادي تعاالي فرقي شويه من الانتي فيهو دا طبعا شكلو غيث كلمها قلت ليها ان شاء الله ما اجي الا انا عايزه امسك لي في خيط عشان اجهجها القسميه عندي منها صوره احتمال تنكرها وتقول مزوراهاو طبعا هي بتجي بيتي لكن نهاي م قاعده امش ليها لانها اصلا م مدياني فرصه وشكل راجلها كيف ما عارفه ح اسوق معاي غيث وح اتعرف علي راجلها واتونس واضحك معاهو لمن غيث يموت وهي تموت ………..يتبع

 

 

• لقراءة باقي فصول الرواية أضغط على (رواية أسرار خلف الأبواب)