رواية تزوجت ملتزمه الفصل الثالث 3 بقلم آمنة الصادق

رواية تزوجت ملتزمه الفصل الثالث 3 بقلم آمنة الصادق

 

 

البارت الثالث

 

#تزوجت ملتزمه✨💗{3}
#للكاتبه آمنه الصادق {ميمشكة ❤️}
يأمن:- 🍁🍁🍁🍁🍁
تم العقد و بين زغاريت و اطلق رصاص و مباركات و انا م كنت عارف نفسي فرحان او لا لانو م كنت متوقع اتزوج وحدة زيها بس القسمه نقول استسلمت للامر الواقع و مشيت ليها دخلت و كنت متمني اشوف عروس ب توب احمر و عاملة ميكب في وشها و طالعه زي القمر احضنها و احصنها و اسوقها من يدها و نطلع برا بس لما دخلت شفت حاجه غير وحدة منقبه غير عيونها مافي شي ظاهر مشت عليها و انا بتثاقل و حضنتها و قلت ليها مبروك م كنت حاسي بيها من جواي بس كانت مجرد كلمه عابرة و مسكتها من يدها عشان نطلع قالو لي ممكن تشوفها قلت ليهم لا لا بشوفها في بيتي و ابتسمت 🙂🙂 لانو كنت عارف لو شفتها هسه ممكن اغير راي و بظلم بت الناس معاي كدا و عشان كدا اكتفيت ب الكلمه دي و البنات عملن حركات كدا و م اشتغلت بيهم ياهو سقتها و مشيت طبعا ياسر شغال لي البنات هنا مزز راحت عليك ي مان قربت اضربو بس احترمت نفسي انا عريس عيب علي المهم بعد تمت العزومه شلت رقمها و هي كمان و رجعت البيت دخلت غرفتي و اتونست لي مع كم وحدة كدا بعرفها اي اي م اتكلمت معاها ولا ناوي اتكلم شلت رقمها بس عشان اجيب ليها اختياجتها و خلاص و عشان الشيله و تجهيزات العرس بس أكيد م عشان اقعد احب فيها لا طبعا ياهو ساهرت ليلي داك مع بناتي اللي بعرفهم و حنك سنين
يقين :- 🍁🍁🍁🍁🍁
ياهو دخل علي و حضني و قال لي مبروك ب برود م اشتغلت بالموضوع كتير و قلت لانو م عارفني ولا قعد معاي عشان كدا بارد معاي و عديت الموضوع و عدينا ليلنا داك انا و ضحي نتونس لحدي م نومنا قمت الصباح وعلي الجامعه لقيت شلت ضحي سلمت عليهم و ادوني هدايا و باركو لي و شكرتهم و مشيت و عرفت كمان من بينهم هدايا اصحابهم الشباب م حبيت احرجهم و ارجعها معاهم قبلتها و قلت ليهم وصلو شكري ليهم و مشيت حضرت محاضراتي كلها و رجعت البيت
#بعد اسبوع 🍁🍁🍁
سميه :- اسمعيني ي بتي
يقين:- نعم ي امي
سميه :- بكرة ان شاء الله لازم تمشي انتي و ضحي و راجلك و اختو تجيبو الشيلة و باقي حاجاتك
يقين :- بس يا امي الاسبوع الجاي عندي امتحانات نهايه السمستر خليها بعد اخلص
سميه :- كلها يوم واحد ي بتي و بعد الامتحانات بيكون الزمن كبس و م بنلحق تاني ي بتي الله يرضي عليك اسمعي كلامي
يقين :- حاضر يمه
شلت التلفون و رسلت ليه و اول مرة اتكلم معاهو من يوم عقدنا
يقين :- الو السلام عليكم
يأمن:- و عليكم السلام
يقين :- كيفك
يأمن:- بخير الحمدلله وانتي
يقين :- الحمدلله والله ناس البيت كيف
يأمن:- كويسين الحمدلله وناس بيتكم
يقين :- بخير والله الحمدلله
يأمن:-👀
يقين :- امي قالت لي انو بكرة ماشين السوق عشان التجهزات و كدا
يأمن:- اااا اي شوفي الزمن اللى بناسبك و بجي اخدك انا و وئام
يقين:- تمام
و انتهي الحوار علي كدا
تاني يوم قمت الصباح و لبست عبايتي و نقابي و شلت شنطتي و طلعت مع ضحي و لقيتو في الحوش سلم علي و ساقني معاهو و مشينا السوق لفينا و اشترينا المستلزمات كلها هو كان بدفع و م فتح خشمو في شي و انا كنت بخجل لما يختارو قميص نوم جنبو بس ركزت هو م بعاين ولا بعلق حتي ارتحت شويه و قلت شكلو خجول هو كمان
{يحليلك ي المسكينه خجولة انتي لو تعرفي بس مسكينه حنيت عليها والله 😅😂 م علينا م تشتغلو بي نكمل 👀 لا خلوني اغني ليكم حبه 🎤 علي فكرة م ح اتم لو م خليتوني اغني 🙃🙂 اغني اغني خلاص خليت الغناء زاتو زحلانه منكم كلكم م دعمتوني فنيا 🙄😏 اااا كترت صااااح اي اي اصلا قاصدة بحاول اتزكر في باقي الاحدث 😁 لانو خرفت م شاء الله علي 😅😁 و في سنه العشرون 🥹💔اخخخ هوي هوي نرجع للقصه اتزكرت خلاص 😁😅 م تنبذوني عارفكم انا}
المهم بعد خلصنا و انا كنت جعانه شديد و خجلت اقول جعانه و حاسه معدتي اتصلقت مع ظهري والله من الجوع بس في اللحظة ديك وئام قالت
وئام :- جعانه انا رايكم شنو ناكل في المطعم بعدين نمشي نشوف اخر مكان و علي البيت لانو فترت و جعت شديد والله م بقدر اكمل
طبعا في اللحظه دي قربت ابوس راسها ياااااخ احلي زولة عديل 😂 المهم مشينا ناكل و بعد الاكل مشينا اخر محل و علي البيت و انا من التعب نمت طوالي م قمت الا الصباح قرايه م قريت 🥹
🍁🍁🍁🍁🍁🍁🍁
#يأمن:-
الفترة م قبل الطلعة م حصل اتكلمت معاها خالص ولا حاولت الا رسلت لي هي وقت ماشين للشيلة و كمان قبليها م كان حاولت ترسل و تسال كنت فاكر ح تهريني بس م عملت كدا و احترمتها صراحه و لا عملت كدا كمان في الفترة اللي بعدها و م كنت بترسل لي عشان تشيل قروش او حاجه بس زوق مني كنت برسل ليها مع امي و أختي وقت يمشو ليها في النهايه البت في زمتي يعني و عيب علي ك راجل م اصرف عليها
#يقين :-🍁🍁🍁
تميت فترت الامتحانات ب سلام و الليله اول يوم لي في الحبسه طبعا م حبيت اتحبس و انا شغالة جامعه لانو م صاح امشي بريحه دخاني الجامعه و الجامعه مليانه رجل دا كم ذنب في رقبتي المهم اسبوع دخان و اسبوع مرطبات طبعا م بعمل كريم و اصلا لوني حلو م بحب اخربو و م محتاجه اصلا لانو لوني فاتح م شديد بس حاجه حلوة و رايقه و مع الدخان و الحمام المغربي ببقي حاجه تانيه +انا زاتو منقبه و م ح يشوفني زول 🙂
يوم العرس 🍁🍁🍁🍁
🍁🍁🍁🍁🍁🍁🍁
يأمن 🍁🍁🍁🍁
طبعا جهزت بيتي و كل شي و رتبت للعرس طبعا هم م عاملين حفلة لانو هي ملتزمة بس انا اصريت اعمل وحدة لي حتي ولو هي مافي و كمان ب اصرار من اصحابي هي عملت كرامه ووزعت منها للخلوة و عزمت الجيران و الاهل و ومشيت سوقتها كان الصباحيه كدا سقتها و علي الكوافير طوالى طبعا لبست زفاف ب نقاب 🙄 م مهم بس عشان الدخلة و كدا لازم تكون معاي في الدخلة شغلو اول شي الف صلاة و سلام عليك ي حبيب الله محمد طبعا عشان الاخت مسلمة و كدا حسيت كانو سعوديين نحن 🙂 م علينا و بعديها فتحو اغنيه لي عشان يرضوني وكدا و بعد دخلنا و باركو لي هي طوالى دخلت البيت و تمينا الحفلة انا و اصحابي و واحد من أصحابي قال لي كان نفسي اشوف زوقك يااااخ بس معرسها لينا نينجه ي مان قلت ليه كدى اشوفها انا اول خلي انت ضحك علي و قال لي اللي مانعك شنو قلت ليه خايف لو شفتها اغير راي انت بتعرف اللى بتنقبو ديل م بكونو حلوين علي قدر كدا يعني ممكن تكون عيون حلوة بس م كلها انت عارف بنات الزمن ديل لو سمحه تخلي خلق الله كلهم يشوفها و لو شينة تلتزم {خليكم مركزين في كلام دا ي رب ح يكون رايو كدا ل قدام ولا لا🤔🙄}. كدي ي مان هسه خلينا من الكلام الكتير دا و خلينا مع الحفلة تمت الحفلة و سقت مرتي علي الشقه و كان الساعه وحدة م كان نفسي امشي شهر عسل بس يلاااا عشان ابين طبيعي علي الناس و كنت ناوي اكلمها من الاول انو م عايزة لي شريكه المهم وصلنا و نزلت من العربيه و دخلت الشقه و انا مشيت اوقف العربية في مكان ونزلت الحاجات و دخلتهم المطبخ وعلي الغرفة اصلا هي وحدة و هناك كانت المفاجئه 😳😳😳😳😳😳😳 انصدمت و اتجمدت في مكاني 😳😳😳😳😳
—-_💞{#العالم كلّه نائم
هيّا لِنهرب!
لا تجلبي شيئاً معكِ
أنا حَقيبة سفركِ

 

وأنتِ تذكرةُ حرّيتي من هَذا العالم 🤎.}—_💞

 

 

• لقراءة باقي فصول الرواية أضغط على (رواية تزوجت ملتزمه)