رواية عوضي الجميل كاملة – عمر ومرام جميع الفصول في مكان واحد | بقلم سارا علي

رواية عوضي الجميل كاملة – عمر ومرام جميع الفصول في مكان واحد | بقلم سارا علي

رواية عوضي الجميل أو رواية عمر و مرام كما هي معروفة هي واحدة من أقوى الروايات الرومانسية التي نُشرت في الأعوام الأخيرة وهي رواية للكاتبة المميزة جدًا والغنية عن التعريف سارا علي والتي نشرت عدد كبير من الروايات المميزة على مدار السنوات الماضية.

اقرأ ايضًا:

• رواية لا تثقي بالرجال كاملة – جميع الفصول في مكان واحد | بقلم زينب سمير

رواية عوضي الجميل الفصل الأول

باجري وانا باعيط ومش شايفة قدامي وفجأة خبطت ف حد بس عيونه الخضره مش غريبة عليا
بدموع:
ـ اسفه مكنتش اقصد
ـ تمام..انتي كويسة
ـ أايوة كويسة
ـ اممم.طب اقدر اساعدك ف حاجه،الوقت متأخر وغلط تكوني لوحدك
ـ متشكرة انا هتصرف
سيبته ومشيت كلامه صح فعلا الوقت متأخر دلوقتي انا لازم ارجع البيت
التفت فجأة لما لقيت حد حاطط ايده ع كتفي
ـ واحدة قمر كدا بتعمل اي لوحدها ف الشارع
ـ لو سمحت سيبني انا عاوزة امشي
غمزلي:
ـ طب تعالي امشي معايا واهو مشي برضو
كان بيقرب مني وفجأة لقيت حد ضربه جامد ف وشه وفضل يضربه،كان نفس الشخص اللي شوفته من شوية،مانكرش اني حسيت بكمية امان رهيبة لما شوفته
بدموع:
ـ لو سمحت سيبه دا هيموت خلاص
بصلي ومسك ايدي بغضب ومشي واللي كان بينضرب جري
ـ ايه اللي مطلعك ف وقت زي دا قولتلك دا غلط
ـ وانا طالعه مخدتش بالي ان الوقت متأخر
ـ وايه اللي يخليكي تطلعي بتعيطي كمان
بصيتله وانا حاسة اني لازم احكيله معرفش ليه بس ارتحت له
اتنهدت وقولت:
ـ مكنش ليا حد غير بابا بعد ما ماما ماتت سابتني وانا صغيرة بس دلوقتي بابا كمان سابني ورجعت وحيدة بس بس عمتي عاوزة تجوزني لابنها لان املاك بابا بقت ليا ودا بحجة انها عاوزة مصلحتي وبتهددني اني لو موافقتش هتجوزني غصب
ضغط ع ايده بقوة لما سمع الكلام دا

ـ متقلقيش انا هحاول اساعدك
ـ متشكرة اوي بجد يا…
ـ عمر
ـ متشكرة يا عمر وانا مرام
فضلنا ماشيين لغاية ما وصلت لبيتي
ـ دا بيتي..شكرا ع مساعدتك ليا
ـ العفو دا واجبي وياريت متطلعيش ف وقت متاخر تاني
ـ حاضر
مشي وانا باصه عليه وحاسة ان في حاجه بتربطني بيه،روحت بيتي ودخلت نمت وانا باحاول اتجاهل تهديد عمتي وافتكر عمر
عدي اسبوعين وانا قاعدة ف البيت وعمتي كانت طول المدة دي بتتصل تهددني ومبقيتش ارد عليها
سمعت حد بيخبط ع الباب وفتحت لقيتها عمتي
ـ يعني مبقتيش تردي عليا ي بنت محمد
ببكاء:
ـ قولتلك انا مش موافقه اتجوزه
مسكتها من ايدها بقوة:
ـ مش هتتجوزي غير يوسف ولو مجيتيش بالادب ف هاخدك غصب
وشدتها معاها لتحت وركبتها العربية وسط بكائها
ـ اجهزي ي مرام المأذون هييجي كمان شوية
وبعد ما المأذون جه وانا استسلمت ورحت مبقتش فارقة معايا..مبعملش حاجة غير ان دموعي نازلة ع وشي

قاطعنا صوت غريب:
ـ الجواز دا مش هيحصل..
بصيت لمصدر الصوت وقلت بصدمة:عمر
نيرة عمتها:عمر ابني!

يتبع…..

رواية عوضي الجميل الفصل الثاني

قاطعنا صوت غريب:
ـ الجواز دا مش هيحصل
بصيت لمصدر الصوت وقلت بصدمة:
ـ عمر
قالت نيرة:
ـ عمر ابن اختي
بصيتلها بعدم استيعاب ان دا عمر اللي كان صديق طفولتي مش بس قريبي…سابني وانا صغيرة وراح عاش برة ومعرفتش حاجه عنه بعدها..
بصيتله بدموع:
ـ ع عمر..
فلاش باك..
ـ عمر بليز مش تثيبني وتمثي
ـ هرجعلك تاني ي مرام وهفضل اطمن عليكي دايما..
مدت ايدها له وقالت:
ـ وعد ومش هتنثاني
ضحكلها ومد ايده:
ـ وعد ي طفلتي
اتقمصت وربعت ايدها بغضب طفولي:
ـ انا مث طفلتك ي عمر انت اللي طفلي بقا ها..
بضحك:
ـ بس انتي عندك اربع سنين وانا اكبر منك بسبع سنين واصلا مهما كبرتي هتفضلي طفلتي..
فكرت وبعدين قالت:
ـ اممم ماشي بس تجيبلي ايث كريم
مسح ع شعرها الناعم بحب:
ـ حاضر ي طفلتي
باااك..

فوقت من شرودي وعمر بيقول:
ـ انا اللي هتجوزها ودلوقتي..
كنت متفاجئه من كلامه مش عارفة افرح انه املي الوحيد من اني متجوزش يوسف اللي باكرهه م اللي عمله فيا ولغاية دلوقتي باحاول اتعافي…ولا ازعل ان حياتي اتقلبت بعد موت بابا ووصلت للي انا فيه داه..
بس حاسة ان كل حاجة هتتغير للاحسن برجوع عمر..
بدون اي تعابير ع وشه:
ـ موافقة تتجوزيني ي مرام
فضلت ساكته شوية وبعدين قلت:
ـ موافقه..
فوقت لما لقيت المأذون بيقول:
بارك الله لكما وبارك عليكما..
مسلمتش من نظرات عمتي اللي كلها غضب وشر..
عمر راح لعمته وقال:
ـ عارف كويس اللي حضرتك كنتي بتعمليه لمرام واوعدك انه ليه تمن..
ـ انت بتهددني..
راح يوسف له وقال بتهديد:
ـ صدقني يا عمر لاندمك ع اللي عملته دا ، وابتسم بشر وكمل: اصلا كلها وقت وتبقي راميها..
وقبل ما يكمل لقي عمر مسكه من هدومه وكان هيضربه لولا ان مرام راحت ومسكته من ايده وقالت بحزن:
ـ عمر لو سمحت بلاش مشاكل هنا..

عمر سابه وقاله
ـ حسابك بعدين يابن خالتي
ونقل نظره لخالته نيرة ومسك ايد مرام وطلعو برة..
_________________.
“ركبت معاه العربية ومحدش اتكلم وانا كنت لسه مصدومه من اللي جري ف اخر فترة ومش قادرة اصدق ان عمر قدامي دلوقتي”..
_________
“وبعد فترة”
ـ انزلي وصلنا
نزلت ولاقيت فيلا شكلها سيمبل وخطفت قلبي بس استغربت من كم الحراسة حواليها…!
_______
“في العربية اللي كانت واقفة بعيد عنهم”
ـ معاه واحدة تقريبا حبيبته ودخلت معاه..
ـ ……
ـ لا الحراسة مشددة هناك
______________
دخلنا وعمر قالي وهو بيشاور ع اوضه:
ـ دي اوضتك تقدري تنامي فيها وانا هنام ف الاوضه اللي جنبها
قولت باستسلام:
ـ تمام

مكنتش حمل اني اناقشه او افتح اي حوار معاه.. بس اللي اعرفه ان عمر دا مش نفسه عمر بتاع زمان..
طلعت للاوضة وكان لازم اغير الفستان اللي لابساه فتحت الدولاب ع امل اني الاقي حاجه واتفاجئت لما لقيت لبس ع استايلي وبيجامات مقاسي.. خدت بيجامه ودخلت الحمام غيرت وفردت شعري وطلعت..
نزلت دمعه مني لما افتكرت بابا اللي وحشني اوي ومر ع موته شهر..
فتحت تليفوني ع صورته وقلت بدموع:
ـ كنت انت اكتر واحد حاميني وحنين عليا ي بابا انا بقيت باعاني من ساعة ما انت مشيت..
وقعدت ع الارض باعيط وانا ضامة رجلي ليا ومحاوطاها بايدي..
___________
“عند نيرة وابنها”
نيرة بشر:
ـ يعني فاكرة انها نفدت كدا..كلها حبة ويرميها من عنده علشان انت اغت * صبتها
بصلها بخبث وقال:
ـ وبكدا هتبقي ليا انا وبس..
___________
خبطت ع الباب ولما لقيته مفتوح ومفيش رد دخلت ولاقيتها قاعدة بتعيط ع الارض..
روحت لها بسرعة:
ـ مرام انتي كويسة
بصتلي بدموع بتحاول تمسحها:
ـ ا ايوة..

بدون مقدمات خدتها ف حضني.. بدئت تعيط بصوت عالي ف حضني وقالت بصوت مبحوح:
ـ بابا وحشني اوي
قولت بهدوء وانا بامسح ع شعرها:
ـ هو ف مكان احسن دلوقتي
ولما حسيت ان انفاسها انتظمت لاقيتها نامت.. شلتها بهدوء وحطيتها ع السرير وغطيتها ولفيت علشان امشي بس وقفني صوتها بتقول بخوف:
ـ ابعد عني ي يوسف سيبني..
قربت منها وحاولت اهديها واطمنها اني جنبها.. وانا بافكر ف كلامها واسم يوسف اللي قالته..
“فضل معاها لغاية ما نام جنبها”..
___________
صحيت الصبح ولقيتني ع السرير وبتلقائية ابتسمت لما عرفت ان عمر شالني..
سمعت صوت خبط ع الباب.. لقيته داخل ولابس بدلة سوده وكان باين قمر اوي بعيونه الخضرة..مكنتش قادرة اشيل عيوني عنه..
ـ احم.. صباح الخير
ـ صباح النور.. انت طالع
ـ ايوة رايح شغلي…
قلت بتلقائيه:
ـ وانت شغال ايه
ـ ضابط مخابرات.. عندي شغل ضروري ولازم اروح.. دا رقمي ولو احتاجتيلي متتردديش تتصلي بس ياريت متطلعيش م البيت خالص..
ـ تمام..شكرا
_______________

“فضلت قاعدة لغاية ما زهقت وكنت عاوزة اخرج بس افتكرت انه قالي مطلعش فاكتفيت اني اطلع واقف ف الجنينة”..
فجأة سمعت صوت طلقات نار و….

يتبع…..

رواية عوضي الجميل الفصل الثالث

فجأة سمعت صوت طلقات نار والحراس بيضربو ناس شبه العصابه..
حسيت برعب كبير وكنت هجري ع جوة بس لقيت حد ورايا وحاطط مسدس ع راسي …
ـ لو حد فكر يقرب يعتبرها ميته..
مسكني من ايدي بقوة ومش عرفت اشيلها منه كان هيمشي بس فجأة سمعت صوت طلقة قريبة مني..بصيت لقيت عمر واقف وموجه المسدس ناحية الشخص اللي جنبي وف لحظه كان الشخص دا واقع ع الأرض…!
جريت علي عمر وحضنته وانا باعيط.. حسيت بالأمان وانا ف حضنه.. اتطمنت ومبقيتش اخاف لما بقيت معاه، وجوده جنبي فيه كمية راحة وأمان رهيبة..
قولت بدموع:
ـ عمر انا خايفة اوعي تسيبني لو سمحت
مسح ع شعري وقال:
ـ خلاص اهدي انا معاكي وكل حاجه هتبقي كويسة..
بعد فترة بص ناحية صاحبه وقال بغضب:

ـ محمد اعرفلي مين الكلب اللي عمل كدا واتجرأ يدخل بيتي..
ـ حاضر
____________________
“وبعد ما محمد صاحبه مشي ودخلنا جوة وعمر قعدني”..
عمر بقلق:
ـ انتي كويسة..
هزيت راسي بـ “آه” وقولت بتوتر:
ـ مين اللي عمل كدا وهيستفاد ايه
اتنهد وقال:
ـ اكيد دا واحد من اعدائي وكان عايز ينتقم مني بانه ياخدك..
ـ اعدائك؟!

ـ اه المُهمات اللي باعملها وبقتل فيها عصابات او بابوظ صفقاتهم بتخليهم يدورو ورايا ع اي حاجة تخصني عشان ينتقمو ..
لقي محمد بيتصل فبص لها وقال بابتسامة صغيرة يطمنها:
ـ انتي لازم ترتاحي شوية..

سابها وطلع ولقي محمد صاحبه بيتصل:
ـ ايوة ي محمد عرفت مين..
ـ ايوة وطلع نفس اللي ف بالنا..
قبض ع ايده بقوة وقال بغضب:
ـ زين السيوفي..
ـ ايوة
ـ استجوب اللي خدته م عصابته وخليه ينطق ع مكانه وجهز قوة علشان هنهجم بالليل..
ـ تمام..
____________________
ضربه ف وشه وقال بغضب:
ـ كلكو اغبياء حتي مهمه زي دي مش عارفين تنفذوها..
قال وهو حاطط وشه ف الأرض:
ـ كنا هنعرف بس الظابط عمر جه ومعاه قوة ومقدناش ناخدها..

قبض ع ايده وقال :
ـ ماشي ي عمر نفدت المرة دي بس صدقني المرة الجايه هدفعك تمن اللي عملته ليا..
_________________

“بالليل كنت قاعده ف الصالون لقيته نازل ولابس تيشرت وبنطلون اسود وخارج”..
ـ عمر انت رايح فين ف الوقت دا..
ـ عندي مهمه..
ـ بس الوقت متأخر..
ـ متقلقيش انا متعود اروح متأخر..
قالت بدموع:
ـ بلاش تروح لو سمحت انت هتبقي ف خطر وانا مش عاوزة اخسرك تاني..
حاوط ايدها بإيده وقال :
ـ مرام انا مقدر خوفك دا بس انا حتي لو حصلي حاجه فدا هيكون قضاء ربنا مش اكتر..
اوعدك اني مش هتأخر ماشي
قولت بحزن :
ـ ماشي..
________________

“دخل عمر المكتب ودخل وراه محمد”
ـ جاهزين..
ـ ايوة جاهزين..
ـ تمام يلا..
“وبعد فترة كانو واقفين متدارين قدام مكان شبه معزول عن الناس وكان العساكر محاوطين المكان”..
عمر لمحمد:
ـ حاول تخلص ع اللي برة بالعساكر اللي معاك وتشتتهم وانا هدخل من الشباك..
ـ بس خطر تدخل لوحدك..
ـ متقلقش انا هادخل من الشباك ولما تخلص تعالي..
___________________
“زين قاعد ومعاه واحد وفجأة لقي الشباك بيتكسر وعمر داخل منه بس اتصدم عمر لما شاف يوسف ابن خالته معاه!”
يوسف بتوتر:
ـ ع عمر..
ـ لأ برافو بجد.. كنت باحسبك واحد زبا*لة بس طلعت اكتر من كدا بكتير..
وبص ناحية زين وقال:

ـ بس عرفت تنقي واحد شبهك ي زين..

نادي زين بتوتر باين ع وشه للحراس اللي بره ودخل اتنين..
خالد ضرب واحد بالمسدس ف رجله والتاني فضل يضرب لغاية ما وقع ع الأرض.. وبص لزين ويوسف اللي كانو هيهربو رمي يوسف بفازة خلته يقع ومسك زين من هدومه وفضل يضربه وقال بحدة:
ـ صدقني هخليك تتمني الموت لو فكرت تلمس شعرة واحده من مرام واللي عملته دا هتدفع تمنه غالي اوي..
ضحك زين بشر وقال:
ـ متخافش انا مش لمستها بس حد تاني لمسها قبلك يا عمر باشا..
بدء عمر يضربة لحد ما وشه ملامحه مبقتش واضحه..
ضحك وقال:
ـ اضربني براحتك يا عمر..بس دا مش هيغير اللي حصل وهتتصدم جدا لما تعرف مين اللي لمسها..
مسك وشه بغضب وقال:
ـ انت فاكرني مجنون عشان اصدق كلامك دا..
ـ دا حتي الشخص دا معانا دلوقتي..

بص عمر لزين اللي كان قاعد ماسك راسه اللي نزفت:
ـ الكلام اللي قاله دا صح..انطق
قال يوسف:
ـ ايوة صح..قولتلك كلها فترة وتعرف حقيقتها..

عمر وقف مصدوم من اللي حصل ولقي ناس كتير داخله من رجالة زين ومتجهين ناحيته فبدأ يضربهم ولقي محمد والعساكر دخلو يحموه.. وزين ويوسف استغلو الفرصه وهربو..
ـ محمد اوعي تخليهم يهربو..
محمد جري وراهم بس عمر لقي واحد عامل مسدس ناحية محمد فـ جري عليه وخد الرصاصة بداله..
______________________

يتبع…..

رواية عوضي الجميل الفصل الرابع

الفصل الرابع من الرواية لا يزال قيد الكتابة، لو حابب تقراه كامل أول ما ينزل انضم لقناتنا على تليجرام.