رواية على حافة الثأر الفصل الثامن 8 بقلم زينب ماجد
رواية على حافة الثأر الفصل الثامن 8 بقلم زينب ماجد
البارت الثامن
رواية على حافة الثأر الحلقة الثامنة
انصدمت بوكفة شوان ع الباب بمثل هيج وقت
بدون ما يدك الباب الخارجي او يفتحه او يصدر صوت .. اندارلي عباس باوعلي ..
كتله : اخذ راحتك عباس .
لزمه شوان وهو يكله : مو قبل لا اعرف شديصير من ورايا
جر ايده عباس : ست اني برا شنحتاجين بس صيحي
– طيب
حجيتها واني اباوع بعيون شوان بخزرة
سحبت الباب ودا اطبكه بوجه شوان ، دفعه وسحبتي من ايدي : اسمعي لچ .. اذا ابالج تمشين المي من جواي غلطانة .. اني شوان الهوى ميعبر من جواي وما اشوفه .
– الوقت متأخر ولازم انام ورايا اجتماع مهم
– حلو من تقلبين المواضيع وتسويفيها لمصلحتج، شعندج ويااااااه بنص هالليل بالبيت وحدكمممممممم
– لتصيح اوكي ، مو طفلة اني دا تصيح عليه .. وشي ميخصك اني اعرف باموري متجي انت تحاسبني عليها افتهمت .
سحبني من ايدي حيل ويكلي : تحبي مو عاجبج .. سوالج كم حركة وجذب بمكانج بعتيهن كداااامه .. احجييي
– عوف اييييدي واحترم نفسك
– بشري وين وصلتي وياه .. دخل غرفتج انطاج اللي تريدي .. احجييي
– احترم نفسك نفسك حيووووان مو اني اللي تحجي ويايا هشكل افتهممممت
سحبت ايدي منه بقوة ، جان يكولي : دا تستشرفيني برااااسي وانت دا تبيعين نفسج مثل مباعتها الكبلج وحبلت من واحد متعرف كرعة ابووووه منيييين
سطرته كف بسرعة .. تفاجئ من ضربته
هجم عليه لزمني من شعري .. كمت اتلاوى وياه واحاول ابعده : ابعد ايدك حيووووان .. شعررررري
– اني تضربيني وعلمود منو ؟ واحد قندرتي اغلى منه .. اني تضربينيييييي
دفعته مني وكتله : اذا ما طلعت هسه اتصل واندمك والله ، اطلع برااااا
– شوفي منو اليندم منو .. اعلمج
طلع من البيت .. وضرب الباب وراه بقوة
حطيت ايدي على حلكي وكمت ابجي .. يعيرني بأختي اللي عايش بخيرنا .. وصل مرحلة بالصلافة يضرب ويغلط ويتجاوز ومحد يرده ! شكد مستقوي عليه لعد ؟
يحسبوني اني اسعد الناس
واني لا اب حقيقي يدور مصلحتي
ولا ام حنونة تحتويني وتلمني ..
ولا شريك يحبني صدك وبدون مصلحة
كمت ابجي بحركة البجي الما بجيته كدامه وبينت ضعفي كدام احد
لزمت الغراض اللي رفعناهم من المي
كمت اشمر واكسر بالبيت وابجي نحيب .. اندكت الباب واني اكسر بالغراض .
انفتحت الباب وعباس فات : ست ست مو هيج مو هيج على كيفج
– ابتعد مني اطلع برااااا
– التكسير ما راح يحل من مشكلتج شي
– ولا راح ينحل شي مدامهم كلهم شايفيني بمصلحة محينحل شي .. مينحل
ابجي بصوت عالي ركض للمطبخ جاب كلاص مي : ست ما اكدر ابقى بالبيت اكثر بس ضروري تهدئين وتخلين كلشي وراج
– تعبت منهم .. كلش تعبت .. اريد اموووت
– حتى هم يعيشووون ؟
– الله يخليك اتركني وحدي واطلع .. امشي
– راح اطلع بس بداعتة عزيز كلبج بداعة ميتينج لا تسوين هيج بنفسج والقران محد بيهم يسوى
هزيت راسي .. واخذت كلاص المي واني اشرله يمشي ..
طلع من عندي .. شربت وشمرته من ايدي بالكاع كسرته .
صعدت لغرفتي فوك ..
فتحت الجرارة .. اخذت حبوب كاتبلياه الدكتور للاكتآب والنوم … اخذت حبايتين وتمددت بفراشي .. جان بارد كلش .. بجيت بجي لحد ما تعبت ونمت بلا ما ادري ..
كعدت على صوت الباب يندك .. سمعته انفتح
و ام غيث دخلت تندهني : خالة حبيبتي ؟ الساعة ٨ ونص متداومين اليوم .. ابوج جوا جاي عليج كومي حبيبتي
رفعت راسي وكمت افرك براسي من الوجع واباوع الها : صباح الخير
– صباح الورد عمري
– منو جاي ويا بابا ؟
– وحده
كعدت من مكاني واني اكولها : راسي كلش ديأذيني
– هسه تتريكين وانطيج علاج وجع راس بس كومي فدوة لوجهج حبيبتي
كمت من مكاني رحت للحمام رتبت نفسي وكملت
نزلت واني كوة اشوف من وجه راسي .. بابا جان كاعد بالمطبخ ديتريگ
– صباح الخير
باوعلي : صباح النور
– خالة كهوتي بسرعة
– دقيقة وتجهز بعيني
دلشاد : شنو صاير فيان !
– شنو اللي مصاير وانت غايب بابا .. شوان مكفى يتجاوز باللفظ صار يضرب ويعيرني باختي ويتمادى بشكل عجيب
– وشنو اللي خلى شوان يوصل لهذه المرحلة !
– شنو اللي خلا !!
انت شايف الحق وياه ودا تسأل عن السبب
– شنو موضوع السايق ؟
– بابا اخر شي ممكن اتوقعه منك تسألني هالسؤال هذا
– ادخلين للبيت وانت لابسه ملابسه صحيييييح ؟
تكولين راح ابات ابيت امي ويلكاكم شوان بالبيت وحدكم بساعة متأخرة من الليل وهو مو خارج يحرس انما داخل للصالة .. هذه التصرفاااات صحيحة يا كبيرة يا عاقلة يا مؤدبة !
– بابا انت مصدق شوان ؟
– اسمع منج يا بنتي .. شوان غلطان تمام فسريلي
– وقت اللي تجادلنا بالحديقة وطلعت بلا ما اخذ ملابس قوية ونزلت ع النهر جانت باردة والرجل انطاني قمصلته .. واني خابرته بالامس وطلبت منه ارجع الساعة ٣ بالليل للبيت ما ارتاحيت ابيت ماما جان المفروض تسألني شنو اللي رجعني من بيت امي بالليل بدل متشك بيه لو كنت فعلاً رايد مصلحتي
بس مدام مصدكه لشوان ومسامحه على تجاوزه وتعدي ..
لا بابا لهنا وكافي .. مستحيل اقبل وراح احطله حد
– شوان غلطان .. امج هم غلطانة يا فيان
– ماما شبيها !؟
– خابرتها وسألتها عن اذا كنتي يمها البارحة وحجتلي انت طلبتي السايق بالليل وطلبت مني ابطل السايق لإن انت عندج شي اتجاهه .. الكل غلطان بتفسير وضعج بس انت الصحيح لو هذا نكران
حجه الكلمة اني عقلي مكان يستوعب شحجه بعدها كتله : لا لحظة بابا ، ماما كلتلك انو اني عندي شي ويا السايق !
– روحي خابريها واتأكدي .
– انتم فعلا خيبة امل ..
كمت من مكاني بسرعة وتجمعت الدموع بعيوني : ثق بالكل وصدكهم ميهمني لكن خلي يكون بعلمكم مراح يصير اللي تردوه ابدا .. ابد
جريت جنطيتي وطلعت من المكان ..
وهو يصيح وراي : فيان ، فيااااان .
اتجاهلته ومشيت .. طلعت السايق احمد يم السيارة ركبت وكتله : اتحرك بدون توقف
– بس ست كاكا ديصيح
– نفذذذذذذ
داس بيها ومشى وتركت ابويه ورايا .. وصلت للدائرة .. صعدت بلا ما اباوع لأي احد الافكار تقرا براسي وبودي اتخلص منهم كلهم .. حجيت بشعوري لأمي وراحت حجت لابويا بسرعة ! اذا امي هيج بمنو بعد اثق واحجي وافضفض .. لمنو اكول اللي احس بيه ومنو يسمعني بلا ميفضحني اذا امي سوت بيه هيج !
ردت ادخل المكتب .. الباب مقفل !
عقدت حاجبي واني اريد اندار .. لكيت هوشيار بمكتب السكرتارية اللي عزلته منه البارحة : شجابك لهنا .. وليش الباب مقفل
– اوامر كاكا دلشاد ست
– هو امر يرجعك لمكانك
– لا ، امر يعين الاستاذ شوان مدير ادارة بمكانج مؤقتاً ..
– يعين شوان مكاني !
– هذه الاوامر ست
بقيت واكفة مصدومة مدا استوعب اللي ديصير !
اختنكت على كمية القهر اللي نزلت على راسي .. انداريت طلعت من الدائرة فوراً .. سبقني احمد للسيارة صحت : انطيني السويج
– ست كاكا دلشاد
– تروح لكاكا دلشاد تشتغل عنده وتسمع اوامرررررررره ، جيب
انطانياه بدون تردد لما عطت اخذته وصعدت كدام الستيرن .. دست بالسيارة حيل .. دموعي تجري ومصدومة من تصرفهم كلهم .. بابا ماما .. هلكد اني رخيصة عدهم !
وكفت كدام المصرف .. نزلت من السيارة بلا ما اقفلها وتوجهت لغرفة الادارة .. تعديت غرفة السكرتير ودخلت على الغرفة اللي بيها اني فوراً
وضربت الباب ورايا .. جان ماعد عده ضابط برتبة لواء ..
مهتميتله وكلتلها : انت شنو من ام .. اكو ام مثلجججججج
– فيان هالشي مو صحيح الاستاذ ناصر موجود
انداريتله: استاذ ممكن تتفضل شوية لو سمحت
– فياااان
– ما مسوحلج تصيحين عليه افتهمتي ومن اليوم وجاي اني لا اعرفج ولا تعرفيني وقت اللي تركتينا وماكو على وفاة اختي سنة ورحت اطلكتي واتزوجتي على كيفج ومفكرتي لا بيه ولا باخوية .. سامحت وكلت من حقها تعيش .. بس كلش مو من حقج تنطين تفصحين باسراري اللي احجيليجاها لكائن من يكووووون .
– اما انت فعلا مو مؤدبة .. اطلعي براااا
– مو مؤدبة لأن الأم اللي جان المفروض تكعد وتربيني عاشت ملتهية بنزواتها ورغباتها لكن يا حسرة .. يا حسرة اسمج ام .
طلعت منها ودموعي تجري ..
رجعت لكيت الحرس يم سيارتي دمخت بيهم وبعدتهم منها ، صعدت ودست بيها ، واني ابجي .. اخذت التليفون واتصلت بعباس .. مغلق !
رجعت خابرت على مخلد كتله : دا اتصل بعباس مدا احصله هو موجود بالدائرة
– لا ست لما حضر الصبح شالوه بقضية تعدي على مدير المالية الاستاذ شوان
– منو اللي شاله !
– القانونية مال الدائرة حولوه للامن
– بيا مركز هو حاليا
انطاني اسم المركز طلعت للمركز كبل ..
فتت معرفوني ونظرات اللي بالمركز مستفزة ، طلبت اشوف الضابط الموجود وعرفت عن مكاني .. بسرعة بلغوه ودخلت .. كتله : يمك موقوف باسم عباس من الحرس الخاص اريده يطلع
– عليه قضية تعدي على مدير ادارة في دائرة حكومية
– وين مكاني بلا زحمة !؟ حققت عرفت وين مكان الحادث مدير مالية في الدائرة واثناء الواجب اما لما يجي هذا المدير ويتعدى على حرمة بيتي ويضربني وتوقف الحارس الخاص مالتي لان دافع عني هذا مو قانون ولا انصاف ولا حتى عدالة وهسه يطلع فوراً
– ست اهدأي اكدر اعتبر كلامج ايضاً تجاوز على ضابط اثناء اداء الواجب
– لما ما يتأدى الواجب صح ما ممكن تحاسبني وتكولي اتجاوزتي بأي حق تعتقلون الحرس الخاص بدون اذنيييي
– ست ترا مصار ساعة من اجيت وما اعرف قضيتة شنو .. راح ادقق بيها وتأمريني امر
– كتلك يطلع وفورا
– دا تأمريني انت لو شنو ؟
– دا انتظر
تنهد وهز ايده ، انداريتله : ليكون معاجبك أستاذ
– هاي الاستاذ وياي !؟
– تتصرف لو اتصرف
– لا شو اتصرفي خل اشوف شلون تأمريني
– طيب
كمت من مكاني .. طلعت برا اتصلت بمدير امن بالوزارة .. كال : دقايق ست والحارس الخاص بيج يطلع .
طلعت برا وكفت .. دقيق مرت .. واجا شرطي كال : اسف ست الحارس راح يطلع ونعتذر من حضرتج ..
انداريتله : وينه !؟
– دقيقة وهو يمج
اخذت نفس ومشيت دخلت للمركز .. فتت لغرفة الضابط الحان موجود كتله : مو من طبعي اكون هجومية او اقلل من اي إنسان مهما كان مكانه او منصبه لكن دا اتعرض لضغوط بالعمل خلتني اطلع عن طور الادب بالتعامل جداً اعتذر من حضرتك .
– ماكو مشكلة ست ، نقدر ضغوطكم
– اكرر اعتذاري منك ، وياريت تقبله واي شي تحتاجه بالدائرة اني حاضرة .
– تسلمين ست على راسي .
طلعت من المركز وكفت كدام سيارتي وانتجيت عليها .. ومهدود حيلي التعب والسعر والقهر كلش واضحات بعيوني .. شفت علاس طلع من باب المركز .. من بعيد شمرتله السويج وانداريت اريد امشي
حجه : جنت متوقع راح تجين ، بس مو بهالسرعة
-عفوا ؟
– المفروض هسه انت بالاجتماع
– الغي .. اصعد
صعد كدام الستيرن واني ورا .. الدموع متجمدة بعيوني
حجه : ست شنو صار !؟
تنهدت : مصار غير بابا عين شوان بمكاني مدير ادارة
– معقولة !!
مجاوبت ، ضل يباوعلي : وشسويتي
– مسويت غير رحت تعاركت وياي ماما
– امج شلها علاقة
– لما احجيلها سري وتروح لابويه تفضح سري وبدل متوكف ويايا تصير ضدي .. اني كلش مخذولة ودا اتمنى اتخلص منهم كلهم .
– تحبين نكعد بمكان ترتاحين
– لا اخذني للبيت .. وارجع للوالدة محتاجتك
– وشراح تسوين
– مو مهم .. بس احتمال مراح اتواجد .. انت لداوم ابقى ويا والدتك .
– وين راح تروحين ؟
– وبشنو راح يفيدك لو كتلك .. عباس انت لا اخوي ولا زوجي ولا اي احد يحقله يحقق ويايا ويحاسبني
– اعتذر بس يهمني اعرف لا اكثر واذا هالشي يضايقج .. مراح احجي
– بشنو يهمك
مجاوب .. بس تنهد ..
انداريت منه وبقيت اباوع بالطريق وصلت البيت .. نزلت واني اتوجه لغرفتي فوراً .. سحبت جنطة السفر من الكنتور .. وصرت اخذ بملابسي واحطها بالجنطة .. اشيل واحط ودموعي بعيني ..
دخلت ام غيث وهي تكولي : ست اكدر احجي وياج بموضوع
مجاوبتها ،
رجعت تحجي : دا تسافرين ؟
-شنو تريدين ام غيث
– عمام نور بطلوها من الجامعة وصارلها اسبوعين ممداومة ورايدتج ادخلين بموضوعها وتحلي
– ام غيث بعدين نحجي ، تعبانة لازم اروح
– وين راح تروحين
– خااااااله
– العفو ست
طلعت من عندي جمعت كل اغراضي .. ونزلت .. اسحب بالجنطة .. وكف عباس كبالي : راح تهربين كالعادة
– وخر من كدامي
– ضعيفة ومهزوزة وبامكانهم يهزوج ببساطة ويخلوج تسوين كلشي يريدوه
– انت شلوووون تحجي ويايا هشكل ابتعد مني
– لما تقدرين نفسج وتثمنينها وتتركين الهرب وتواجهين راح احترمج اكثر وتكبرين بعيني
– عباس وخر
– راح اوخر بس لشكد راح تشردين شهر !؟ سنة روحي سنتين تكدرين تحبين ؟ تكدرين تتزوجين لو تأسسين حياة وانت مرتبطة بأنسان لو راح تبقين معلكة وهاربة وحياتج متوقفة وهم حياتهم مستمرة وعايشين احسن عيشة ومحد متضرر غيرج
باوعت بعيونه ونزلو دموعي : كلهم خذلوني
ماما بابا حتى اخواني تركوني اني وحيدة
– اني وياج عليهم كلهم .. انت بس خليج صامدة واني اخليج تركعينهم كلهم
– مرايدة اركع احد اني رايدة اخلص منهم
– وبخلاصج ذلة الهم لان لما اتطلكين شوان .. راح ينذلون كلهم
– اطلكة !
– طبعا
– شلون !
– لما تقررين راح يصير
– ضرب من المستحيل
– المستحيل يصير لما ما تواجهينه وتشردين
– عباس بابا طردني من مكاني بالدائرة وخلى بمكاني شوان
– لانج كاعد تغلطين بالتصوف وياه بدل ما تواجهينه رحتي ركضتي وبقيتي يم امج ومقبلتي تكعدين وتحجين وياه وتجري لصالحج
– خابرته محاول يسمعني
– تنتظرين فراغه
– وشغله اهم مني !!!
– مو اهم اعتبري اوجب
حجاها ومد ايدي على جنطتي : ممكن ترجعينها وتبطلين خبال ؟
– تهدين وبعدين نحجي؟
– عباس اني كلش تعبانة .. وكارهة الوضع هنا كلش .. ما اكدر ابقى افهمني كلش مختنكة .
– اي زين تعالي وياي معناتها
– وين
– اخذ امي نروح نسويلها زرع
– عباس كلش تعبانة
– لا تتصورين مرتاح حالي من حالج ما نايم الليل ومن الصبح جرجروني واني حالتها صعبة والنفسية جوا الكاع .. امشي
– من كل عقلك .. عباس حابة اروح لاربيل
– علمود تكعدين لوحدج وتتذكرين شكد انت مظلومة بالحياة وتسمعين نور الزين وتلطمين وادكي مناحة وتصبحين خشمج مورم وفوك القهر تصيرين مو حلوة
ابتسمت : هذه رفع معنويات مثلا
همس : احد كايلج ضحكتج مثل النسمة الباردة التمر على ناس محترين .
عقدت حاجبي : ليش
– تمشين
– راح نعقد الموضوع اكثر ويمكن يشكون اكثر
– يشكون بشنو !
– ما اعرف .. امشي مو مهم
– وجنطتج ؟
– اتركها ام غيث تاخذها
– على راحتج بس انطيهم اذن يروحون اذا ممحتاجتهم
– وليش مهتم لأمرهم ؟
– هم خطية بشر
– امشي
ركبت بالسيارة ورا .. وهو كدام باوعلي بالمرايا : جوعانة
– اي بس مالي نفس ولعبانة نفسي
اتصل باخته ، رفعت الخط .. حجه : ها علياء شلونج
امي وين .. ها خليها خطية اكلج اسمعي .. شمسوين غده
مركة باميا منيلنا بامية بالشتا .. مجمدة اي زين احسبي احسابنا لعد .. مسافة الطريق ونوصل .
سد الخط وباوعلي : وهاي الج اطيب باميا بعد شتردين
– عباس احس ما مستعدة اشوف احد محتاجة اختلي روحي
– اكلج ست صار عمر تختلين بروحج ومحد يمج وحواليج شنو اللي سويتي ؟ كدرتي تحلين شي غير ان تطفين
– اطفى !
– طبعا اليباوعج مثل الشمعة الصارلها عمر تشتعل وتحترك لحد ما ذاب بيها كلشي حلو وطفت .
سكتت .. بعدها حجيت : وشنو تكدر تسويلي ؟
– ترفعين دعوى على شوان بالاعتداء على بيتج والضرب وتطلبين اعتقاله فورا
– من كل عقلك اني اسوي هيج
– ورقعة رفع ضغط واعلان تمرد مو لغاية شي
– وشلون اكدر اسوي هشكل
– كوليله بوية اني جنت اعتبرك سند وراح تحاسب اللي يضربني ويتعدى عليه واشد ظهري بيك بس يا للاسف طلعت انت تصف وياه .. اني ما ردت اصير ضدك وقبلت بكلشي انت اريده ووافقت بس مال انضرب وتسكت لا وتعاقبني ما ممكن اقبل .
-وشراح يسوي؟
-انت تعرفينه اذا سويتي هيج شراح يسوي
-اكيد راح يغضب مني هواية بس ما اعرف شنو ردة فعله .. ما سبق وجربت اتمرد عليه دا اعرف .
-معناها جربي واعرفي رده
سكتت وساق لبيت اهله .. نزلنا استقبلوني وخجلوني بكرمهم .. كملنا غده وهو اخذ امه وصعدها بالصدر واني دا اصعد ليورا ، جان تطلع وحدة تكللها : خية شني صايرين كله سيارات وتلعبون بالفلوس لعب طايحيلكم بكنز دلونا
– خية بدل جلمة البالعافية اتحاجيني هجي لاهي سيارتنا ولا لاعبين بالفلوس لعب منيلكم هالحجي
– جا منيلج هالسيارة الياخذج ويجيبج بيها اعبيس
– مالت الشغل لا والحظ اي والله
ضحكت وياها وكالتلها : خايبة اتقشمر وياج شبيج كلشي تاخذينه صدك
سلمت على عباس ومشت ، حجيت : المرة اقاربكم
عباس : جارتنا
– عجيب تحجي بهالميانة وهي جارتكم فقط
– شوفي احنا هنا ماعدنا غريب الجار اهل نتعارك ونتصاحب وناكل ونشرب .. هيج طبعنا
– هممم .. زين
اخذ السيارة ومشى ..
اتصل بيه بابا .. حجيت : بابا ديدك
– جاوبي بس لتحسسي ضايجة او مزوعجة كليله اشكرك على قرارك اللي قريته اليوم ريحتني من المسؤلية اكدر اسافر هسه واشوف حياتي بلا ما اشغل راسي
– حيصير عصبي
– يصير
حجت امه : يمه انت ليش تحرض بالبت على اهلها .
اشرلها تسكت .. رديت : الو
– فيان وين انت
– طالعة ويا صديقتي بابا
– وقت صديقتج !!!
– دا اودعها قبل لا اسافر ، صدك شكرا على قرار الإقالة من المكان صار بأمكاني اتحرر واسافر اعيش وابني حياتي براحتي بدون مسؤليات
– تسافريييين شنو لج انت ليش تريدين تجلطيييييني
– اسفة بابا مدا احاول اسوي شي يغضبك اني حاولت ارضيك بكل صورة لكن انت اللي قررت تبعدني ومدام شفت شوان يليق بالمكان افضل مني اكيد ما راح اعترض وراح احترم قرارك واللي اترجاه ايضا تحترم قراري
– متصورة على كيفج تسافرين وعلى كيفج تطلعييين ؟ ارجعي الان فووووورا
– تمام بابا من نرجع نحجي
– انت وووووين
– باي
سديت الخط
حجيت : مقبل وصار يصيح وعصبي
– اي زين ابقي بهدوءج
– وتالي
– اصري ع الانفصال
امه دا تباوع باستغراب وندسته باوعلها مفهمت شديصير بينهم .. وصلها للمكان ودخلها للمستشفى واني كعدت طلبت كابتشينو وكعدت اشرب .. اجا هو وكعد مقابيلي : لعد ماما وين
– يا ماما ؟
– امك
ضحك : ماما .. ماما كاعدة ويا النسوان تثرد حجي
ابتسمت : انت غريب
-اني ! اي هم حقج
-تضحكني باكثر اوقات اني اكون بيها مستاءة وتعيسة
-مستاءة يا حبيبي مستاءة والغربة فراءه فين عيونك فين المن هاي الاغنية
ابتسمت : انت مجنون رسمي
-خب يا مستاءة يا تعيسة دعيشي عمي
-واعيش شلون
-تحسسيني الطرق كلها مسدودة بوجخج وانت لو كامت كيامتج شرفنص جبير جبيرهم ما يكدرلج دكعدي عمي
– شرنفص شنو
– يعني وحدة ههو ههو
-يااا الههو ههو شنو عباس
ضحك : ههههههه اتشاقة وياج شرنفص يعني وكحة محد يكدرلها
-واني وكحة
– على السويتي اليوم بالضابط وخليتي يجر بوش وهو رتبته على متنة عمي يا وكحة دكعدي
– اي يستحق لتسويفه وعدم مهنيته انت اتعديت على شخص من ضمن المطلوب منك بواجبك واللي هو الدفاع عني .. بمكان عملك مو بمكان عمله لشوان حتى يكون سيد عليك ويعتبر تعدي ! تعديه كان خارج الدائرة وبهيج لازم هو اليتحاكم مو غيره ..
– شددد وتكول مو شرفنص
– عباس
– اسف
حجاها وهو يسحب طرف الجكارة ويحطها بين شفافه .. ربسرعة سحبها : العفو بس تسمحين بالجكارة
– هو انت بقيت بيها عفو !
ضحك وغمزلي رفعت حواجبي مستغربة !!
ابتسمت ورفعت الكابتشينو وكتله : تصدك بنفسي انام نومة طويلة ما اكعد كلش نعسانة
-نخلص واوصلج للبيت اقفلي كلشي ونامي ، واذا تحبين ابقى يمج من عيوني تأمريني
– يمي !
– قصدي احرس البيت
حجاها وهو يبعد الأبتسامة ويسحب بالجكارة وصاح للولد كاله : استكان جاي
– عباس
– امري
– ليش دا تتواصل ويا نور
عقد حاجبه : ويا نور ! قصدج بت ام غيث
– امم
– مو لسبب هيج
– يعني شنو هيج
– اخذت رقمي وكامت تخابرني وتسولف
– هي اخذت رقمي
– حتى مو اني انطيته ماخذته من امها وخابرتني بحجة تطلب غراض للبيت
– وشتريد منك
ابتسم : بشنو يهمج تعرفين !
– لانك انت وياها تشتغلون ابيتي
– وهالشي ضروري اتعرفي
– اذا اسرار بيناتكم وخصوصيات مو مشكلة ..
اني تعبت لازم اروح
لزم ايدي .. ترا نا عندي شي وياها
– ولو عندك اني شنو خصني
– يعني حتى تأمنين بما انو احنا اثنينا نشتغل عندج مثل نا تكولين
– ابيتي مكلت عندي
– نفس الشي ومو مهم المهم هي متهمني
– بس منطيها مجال
عقد حاجبه وباوعلي مستغرب
اتوترت .. شوكت تكمل ماما
– كالت هي ترمشلي
– تعبانة راح اخذ تكسي واروح .
-خليج اني اوصلج
كام وهو يضغط الجكارة المنفضة ..
كام ويايا وطلعنا برا المجمع ، تليفونه ديدك اكثر من مرة وهو يخلي صامت وصوته يرج وميجاوب حجيت : لتخجل مني عادي جاوب اذا جانت نور
ابتسم : انت ليش حاطة نور ابالج ومتصورتنا عدنا شي
– ليش مو نور !
– لا
– لعد ؟
ابتسم : طليقتي
– ها .. رجعت تتواصل وياها
– لا طبعا بس البارحة رحتلهم
– عادي تروحلها
– لا مو عادي بس خابرتني تعال اخذ ابنك مريض اخذته وخابر ابوها على خالي يكله دايس بيتنا وبايك الجهال
– دايس بيتهم ششنو !
– يعني متعدي عليه
– غير هي خابرتك
– هي دا تحاول تثيرلها سالفة حتى بلكت تصيرلها رجعة بس بدون ما تعتذر لو تنزل نفسها كون انجبر اني بيها هيج طبعها بعد
– مفكر ترجعها !
– لا طبعاً
– ليش ؟
– التلدغة الحية يخاف من جرة الحبل
واني جربت العيشة وياها ضنكة متعبة .. شلون تريدين اعيدها .
– واولادك
– شسوي بعد يريدون يعيشون يمي اخليهم على راسهم هي الرادت الطلاك اذا الروحة بكيفها الرجعة مو على كيفها ولا اني الانلوي بجاهل اتكول ما اكدر لتربيتهم اخذهم حالهم حال جهال اختي يربون علياء ما تتعاجز منهم .
– وانت حتبقى بلا زواج
– ممفكر ارتبط لو اتزوج خليني طير حر احسنلي
– ونور
– اييي انت حاسبة نور بالحساب ليش
– مو دا تراسلك وبينكم شي خاص
– يا شي خاص رحمة لاهلج
– انت كلت
– ما بيناتنا شي بنية هي دا تحاول تحتك وتخابر قابل اردها اكو بنية تنرد ؟
– متردون بنية ؟
– ماكو رجال فارغ وخالي يرد بنية تحاول وياه
– فارغ وخالي شنو
– يعني قل ما اكو رجل يرفض بنية تفتحله مجال الا اذا جان متزوج ويخاف على بيته وهم المزوجين اكثريتهم هم ما ينلزمون اما تكليلي يصيرلها نبي ويستعصم بالافلام الهندية ما تصير اذا جان متدين وسبحته بيده يفكر بيها زواج بالسر واذا جان مسربت يسربتها
– ميتزوجها
– ماكو رجال يتزوج وحدة مرخصة نفسها الا اذا جان دثو
– ليش
– هي اللي احتكت بيه لمجرد عجبتها تقنعيني هاي زينة لو ترهم تحط بيتك بيدها !؟
– اذا مو زينة ليش دا تحجي وياها
ابتسم : نروح لو ننتظر الوالدة
– دا تغير الموضوع
– شنو اللي تريدين تعرفي كليلي واتأمرين
– ما اريد .. اريد ارجع للبيت كلش تعبانة
ابتسم وهو يكلي : تأمرين
خابر على اخوه .. وهو يكلي : يلا
– وامك
– راح يجي محمد
– ترجع لهنا
– احتمال .
صعدت ركبت اني وياه وطلعنا للبيت .. وصلت كتله : ارجعلها اني راح ادخل اقفل وانام .
دخلت البيت قفلت كلشي ونمت .. لثاني يوم بااليل تقريبا الساعة ٣ بالليل .. جنت كلش عطشانة وجوعانة .. نزلت للمطبخ .. اخذت مي من البراد دا اشرب گني شفت سيارتي بالكراج
سحبت البردة .. موجودة
فتحت الباب جان الجو كلش بارد .. طلعت من مكاني رحت لغرفة الحرس .. فتحت الباب انفتح مسدود الضوا .. فتحته .. شفت عباس نايم وغاط بنومته .
ضليت اباوع عليه
اني من كل عقلي متعلقة بشخص مثله ودا اتمناه !؟
وليش حتى ما اتمناه ؟ شينقصه .. بس فلوس ! واللي عنده فلوس بشنو احسن منه .. مشفت احد عاملني بهالمسؤلية والاهتمام لا ابو فاوس ولا بدونها .
يا خوفي اني دا امشي على خطوات اختي ودا اضيع نفسي بهالإنسان العربي مثل مكالت امي .
تنهدت وطلعت رجعت للبيت قفلت الباب
شغلت اغنية كردية هادئة … وفتحت الثلاجة جوعانة بس ما اعرف شاكل ما احب الاكل البايت او الباقي بالثلاجة وما اعرف اطبخ ابد .
سويت فنجان كهوة وكصيت كيك وحطيت واخذت كتاب كعدت اقرأ .. صارت الافكار تتراكم عليه .. من يوم دخل عباس بحياتي واني نسيت اختي .. ونسيت اللي كتلوها وخلوها جوا التراب ..
مراح ارتاح اذا ما انتقم من اللي كتلها وعاش حياته
فلا اخلي يرتاح واختي ميتة !
دا افكر .. اندزتلي رسالك ع الخط
باوعتها ( عباس ) فتحتها .. كاتب ( الضوا مفتوح كاعدة ؟ )
كتبتله ( اي كعدت )
– اي زين معناها صباح الخير
ابتسمت ( معناها صباح النور )
مجاوبت بقيت متبسمة ..
كمت من مكاني .. وسحبت البردة .. هو ساد الباب.
انتظرت رسالة ما اعرف ليش او يكوم يطلع او تبدر منه اي حركة غير متوقعه بس مسوا .. رجعت لمكاني وسديت الكتاب مكمت اعرف افكر غير بيه وبتصايحه وتوجيهه .
مرت ساعة ..
دز رسالة .. بسرعة فزيت ع الرنة فتحتها
كاتب ( ست اني ميت من الجوع اكو شي ينكول )
اتصلت .. رد : صباح الخير
تنهد : يا مرحبا وكل الهلا
– جوعان
– كلش
– اني همينه
– معناها سويلنا شي ينوكل
– ما اعرف اسوي !
– اي عاد اسلكيلنا بيض هم ما تعرفيلها
– لحظة تبقى ويايا ع الخط وتعلمني
– اعلمج ع البيض سلك ! ها زين خير ان شاءلله
– لتلغي زايد تلعمني لو تبقى جوعان !؟
ضحك : انعلمج انعل ابو الما يعلمج
ضحكت : طلعت الجدر
– صلاوات اتاكدي لا تطلع طارة ونتخزى
– لا هيانه جدر متأكدة
– عفية
– هسه شنسوي
– برايج بيش ينسلك البيض ؟
– بيش
– بامي
– بامك ! شلون يعني
– بالمي يمعودة من اسمه سلك يعني متلك يعني مي
– ها مي اوكي
هاي حطيته جوا المي كم بيضة
– اني يكفني ٥ وانت
– عزا شدعوى
– ست هن بيضات رحمة لاهلج راح تخسر من فلوسج الف
– مو موضوع فلوس الكمية هواي
– خليهن سبعة لعد
– صدك !!
– لا جذووووب خليهن خمسة
– ليش دا تقلد
– حجيج تحسه نقانق على كولة المثقفين
– نقانق
– اي هذا الصوصجً
– شنو الربط عباس
– يا بويه اني هيج احس
– اوكي حر باحساسك بس كرلي بعد شسوي
– حطي تيزاب
– وبا البيض عزا شلون ميصير
– صدووووك
– لا جديات ينحط تيزاب !
– دشعلي النار هنيال الياخذج شعلي
– على فكرة انت تدري انو اني المديرة مالتك
– صدوووووك
– عباس حفصلك
– هههههههههههه
– شغلت النار .. هسه بعد شنو
– الجاي .. شغلته مثل البيض بس حطي مي وجاي وعوفي ع النار
سويت .. وكتله : شكد احط جاي
– بكيفج
– حطيت خمسة
– دبس هذا مو جاي
– لازم اقل
– لا عادي اول فورتين طفي
– اوكي .. شسويت البارحة
– يعني مثلا
– امك
– ها التحليل كم يوم ويطلع
– مو لازم عملية باسرع وقت
– اي .. بس الله كريم
– محتاج فلوس
– وليش هالسؤال
– يعني في حال احتاجيت
– وادا احتاجيت
– انطيك
– بمناسبة شنو ؟
– مساعدة
– هممم شكرا اني يكفيني اخذ راتبي
– بس دا تسوي امور اكثر من واجبك
– وان .. ما مسويها حتى احصل فلوس مقابيلها
– لعد ليش دا تساعدني
– حتى تسويلي چاي
سكتت .. بس احس خدودي حمرن توترت عركت خجلت ،.
حجه : ست
– همم
– لازم تفسخين خطبتج بأسرع وكت
– ليش
– احسن
– بشنو
– بكلشي حلو تصيرين حرة
– بشنو حيفيدك الموضوع
– كمل البيض
ابتسمت واني اباوع للبيض : لا
– شكلنا راح ننتظر هواي
– لعد خلي افاجئك
– بشنو
– خبز مدا الكىً
– يعني ماكو
– لا
– اروح اجيب الكي افران مفتحة هسه الساعة ٥
– ما اعرف
– لحظة
سده من عندي
انداريت للشباك شفته طلع
اسمراني وشخصيته وملامحه كلش تجذب
تحس اكو معالم رجولة تشع من اوصافه
بكلماته بمواقفه باهتمامه .. حتى ويا اهله شفته هو اللي قائم باخته وامه رغم عنده اكبر منه .
تنهدت وذبيت حسرة ..
راح تقريبا ربع ساعة ورجع .. دك الجام .. فتحت الشباك
حجه : ان شاءالله الجاي والبيض بعدهن عن النار
– اي
– عفية ، عفية بالسلاعية عفية بالمعدلة
– ليش
– دعوفي البيض وغيري الجاي
شلته من ايده جانت حامي نفرته بسرعة تبدى ع الطباخ
حجه : معدلة بووووية هي كوة
– لتبقى تستهزأ افتهمت لو لا
ابتسم : زين هسه بس امسحي
– شأمسح الجاااي
-جا يضل مبدى
-لا اظافري تنصبغ اصفر ام غيث تجي وتنظفه
– وشراح نشرب
-اكو وحدات لبتون ومي حار بالبراد
– الجاي لا ما يتخدر ما يكعد الراس
– اكولك ترا اني مو مرتك وكاعد دا تتامر عليه بمزاجك وتريد تكعد راسك براسي
– هو انت لو مرتي غير امشيج ع الصراط المستقيم ومحمد
عقدت حاجبي : لا وشتسوي بالله
ابتسم : اسف
– لا بالله احجي شتسوي
– جان سويتلج الأكل بيدي ما واكف مثل المسجون من ورا الشباك
ابتسمت وانداريت عنه .. وحجيت : تمام حخاول اغسل القوري واسوي جديد .. اخذت المسكة مال الايد وشمرت القوري جوا المي سويتها خبيصة من الجاي ورجعت ترسته من جديد
انداريت لكينه مركز بيه ..
حجيت : المطبخ صار ثلج من الشباك
-هو انت ثلج الثلج بيش يأثر بيج
– شنو قصدك !؟
– ولا شي
-شكد احط جاي
-اثنين بس
حطيت وخليته ع النار
حجه : ابوج بشنو شاك بيج هو وامج
– انو اني عندي شي وياك
– هم طبيعي كل مرة يشكون
– ابدا مصار مرة وشكوا بيه او عاملوني هشكل
– وتعتقدين ليش شكو
– مفتهمين غلط
– متأكدة ؟
– شتقصد!
/ اللي اقصده اذا مو عادتهم يشكون بيج فشنو اللي خلاهم هالمرة يشكون ويتصرفون هيج .. شنو اللي اتغير بيج حتى وصلهم للشك اللي هم بيه
– ما اعرف روح أسالهم
سكت ومشى .. انداريت معقولة حس اني عندي شي لو شعور اتجاهه .. اني ملازم اتصرف هشكل طبيعي يشكون ما مرة صارت وسايق اتجرا يوكف ويايا بهيج ساعة يضحك ويطلب مني اكل واني مستقبله الموضوع بكل اريحية .
حطيت البيض والجاي بصينية وتركتها بالباب وسديته وسويت لفة صغيرة وطبيت جوة ،. دزلي رسالة ( ششكرا على الريوك بس )
عقدت حاجبي وكتبتله ( شنو بس )
– حسيت نفسي الجلب اللي ويا بزونة وفارة من يحطوله الاكل بالباب
– قصدك توم وجيري
– اي
مجاوبته بس شغل بالي بقيت هواية افكر ..
صعدت كمت ابدل وارتب نفسي لحد ما نزلت الساعة ٧ ونص .. صعدت وياه ورحنا لمحكمة الكرخ .. رفعت دعوى على شوان .. والشاهد عباس باعتداء ع البيت .. وحطيت مكان الدائرة ودفعت فلوس حتى تطلع الدعوى فورا ووكلت محامي يتولى القضية عني ورجعت للبيت وبلغت عباس يروح لبيتهم .
ب١٢ وصلت الدعوى للدائرة
شوان متخبل من جاية دعوى قانونية بحقه .. مبلغ ابويه
وبابا عايف كلشي من ايده واجا ع البيت كبل .. جنت ماعدة وام غيث مسوية غدا .. طب بابا
صاح : فيان ، ويييينج فيان
سمعته واني كاعدة بالمطبخ ..
وام غيث تكوله : هياتها كاكا
– دخا وهو يصيح : ولج وصلت بيج الصلافة تطلعين الساقط مالج و ترفعين دعوى على زوجج واحنا بنص انتخااااابات .. لو احد عرف من منافسيني لو احد سمع بالصار مفكرتي شنو موقفي
– ومفكرت شنو موقفي لما انطرد من مكاني ويتفضل شوان عليه .. ومتحاسبه على تعدي وضربه ! اني جنت معتبرتك سند وانت تدافعلي بس مدام صرت سند لشوان من بعد الله اني استند للقانون وراح ارفع عليه دعوى بحجة ابتزاز حتى اتزوجه وراح استخدم وياه كل الاحرائات اللازمة بحق من اتعدى عليه وطعن بيه واخذ حقي
ضربني راشدي .. حجيت : ضربك مراح يغير من موقفي شي
– لج تتعدين عليه فيااااان ، ترفعين دعاوي واني داخل انتخااااابات
– هالموضوع ماله خص بابا .. كان يفترض انت تحله لكن انت فضلت انعان فشنو غير القانون ينصفني اذا انت ابويه مستدتني او انصفتني
– هسه تروحين تتنازلين عن الدعوووووى فورا
– هسه اغلقت المحاكم وباجر جمعة ووراها سبت .. والصراحة السبت ابالي اطلع للأردن اقدم على فيزا لأيطاليا دا اروح اشوف اخويا وعائلته مشتاقتله
– لو اتعديتي باب البيت راح ادفنج وانت عايشة .. وزواجج من شوان راح يتنفدذ باسرع وقت ..
حجاها وطلع من البيت ..
حجت ام غيث .. خالة ولو تدخل بس ميصير توكفين بوجه ابوج مو صحيح مهما كان وابوج يحبج
– شوفي شغلج خالة
اني صاعدة فوك
صعدت لغرفتي واني افكر اطلع لحد ما الدعوى تخلص ويصير فد اجراء بحق شوان ويتأدب بس اعرف ابويه راح يطلعه من الشعره من العجين وراح يستر عليه ومراح استفاد بكد ما راح انضر .
اتصلت بعباس .. رد
الو ست
– بابا اجا وجان كلش عصبي وهددني يزوجني غصب لشوان لو بقيت
– اي
– دا افكر اطلع هالفترة وابتعد .. شتكول
– ما ادري
– شبيك ..
– ماكو شي
– لا اكو دا احس عندك كلام
– متضايق شوية
– من شنو ؟
– امور بالبيت
– اللي هي
– شغلات تخص حالة امي
– شصار وياها
– تعبت وجبناها للدكتور هسه
– باي عيادة
– لتعبين نفسج
– كولي يا عيادة وبلا كلام
انطاني اسم العيادة كمت لبست وتوجهت الها .. وصلت هناك هو منتظر بالسيارة وعلياء وامه بالعيادة فتت اطمن على امه كامت تشكرني هواية
حجيت ويا علياء : شلونها الحجية اني اعرف هي متدري بحالتها
– والله يا اخيت حالها يقهر بس شسوي لازم عملية باسرع وقت واذا باسرع وقت على حسابنا ..
– اشتروها مو مهم الفلوس المهم الحجية تكوم بخير
– هو لو بدينا يا خية نشتريهاب ارواحنا بس العين بصيرة والايد كصيرة
– شكد عمليتها
– شمدريني والله ب٩ ملايين هالانضرب المسكين على راسه على الله ويابو علي اشتغل وشال روحه طاحت امي وهاي بعد حظنا.
-سهلة المهم صحة الحجية مو مهم الفلوس
– طايح بدينا صحتها يخيه وما اشتريناها
عفتها وطلعت لعبتس كتله : لتنقهر ولتفكر بسالفة فلوس سهلة شكد منكون عمليتها اني راح ادفعها واذا…. قاطعني
-ست مشكورة بس اني ابنها واني اعرف ادبر فلوس عمليتها
– ومن وين دا اجيبهم
– اداين اخذ قرض اخذ فايز احرك روحي اكو*** اطلع فلوس واجيب لشيلين هم
– ليش هاكد عصبي
-ست تعبان والقرآن .. اسف
انتجيت ع السيارة وياه وبقيت اباوع وافكر ..
حجيت : يمكن اللي راح اكوله مو صح بس اذا طلبت منك شي تنفذه
عقد حاجبه :شنو
-استخدمك ولتخاف مراح اخلي شي يضرك
-شلون تستخدميني
– عندي فكرة براسي واذا وافقت راح اجبر بابا وشوان واوكف بوجههم
-شلون
-نتزوج بعقد محكمة
مدا اطلب منك زواج حقيقي فيك
ولو وافقت راح انطيك ثمن هالمهمة وراح ارضيك بس تساعدني باللي افكر بيه ….
يتبع….
- لقراءة باقي فصول الرواية اضغط على (رواية على حافة الثأر)
لو عاوز تقرأ الفصول الجديدة من الرواية دي بشكل حصري قبل صدورها
أنضم لقناتنا على تليجرام (من هنا)